„ქალაქ ქობულეთის ქალაქთმშენებლობითი დოკუმენტაციის-გენერალური გეგმისა და განაშენიანების გეგმის დამტკიცების შესახებ“ ქობულეთის მუნიციპალიტეტის საკრებულოს 2019 წლის 29 ნოემბრის N11 დადგენილებაში ცვლილებების შეტანის თაობაზე

საქართველოს ორგანული კანონის „ადგილობრივი თვითმმართველობის კოდექსი“ 24-ე  მუხლის პირველი  პუნქტის „გ.ე“ ქვეპუნქტის, საქართველოს ორგანული კანონის „ნორმატიული აქტების შესახებ“ მე-20 მუხლის მე-4 პუნქტის, საქართველოს კანონის „საქართველოს სივრცის დაგეგმარების, არქიტექტურული და სამშენებლო საქმიანობის კოდექსი“-ს 35-ე მუხლისა და 141-ე მუხლის მე-11 ნაწილის, ასევე „სივრცის დაგეგმარებისა და ქალაქთმშენებლობითი გეგმების შემუშავების წესის შესახებ“ საქართველოს მთავრობის 2019 წლის 3 ივნისის N260 და „ტერიტორიების გამოყენების და განაშენიანების რეგულირების ძირითადი დებულებების შესახებ“ საქართველოს მთავრობის 2019 წლის 3 ივნისის №261 დადგენილების შესაბამისად, ქობულეთის მუნიციპალიტეტის საკრებულო ადგენს:

„ქალაქ ქობულეთის ქალაქთმშენებლობითი დოკუმენტაციის – გენერალური გეგმისა და განაშენიანების გეგმის დამტკიცების შესახებ“ (სსმ 02/12/2019 წ. სარეგისტრაციო კოდი 010250050.35.131.016293) ქობულეთის მუნიციპალიტეტის საკრებულოს 2019 წლის 29 ნოემბრის №11 დადგენილებაში შეტანილ იქნეს ცვლილებები და  ქალაქ ქობულეთის ქალაქთმშენებლობითი დოკუმენტაცია – ქალაქ ქობულეთის განაშენიანების გეგმა დამტკიცდეს თანდართულ რუკასთან ერთად №2  დანართის შესაბამისად.

დადგენილება ამოქმედდეს გამოქვეყნებისთანავე.