„საჯარო სამართლის იურიდიული პირის – დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს დებულების დამტკიცების შესახებ“ საქართველოს იუსტიციის მინისტრის 2019 წლის 31 დეკემბრის №485 ბრძანებაში ცვლილების შეტანის თაობაზე

1. პირველი მუხლის მე-4 პუნქტი ჩამოყალიბდეს შემდეგი რედაქციით:

„4. სააგენტოს აქვს ემბლემა (დანართი №1). სააგენტოს ემბლემა, საქართველოს კანონმდებლობის შესაბამისად, შეიძლება გამოყენებულ იქნეს სააგენტოს ბლანკებსა და სააგენტოს ადმინისტრაციული შენობის შესასვლელის აბრაზე, სააგენტოს სარგებლობაში არსებულ სატრანსპორტო საშუალებებზე, სააგენტოს სახელმწიფო სპეციალური წოდების მქონე მოსამსახურეთა სამსახურებრივ მოწმობებსა და სავიზიტო ბარათებზე, სააგენტოს ბეჭდვით გამოცემებსა და ბეჭდებზე, საკანცელარიო ნივთებზე, სუვენირებსა და სხვა საგნებზე.“.

2. მე-5 მუხლის მე-2 პუნქტის:

ა) „ე“ ქვეპუნქტის შემდეგ დაემატოს შემდეგი შინაარსის „ე¹“ ქვეპუნქტი:

„ე¹) კომპეტენციის ფარგლებში ანიჭებს „სახელმწიფო სპეციალური წოდებების შესახებ“ საქართველოს კანონით განსაზღვრულ სახელმწიფო სპეციალურ წოდებებს;“;

ბ) „ზ“ ქვეპუნქტის შემდეგ დაემატოს შემდეგი შინაარსის „ზ ¹“ ქვეპუნქტი:

„ზ¹) მინისტრს წარუდგენს წინადადებას სააგენტოს სახელმწიფო სპეციალური წოდების მოსამსახურეთათვის სახელმწიფო ჯილდოების მისანიჭებლად;“;

გ) „მ²“ ქვეპუნქტი ამოღებულ იქნეს.

3. მე-8 მუხლის პირველი პუნქტის:

ა) „ა.ა“ ქვეპუნქტი ჩამოყალიბდეს შემდეგი რედაქციით:

„ა.ა) ნომენკლატურის ფარგლებში, მოსამსახურეთა თანამდებობაზე დანიშვნის, თანამდებობიდან გათავისუფლების, გადაყვანის, სახელმწიფო სპეციალური წოდებების მინიჭების, წახალისებისა და დაჯილდოების შესახებ მასალების განხილვა, მომზადება და სააგენტოს უფროსისთვის წარდგენა; სააგენტოში მოსამსახურეთა მუშაობის დამადასტურებელი ცნობის გაცემა; წინადადებების შემუშავება მოსამსახურეთა კვალიფიკაციის ამაღლების თაობაზე; სააგენტოსა და მისი ტერიტორიული ორგანოების ცალკეულ მოსამსახურეთათვის დადგენილი ნიმუშის სამსახურებრივი მოწმობების დამზადება და მოსამსახურეთათვის გადაცემა;“;

ბ) „ა.ვ“ ქვეპუნქტი ამოღებულ იქნეს.

4. მე-9 მუხლის პირველი პუნქტის „მ“ ქვეპუნქტი ამოღებულ იქნეს.

5. დებულების №2 დანართი ამოღებულ იქნეს.