„ქალაქ რუსთავის მუნიციპალიტეტის მერიის ინფრასტრუქტურის განვითარების და ტრანსპორტის სამსახურის დებულების დამტკიცების შესახებ“ ქალაქ რუსთავის მუნიციპალიტეტის საკრებულოს 2018 წლის 01 თებერვლის №21 დადგენილებაში ცვლილების შეტანის თაობაზე

ა) დებულების მე-3 მუხლის პირველ პუნქტს დაემატოს „დ“ ქვეპუნქტი და ჩამოყალიბდეს შემდეგი რედაქციით:

„დ) ინფრასტრუქტურული პროექტების ეფექტიანი მართვისა და კოორდინაციის განყოფილება;“

ბ) დებულების მე-3 მუხლს დაემატოს მე-5 პუნქტი და ჩამოყალიბდეს შემდეგი რედაქციით:

„5. ინფრასტრუქტურული პროექტების ეფექტიანი მართვისა და კოორდინაციის განყოფილება უზრუნველყოფს:

ა) სამსახურის მიერ ინფრასტრუქტურულ პროექტებზე ან/და საზედამხედველო და საპროექტო მომსახურებაზე გაფორმებული ხელშეკრულებების  შესაბამისად,  საპროექტო-სახარჯთაღრიცხვო და დოკუმენტალური მონიტორინგის განყოფილებასთან კოორდინაციით, სამართლებრივი შესრულების მონიტორინგს;

ბ) სამსახურის მიერ ინფრასტრუქტურულ პროექტებზე ან/და საზედამხედველო და საპროექტო მომსახურებაზე გაფორმებული ხელშეკრულებების შესაბამისად, ინფრასტრუქტურის და მშენებლობა-რეაბილიტაციის მართვის განყოფილებასთან კოორდინაციით, ტექნიკური შესრულების მონიტორინგს;

გ) ხელშეკრულებით გათვალისწინებულ შესრულებულ სამუშაოებზე წარმოდგენილი საგარანტიო ვადის ფარგლებში მონიტორინგის განხორციელებას და შესაბამისი ქმედებების გატარებას.

დ) სამსახურის მიერ შესრულებულ სამუშაოებზე სტატისტიკის წარმოებას;

ე) სამსახურის სხვა განყოფილებებთან კოორდინაციით პროექტების შედეგიანობის ანალიზს, მოსალოდნელი პრობლემების გამოვლენას და მისი გადაჭრის ღონისძიებების შემუშავება/გატარებას;

ვ) განყოფილების მიერ განხორციელებულ სამუშაოებზე პერიოდული ანგარიშების მომზადებას და ხელმძღვანელისთვის წარდგენას;

ზ) ეფექტიანი მართვის მიზნით თანამედროვე ინსტრუქციების და პროცედურების შემუშავებას, პრაქტიკაში დანერგვასა და შესრულების მონიტორინგის წარმოებას;

თ) პროცესების გაუმჯობესების  და  საქმიანობის გაძლიერების მიზნით ახალი ინიციატივების,   წინადადებების წარდგენას, არსებული პრობლემების ანალიზს და შესაბამისი  გეგმების შემუშავება/მოძიება/დანერგვას;“