„ნავსადგურის წესების დამტკიცების შესახებ“ საქართველოს ეკონომიკისა და მდგრადი განვითარების სამინისტროს სსიპ - საზღვაო ტრანსპორტის სააგენტოს დირექტორის 2022 წლის 25 ივლისის №24 ბრძანებაში ცვლილების შეტანის შესახებ

ა) წესის პირველი მუხლის მე-5 პუნქტი ჩამოყალიბდეს შემდეგი რედაქციით:

„5. გემთმფლობელი/გემის კაპიტანი/ლოცმანი ვალდებულია ნავსადგურის აკვატორიაში ნაოსნობისას, გარე რეიდზე ან დატვირთვა/გადმოტვირთვის ოპერაციების დროს, გემთან დაკავშირებული საზღვაო ინციდენტის შესახებ ინფორმაცია დაუყოვნებლივ აცნობოს ნავსადგურის კაპიტანს, რომელიც თავის მხრივ დაუყოვნებლივ აცნობებს სააგენტოსა და სატრანსპორტო უსაფრთხოების მოკვლევის ბიუროს.“.

ბ) წესის 65-ე მუხლს დაემატოს შემდეგი შინაარსის მე-13 პუნქტი:

„13. სანავსადგურო ერთეულმა უზრუნველყოს სანავსადგურო ერთეულის ტერიტორიაზე მოძრავი ყველა სატრანსპორტო საშუალების, გარდა საზღვაო სახაზო სატრანსპორტო საშუალებებზე (ბორანი და სხვა) დასატვირთი ან ჩამოსატვირთი ავტოტრანსპორტისა (მათ შორის, გემბანის ტვირთი), ყვითელი/ნარინჯისფერი ციმციმა სიგნალით აღჭურვა.“.