„სავალდებულო სერტიფიცირებისადმი დაქვემდებარებული სასოფლო-სამეურნეო კულტურათა ჯიშების თესლისა და სარგავი მასალის ეტიკეტირების წესის დამტკიცების შესახებ“ საქართველოს მთავრობის 2018 წლის 13 ივნისის №336 დადგენილებაში ცვლილების შეტანის თაობაზე

„2¹⁰.  საზეთე და საბოჭკოე კულტურების, ყველა კატეგორიის „საბაზისო თესლისა“ და „სერტიფიცირებული თესლის“ შეფუთვაზე: 

ა) განთავსებული უნდა იყოს ოფიციალურად მინიჭებული ინდივიდუალური სერიული ნომერი, დატანილი უნდა იქნეს ამ წესით დადგენილი ინფორმაცია, რომელიც უნდა დაიბეჭდოს ან დაიშტამპოს ისე, რომ არ იშლებოდეს;

ბ) ნაბეჭდის ან შტამპის განლაგება და ფერი უნდა შეესაბამებოდეს  საქართველოს კანონმდებლობით განსაზღვრულ ეტიკეტის მოდელს;

გ) ამ წესის მე-6 მუხლის 2² პუნქტის „გ“-„დ“ ქვეპუნქტებით გათვალისწინებული ინფორმაცია უნდა დაიბეჭდოს ან დაიშტამპოს მაშინ, როდესაც ნიმუში აღებულია საქართველოს კანონმდებლობის  შესაბამისად და დაბეჭდვა ან დაშტამპვა ხორციელდება ოფიციალურად ან სერტიფიცირების ორგანოს ზედამხედველობით.

2¹¹. სერტიფიცირების ორგანოსთვის მწარმოებლის/რეალიზატორის მიერ უნდა მოხდეს ინფორმაციის მიწოდება გაცემული შეფუთვების რაოდენობისა და  სერიული ნომრების შესახებ, რომელიც ექვემდებარება ზედამხედველობას სერტიფიცირების ორგანოს მიერ, სერტიფიცირების ორგანომ კი უნდა შეინახოს  ჩანაწერები თესლის რაოდენობის, მათ შორის, თითოეულ პარტიაში შეფუთვების რაოდენობისა და შიგთავსის შესახებ, ასევე ამ მუხლის 2¹⁰  პუნქტის „ა“ ქვეპუნქტში მითითებული სერიული ნომრების შესახებ.“.