,,ახალციხის მუნიციპალიტეტის მერიის განათლების, კულტურისა და სპორტის სამსახურის დებულების დამტკიცების შესახებ” ახალციხის მუნიციპალიტეტის საკრებულოს 2022 წლის 31 მაისის №31 დადგენილებაში ცვლილებების შეტანის თაობაზე

„1. ახალციხის მუნიციპალიტეტის მერიის განათლების, კულტურისა და სპორტის სამსახური (შემდგომში – სამსახური) მერიის პირველადი სტრუქტურული ერთეულია, რომელიც უზრუნველყოფს განათლების, კულტურის, სპორტის,  ქალთა უფლებების დაცვისა და ახალგაზრდულ საქმეთა მუნიციპალური პროგრამების შემუშავებას და მათი განხორციელების უზრუნველყოფას.’’

„ ა) კულტურისა და ქალთა უფლებების დაცვის განყოფილება;’’.

„ა) განათლების, კულტურის, სპორტის, ქალთა უფლებების დაცვის, ახალგაზრდობის და ტურიზმის განვითარების ხელშეწყობის მუნიციპალური პროგრამების შემუშავებასა და განხორციელებას;’’.

„მუხლი 7. კულტურისა და ქალთა უფლებების დაცვის განყოფილება

1. კულტურისა და ქალთა უფლებების დაცვის განყოფილების ფუნქციებია:

ა) კულტურის განვითარების ხელშეწყობის მიზნით, კულტურული პროგრამებისა და  ღონისძიებების დაგეგმვა და განხორციელება;

ბ) სხვადასხვა  მუნიციპალიტეტებთან, კულტურისა და კულტურული მემკვიდრეობის კუთხით, ურთიერთობების განვითარების ხელშეწყობა, კომპეტენციის ფარგლებში;

გ) კულტურის სფეროებში მოღვაწე პირების საქმიანობის პოპულარიზაციის მიზნით სხვადასხვა სახის წამახალისებელი ღონისძიებების ორგანიზება და განხორციელება;

დ) განსაკუთრებული ნიჭის მქონე ახალგაზრდების მატერიალური წახალისება;

ე) სახელოვნებო (სამუსიკო, საგუნდო, სამხატვრო) სკოლების და ახალციხის მუნიციპალიტეტს დაქვემდებარებული, კულტურის სფეროში მომუშავე  ორგანიზაციებთან თანამშრომლობა,  ზედამხედველობა და ერთობლივი პროგრამების განხორციელება;

ვ) ფესტივალების, კონცერტების, გამოფენა-გაყიდვების, ლიტერატურული, მუსიკალური კონკურსების, საქველმოქმედო და სხვა სახის კულტურული ღონისძიებების დაგეგმვა და ორგანიზება;

ზ) თეატრის, კინოს, კლასიკური და საესტრადო მუსიკის, ქორეოგრაფიის, სახვითი, გამოყენებითი ხელოვნებისა და ხალხური ხელოვნების დარგების განვითარებისათვის ხელსაყრელი პირობების შექმნა, ტრადიციების შენარჩუნება, დაცვა და პოპულარიზაცია;

თ) კომპეტენციის ფარგლებში, მუნიციპალიტეტის ტერიტორიაზე არსებული საბიბლიოთეკო სისტემის განვითარების, ლიტერატურული და საგამომცემლო საქმიანობის ხელშეწყობა, ბიბლიოთეკის მატერიალური უზრუნველყოფის ზედამხედველობა, ბიბლიოთეკისათვის მეთოდური დახმარების გაწევა, სხვადასხვა პროგრამების მომზადება და განხორციელება, საბიბლიოთეკო სტანდარტების დაცვა და კონტროლი;

ი) ახალციხის მუნიციპალიტეტში კულტურის განვითარების ხელშეწყობა, კულტურული მემკვიდრეობის დაცვის უზრუნველყოფა, კომპეტენციის ფარგლებში;

კ) კულტურის ობიექტების რეაბილიტაციის, კულტურული მემკვიდრეობის დაცვისა და პრიორიტეტების განსაზღვრის მიზნით წინადადებების მომზადება, პროგრამებისა და გეგმების შემუშავებასა და მათ განხორციელებაში მონაწილეობის მიღება, კომპეტენციის ფარგლებში;

ლ) კულტურული მემკვიდრეობის სფეროში ინფორმაციული და ტექნიკური ხელშეწყობის მიზნით სახელმწიფო ორგანოებთან, საერთაშორისო და კერძო სამართლის იურიდიულ პირებთან თანამშრომლობა;

მ) ისტორიული ნაწილის განაშენიანების, ისტორიული დასახლებების დაცვისა და არქეოლოგიური გათხრების წარმოების პროცესში შესაბამის ორგანოებთან თანამშრომლობა, მოქმედი კანონმდებლობის შესაბამისად;

ნ) გამოვლენილი უძრავი ძეგლის ნიშნის მქონე ობიექტის პერიოდული მონიტორინგი და მისთვის ექსპერტიზის ჩატარების მიზნით შესაბამისი სამინისტროსათვის წინადადების მომზადება;

ო) მუნიციპალიტეტში, ქალთა უფლებების დაცვის ხელშეწყობის მიზნით მუნიციპალური პროგრამებისა და  სხვადასხვა ღონისძიებების დაგეგმვა და განხორციელება;

პ) მუნიციპალიტეტის მოსახლეობის ცნობიერების ამაღლება ქალთა უფლებების დაცვის საკითხებთან მიმართებაში;

ჟ) უფლებამოსილების ფარგლებში, „ქალისა და მამაკაცის თანასწორობის შესახებ’’ საქართველოს კანონით გათვალისწინებული უფლებამოსილების შესრულება;

რ) შშმ პირთა, სოციალურად დაუცველთა, ეთნიკურ უმცირესობათა, ძალადობის მსხვერპლთა და სხვა ჯგუფების საჭიროებების გამოვლენა, შესაბამისი ღონისძიებების დაგეგმვა და განხორციელება და მათ მიერ შექმნილი საზოგადოებრივი გაერთიანებების გაძლიერებისა და განვითარების ხელშეწყობა.“.