„საჯარო სამართლის იურიდიული პირის – სივრცითი და ქალაქთმშენებლობითი განვითარების სააგენტოს მიერ მომსახურების გაწევის სახეების, შესაბამისი საფასურების განაკვეთების, საფასურების გადახდის, მათი გადახდისაგან გათავისუფლებისა და გადახდილი საფასურების დაბრუნების წესის დამტკიცების შესახებ“ საქართველოს მთავრობის 2022 წლის 7 ივნისის №280 დადგენილებაში ცვლილების შეტანის თაობაზე

1. „ბ“ ქვეპუნქტი ჩამოყალიბდეს შემდეგი რედაქციით:

„ბ) ავტონომიური რესპუბლიკების, მულტიმუნიციპალური/მუნიციპალური სივრცის დაგეგმარების გეგმის კონცეფციის ან/და პროექტის  ან/და მისი შემადგენელი ნაწილისთვის დასკვნის მომზადება − ავტონომიური რესპუბლიკების, მულტიმუნიციპალური/მუნიციპალური სივრცის დაგეგმარების გეგმის კონცეფციის ან/და პროექტის ან/და მისი შემადგენელი ნაწილის შემუშავების ღირებულების 4%;“.

2. „დ“ − „ვ“ ქვეპუნქტები ჩამოყალიბდეს შემდეგი რედაქციით:

„დ) ქალაქთმშენებლობითი გეგმების (გარდა საქართველოს სივრცის დაგეგმარების, არქიტექტურული და სამშენებლო საქმიანობის კოდექსის  36-ე მუხლით გათვალისწინებულ ტერიტორიაზე/ზონაში დასამტკიცებელი ქალაქთმშენებლობითი გეგმისა) კონცეფციის ან/და პროექტის ან/და მისი შემადგენელი ნაწილისთვის დასკვნის მომზადება − ქალაქთმშენებლობითი გეგმების კონცეფციის ან/და პროექტის ან/და მისი შემადგენელი ნაწილის შემუშავების  ღირებულების 5%, მაგრამ არანაკლებ 1 500 ლარისა (იმ შემთხვევაში, თუ აღნიშნული თანხა ასეთი გეგმის შემუშავების ღირებულების 10%-ს არ აღემატება);

ე) საქართველოს სივრცის დაგეგმარების, არქიტექტურული და სამშენებლო საქმიანობის კოდექსის 36-ე მუხლით გათვალისწინებულ ტერიტორიაზე/ზონაში ფიზიკური პირებისა და კერძო სამართლის იურიდიული პირების მიერ ინიციირებული განაშენიანების გეგმის/განაშენიანების დეტალური გეგმის კონცეფციის ან/და პროექტის დამტკიცება:

ე.ა) განაშენიანების გეგმის/განაშენიანების დეტალური გეგმის კონცეფციისა და პროექტის დამტკიცება – განაშენიანების გეგმის/განაშენიანების დეტალური გეგმის კონცეფციისა და პროექტის შემუშავების ღირებულების  6%, მაგრამ არანაკლებ 3 000 ლარისა (იმ შემთხვევაში, თუ აღნიშნული თანხა ასეთი გეგმის შემუშავების ღირებულების 10%-ს არ აღემატება);

ე.ბ) განაშენიანების გეგმის/განაშენიანების დეტალური გეგმის კონცეფციის დამტკიცება –  განაშენიანების გეგმის/განაშენიანების დეტალური გეგმის კონცეფციის შემუშავების ღირებულების 6%, მაგრამ არანაკლებ 1 500 ლარისა (იმ შემთხვევაში, თუ აღნიშნული თანხა ასეთი გეგმის შემუშავების ღირებულების 10%-ს არ აღემატება);

ე.გ) განაშენიანების გეგმის/განაშენიანების დეტალური გეგმის  პროექტის დამტკიცება – განაშენიანების გეგმის/განაშენიანების დეტალური გეგმის პროექტის შემუშავების ღირებულების 6%, მაგრამ არანაკლებ 1 500 ლარისა (იმ შემთხვევაში, თუ აღნიშნული თანხა ასეთი გეგმის შემუშავების ღირებულების 10%-ს არ აღემატება);

შენიშვნა: იმ შემთხვევაში, თუ განაშენიანების დეტალური გეგმის დამტკიცება ხორციელდება მხოლოდ გეგმის პროექტის განხილვითა და დამტკიცებით (I სტადიის − კონცეფციის გარეშე), განაშენიანების დეტალური გეგმის პროექტის დამტკიცების მომსახურების საფასური შეადგენს განაშენიანების დეტალური გეგმის პროექტის შემუშავების ღირებულების 6%-ს, მაგრამ არანაკლებ 3 000 ლარისა (იმ შემთხვევაში, თუ აღნიშნული თანხა ასეთი გეგმის შემუშავების ღირებულების 10%-ს არ აღემატება);

ვ) ქალაქთმშენებლობითი  დასკვნის  გაცემა მიწის ნაკვეთის განვითარებასთან დაკავშირებით:

ვ.ა) 1 სამუშაო დღის ვადაში – 1 000 ლარი;

ვ.ბ) 5 სამუშაო დღის ვადაში – 800 ლარი;

ვ.გ) 10 სამუშაო დღის ვადაში – 500 ლარი;

ვ.დ) 1 თვის ვადაში – 200 ლარი.“.

3.  „ვ¹“ ქვეპუნქტი ამოღებულ იქნეს.

4.  „ზ“ ქვეპუნქტი ჩამოყალიბდეს შემდეგი რედაქციით:

„ზ) კერძო ინიციატივის საფუძველზე, განსაკუთრებული რეგულირების ტერიტორიის სტატუსის მინიჭების საკითხის განხილვა და დასკვნის გაცემა − 50,000 ლარი. ამასთანავე, სააგენტო უფლებამოსილია, საჭიროებიდან გამომდინარე, დაინტერესებული პირისგან მოითხოვოს დამატებითი დოკუმენტაციის ან/და კვლევის წარდგენა;“.

5.  „ი“ ქვეპუნქტი ჩამოყალიბდეს შემდეგი რედაქციით:

„ი) თავისუფალ ინდუსტრიულ ზონაში ქალაქთმშენებლობითი გეგმის კონცეფციის ან/და პროექტის შეთანხმება:

ი.ა) ქალაქთმშენებლობითი გეგმის კონცეფციისა და პროექტის შეთანხმება – ქალაქთმშენებლობითი გეგმის კონცეფციისა და პროექტის შემუშავების ღირებულების 8%, მაგრამ არანაკლებ 6 000 ლარისა (იმ შემთხვევაში, თუ აღნიშნული თანხა ასეთი გეგმის შემუშავების ღირებულების 10%-ს არ აღემატება);

ი.ბ) ქალაქთმშენებლობითი გეგმის კონცეფციის შეთანხმება – ქალაქთმშენებლობითი გეგმის კონცეფციის შემუშავების ღირებულების 8%, მაგრამ არანაკლებ 3 000 ლარისა (იმ შემთხვევაში, თუ აღნიშნული თანხა ასეთი გეგმის შემუშავების ღირებულების 10%-ს არ აღემატება);

ი.გ) ქალაქთმშენებლობითი გეგმის პროექტის შეთანხმება –  ქალაქთმშენებლობითი გეგმის პროექტის შემუშავების ღირებულების 8%, მაგრამ არანაკლებ 3 000 ლარისა (იმ შემთხვევაში, თუ აღნიშნული თანხა ასეთი გეგმის შემუშავების ღირებულების 10%-ს არ აღემატება).

შენიშვნა: იმ შემთხვევაში, თუ განაშენიანების დეტალური გეგმის დამტკიცება ხორციელდება მხოლოდ გეგმის პროექტის განხილვითა და დამტკიცებით (I სტადიის − კონცეფციის გარეშე),  განაშენიანების დეტალური გეგმის პროექტის დამტკიცების მომსახურების საფასური შეადგენს განაშენიანების დეტალური გეგმის  პროექტის შემუშავების ღირებულების 8%-ს, მაგრამ არანაკლებ 6 000 ლარისა (იმ შემთხვევაში, თუ აღნიშნული თანხა ასეთი გეგმის შემუშავების ღირებულების 10%-ს არ აღემატება).“.

6. „ო.გ“ ქვეპუნქტი ჩამოყალიბდეს შემდეგი რედაქციით:

„ო.გ) განაშენიანების დეტალური გეგმის პროექტი  –  5 000 ლარი;“.