„საქართველოს იუსტიციის სამინისტროს სააღსრულებო დეპარტამენტის დებულების დამტკიცების შესახებ“ საქართველოს იუსტიციის მინისტრის 2003 წლის 4 აგვისტოს №834 ბრძანებაში დამატებების შეტანის შესახებ

სახელმწიფო სარეგისტრაციო კოდი 100.110.000.22.027.009.812

საქართველოს იუსტიციის მინისტრის

ბრძანება №16

2007 წლის 17 იანვარი

ქ. თბილისი

„საქართველოს იუსტიციის სამინისტროს სააღსრულებო დეპარტამენტის დებულების დამტკიცების შესახებ“ საქართველოს იუსტიციის მინისტრის 2003 წლის 4 აგვისტოს №834 ბრძანებაში დამატებების შეტანის შესახებ

„სააღსრულებო წარმოებათა შესახებ“ საქართველოს კანონის მე-4 მუხლის მე-3 პუნქტის, საქართველოს სისხლის სამართლის საპროცესო კოდექსის 62-ე მუხლის 6³ ნაწილისა და „ნორმატიული აქტების შესახებ“ საქართველოს კანონის 36-ე მუხლის შესაბამისად, ვბრძანებ:

მუხლი 1. საქართველოს იუსტიციის მინისტრის 2003 წლის 4 აგვისტოს №834 ბრძანების №1 დანართით დამტკიცებულ საქართველოს იუსტიციის სამინისტროს სააღსრულებო დეპარტამენტის დებულებაში (სსმ III, 2003 წ., №81, მუხ. 725) შეტანილ იქნეს შემდეგი დამატებები:

1. მე-7 მუხლს „ზ“ ქვეპუნქტის შემდეგ დაემატოს შემდეგი შინაარსის „ზ¹“ ქვეპუნქტი:

„ზ¹) კანონით გათვალისწინებულ შემთხვევებში დანაშაულების წინასწარი გამოძიება;“.

2. მე-8 მუხლს „ი“ ქვეპუნქტის შემდეგ დაემატოს შემდეგი შინაარსის „ი¹“ ქვეპუნქტი:

„ი¹) კანონით დადგენილი წესით ახორციელებს დანაშაულების წინასწარ გამოძიებას;“.

3. მე-17 მუხლს დაემატოს შემდეგი შინაარსის „ზ“ ქვეპუნქტი:

„ზ) საგამოძიებო სამმართველო.“.

4. დებულებას დაემატოს შემდეგი შინაარსის 20³ მუხლი:

     „მუხლი 20³

1. საგამოძიებო სამმართველო თავისი კომპეტენციის ფარგლებში ახორციელებს:

ა) საქართველოს სისხლის სამართლის კოდექსის 377-ე, 377¹, 377², 381-ე (გარდა თავისუფლების აღკვეთასთან დაკავშირებული განაჩენის შეუსრულებლობის ნაწილისა) მუხლებით გათვალისწინებული დანაშაულების წინასწარ გამოძიებას;

ბ) საქართველოს სისხლის სამართლის კოდექსის 377-ე, 377¹, 377², 381-ე (გარდა თავისუფლების აღკვეთასთან დაკავშირებული განაჩენის შეუსრულებლობის ნაწილისა) მუხლებით გათვალისწინებული დანაშაულების ჩადენის ხელშემწყობი მიზეზების შესწავლას, ანალიზს და შესაბამისი რეკომენდაციების შემუშავებას;

გ) კანონმდებლობით გათვალისწინებულ სხვა უფლებამოსილებებს.

2. საგამოძიებო სამმართველო ანგარიშვალდებულია მინისტრთან.

3. საგამოძიებო სამმართველოში შედის აღმოსავლეთის განყოფილება და დასავლეთის განყოფილება.“.

მუხლი 2. ეს ბრძანება ამოქმედდეს გამოქვეყნებისთანავე.

გ. ქავთარაძე