„მეზღვაურის წვრთნის სააღრიცხვო წიგნაკის ფორმის და მისი გამოყენების წესის“ დამტკიცების შესახებ“ სსიპ „საზღვაო ტრანსპორტის სააგენტოს“ დირექტორის 2021 წლის 31 მაისის №06 ბრძანებაში ცვლილების შეტანის თაობაზე

ა) წესის მე-2 მუხლს დაემატოს 6¹, მ6² და 6³ პუნქტები შემდეგი რედაქციით:

„6¹. წინამდებარე წესის დანართი №6-ით განისაზღვრება გემის საგემბანე განყოფილების კადეტისთვის წიგნაკის შეფასებისა და დასკვნის ფორმა.

6². წინამდებარე წესის დანართი №7-ით განისაზღვრება გემის სამანქანე განყოფილების კადეტისთვის წიგნაკის შეფასების და დასკვნის ფორმა.

6³. წინამდებარე წესის დანართი №8-ით განისაზღვრება გემის ელექტროტექნიკოს კადეტისთვის წიგნაკის შეფასების და დასკვნის ფორმა.“

ბ) წესის მე-4 მუხლის მე-3 პუნქტი ჩამოყალიბდეს შემდეგი შინაარსით:

,,3. სავახტო თანაშემწის, სავახტო მექანიკოსისა და ელექტროტექნიკოს ოფიცრის კომპეტენციის სერტიფიკატის მისაღებად კანდიდატი ვალდებულია წარმოადგინოს ამ ბრძანებით გათვალისწინებული წიგნაკი, რომელიც შევსებულ იქნა სასწავლო და საწვრთნელი პროგრამის ნაწილში შემავალი სისტემატური პრაქტიკული წვრთნის დროს და რომლის შევსებაზეც  ზედამხედველობა და კონტროლი, როგორც ზღვაში, ასევე ნაპირზე, განხორციელდება  კვალიფიციური ზედამხედველი პირის მიერ, აგრეთვე უნდა წარმოადგინოს ამ წესის მე-2 მუხლის 6¹-6³ პუნქტებით განსაზღვრული მეზღვაურის წვრთნის სააღრიცხვო წიგნაკის შეფასებისა და დასკვნის ფორმა.“

გ) წესის მე-6 მუხლის 1-ლი პუნქტი ჩამოყალიბდეს შემდეგი რედაქციით:

„1. საზღვაო-სასწავლო დაწესებულებები ვალდებულნი არიან უზრუნველყონ ამ წესის მე-2 მუხლის მე-2, მე-3, მე-4, მე-5, 6¹, 6² და 6³ პუნქტებით გათვალისწინებული წიგნაკის/შეფასების და დასკვნის ფორმის გაცემა და შესაბამისი რეესტრის წარმოება.“

დ) წესის მე-6 მუხლს დაემატოს 1¹ პუნქტი:

„1¹. საზღვაო-სასწავლო დაწესებულებები ვალდებულნი არიან უზრუნველყონ ამ წესის 5¹ მუხლით გათვალისწინებული კადეტის ნაოსნობის ცნობის გაცემა.“

ე) წესის მე-6 მუხლის მე-2 პუნქტი ჩამოყალიბეს შემდეგი რედაქციით:

„2. საზღვაო სასწავლო დაწესებულება ამ წესის მე-2 მუხლის მე-3, მე-4 და მე-5 პუნქტებით გათვალიწინებულ წიგნაკს გასცემს უფასოდ.“

ვ) წესის მე-6 მუხლს დაემატოს შემდეგი შინაარსის მე-4 და მე-5 პუნქტები:

„4. საზღვაო-სასწავლო დაწესებულების პრაქტიკის ხელმძღვანელი ვალდებულია განიხილოს კადეტის მიერ წარმოდგენილი მეზღვაურის წვრთნის სააღრიცხვო წიგნაკი და კადეტის სამუშაო პროექტი, შეაფასოს კადეტის მიერ საზღვაო პრაქტიკის პერიოდში შეძენილი თეორიული ცოდნა და პრაქტიკული უნარები, და შეავსოს შესაბამისი შეფასებისა და დასკვნის ფორმა.

5. ამ მუხლის მე-4 პუნქტით გათვალისწინებული მეზღვაურის წვრთნის სააღრიცხვო წიგნაკის შეფასებისა და დასკვნის წარმოდგენა უნდა განხორციელდეს ამ წესის დანართი №6, №7 და №8-ის შესაბამისად დამტკიცებული ფორმებით.“

ზ) წესის №1, №3 და №4 დანართები ჩამოყალიბდეს ახალი თანდართული რედაქციით.

თ) წესს დაემატოს ახალი №6, №7 და №8 დანართები თანდართული რედაქციით.

2. ამ ბრძანების პირველი მუხლის ,,ა“-,,ვ“ და ,,თ“ პუნქტები ამოქმედდეს 2026 წლის 1 მაისიდან.