დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | „საქართველოს შინაგან საქმეთა სამინისტროს მმართველობის სფეროში მოქმედი საჯარო სამართლის იურიდიული პირების მოსამსახურეთა სოციალური დაცვისა და მატერიალური უზრუნველყოფის განსაზღვრის წესის დამტკიცების შესახებ“ საქართველოს შინაგან საქმეთა მინისტრის 2013 წლის 31 დეკემბრის №998 ბრძანებაში ცვლილების შეტანის თაობაზე | |
|---|---|
| დოკუმენტის ნომერი | 113 |
| დოკუმენტის მიმღები | საქართველოს შინაგან საქმეთა მინისტრი |
| მიღების თარიღი | 25/11/2025 |
| დოკუმენტის ტიპი | საქართველოს მინისტრის ბრძანება |
| გამოქვეყნების წყარო, თარიღი | ვებგვერდი, 25/11/2025 |
| სარეგისტრაციო კოდი | 040030000.22.034.017642 |
|
„საქართველოს შინაგან საქმეთა სამინისტროს მმართველობის სფეროში მოქმედი საჯარო სამართლის იურიდიული პირების მოსამსახურეთა სოციალური დაცვისა და მატერიალური უზრუნველყოფის განსაზღვრის წესის დამტკიცების შესახებ“ საქართველოს შინაგან საქმეთა მინისტრის 2013 წლის 31 დეკემბრის №998 ბრძანებაში ცვლილების შეტანის თაობაზე
|
„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის, 24-ე მუხლის პირველი პუნქტისა და „საქართველოს შინაგან საქმეთა სამინისტროს დებულების დამტკიცების შესახებ“ საქართველოს მთავრობის 2013 წლის 13 დეკემბრის №337 დადგენილებით დამტკიცებული დებულების მე-5 მუხლის მე-2 პუნქტის „ა“ და „ნ“ ქვეპუნქტების საფუძველზე, ვბრძანებ:
|
| მუხლი 1 |
„საქართველოს შინაგან საქმეთა სამინისტროს მმართველობის სფეროში მოქმედი საჯარო სამართლის იურიდიული პირების მოსამსახურეთა სოციალური დაცვისა და მატერიალური უზრუნველყოფის განსაზღვრის წესის დამტკიცების შესახებ“ საქართველოს შინაგან საქმეთა მინისტრის 2013 წლის 31 დეკემბრის №998 ბრძანებაში (www.matsne.gov.ge, 31/12/2013, 040030000.22.034.016249) შეტანილ იქნეს ცვლილება და ბრძანებით დამტკიცებული წესის №1 დანართი ჩამოყალიბდეს თანდართული რედაქციით.
|
| მუხლი 2 |
ეს ბრძანება ამოქმედდეს გამოქვეყნებისთანავე და გავრცელდეს 2025 წლის 1 ნოემბრიდან წარმოშობილ სამართლებრივ ურთიერთობებზე.
|
|
დანართი №1
|
სსიპ − დაცვის პოლიციის დეპარტამენტის არასაბიუჯეტო დაფინანსებაზე მყოფი ქვედანაყოფების მოსამსახურეთა სახელფასო დანამატი
|
1. სსიპ – დაცვის პოლიციის დეპარტამენტის არასაბიუჯეტო დაფინანსებაზე მყოფი ქვედანაყოფის მოსამსახურის (შემდგომ – მოსამსახურე) სამუშაო ცვლიდან თავისუფალ დროს დამატებითი სამუშაოს შესრულებისთვის სახელფასო დანამატი გაიცემა შემდეგი წესით:
ა) სრული სამუშაო ცვლის შესრულებისას სახელფასო დანამატის საერთო თანხა განისაზღვრება მოსამსახურის ყოველ სრულ სამუშაო ცვლაზე დაანგარიშებული, არსებული თანამდებობრივი სარგოს 80 პროცენტის ოდენობით; ბ) არასრული სამუშაო ცვლის შესრულებისას სახელფასო დანამატი განისაზღვრება საათობრივად, ამ პუნქტის „ა“ქვეპუნქტის გათვალისწინებით. 2. სსიპ − დაცვის პოლიციის დეპარტამენტის მოძრავი ტვირთების, ფულადი სახსრებისა და სხვა ფასეულობების დაცვა-გაცილებაში მონაწილე მოსამსახურეს (გარდა დეპარტამენტის ინკასაციის, მოძრავი ტვირთებისა და ფიზიკურ პირთა დაცვის სამმართველოების მოსამსახურეებისა) სამუშაო ცვლიდან თავისუფალ დროს, დამატებითი სამუშაოს შესრულების შემთხვევაში ეძლევა სახელფასო დანამატი, რომლის საერთო თანხა განისაზღვრება დასაცავი ობიექტის გაწეული მომსახურებისათვის დარიცხული თანხის 25 პროცენტამდე ოდენობით, მაგრამ არაუმეტეს 2 000 (ორი ათასი) ლარისა თვეში, დაცვა-გაცილებაში მონაწილე თითო მოსამსახურეზე. 3. დასაცავ ობიექტთან დადებული ერთჯერადი ხელშეკრულების/ერთჯერადი მომსახურების გათვალისწინებით, სსიპ − დაცვის პოლიციის დეპარტამენტის თავმჯდომარე უფლებამოსილია ინდივიდუალური ადმინისტრაციულ-სამართლებრივი აქტის საფუძველზე განსაზღვროს ამ დანართით განსაზღვრული წესისგან განსხვავებული სახელფასო დანამატი, დამატებითი სამუშაოს შესრულებაში მონაწილე ერთ მოსამსახურეზე არაუმეტეს 2 000 (ორი ათასი) ლარისა და არანაკლებ 59 (ორმოცდაცხრამეტი) ლარისა თვეში. 4. ამ დანართით გათვალისწინებულ შემთხვევებში დანამატი ყოველთვიურად გაიცემა დამატებითი სამუშაოს შესრულებაში მონაწილე მოსამსახურეებზე წარმოდგენილი სამსახურებრივი ბარათის შესაბამისად. |
დოკუმენტის კომენტარები