“ზუგდიდის მუნიციპალიტეტის ბიუჯეტით განსაზღვრული ზუგდიდის მუნიციპალიტეტის ტერიტორიაზე რეგისტრირებულ (ადგილობრივი და დევნილი) პირთა სოციალური პროგრამების განხორციელების წესის დამტკიცების თაობაზე” ზუგდიდის მუნიციპალიტეტის საკრებულოს 2026 წლის 16 იანვრის №3 დადგენილებაში ცვლილების შეტანის შესახებ

 ა)  მე-5 მუხლის მე-4 პუნქტი ჩამოყალიბდეს შემდეგი რედაქციით:

„4. მიმდინარე წელს პირველი-მეორე შვილის შეძენისას სოციალურად დაუცველ ოჯახებზე (სარეიტინგო ქულა 65 001-ზე ნაკლები) ერთჯერადი ვაუჩერული დახმარება 500 (ხუთასი) ლარის ოდენობით ბავშვის მოვლისა და ჰიგიენის საშუალებების შესაძენად.

 დახმარების მისაღებად მშობელმა უნდა წარმოადგინოს:

ა) განცხადება;

ბ) მშობლის (დედის ან მამის) პირადობის მოწმობის ასლი;

გ) ამონაწერი სოციალურად დაუცველი ოჯახების მონაცემთა ერთიანი ბაზიდან;

დ) ბავშვების დაბადების მოწმობის ასლები;

ე) არასრულწლოვანის პირადობის მოწმობის ასლი ან რეგისტრაციის ბარათი;

ვ) ფარმაცევტული დაწესებულებიდან მოვლისა და ჰიგიენის საშუალებების წინასწარი კალკულაცია.

ზემოჩამოთვლილი დოკუმენტაციის წარმოდგენის შემდეგ მერიის მხრიდან ბენეფიციარზე  გაიცემა საგარანტიო წერილი ფარმაცევტულ დაწესებულებაში წარსადგენად, ხოლო ფარმაცევტულ დაწესებულებას თანხა აუნაზღაურდება, მომსახურების გაწევის დამადასტურებელი დოკუმენტაციის მერიაში წარდგენის შემდეგ.“

 ბ)  მე-12 მუხლი ჩამოყალიბდეს შემდეგი რედაქციით:

,,მუხლი 12. დევნილთა მხარდაჭერის პროგრამა (პროგრამის კოდი 06 02 10)

განსაკუთრებული საჭიროების მქონე (მარტოხელა მშობელი, მარტოხელა ხანდაზმული, შშმ პირი, სოციალურად დაუცველი (სარეიტინგო ქულა 45 001-დან 65 001-მდე), ონკოლოგიური/მძიმე დაავადების მქონე პირები და ა.შ) დევნილ ოჯახებზე გაიცემა ერთჯერადი ფულადი დახმარება 200 (ორასი) ლარის ოდენობით. მოქალაქე ვერ ისარგებლებს აღნიშნული ქვეპროგრამით, თუ ისარგებლა სოციალური საფრთხის წინაშე მყოფი ოჯახების ფინანსური დახმარების პროგრამით.

დახმარების მისაღებად მოქალაქემ მერიაში უნდა წარმოადგინოს:

ა) განცხადება;

ბ) სტატუსის დამადასტურებელი დოკუმენტი (ამონაწერი სოციალურად  დაუცველი ოჯახების მონაცემთა ერთიანი ბაზიდან, შშმ პირის სტატუსის დამადასტურებელი დოკუმენტი, ცნობა ჯანმრთელობის მდგომარეობის შესახებ (ფორმა №IV-100/ა) და სხვა);

გ) პირადობის მოწმობის ასლი;

დ) დევნილის მოწმობის ასლი;

ე) სხვა არსებული დოკუმენტები;

ვ) საბანკო ანგარიშის ნომერი;

ზ) ადმინისტრაციულ ერთეულში მერის წარმომადგენლის წერილი.“.