„ქალაქ რუსთავის მუნიციპალიტეტის ქალაქთმშენებლობითი დოკუმენტაციის – გენერალური გეგმისა და განაშენიანების გეგმის დამტკიცების თაობაზე“ ქალაქ რუსთავის მუნიციპალიტეტის საკრებულოს 2019 წლის 29 ნოემბრის №154 დადგენილებაში ცვლილების შეტანის თაობაზე

1. ქალაქ რუსთავის მუნიციპალიტეტის განაშენიანების გეგმის განაშენიანების მართვის რეგლამენტის (დანართი 3) მე-4 მუხლის  მე-2 და მე-3 პუნქტები ჩამოყალიბდეს შედმეგი რედაქციით:

„2. საშუალო ინტენსივობის საცხოვრებელი ზონა (სზ-3) – საშუალო ინტენსივობის   საცხოვრებელი   ზონა წარმოადგენს საცხოვრებელი ზონის არაერთგვაროვან ქვეზონას, სადაც დასაშვებია საზოგადოებრივი დანიშნულების ობიექტების არსებობა. მშენებლობის ნებადართული სახეობებია:

• ინდივიდუალური საცხოვრებელი სახლი (სადაც უკვე არსებობს ინდივიდუალური საცხოვრებელი სახლების  განაშენიანება);

• საშუალო ინტენსივობის მრავალბინიანი საცხოვრებელი სახლი, რომლის მეორე სართულის იატაკის ნიშნულის სიმაღლე, საზოგადოებრივი სივრცის მხარეს მდებარე მიწისპირა ნიშნულიდან, მინიმუმ შეადგენს 4.8 მ;
• სასტუმრო;
• სარეკრეაციო სივრცეები და მისი ფუნქციონირებისთვის საჭირო შენობა და ნაგებობა; 
• კვებისა და სავაჭრო ობიექტი, რომელიც ემსახურება შესაბამის განაშენიანებას;
• საბაღე და საბოსტნე  მეურნეობისთვის  საჭირო  შენობა-ნაგებობა  (მათ  შორის, ორანჟერეა და სათბური);
• მცირე ზომის სახელოსნო, რომელიც არ არღვევს სამეზობლო თმენის პრინციპებს;
• რელიგიური/საკულტო, კულტურის, სოციალური, ჯანდაცვისა და სასპორტო ობიექტი; 
• სკოლამდელი და სასკოლო აღზრდის დაწესებულება;
• საყოფაცხოვრებო მომსახურების ობიექტი; 
• ადმინისტრაციული ობიექტი;
• ინდივიდუალური სამეურნეო და ტექნიკური დამხმარე ნაგებობა.
• ოფისი;
• ცალკე მდგომი და შენობაში ინტეგრირებული ავტოსადგომი;

საგამონაკლისო წესით შეიძლება ასევე დასაშვები იყოს: 

• მცირე  ზომის  სამეწარმეო  ობიექტი,  რომელიც  არ  არღვევს  სამეზობლო  თმენის  პრინციპებს;
• სავაჭრო ცენტრი

3. მაღალი ინტენსივობის საცხოვრებელი ზონა (სზ-4) – მაღალი ინტენსივობის  საცხოვრებელი  ზონა წარმოადგენს საცხოვრებელი ზონის ერთგვაროვან ქვეზონას, სადაც დომინირებს საცხოვრებელი სახლები. საზოგადოებრივი გზის მიმდებარედ განთავსებული მრავალბინიანი საცხოვრებელი სახლების მიწისპირა სართულები გამოყენებულ უნდა იქნეს კომერციული ან საზოგადოებრივი დანიშნულებით. მშენებლობის ნებადართული სახეობებია:

• მრავალბინიანი საცხოვრებელი სახლები (დომინირებული სახეობა), რომლის მეორე სართულის იატაკის ნიშნულის სიმაღლე, საზოგადოებრივი სივრცის მხარეს მდებარე მიწისპირა ნიშნულიდან, მინიმუმ შეადგენს 4.8 მ-ს;
• სასტუმრო;
• პროფესიული სასწავლებელი;
• სარეკრეაციო სივრცეები და მისი ფუნქციონირებისთვის საჭირო შენობა და ნაგებობა; 
• კვებისა და სავაჭრო ობიექტი, რომელიც ემსახურება შესაბამის განაშენიანებას;
• მცირე ზომის სახელოსნო, რომელიც არ არღვევს სამეზობლო თმენის პრინციპებს;
• რელიგიური/საკულტო, კულტურის, სოციალური, ჯანდაცვისა და სასპორტო ობიექტი; 
• სკოლამდელი და სასკოლო აღზრდის დაწესებულება;
• ოფისი;
• საყოფაცხოვრებო მომსახურების ობიექტი; 
• ადმინისტრაციული ობიექტი;
• ინდივიდუალური სამეურნეო და ტექნიკური დამხმარე ნაგებობა.

საგამონაკლისო წესით შეიძლება ასევე დასაშვები იყოს: 

• სამეწარმეო  ობიექტი, რომელიც არ არღვევს სამეზობლო თმენის პრინციპებს;
• სავაჭრო ცენტრი;
• უმაღლესი სასწავლებელი და პროფესიულ-ტექნიკური სასწავლო დაწესებულება.

2. ქალაქ რუსთავის მუნიციპალიტეტის განაშენიანების გეგმის განაშენიანების მართვის რეგლამენტის (დანართი 3) მე-4 მუხლის მე-4 პუნქტი ჩამოყალიბდეს შემდეგი რედაქციით:

4. განაშენიანების პარამეტრების ცხრილი:

ა) დამხმარე კოშკების, სატელიტური ანტენების თეფშებისა და მსგავსი ნაგებობების/სტრუქტურების სიმაღლეები დასაშვებია აღემატებოდეს ცხრილში მოცემულ მაქსიმალურ სიმაღლეს;

ბ) შენობის შეწევის მანძილებისადმი დამატებითი მოთხოვნები შესაძლებელია განისაზღვროს განაშენიანების დეტალური გეგმით ან მიწის ნაკვეთის სამშენებლოდ გამოყენების პირობებით ძირითადი დებულების შესაბამისად. ცხრილში მითითებული „-“ შეწევის მანძილისადმი მოთხოვნები განეკუთვნება განაშენიანების შეტყუპებულ სახეობას;

გ) 2018 წლის 1 იანვრამდე ფიზიკური და კერძო სამართლის იურიდიულ პირების საკუთრებაში (სარგებლობაში) არსებულ ან/და ასეთი მიწის ნაკვეთების გაერთიანების შედეგად წარმოქმნილ მიწის ნაკვეთ(ებ)ზე კომერციული დანიშნულების შენობა-ნაგებობის განთავსების შემთხვევაში, არ ვრცელდება ცხრილში მოცემული მიწის ნაკვეთის ზომებისადმი დაწესებული მინიმალური მოთხოვნები;

დ) გენერალური გეგმით დადგენილი განაშენიანების დეტალური გეგმის არეალები უნდა განვითარდეს წინამდებარე რეგლამენტით დადენილი პირობების შესაბამისად;

ე) სზ-2 სექტორ 1-ში მიწის ნაკვეთის მინიმალურ ფართობთან დაკავშირებული ცვლილების ამოქმედებამდე ფიზიკური და კერძო სამართლის იურიდიულ პირების საკუთრებაში (სარგებლობაში) არსებულ მიწის ნაკვეთ(ებ)ზე  შენობა-ნაგებობის განთავსების შემთხვევაში, არ ვრცელდება ცხრილში მოცემული სზ-2 სექტორი 1 მიწის ნაკვეთის ზომებისადმი დაწესებული მინიმალური მოთხოვნები.“.

3. ქალაქ რუსთავის მუნიციპალიტეტის განაშენიანების გეგმის   განაშენიანების მართვის რეგლამენტის (დანართი 3) მე-5 მუხლი ჩამოყალიბდეს შემდეგი რედაქციით:

„მუხლი 5. ცენტრის ზონა (შზ-2), საქმიანი ზონა (შზ-3) და კომერციული ზონა (შზ-5)

1. ცენტრის ზონა (შზ-2)- ცენტრის ზონა წარმოადგენს საშუალო ინტენსივობის შერეული ზონის ქვეზონას, სადაც დომინირებს საზოგადოებრივი დანიშნულების ობიექტები. ცენტრის ზონა (შზ-2) იყოფა ორ სექტორად:

ა) სექტორი 1 (შზ-2);

ბ) სექტორი 2 (შზ-2).

სექტორი 1 (შზ-2) ნებარდართული სახეობაა:

• კვების ობიექტები;
• გართობისათვის განკუთვნილი მომსახურების ობიექტები;
• კომერციული-სავაჭრო მომსახურების ობიექტები;
• რელიგიური/საკულტო და სოციალური ობიექტი;
• ადმინისტრაციული ობიექტები;
• ავტოსადგომი;
• ავტოსატრანსპორტო საშუალებების მომსახურების ობიექტი;
• საწყობი;
• საგანმანათლებლო დაწესებულებები.

სექტორი 2 (შზ-2) ნებადართული სახეობებია:

• მრავალფუნქციური შენობა;  (ორი ან მეტი ფუნქციის მქონე შენობა, სადაც რომელიმე ძირითადი ფუნქცია არ აღემატება შენობის საერთო სასარგებლო ფართობის (შემომზღუდავი კონსტრუქციების ფარგლებში) 75 %-ს და რომლის მეორე სართულის იატაკის ნიშნულის სიმაღლე, საზოგადოებრივი სივრცის მხარეს მდებარე მიწისპირა ნიშნულიდან, მინიმუმ შეადგენს 4.8 მ-ს)
• სასტუმრო;
• სარეკრეაციო სივრცეები და მისი ფუნქციონირებისათვის საჭირო შენობა-ნაგებობები
• კვებისა და საოფისე ობიექტები;
• მომსახურების ობიექტები, გარდა ავტოსატრანსპორტო საშუალებების მომსახურების ობიექტებისა;
• ადმინისტრაციული ობიექტები;
• გასართობი დაწესებულებები რომლის დანიშნულება მისი დასაშვებობის საშუალებას იძლევა;
• რელიგიური/საკულტო, კულტურის, სოციალური, ჯანდაცვისა და სასპორტო ობიექტი.

საგამონაკლისო წესით შეიძლება ასევე დასაშვები იყოს:

მრავალბინიანი საცხოვრებელი სახლი, რომლის მეორე სართულის იატაკის ნიშნულის სიმაღლე, საზოგადოებრივი სივრცის მხარეს მდებარე მიწისპირა ნიშნულიდან, მინიმუმ შეადგენს 4.8 მ-ს.

2. საქმიანი ზონა (შზ-3)- საქმიანი ზონა წარმოადგენს მაღალი ინტენსივობის შერეულ საქმიან ქვეზონას, სადაც დომინირებს საზოგადოებრივი დანიშნულების ობიექტები. ნებადართული სახეობებია:

• მრავალფუნქციური შენობა, რომლის მეორე სართულის იატაკის ნიშნულის სიმაღლე, საზოგადოებრივი სივრცის მხარეს მდებარე მიწისპირა ნიშნულიდან, მინიმუმ შეადგენს 4.8 მ (დომინირებულად გამოყოფილია საზოგადოებრივი ფუნქციური დანიშნულება)
• სარეკრეაციო სივრცეები და მისი ფუნქციონირებისათვის საჭირო შენობა-ნაგებობები
• კვებისა და საოფისე ობიექტები;
• მომსახურების ობიექტები;
• სავაჭრო ცენტრი (ავტომობილების, ავტონაწილების, სამშენებლო მასალების, ავეჯის და სხვა);
• სასტუმრო;
• ადმინისტრაციული ობიექტები;
• გასართობი დაწესებულებები რომლის დანიშნულება მისი დასაშვებობის საშუალებას იძლევა;
• სამეწარმეო ობიექტი, რომელიც არ არღვევს სამეზობლო თმენის პრინციპებს.

             საგამონაკლისო წესით შეიძლება ასევე დასაშვები იყოს:

რელიგიური/საკულტო, კულტურის, სოციალური ობიექტები.

3. კომერციული ზონა (შზ-5) – კომერციული  ზონა  წარმოადგენს  ინდუსტრიული  ზონის  ქვეზონას,  სადაც  დომინირებს  კომერციული ობიექტები, რომლებიც გარემოსა და ადამიანის ჯანმრთელობაზე არ ახდენს მავნე ზემოქმედებას. ნებარდართული სახეობაა:

• მრავალფუნქციური შენობა, რომლის მეორე სართულის იატაკის ნიშნულის სიმაღლე, საზოგადოებრივი სივრცის მხარეს მდებარე მიწისპირა ნიშნულიდან, მინიმუმ შეადგენს 4.8 მ (დომინირებულად გამოყოფილია საზოგადოებრივი ფუნქციური დანიშნულება)
• სარეკრეაციო სივრცეები და მისი ფუნქციონირებისათვის საჭირო შენობა-ნაგებობები;
• კვებისა და საოფისე ობიექტები;
• მომსახურების ობიექტები;
• სავაჭრო ცენტრი (მათ შორის მოლი და აგრარული ბაზარი);
• სასტუმრო;
• ადმინისტრაციული ობიექტები;
• გასართობი დაწესებულებები რომლის დანიშნულება მისი დასაშვებობის საშუალებას იძლევა;
• პროფესიული გადამზადების ცენტრი;
• ტექნოლოგიური პარკი;
• საწყობი.

            საგამონაკლისო წესით შეიძლება ასევე დასაშვები იყოს:

• მრავალბინიანი საცხოვრებელი სახლი, ქვეზონაში დასაქმებული პირებისათვის, რომლის მეორე სართულის იატაკის ნიშნულის სიმაღლე, საზოგადოებრივი სივრცის მხარეს მდებარე მიწისპირა ნიშნულიდან, მინიმუმ შეადგენს 4.8 მ-ს;
• რელიგიური/საკულტო, კულტურის, სოციალური, ჯანდაცვისა და სასპორტო ობიექტი.

4. ქალაქ რუსთავის მუნიციპალიტეტის განაშენიანების გეგმის განაშენიანების მართვის რეგლამენტის (დანართი 3) მე-5 მუხლის მე-4 პუნქტი ჩამოყალიბდეს შემდეგი რედაქციით:

4. განაშენიანების პარამეტრების ცხრილი:

ა) დამხმარე კოშკების, სატელიტური ანტენების თეფშებისა და მსგავსი ნაგებობების/სტრუქტურების სიმაღლეები დასაშვებია აღემატებოდეს ცხრილში მოცემულ მაქსიმალურ სიმაღლეს;

ბ) შენობის შეწევის მანძილებისადმი დამატებითი მოთხოვნები შესაძლებელია განისაზღვროს განაშენიანების დეტალური გეგმით ან მიწის ნაკვეთის სამშენებლოდ გამოყენების პირობებით ძირითადი დებულების შესაბამისად. ცხრილში მითითებული „-“ შეწევის მანძილისადმი მოთხოვნები განეკუთვნება განაშენიანების შეტყუპებულ სახეობას;

გ) 2018 წლის 1 იანვრამდე ფიზიკური და კერძო სამართლის იურიდიულ პირების საკუთრებაში (სარგებლობაში) არსებულ ან/და ასეთი მიწის ნაკვეთების გაერთიანების შედეგად წარმოქმნილ მიწის ნაკვეთ(ებ)ზე კომერციული დანიშნულების შენობა-ნაგებობის განთავსების შემთხვევაში, არ ვრცელდება ცხრილში მოცემული მიწის ნაკვეთის ზომებისადმი დაწესებული მინიმალური მოთხოვნები;

დ) გენერალური გეგმით დადგენილი განაშენიანების დეტალური გეგმის არეალები უნდა განვითარდეს წინამდებარე რეგლამენტით დადენილი პირობების შესაბამისად. 

5. ქალაქ რუსთავის მუნიციპალიტეტის განაშენიანების გეგმის განაშენიანების მართვის რეგლამენტს (დანართი 3) დაემატოს შემდეგი შინაარსის მე-14 მუხლი.

„მუხლი 14. ღობე

ქალაქ რუსთავის მუნიციპალიტეტის ტერიტორიაზე ღობის მოწყობა დასაშვებია ინდივიდუალური საცხოვრებელი სახლებისთვის საცხოვრებელი ზონა 2 სექტორ 1-ში, საცხოვრებელი ზონა 2 სექტორ 2-ში და საცხოვრებელ ზონა 3-ში, ასევე, საწარმოო ზონა (იზ-1)-ში, სამრეწველო ზონა (იზ-2)-ში, ასევე ცენტრის ზონა (შზ-2), საქმიანი ზონა (შზ-3) და კომერციული ზონა (შზ-5) ისეთ ობიექტებზე, სადაც დასაბუთებული იქნება ღობის მოწყობის აუცილებლობა.