„საჯარო სამართლის იურიდიული პირის – საჯარო რეესტრის ეროვნული სააგენტოს დებულების დამტკიცების შესახებ“ საქართველოს იუსტიციის მინისტრის 2016 წლის 3 მაისის №134 ბრძანებაში ცვლილების შეტანის თაობაზე

1. მე-2 მუხლის მე-2 პუნქტს დაემატოს შემდეგი შინაარსის „უ²“ ქვეპუნქტი:

„უ²) ეროვნული სივრცითი მონაცემების ინფრასტრუქტურის შექმნის, ფუნქციონირებისა და განვითარების მიზნებისათვის საბაზისო და თემატური სივრცით მონაცემთა ნაკრებების შექმნა და აღრიცხვა საველე ტოპოგრაფიული, დისტანციური ზონდირების, კამერალური და სხვა შესაბამისი მეთოდოლოგიების გამოყენებით;“.

2. მე-6 მუხლის პირველი პუნქტის:

ა) „ე.ბ“ ქვეპუნქტი ჩამოყალიბდეს შემდეგი რედაქციით:

„ე.ბ) მიწის რეგისტრაციის სამსახური;“;

ბ) „ი.დ“ ქვეპუნქტი ჩამოყალიბდეს შემდეგი რედაქციით:

„ი.დ) უძრავი ქონების აგეგმვის სამსახური;“.

3. 21-ე მუხლის მე-2 პუნქტს დაემატოს შემდეგი შინაარსის „ზ¹“ ქვეპუნქტი:

„ზ¹) ეროვნული სივრცითი მონაცემების ინფრასტრუქტურის შექმნის, ფუნქციონირებისა და განვითარების მიზნებისათვის საბაზისო და თემატური სივრცით მონაცემთა ნაკრებების შექმნა და აღრიცხვა საველე ტოპოგრაფიული, დისტანციური ზონდირების, კამერალური და სხვა შესაბამისი მეთოდოლოგიების გამოყენებით;“.