„ქალაქ თბილისის მუნიციპალიტეტის მერიის მუნიციპალური ინსპექციის დებულების დამტკიცების შესახებ“ ქალაქ თბილისის მუნიციპალიტეტის საკრებულოს 2025 წლის 15 აპრილის №54-30 დადგენილებაში ცვლილების შეტანის შესახებ

ა)  მე-2 მუხლის მე-2 პუნქტის „ე“ ქვეპუნქტი ჩამოყალიბდეს შემდეგი რედაქციით:

„ე) საზოგადოებრივი ადგილებით სარგებლობის თვითნებური შეზღუდვის, მათ შორის, კონსტრუქციების ან/და სამშენებლო მასალების დაყრის ფაქტების გამოვლენა და კონტროლი;“

ბ)  მე-2 მუხლის მე-2 პუნქტს, „კ“ ქვეპუნქტის შემდეგ, დაემატოს „კ¹“ ქვეპუნქტი:

„კ¹) პიროტექნიკური ნაკეთობის გამოყენების/წარმოების/რეალიზაციის ნებართვის ან/და ლიცენზიის გარეშე, ასევე შეძენის, ფლობისა და გამოყენების წესების დარღვევებზე ფაქტების გამოვლენა და კონტროლი;“;

 გ)  მე-3 მუხლის პირველი პუნქტის „გ“ ქვეპუნქტი ჩამოყალიბდეს შემდეგი რედაქციით:

„გ) აწარმოოს კონტროლი მუნიციპალიტეტის ადმინისტრაციულ საზღვრებში არსებული ტერიტორიის იერსახის დამახინჯებაზე, რეკლამის, აბრის, აკუსტიკური ხმაურის, არასათანადო რეკლამის განთავსებაზე (გავრცელებაზე), აზარტული თამაშობის, ტოტალიზატორის, ლოტოს, ბინგოს, აზარტული თამაშობის ორგანიზატორის, ლოტოს ორგანიზატორის და ბინგოს ორგანიზატორის რეკლამის გავრცელებაზე ან/და აბრის განთავსების  დარღვევის ფაქტების გამოვლენაზე, ქალაქ თბილისის მუნიციპალიტეტის ადმინისტრაციულ საზღვრებში სახელმწიფო ან მუნიციპალიტეტის საკუთრებაში არსებული მიწის ნაკვეთების უნებართვოდ  დაკავებაზე (სარგებლობაზე), ამტვერებადი მასალის სველი მეთოდის გარეშე დამუშავებაზე,  მშენებარე კონსტრუქციის ღია სივრცეში ამტვერებადი მასალის შეფუთვის გარეშე განთავსებაზე, ამტვერებადი მასალის ტრანსპორტირების, ბეტონმზიდი მანქანის გადაადგილებისას ამ მანქანიდან ბეტონის გზის სავალ ნაწილზე დაღვრისა და სამშენებლო მოედანზე შეუფუთავი ამტვერებადი მასალის ან/და არასათანადოდ შეფუთული ამტვერებადი მასალის განთავსებაზე, კონსტრუქციების ან/და სამშენებლო მასალების დაყრაზე, პიროტექნიკური ნაკეთობის გამოყენების/წარმოების/რეალიზაციის ნებართვის ან/და ლიცენზიის გარეშე, ასევე შეძენის, ფლობისა და გამოყენების წესების დარღვევებზე, პიროტექნიკური ნაკეთობის გამოყენების, საზოგადოებრივი ადგილებით სარგებლობის შეზღუდვაზე, გარე ვაჭრობაზე, მწვანე ნარგავების დაზიანებაზე ან/და თვითნებური განადგურების ფაქტზე, პლასტიკისა ან/და ბიოდეგრადირებადი პარკების დადგენილი წესით რეალიზაციაზე, მეორეული საბურავების, შავი და ფერადი ლითონების ჯართის, ექსპლუატაციიდან გამოსული სატრანსპორტო საშუალებებისა და მათი ნაწილების, ადვილად აალებადი, ფეთქებადი ან ამტვერებადი მასალის განთავსების წესის ან/და რეალიზაციის წესის დარღვევაზე,  სამშენებლო, სარემონტო და საავარიო სამუშაოების წარმოების წესებსა და ნარჩენებით ქალაქის დანაგვიანებაზე;“

დ)  მე-6 მუხლის მე-5 პუნქტს:

დ.ა) „გ.ვ“ ქვეპუნქტის შემდეგ, დაემატოს შემდეგი შინაარსის „გ.ვ¹“ და „გ.ვ²“ ქვეპუნქტები:

„გ.ვ ¹) ახორციელებს კონტროლს საქართველოს დედაქალაქის ადმინისტრაციულ საზღვრებში პიროტექნიკური ნაწარმის იმპორტის, ექსპორტის, წარმოების ან/და რეალიზაცია ნებართვის/ლიცენზიის გარეშე განხორციელების ფაქტებზე;

„გ.ვ²) ახორციელებს კონტროლს საქართველოს დედაქალაქის ადმინისტრაციულ საზღვრებში პიროტექნიკური ნაწარმის რეალიზაციის, შეძენის, ფლობისა და გამოყენების წესების დარღვევის ფაქტებზე.“;

დ. ბ)  „დ.ბ“ ქვეპუნქტის შემდეგ, დაემატოს შემდეგი შინაარსის „ დ.ბ¹“ ქვეპუნქტი:

„დ.ბ¹) ახორციელებს კონტროლს საქართველოს დედაქალაქის ადმინისტრაციულ საზღვრებში პარკებში, ბაღებში, სკვერებში, გაზონებზე, ეზოებში, სპორტულ მოედნებზე, ავტოსადგომებთან, ბაზრებთან ან სხვა ადგილებში კონსტრუქციების ან/და სამშენებლო მასალების დაყრის ფაქტების გამოვლენასა და შესაბამისი კანონით დადგენილი ღონისძიებების გატარებაზე;“.