„მეზღვაურთა სერტიფიცირების პროცესში მოწვეულ ექსპერტთა შერჩევის, მათი საქმიანობის წესისა და ანაზღაურების პირობების დამტკიცების შესახებ“ სსიპ – საზღვაო ტრანსპორტის სააგენტოს დირექტორის 2022 წლის 1 დეკემბრის №31 ბრძანებაში ცვლილების შეტანის თაობაზე

ა) ბრძანების მე-4 მუხლის 1-ლი პუნქტი ჩამოყალიბდეს შემდეგი რედაქციით:

,,1. მოწვეულ ექსპერტთა შერჩევის პირობები სააგენტოს მიერ ცხადდება საჯაროდ წელიწადში ერთხელ.“;

ბ) ბრძანების მე-4 მუხლს დაემატოს შემდეგი შინაარსის მე-4 პუნქტი:

,,4. ამ მუხლის მესამე პუნქტით დადგენილი მოთხოვნები ვრცელდება პირის ექსპერტად პირველად არჩევის შემთხვევაში.“;

გ) ბრძანების მე-5 მუხლის მე-2 პუნქტი ჩამოყალიბდეს შემდეგი რედაქციით:

,,2. წარმოდგენილი დოკუმენტების დადებითად შეფასების შემდგომ, სააგენტო დაინტერესებულ პირს იწვევს გასაუბრებაზე. გასაუბრების შემდეგ სააგენტო იღებს გადაწყვეტილებას მოწვეულ ექსპერტად შერჩევის ან შერჩევაზე უარის თქმის შესახებ, რასაც წერილობით ატყობინებს დაინტერესებულ მხარეს.“;

დ) ბრძანების მე-5 მუხლს დაემატოს შემდეგი რედაქციის მე-4 პუნქტი:

,,4. მოწვეული ექსპერტი ვალდებულია:

 ა)  იცნობდეს  საერთაშორისო და ეროვნულ კანონმდებლობას;

 ბ) იცნობდეს საზღვაო უსაფრთხოებასთან და გარემოს დაცვასთან დაკავშირებით საერთაშორისო და ეროვნული რეგულაციების მიზნებს და ამოცანებს;

 გ) იცნობდეს გემზე და ხმელეთზე არსებულ გარე და შიდა პროცესებს.“.