„მშრალი პორტების შესახებ მთავრობათაშორის შეთანხმებასთან“ შეერთებისა და ძალაში შესვლის თაობაზე

ა) აცნობოს საქართველოს პრეზიდენტსა და საქართველოს პარლამენტს ამ დადგენილების პირველ მუხლში აღნიშნული მთავრობათაშორისი შეთანხმების დადების შესახებ;

ბ) შეატყობინოს გაერთიანებული ერების ორგანიზაციის გენერალურ მდივანს, როგორც შეთანხმების დეპოზიტარს, ამ დადგენილების პირველ მუხლში აღნიშნული მთავრობათაშორისი შეთანხმების ძალაში შესვლისათვის აუცილებელი შიდასახელმწიფოებრივი პროცედურების საქართველოს მხრიდან დასრულების თაობაზე;

გ) აცნობოს გაერთიანებული ერების ორგანიზაციის გენერალურ მდივანს, როგორც შეთანხმების დეპოზიტარს, რომ შეთანხმების მე-10 მუხლისა და მე-13 მუხლის მე-5 პუნქტის შესაბამისად, საქართველო თავს არ იბოჭავს მე-13 მუხლის მორიგებასთან დაკავშირებული დებულებებით;

დ) აცნობოს გაერთიანებული ერების ორგანიზაციის გენერალურ მდივანს, როგორც შეთანხმების დეპოზიტარს, რომ საქართველო აცხადებს, რომ საქართველოს რეგიონების − აფხაზეთისა და ცხინვალის რეგიონის/სამხრეთ ოსეთის − მიმართ, რომლებიც რუსეთის ფედერაციის უკანონო სამხედრო აგრესიის შედეგად მის მიერ არის ოკუპირებული, აქტის გამოყენება დაიწყება ამ რეგიონებში − ოკუპირებულ ტერიტორიებზე საქართველოს დე ფაქტო იურისდიქციის სრულად აღდგენის შემდეგ.