„ელექტროენერგიის ან ბუნებრივი გაზის (აირის) დატაცების, ასევე სასმელი წყლის უკანონო მოხმარებისა და წყალარინების ქსელით უკანონო სარგებლობისათვის ადმინისტრაციული სახდელის დადებისა და იძულებით აღსრულების წესების დამტკიცების შესახებ“ საქართველოს ენერგეტიკისა და წყალმომარაგების მარეგულირებელი ეროვნული კომისიის 2010 წლის 12 აგვისტოს №14 დადგენილებაში ცვლილების შეტანის შესახებ“ საქართველოს ენერგეტიკისა და წყალმომარაგების მარეგულირებელი ეროვნული კომისიის 2025 წლის 19 ივნისის N10 დადგენილებაში ცვლილების შეტანის შესახებ

„მუხლი 2

1. საქართველოს ადმინისტრაციულ სამართალდარღვევათა კოდექსის 96¹ და 149-ე მუხლებით გათვალისწინებულ სამართალდარღვევებზე ოქმის შედგენის და ადმინისტრაციული სახდელის დადების უფლების მქონე სუბიექტებმა არაუგვიანეს 2025 წლის 31 დეკემბრამდე უზრუნველყონ:

ა) ამ დადგენილების პირველი მუხლის „ა“ ქვეპუნქტით გათვალისწინებული „ელექტროენერგიის ან ბუნებრივი გაზის (აირის) დატაცების, ასევე სასმელი წყლის უკანონო მოხმარებისა და წყალარინების ქსელით უკანონო სარგებლობისათვის ადმინისტრაციული სახდელის დადებისა და იძულებით აღსრულების წესების“ (შემდგომში – წესები) მოთხოვნებთან შესაბამისი ადმინისტრაციული სამართალდარღვევის ოქმების, გაფრთხილების სახით ადმინისტრაციული სახდელის დადების შესახებ დადგენილებების, დაჯარიმების სახით ადმინისტრაციული სახდელის დადების შესახებ დადგენილებებისა და საქმისწარმოების შეწყვეტის შესახებ დადგენილებების ფორმების გამოყენება;

ბ) ამ მუხლის „ა“ ქვეპუნქტით გათვალისწინებული ფორმების შესაბამისად შედგენილი:

ბ.ა) ადმინისტრაციული სამართალდარღვევის ოქმების აღრიცხვა წესების მოთხოვნებთან შესაბამისობაში მყოფ აღრიცხვის ჟურნალში;

ბ.ბ) გაფრთხილების სახით ადმინისტრაციული სახდელის დადების შესახებ დადგენილებების, დაჯარიმების სახით ადმინისტრაციული სახდელის დადების შესახებ დადგენილებებისა და საქმისწარმოების შეწყვეტის შესახებ დადგენილებების აღრიცხვა წესების მოთხოვნებთან შესაბამისობაში მყოფ რეგისტრაციის ჟურნალში.

2. 2025 წლის 31 დეკემბრამდე პერიოდში, საქართველოს ადმინისტრაციულ სამართალდარღვევათა კოდექსის 96¹ და 149-ე მუხლებით გათვალისწინებულ სამართალდარღვევებზე ოქმის შედგენის და ადმინისტრაციული სახდელის დადების უფლების მქონე სუბიექტები უფლებამოსილი არიან წესების მოთხოვნებთან შესაბამისი ადმინისტრაციული სამართალდარღვევის ოქმების, გაფრთხილების სახით ადმინისტრაციული სახდელის დადების შესახებ დადგენილებების, დაჯარიმების სახით ადმინისტრაციული სახდელის დადების შესახებ დადგენილებებისა და საქმისწარმოების შეწყვეტის შესახებ დადგენილებების  ფორმების გამოყენების დაწყებამდე, ადმინისტრაციული სამართალდარღვევის ოქმების, გაფრთხილების სახით ადმინისტრაციული სახდელის დადების შესახებ დადგენილებების, დაჯარიმების სახით ადმინისტრაციული სახდელის დადების შესახებ დადგენილებებისა და საქმისწარმოების შეწყვეტის შესახებ დადგენილებების შედგენა განახორციელონ ამ დადგენილების ამოქმედებამდე არსებული ფორმების დაცვით.“.