„ხობის მუნიციპალიტეტის საკრებულოს წევრის (გარდა თანამდებობის პირებისა) უფლებამოსილების განხორციელებასთან დაკავშირებით გაწეული ხარჯების ანაზღაურების წესისა და ზღვრული ოდენობის დამტკიცების შესახებ“ ხობის მუნიციპალიტეტის საკრებულოს 2023 წლის 27 აპრილის N17 დადგენილებაში ცვლილების შეტანის თაობაზე

ა) დადგენილებით დამტკიცებული წესის მე-3 მუხლი ჩამოყალიბდეს შემდეგი რედაქციით:

„მუხლი 3

საკრებულოს წევრს ხობის მუნიციპალიტეტის ადგილობრივი ბიუჯეტიდან ყოველთვიურად აუნაზღაურდება საკრებულოს წევრის უფლებამოსილების განხორციელების მიზნით გაწეული სხვადასხვა ხარჯები (ტრანსპორტირების (საწვავის) და ამომრჩევლებთან კომუნიკაციის (მობილური ტელეფონით სარგებლობის) ხარჯები), რაზედაც გაწეული ხარჯის კონკრეტული ოდენობის განსაზღვრისათვის საკრებულოს აპარატის უფროსის სახელზე წარმოადგენს განცხადებას ხარჯის დამადასტურებელ დოკუმენტებთან და ამომრჩევლებთან შეხვედრის საოქმო ჩანაწერთან ერთად, არაუგვიანეს ყოველი თვის 5 რიცხვისა.“;

ბ) დადგენილებით დამტკიცებული წესის მე-5 მუხლი ჩამოყალიბდეს შემდეგი რედაქციით:

„მუხლი 5

საკრებულოს აპარატის უფროსის მიერ მომზადებული მოხსენებითი ბარათი, რომელსაც თან ერთვის საკრებულოს წევრის მიერ უფლებამოსილების განხორციელების მიზნით, რეალურად გაწეული ასანაზღაურებელი ხარჯების დასაბუთების შესახებ წარმოდგენილი დოკუმენტაცია საკრებულოს თავმჯდომარის პირველ მოადგილესთან და საკრებულოს საფინანსო-საბიუჯეტო კომისიის თავმჯდომარესთან შეთანხმების შემდეგ წარედგინება საკრებულოს თავმჯდომარეს.

წარმოდგენილი მოხსენებითი ბარათის საფუძველზე, საკრებულოს წევრის უფლებამოსილების განხორციელების მიზნით რეალურად გაწეული  ხარჯები ანაზღაურდება საკრებულოს თავმჯდომარის ბრძანების საფუძველზე, ყოველი თვის არაუგვიანეს 10 რიცხვისა (თუ 10 რიცხვი უქმე ან დასვენების დღეა, მომდევნო სამუშაო დღეს).“.