„2026 წლის ჯანმრთელობის დაცვის სახელმწიფო პროგრამების დამტკიცების შესახებ“ საქართველოს მთავრობის 2025 წლის 31 დეკემბრის №655 დადგენილებაში ცვლილების შეტანის თაობაზე

1. №6 დანართის („ტუბერკულოზის მართვა“ − პროგრამული კოდი: 27 03 02 06) მე-8 მუხლი ჩამოყალიბდეს შემდეგი რედაქციით:

„მუხლი 8. პროგრამის ბიუჯეტი

პროგრამის ბიუჯეტი განისაზღვრება 16 974.0 ათასი ლარით, შემდეგი ცხრილის შესაბამისად:

2. №17 დანართის („იშვიათი დაავადებების მქონე და მუდმივ ჩანაცვლებით მკურნალობას დაქვემდებარებულ პაციენტთა მკურნალობა“ − პროგრამული კოდი: 27 03 03 06):

ა) მე-2 მუხლს მე-2 პუნქტის შემდეგ დაემატოს შემდეგი შინაარსის 2¹ პუნქტი:

„2¹. პროგრამის მე-3 მუხლის „გ¹“ ქვეპუნქტით გათვალისწინებული მომსახურების მოსარგებლეები არიან იშვიათი ნერვ-კუნთოვანი დაავადების (დიუშენის კუნთოვანი დისტროფია, ბეკერის კუნთოვანი დისტროფია, სპინალური კუნთოვანი ატროფია) მქონე საქართველოს მოქალაქეები.“;

ბ) მე-3 მუხლს „გ“ ქვეპუნქტის შემდეგ დაემატოს შემდეგი შინაარსის „გ¹“ ქვეპუნქტი:

„გ¹) იშვიათი ნერვ-კუნთოვანი დაავადების მქონე პირთა მეთვალყურეობას, მინისტრის შესაბამისი ადმინისტრაციულ-სამართლებრივი აქტით განსაზღვრული მოცულობისა და პირობების შესაბამისად, კერძოდ:

გ¹.ა) სტაციონარული მეთვალყურეობა;

გ¹.ბ) ამბულატორიული მეთვალყურეობა;

გ¹.გ) ამ ქვეპუნქტის „გ¹.ა“ და „გ¹.ბ“ ქვეპუნქტებით განსაზღვრული მეთვალყურეობა ითვალისწინებს:

გ¹.გ.ა) ექიმ-სპეციალისტების კონსულტაციას − ნევროლოგი, კარდიოლოგი, პულმონოლოგი, ენდოკრინოლოგი, გასტროენტეროლოგი/ ნუტრიციოლოგი, ორთოპედი;

გ¹.გ.ბ) კლინიკო-ლაბორატორიულ და ინსტრუმენტულ კვლევებს − ელექტროკარდიოგრაფია, ექოკარდიოსკოპია, 24-საათიანი ჰოლტერ-მონიტორინგი, სპირომეტრია, დენსიტომეტრია, ვიტამინ D-ს კონცენტრაციის განსაზღვრა, გულმკერდის რენტგენოგრაფია, ხერხემლის რენტგენოგრაფია, სისხლის საერთო ანალიზი, შარდის საერთო ანალიზი, კრეატინკინაზას განსაზღვრა, თირკმლის ფუნქციური სინჯები (შარდოვანა, კრეატინინი), ღვიძლის ფუნქციური სინჯები (ტუტე ფოსფატაზა, ალტ, ასტ), ელექტროლიტების (ნატრიუმი, კალიუმი, ქლორი, მაგნიუმი, რკინა) განსაზღვრა, გლუკოზის განსაზღვრა სისხლში, განავლის კვლევა ფარულ სისხლდენაზე;

გ¹.დ) ბენეფიციარმა წლის განმავლობაში შესაძლებელია, მიიღოს ერთი სტაციონარული და ორი ამბულატორიული მეთვალყურეობა.“;

გ) მე-4 მუხლს მე-4 პუნქტის შემდეგ დაემატოს შემდეგი შინაარსის 4¹ პუნქტი:

„4¹. პროგრამის მე-3 მუხლის „გ¹“ ქვეპუნქტით გათვალისწინებული მომსახურება ანაზღაურდება შესრულებული სამუშაოს მიხედვით, სრულად, თანაგადახდის გარეშე, მინისტრის ადმინისტრაციულ-სამართლებრივი აქტით განსაზღვრული ტარიფებისა და პირობების შესაბამისად.“;

დ) მე-5 მუხლის მე-2 პუნქტი ჩამოყალიბდეს შემდეგი რედაქციით:

„2. პროგრამის მე-3 მუხლის „ბ“ ქვეპუნქტის, „გ¹“ ქვეპუნქტისა და „დ“ ქვეპუნქტის „დ.მ.ბ.ა“, „დ.მ.ბ.ბ“ და „დ.ო.ბ“ ქვეპუნქტებით განსაზღვრული მომსახურების დაფინანსება ხორციელდება არამატერიალიზებული სამედიცინო ვაუჩერის მეშვეობით.“;

ე) მე-6 მუხლს მე-2 პუნქტის შემდეგ დაემატოს შემდეგი შინაარსის 2¹ პუნქტი:

„2¹. პროგრამის მე-3 მუხლის „გ¹“ ქვეპუნქტით გათვალისწინებული მომსახურების მიმწოდებელია „საყოველთაო ჯანმრთელობის დაცვის სახელმწიფო პროგრამის“ სტაციონარული სერვისის მიმწოდებელი დაწესებულება, რომელიც აკმაყოფილებს შესაბამისი სამედიცინო საქმიანობისათვის კანონმდებლობით დადგენილ მოთხოვნებს, ეთანხმება ვაუჩერის პირობებს და პროგრამის განმახორციელებელს წერილობით დაუდასტურებს პროგრამაში მონაწილეობის სურვილს. მიმწოდებლისთვის დამატებითი პირობები განისაზღვრება მინისტრის შესაბამისი ადმინისტრაციულ-სამართლებრივი აქტით.“;

ვ) მე-8 მუხლი ჩამოყალიბდეს შემდეგი რედაქციით:

„მუხლი 8. პროგრამის ბიუჯეტი

პროგრამის ბიუჯეტი განისაზღვრება 71 026.0 ათასი ლარით, შემდეგი ცხრილის შესაბამისად:

ზ) მე-9 მუხლს მე-3 პუნქტის შემდეგ დაემატოს შემდეგი შინაარსის 3¹ პუნქტი:

„3¹. პროგრამის მე-3 მუხლის „გ¹“ ქვეპუნქტით გათვალისწინებული ამბულატორიული მომსახურების ზედამხედველობა ხორციელდება გეგმური ამბულატორიული შემთხვევების ზედამხედველობის წესის შესაბამისად. სტაციონარული მომსახურების ზედამხედველობა ხორციელდება გადაუდებელი სტაციონარული შემთხვევების ზედამხედველობის წესის შესაბამისად.“.