„შრომის ბაზარზე იშვიათი, დეფიციტური ან/და მაღალანაზღაურებადი პროფესიების/ფუნქციათა ერთობლიობის ნუსხის განსაზღვრისა და საჯარო დაწესებულებაში ამ ფუნქციების შემსრულებელთა შრომის ანაზღაურების წესის დამტკიცების შესახებ“ საქართველოს მთავრობის 2018 წლის 7 თებერვლის №68 დადგენილებაში ცვლილების შეტანის თაობაზე

 „3¹. სახელმწიფო ავიაციის სფერო:

ა) მფრინავი/მფრინავი-ნავიგატორი – საფრენი აპარატების ექსპლუატაციის უზრუნველყოფა, საფრენოსნო დაგეგმვის, მფრინავთა მომზადების, ფრენების ხარისხიანი შესრულებისა და უსაფრთხოების წესების დაცვის უზრუნველყოფა; ეკიპაჟების დამოუკიდებელი მომზადების უზრუნველყოფა; ეკიპაჟთან ერთად საფრენი აპარატის კაბინაში წვრთნების ჩატარება; მფრინავი შემადგენლობის ნავიგაციისა და აერნაოსნობისათვის მომზადების დონის ანალიზი; საფრენოსნო ექსპლუატაციის წესების მომზადება და შემუშავება;

ბ) ინჟინერი/ბორტ-ინჟინერი – საფრენი აპარატების საავიაციო და რადიოელექტრონული მოწყობილობების გაუმართაობების გამოვლენა და აღმოფხვრა; საავიაციო და რადიოელექტრონული მოწყობილობების ლაბორატორიული ტექნიკური მომსახურების შესრულება; სახელმწიფო ავიაციის, ევროპის საავიაციო უსაფრთხოების სააგენტოსა (EASA) და სხვა დამატებითი სტანდარტებისა და მოთხოვნების შესრულების მონიტორინგი; კომპეტენციის ფარგლებში, ხარისხისა და უსაფრთხოების სისტემის დანერგვის განხორციელება და მისი ფუნქციონირების უზრუნველყოფა; ხარისხისა და უსაფრთხოების მართვის სისტემის მეთოდოლოგიური დოკუმენტების მოთხოვნების შესრულება; ხარისხისა და უსაფრთხოების ეფექტიანი აუდიტის განხორციელება;

გ) ბორტ-მექანიკოსი-ოპერატორი – დადგენილი წესების მიხედვით, საფრენ აპარატზე ტვირთის განლაგების უზრუნველყოფა; საფრენი აპარატის სამაშველო, სამძებრო და სადესანტო-სატრანსპორტო მოწყობილობების ექსპლუატაცია;

დ) ტექნიკოსი/ბორტ-ტექნიკოსი – საფრენ აპარატებსა და კომპონენტებზე გეგმური და არაგეგმური სამუშაოების შესრულება; საფრენი აპარატების ან/და კომპონენტების გაუმართაობების გამოვლენა და აღმოფხვრა;

ე) ამ პუნქტით განსაზღვრული პირების ხელმძღვანელი პირი/პირები იმ შემთხვევაში, თუ მას/მათ უშუალოდ ეკისრებათ პასუხისმგებლობა ამ პირების მიერ განხორციელებულ საქმიანობაზე.“.