„საქართველოს ვიზის ბლანკის ფორმის, მისი შევსებისა და სამგზავრო დოკუმენტში დატანის წესის დამტკიცების შესახებ“ საქართველოს საგარეო საქმეთა მინისტრის 2015 წლის 22 იანვრის N01-19 ბრძანებაში ცვლილების შეტანის თაობაზე

„3. თუ საზღვარგარეთ საქართველოს დიპლომატიური წარმომადგენლობა, საკონსულო დაწესებულება, მესამე სახელმწიფოს დიპლომატიურ წარმომადგენლობაში შექმნილი საქართველოს ინტერესთა სექცია (შემდგომში – საკონსულო სამსახური) ან საქართველოს საგარეო საქმეთა სამინისტროს საერთაშორისო სამართლებრივი, საკონსულო და დიასპორის საკითხების დირექტორატის საკონსულო  და დიასპორის საკითხების დეპარტამენტი (შემდგომში – საკონსულო  და დიასპორის საკითხების დეპარტამენტი) უზრუნველყოფილი არ არის ელექტრონულ სისტემაზე წვდომით, როგორც კავშირის არსებობის (ონლაინ), ასევე კავშირის არარსებობის (ოფლაინ) რეჟიმში, ან აღნიშნულ სისტემაზე წვდომა ტექნიკური მიზეზების გამო შეფერხებულია, ხოლო ვიზის გაცემა დაკავშირებულია ობიექტურ აუცილებლობასთან, პერსონალიზაცია შესაძლოა განხორციელდეს ელექტრონული სისტემის გამოყენების გარეშე, ხელით შევსების გზით. ამ შემთხვევაში, პერსონალიზაცია ხდება საქართველოს ვიზის მატერიალური ფორმის სარეგისტრაციო ჟურნალში და სავიზო განაცხადში დაფიქსირებული მონაცემების საფუძველზე ფოტოსურათის გარეშე.“;

„ლ) შენიშვნები – საკონსულო თანამდებობის პირის ან საკონსულო  და დიასპორის საკითხების დეპარტამენტის უფლებამოსილი პირის მიერ საჭიროებისამებრ დამატებით შეტანილი ინფორმაცია.“;

„1. საზღვარგარეთ საქართველოს დიპლომატიური წარმომადგენლობის, საკონსულო დაწესებულების, მესამე სახელმწიფოს დიპლომატიურ წარმომადგენლობაში შექმნილი საქართველოს ინტერესთა სექციისა (შემდგომში – საკონსულო სამსახური) და საქართველოს საგარეო საქმეთა სამინისტროს საერთაშორისო სამართლებრივი, საკონსულო და დიასპორის საკითხების დირექტორატის საკონსულო  და დიასპორის საკითხების დეპარტამენტის (შემდგომში – საკონსულო  და დიასპორის საკითხების დეპარტამენტი) მიერ საქართველოს ვიზის ბლანკების გამოყენება ხდება მათთვის გამოყოფილი დიაპაზონების ფარგლებში, ქრონოლოგიის დაცვით.

2. საკონსულო თანამდებობის პირისათვის/საკონსულო და დიასპორის საკითხების დეპარტამენტის უფლებამოსილი პირისათვის (შემდგომში – უფლებამოსილი პირი) საქართველოს ვიზის ბლანკის გადაცემის ფაქტი რეგისტრირდება, საქართველოს ვიზის ბლანკის აღრიცხვა-ანგარიშგება ხორციელდება და გაცემული საქართველოს ვიზის შესახებ ინფორმაცია აისახება საქართველოს ვიზის ელექტრონულ სარეგისტრაციო ჟურნალებში (დანართები №3ა და № 3ბ) ან საქართველოს ვიზის მატერიალური ფორმის სარეგისტრაციო ჟურნალში (დანართი №3გ).

3. საქართველოს ვიზის ელექტრონული სარეგისტრაციო ჟურნალების წარმოება ხდება საკონსულო საქმიანობის მართვის ელექტრონული სისტემის მეშვეობით (შემდგომში – ელექტრონული სისტემა) საქმისწარმოებისას. საქართველოს ვიზის მატერიალური ფორმის სარეგისტრაციო ჟურნალი გამოიყენება მხოლოდ იმ შემთხვევაში, თუ საკონსულო სამსახური ან საკონსულო  და დიასპორის საკითხების დეპარტამენტი უზრუნველყოფილი არ არის ელექტრონულ სისტემაზე წვდომით, როგორც კავშირის არსებობის (ონლაინ), ასევე კავშირის არარსებობის (ოფლაინ) რეჟიმში, ან აღნიშნულ სისტემაზე წვდომა ტექნიკური მიზეზების გამო შეფერხებულია.“;

„დ) შენიშვნა – საკონსულო სამსახურისთვის/საკონსულო და დიასპორის საკითხების დეპარტამენტი საქართველოს ვიზის ბლანკის გაგზავნის დამადასტურებელი კორესპონდენციის ნომერი, თარიღი და ანგარიშფაქტურის ნომერი, ასევე საკონსულო თანამდებობის პირის სურვილის შემთხვევაში სხვა დამატებითი ინფორმაცია;“;

„მ) აღნიშვნები – საკონსულო თანამდებობის პირის ან საკონსულო  და დიასპორის საკითხების დეპარტამენტის უფლებამოსილი პირის მიერ საჭიროებისამებრ დამატებით შეტანილი ინფორმაცია.“;

„10. საქართველოს საგარეო საქმეთა სამინისტროს იურიდიულ საკითხთა, ადამიანური და ადმინისტრაციული  რესურსების მართვის დირექტორატის ადმინისტრაციული დეპარტამენტი (შემდგომში – ადმინისტრაციული დეპარტამენტი) უზრუნველყოფს საქართველოს ვიზის მატერიალური ფორმის სარეგისტრაციო ჟურნალის დამზადება-გაფორმებას (დანომრვა, თუ ჟურნალი არ არის დანომრილი პოლიგრაფიული წესით, ზონარის გაყრა და ლუქით დამაგრება) და მის მიწოდებას საკონსულო სამსახურისა და საკონსულო და დიასპორის საკითხების დეპარტამენტისთვის, შესაბამისად საკონსულო სამსახურის ხელმძღვანელის ან საკონსულო და დიასპორის საკითხების დეპარტამენტის უფროსის მოთხოვნის შესაბამისად.“;

„16. საქართველოს ვიზის გაუქმებული ბლანკები, გარდა ამ დანართის მე-11 პუნქტის „ვ“ და „ზ“ ქვეპუნქტებით გათვალისწინებულ შემთხვევაში გაუქმებული ბლანკებისა, ინახება საკონსულო სამსახურში/საკონსულო და დიასპორის საკითხების დეპარტამენტში კალენდარული წლის დასრულებამდე, რის შემდეგაც უტილიზაციის უზრუნველყოფისათვის ეგზავნება ადმინისტრაციულ დეპარტამენტს.“;

„19. საკონსულო და დიასპორის საკითხების დეპარტამენტს ამ დანართის მე-11 პუნქტის „ბ“ და „ზ“ ქვეპუნქტების საფუძველზე გაუქმებულ ბლანკებთან დაკავშირებით ინფორმაცია უნდა მიეწოდოს აღნიშნული საფუძვლებით საქართველოს ვიზის ბლანკების გაუქმებისთანავე.“.