ანგარიშგების ვებგვერდზე გამოქვეყნებული ანგარიშგებების საერთაშორისო სტანდარტებთან შესაბამისობის მიმოხილვის წესის შესახებ

ა) ანგარიშგების საერთაშორისო სტანდარტებთან შესაბამისობის შეფასების სამართლებრივი პროცედურის დადგენა;

ბ) მიმოხილვის შედეგად ანგარიშგების ხარისხის ზრდა, საერთაშორისო სტანდარტებთან შესაბამისობის ამაღლების ხელშეწყობა და სამართალდარღვევათა პრევენცია.

ა) მიმოხილვა – მიმომხილველთა მიერ ანგარიშგების საერთაშორისო სტანდარტებთან შესაბამისობის ანალიზი, რომელიც ემსახურება ანგარიშგების საერთაშორისო სტანდარტებთან შეუსაბამო გარემოებების გამოვლენასა და სამართალდარღვევის იდენტიფიცირებას;

ბ) მიმომხილველი – სამსახურის ბუღალტრული აღრიცხვის და ანგარიშგების ზედამხედველობის დეპარტამენტის თანამშრომელი, რომელიც ახორციელებს ანგარიშგების ვებგვერდზე (www.reportal.ge) გამოქვეყნებული ანგარიშგებ(ებ)ის „ბუღალტრული აღრიცხვის, ანგარიშგების და აუდიტის შესახებ“ საქართველოს კანონით (შემდგომ – კანონი) განსაზღვრულ საერთაშორისო  სტანდარტებთან, მათ შორის, ფინანსური ანგარიშგების საერთაშორისო სტანდარტებთან (IFRS) და მცირე და საშუალო საწარმოებისთვის დადგენილი ფინანსური ანგარიშგების სტანდარტთან (IFRS for SMEs) შეუსაბამობების გამოვლენას;

გ) საერთაშორისო სტანდარტები (შემდგომ – სტანდარტები) – კანონის მე-3 მუხლის მე-3 და მე-4 პუნქტებით გათვალისწინებული, სამსახურის მიერ სამოქმედოდ შემოღებული, ფინანსური ანგარიშგების საერთაშორისო სტანდარტები (IFRS) და მცირე და საშუალო საწარმოებისთვის დადგენილი ფინანსური ანგარიშგების საერთაშორისო სტანდარტი (IFRS for SMEs);

დ) არსებითი – განიმარტება სტანდარტების შესაბამისად.

ა) ანგარიშგებები, რომელთა აუდიტორული მომსახურების განხორციელებამდე ან მის შემდეგ, აუდიტორული მომსახურების განმახორციელებელ აუდიტორს/აუდიტორულ ფირმას შეუწყდა/შეეზღუდა უფლებამოსილება (შესაბამის კატეგორიის საწარმოებთან მიმართებაში) ან/და აუდიტორს/აუდიტორულ ფირმას არ აქვს გავლილი ხარისხის მართვის სისტემის მონიტორინგი ან/და აუდიტორი/აუდიტორული ფირმა სამსახურის ხედვით არ შეესაბამება სუბიექტის სიდიდეს და კომპლექსურობას;

ბ) აუდიტორის მოსაზრების ტიპი;

გ) განმარტებითი შენიშვნების თვალსაჩინო სიმწირე;

დ) ანგარიშგების წარდგენა კანონისა და კანონქვემდებარე აქტებით გათვალისწინებული წესების დარღვევით;

ე) საწარმოები, რომელთაც მიმდინარე საანგარიშგებო პერიოდში გადაიანგარიშეს ფინანსური ანგარიშგების მუხლები ან მოახდინეს რეკლასიფიკაცია;

ვ) სექტორული შერჩევა რისკისა და მნიშვნელობის გათვალისწინებით (მათ შორის დარგობრივი პრიორიტეტულობის განსაზღვრა შესაბამის სახელმწიფო უწყებებთან კომუნიკაციის გზით);

ზ) უკვე მიმოხილული ანგარიშგების ფარგლებში დაშვებული შეცდომების არსებითობა.

ა) სუბიექტისთვის მიმოხილვის დაწყებასთან დაკავშირებული პირველადი წერილის გაგზავნა და მისი ჩაბარებიდან საპასუხო წერილის სამსახურისთვის 10 კალენდარული დღის ვადაში წარდგენა;

ბ) სუბიექტის მიერ   წარმოდგენილი უკუკავშირის შესწავლა/ანალიზი და საჭიროებისას დამატებითი ინფორმაციის მოძიება (მათ შორის, საქმის გარემოებათა ყოველმხრივი გამოკვლევის მიზნით, სამსახურმა შესაძლოა წარმართოს სუბიექტთან შეხვედრა ან/და გაგზავნოს დამაზუსტებელი წერილი ინფორმაციის 7 კალენდარული დღის ვადაში წარდგენის თაობაზე);

გ) სამსახურის ბუღალტრული აღრიცხვისა და ანგარიშგების ზედამხედველობის დეპარტამენტის მოხსენებითი ბარათის სამსახურის უფროსის სახელზე მომზადება, რომელშიც აისახება მიმოხილვის შედეგები, კერძოდ, სამართალდარღვევის არსებობის გამოვლენის ან სამართალდარღვევის არარსებობის შესახებ გარემოებები;

დ) სამსახურის მიერ საბოლოო გადაწყვეტილების მიღება.