სახელმწიფო აუდიტის სამსახურის საშტატო ნუსხით გათვალისწინებული ვაკანტური თანამდებობის დასაკავებლად შიდა კონკურსის გამოცხადებისა და ჩატარების წესის დამტკიცების შესახებ

2. სამსახურში შიდა კონკურსი შესაძლოა გამოცხადდეს სამსახურის საშტატო ნუსხით გათვალისწინებული ვაკანტური თანამდებობის დასაკავებლად და მასში მონაწილეობის მიღების უფლება აქვს სამსახურში დასაქმებულ პირს.  

3. შიდა კონკურსის ეტაპების, ჩატარების ფორმის და პირობების, საკონკურსო მოთხოვნების, ვადის, საკონკურსო და საპრეტენზიო კომისიის შექმნის შესახებ გადაწყვეტილებას იღებს გენერალური აუდიტორი ინდივიდუალური ადმინისტრაციულ-სამართლებრივი აქტით – ბრძანებით. 

4. შიდა კონკურსის ჩატარებას უზრუნველყოფს სამსახურის ადამიანური რესურსების მართვისა და პროფესიული განვითარების დეპარტამენტი, რომელიც ასრულებს საკონკურსო კომისიის სამდივნოს ფუნქციას და ახორციელებს მისი საქმიანობის ორგანიზაციულ-ტექნიკურ უზრუნველყოფას.

ა) იმ ვაკანტური თანამდებობის დასახელებას, რომელზეც ტარდება შიდა კონკურსი;

ბ) ვაკანტური თანამდებობის დასაკავებლად დადგენილ საკვალიფიკაციო მოთხოვნებს;

გ) კანდიდატის მიერ წარმოსადგენი დოკუმენტაციის ჩამონათვალს;

გ) კანდიდატის მიერ განაცხადის წარმოდგენის ვადას;

დ) შიდა კონკურსის ჩატარების ვადას, ეტაპებსა და ფორმას;

ე) შიდა კონკურსის ჩატარებასთან დაკავშირებულ  სხვა სახის ინფორმაციას.

2. საკონკურსო კომისია სამდივნოს მიერ წარდგენილ, ამ მუხლის პირველი პუნქტით გათვალისწინებულ ინფორმაციას/დოკუმენტაციას არაუმეტეს 5 (ხუთი) სამუშაო დღის ვადაში ეცნობა და იღებს გადაწყვეტილებას კონკურსის შემდეგი ეტაპის ჩატარების დროისა და ადგილის შესახებ, რის თაობაზეც საკონკურსო კომისიის სამდივნო კანდიდატს აცნობებს მის ჩატარებამდე არანაკლებ 2 (ორი) სამუშაო დღით ადრე. 

2. საკონკურსო კომისიაში შედიან კომისიის თავმჯდომარე, თავმჯდომარის მოადგილე და წევრები.

3. საკონკურსო კომისიის თავმჯდომარის არყოფნის შემთხვევაში, მის მოვალეობას ასრულებს თავმჯდომარის მოადგილე.

4. საკონკურსო კომისიის სხდომა უფლებამოსილია, თუ მას ესწრება კომისიის წევრთა ნახევარზე მეტი, მაგრამ არანაკლებ 3 (სამი) წევრისა.

5. საკონკურსო კომისია კანდიდატთა შეფასებას ახორციელებს გასაუბრების შედეგად.

6. საბოლოო გადაწყვეტილებას საკონკურსო კომისია იღებს კანდიდატის შეფასების დადგენილი ფორმით გათვალისწინებული ქულათა სისტემის საფუძველზე. კანდიდატთა თანაბარი ქულებით შეფასების  შემთხვევაში გადაწყვეტილებას იღებს თავმჯდომარე. 

7. საკონკურსო კომისიის მიერ კანდიდატის საბოლოო შეფასების შედეგი აისახება კომისიის სხდომის ოქმში, რომელსაც ადგენს საკონკურსო კომისიის სამდივნო და ხელს აწერენ სხდომის თავმჯდომარე და საკონკურსო კომისიის დამსწრე წევრები.

8. ამ მუხლის მე-7 პუნქტით გათვალისწინებული ხელმოწერილი ოქმი არაუგვიანეს 5 (ხუთი) სამუშაო დღისა წარედგინება გენერალურ აუდიტორს, რომელიც შერჩეული კანდიდატის თანამდებობაზე დანიშვნის შესახებ გადაწყვეტილებას იღებს საკონკურსო კომისიის ოქმის წარდგენიდან არაუგვიანეს 5 (ხუთი) სამუშაო დღის ვადაში.

9. საკონკურსო კომისიის სამდივნო კონკურსის შედეგების შესახებ ინფორმაციას კონკურსში მონაწილე კანდიდატებს აცნობებს ამ მუხლის მე-8 პუნქტით გათვალისწინებული გენერალური აუდიტორის შესაბამისი გადაწყვეტილების მიღებიდან არაუგვიანეს 2 (ორი) სამუშაო დღისა.

2. საპრეტენზიო კომისიის შემადგენლობაში შედიან კომისიის თავმჯდომარე, თავმჯდომარის მოადგილე და წევრები.

3. საპრეტენზიო კომისიის თავმჯდომარის არყოფნის შემთხვევაში, მის მოვალეობას ასრულებს თავმჯდომარის მოადგილე.

4. პირი, რომელიც მონაწილეობდა კონკურსის რომელიმე ეტაპის ჩატარებაში, არ შეიძლება იყოს საპრეტენზიო კომისიის შემადგენლობაში.

5. საპრეტენზიო კომისიის სხდომა უფლებამოსილია, თუ მას ესწრება კომისიის წევრთა ნახევარზე მეტი, მაგრამ არანაკლებ 3 (სამი) წევრისა.

6. საპრეტენზიო კომისიის მიერ გადაწყვეტილება მიიღება სხდომაზე დამსწრე წევრთა ხმათა უმრავლესობით, ღია კენჭისყრით. ხმების თანაბრად გაყოფის შემთხვევაში, გადამწყვეტია კომისიის თავმჯდომარის ხმა.

7. საპრეტენზიო კომისიის გადაწყვეტილება აისახება საპრეტენზიო კომისიის ოქმში, რომელსაც ხელს აწერენ სხდომაზე დამსწრე კომისიის წევრები.

8. საპრეტენზიო კომისიის წევრს უფლება აქვს თავისი განსხვავებული აზრი დაურთოს ოქმს, რის შესახებაც ოქმში კეთდება შესაბამისი ჩანაწერი.

9. კანდიდატს საპრეტენზიო კომისიისადმი მიმართვის უფლება აქვს მხოლოდ წერილობითი ფორმით, მის მიერ წარმოდგენილი განაცხადის ფორმალურ მოთხოვნებთან შეუსაბამობის დადგენიდან ან კონკურსის შედეგების შეტყობინებიდან არაუგვიანეს 2 (ორი) სამუშაო დღის ვადაში.

10. საპრეტენზიო კომისიის სახელზე შეტანილი განცხადება კომისიის მიერ განიხილება არაუმეტეს 5 (ხუთი) სამუშაო დღის ვადაში. მიღებული გადაწყვეტილება აისახება ოქმში და წარედგინება საკონკურსო კომისიას.

2. კანდიდატის მიერ თანამდებობის დაკავებაზე უარის თქმის ან სამსახურის მიერ დადგენილ ვადაში მის მიერ თანამდებობაზე დანიშვნისათვის აუცილებელი დოკუმენტაციის წარმოუდგენლობის შემთხვევაში, საკონკურსო კომისია უფლებამოსილია იმსჯელოს კონკურსში მონაწილე სხვა კანდიდატის ვაკანტურ თანამდებობაზე დასანიშნად წარდგენის თაობაზე ან მიიღოს გადაწყვეტილება კონკურსის ჩაშლილად გამოცხადებასთან დაკავშირებით.