,,საბაჟო დეკლარაციის სახეების, ფორმების, შევსების, წარდგენის, დაბრუნების, შეცვლის, რეგისტრაციის და მონაცემთა ბაზის ელექტრონული დამუშავების სისტემის გამოყენებით, ზეპირი დეკლარირებით ან სხვა მოქმედებების განხორციელებით საბაჟო დეკლარაციის წარდგენის, ფიზიკური პირის საბაჟო დეკლარაციის ფორმისა და შევსების, საფოსტო გზავნილის დეკლარაციის ფორმისა და შევსების წესების შესახებ ინსტრუქციების და საბაჟო დეკლარირების კლასიფიკატორის დამტკიცების თაობაზე“ საქართველოს ფინანსთა მინისტრის 2006 წლის 20 დეკემბრის №1776 ბრძანებაში ცვლილებებისა და დამატების შეტანის შესახებ“

სახელმწიფო სარეგისტრაციო კოდი 200.250.000.22.033.009.955

საქართველოს ფინანსთა მინისტრის

ბრძანება №91

2007 წლის 8 თებერვალი

ქ. თბილისი

,,საბაჟო დეკლარაციის სახეების, ფორმების, შევსების, წარდგენის, დაბრუნების, შეცვლის, რეგისტრაციის და მონაცემთა ბაზის ელექტრონული დამუშავების სისტემის გამოყენებით, ზეპირი დეკლარირებით ან სხვა მოქმედებების განხორციელებით საბაჟო დეკლარაციის წარდგენის, ფიზიკური პირის საბაჟო დეკლარაციის ფორმისა და შევსების, საფოსტო გზავნილის დეკლარაციის ფორმისა და შევსების წესების შესახებ ინსტრუქციების და საბაჟო დეკლარირების კლასიფიკატორის დამტკიცების თაობაზე“ საქართველოს ფინანსთა მინისტრის 2006 წლის 20 დეკემბრის №1776 ბრძანებაში ცვლილებებისა და დამატების შეტანის შესახებ

საქართველოს საბაჟო კოდექსის 68-ე მუხლის პირველი ნაწილისა და ,,საქართველოს ფინანსთა სამინისტროს დებულების დამტკიცების შესახებ“ საქართველოს მთავრობის 2004 წლის 21 მაისის №39 დადგენილებით დამტკიცებული დებულების მე-4 მუხლის მე-3 პუნქტის ,,ლ“ ქვეპუნქტის საფუძველზე, ვბრძანებ:

    მუხლი 1

 ,,საბაჟო დეკლარაციის სახეების, ფორმების, შევსების, წარდგენის, დაბრუნების, შეცვლის, რეგისტრაციის და მონაცემთა ბაზის ელექტრონული დამუშავების სისტემის გამოყენებით, ზეპირი დეკლარირებით ან სხვა მოქმედებების განხორციელებით საბაჟო დეკლარაციის წარდგენის, ფიზიკური პირის საბაჟო დეკლარაციის ფორმისა და შევსების, საფოსტო გზავნილის დეკლარაციის ფორმისა და შევსების წესების შესახებ ინსტრუქციების და საბაჟო დეკლარირების კლასიფიკატორის დამტკიცების თაობაზე“ საქარ­თველოს ფინანსთა მინისტრის 2006 წლის 20 დეკემბრის №1776 ბრძანებაში (სსმ III, №172, მუხ. 2342) შეტანილ იქნეს შემდეგი ცვლილებები და დამატება:

1. ,,საბაჟო რეჟიმების (გარდა ტრანზიტის საბაჟო რეჟიმისა) აგრეთვე რეექსპორტის შესაბამისად გაცხადებულ საქონელზე სატვირთო-საბაჟო დეკლარაციის ფორმის, შევსების, წარდგენის, დაბრუნების, შეცვლის და რეგისტრაციის წესების შესახებ“ ინსტრუქციაში (დანართი №1) შეტანილ იქნეს შემდეგი ცვლილებები:

ა) მე-4 მუხლის პირველი პუნქტი ჩამოყალიბდეს შემდეგი რედაქციით:

,,1.     დეკლარაციის წარდგენა ხდება საქართველოს საბაჟო კოდექსის 61-ე მუხლით დადგენილ ვადებში, რომელიც აითვლება საქონლის ზოგადი დეკლარირების საფუძველზე გამოწერილი აღრიცხვის მოწმობის 25-ე გრაფაში მითითებული შევსების თარიღიდან (ექსპორტის საბაჟო რეჟიმის დროს ფიზიკური პირის მიერ გასატან საქონელზე სატვირთო საბაჟო დეკლარაცია წარედგინება იმ შემთხვევაში, თუ საქონლის საბაჟო ღირებულება აღემატება 3000 ლარს).“.

ბ) მე-4 მუხლის მე-2 პუნქტის ,,ა“ ქვეპუნქტი ჩამოყალიბდეს შემდეგი რედაქციით:

ა) ,,მსუბუქი ავტომანქანების იმპორტის, ექსპორტის, საბაჟო საწყობში საქონლის შენახვის, დროებითი შემოტანის, რეექსპორტის საბაჟო დამუშავების ოპერაციების დროს.“;

გ) მე-5 მუხლის  მე-3, მე-4 და მე-5 პუნქტები ჩამოყალიბდეს შემდეგი რედაქციით:

,,3. დეკლარაციის ერთ დამატებით ფურცელში შეიძლება გაცხადდეს ცნობები სამი დასახელების, სახეობის და მარკის საქონელზე და რომელთაგან თითო­ეული მათგანი სეს ესნ-ში კლასიფიცირდება ერთი თერთმეტნიშნა კოდით და წარმოშობილია ერთ ქვეყანაში. დაუშვებელია ერთ დეკლარაციაში გაცხადდეს ერთზე მეტი ერთი და იმავე 11-ნიშნა კოდის და ერთი და იმავე წარმოშობის ქვეყნის საქონელი.

4. სასაქონლო პარტიის ერთ დეკლარაციაში დეკლარირებისას მის ძირითად ფურცელს შეიძლება დაერთოს არა უმეტეს 33 დამატებითი ფურცლისა და ერთი დეკლარაციით შეიძლება გაცხადდეს არა უმეტეს 100 დასახელების საქონელი.

5. იმ შემთხვევაში, თუ სასაქონლო პარტია შედგება 100-ზე მეტი დასახელების საქონლისაგან, მაშინ 100-ის შემდეგ პარტიაში შემავალ ყოველ მომდევნო 100 დასახელებამდე საქონელზე ივსება ახალი დეკლარაცია.“;

დ) მე-6 მუხლის 33-ე პუნქტი ჩამოყალიბდეს შემდეგი რედაქციით:

,,33. ამ მუხლის 32-ე პუნქტში აღნიშნული დოკუმენტების არარსებობა წარმოადგენს საბაჟო დეკლარაციის ბათილად ცნობის საფუძველს.“;

ე) მე-6 მუხლის 38-ე პუნქტი ამოღებულ იქნეს;

ვ) მე-6 მუხლის 39-ე პუნქტი ჩამოყალიბდეს შემდეგი რედაქციით:

,,39. შემოწმების დამთავრების შემდეგ დეკლარაციას მიენიჭება ნომერი (A).“;

ზ) მე-6 მუხლის 49-ე პუნქტი ჩამოყალიბდეს შემდეგი რედაქციით:

,,49. საბაჟო გადასახდელების გადახდის ვალდებულების არსებობის შემთხვევაში, ხორციელდება გადახდის დადასტურება K ნომრის მინიჭებით. საქონლის გაშვების შესახებ გადაწყვეტილების მიღებისას საბაჟო მოხელე დეკლარაციაზე დაუსვამს შტამპს „გაშვება ნებადართულია“, დაუსვამს პირადნომრიან ბეჭედს, თარიღს და ხელმოწერას, რითაც საბაჟო დამუშავების ოპერაცია დასრულებულია.“;

თ) მე-8 მუხლის მე-9 პუნქტი ჩამოყალიბდეს შემდეგი რედაქციით:

,,9. გრაფა 8. ,,იმპორტიორი“ – გრაფაში აღინიშნება საქონლის მიმღების შესახებ მონაცემები. თუ საქონლის მიმღები იურიდიული პირია, გრაფაში აღინიშნება მისი სრული სახელწოდება, მისამართი, ტელეფონის ან ფაქსის (ტელეფაქსის) ნომერი, ხოლო გრაფის ზედა ნაწილში ,,N“ ნიშნის შემდეგ აღინიშნება საქონლის მიმღების ცხრანიშნა საიდენტიფიკაციო ნომერი, რომელიც მინიჭებული აქვს საგადასახადო ინსპექციის მიერ. თუ საქონლის მიმღები ფიზიკური პირია, გრაფაში აღინიშნება მისი სახელი, გვარი, მისამართი, ხოლო გრაფის ზედა ნაწილში ,,N“ ნიშნის შემდეგ აღინიშნება ამავე პირის მოქალაქის პირადობის მოწმობაში აღნიშნული პირადი ნომერი (გარდა ინდივიდუალური საწარმოსი და “მეწარმეთა შესახებ“ საქართველოს კანონის პირველი მუხლის მე-2 პუნქტით განსაზღვრული ფიზიკური პირისა). არარეზიდენტი ფიზიკური პირის შემთხვევაში, აგრეთვე გრაფის ზედა ნაწილში ,,N“ ნიშნის შემდეგ აღინიშნება საქონლის მიმღები არარეზიდენტი ფიზიკური პირის ცხრანიშნა საიდენტიფიკაციო ნომერი, რომელიც მინიჭებული აქვს საგადასახადო ინსპექციის მიერ.“;

ი) მე-8 მუხლის მე-13 პუნქტი ჩამოყალიბდეს შემდეგი რედაქციით:

,,13. გრაფა 13. ,,მოსაკრებლის გაანგარიშება“ – გრაფაში მიეთითება საბაჟო მოსაკრებლის გაანგარიშების დამხმარე კოდი ,,საბაჟო მოსაკრებლების გაანგარიშების დამხმარე კოდების კლასიფიკატორის“ მე-5 ნაწილის შესაბამისად.“;

კ) მე-8 მუხლის მე-20 პუნქტი ჩამოყალიბდეს შემდეგი რედაქციით:

,,20. გრაფა 18. ,,სატრანსპორტო საშუალება დანიშნულების ადგილზე“ – გრაფის მარცხენა განყოფილებაში აღინიშნება იმ სატრანსპორტო საშუალე­ბათა რაოდენობა და მონაცემები, რომლითაც ხდება საქონლის მიწოდება საბაჟო დამუშავების საბაჟო ორგანომდე (საზღვაო სატრანსპორტო საშუალების დასახელება, საჰაერო ხომალდის რეისის და ბორტის ნომრები, სარკინიგზო ვაგონის ნომერი, ავტოტრანსპორტის სარეგისტრაციო ნომერი და სხვა მსგავსი მონაცემები). გრაფის მარჯვენა განყოფილებაში უნდა ჩაიწეროს სატრანსპორტო საშუალების მფლობელი ქვეყნის კოდი კლასიფიკატორის ნაწილი 3-ის შესაბამისად. გრაფის სრულყოფილად შევსების შეუძლებლობის შემთხვევაში, კეთდება მითითება – ,,იხ. უკანა გვერდზე“. დეკლარაციის ოთხივე ეგზემპლარის უკანა მხარეს აღინიშნება სატრანსპორტო საშუალებათა ნომრები.“;

ლ) მე-8 მუხლის 32-ე პუნქტი ჩამოყალიბდეს შემდეგი რედაქციით;

,,32. გრაფა 31. ,,საქონლის აღწერა და რაოდენობა“ – გრაფაში აღინიშნება დეკლარირებული საქონლის ზუსტი მონაცემები, მათ შეფუთვასა და მარ­კირე­ბაზე, რაც იძლევა საქონლის საბაჟო მიზნით იდენტიფიცირების შესაძლებ­ლობას. გრაფაში აღინიშნება სატვირთო ადგილების, მათი შეფუთვისა და მარკირების შესახებ მონაცემები, აგრეთვე ერთი სატვირთო ადგილის შემცველ საქონელთა რაოდენობის, შეფუთვის, დაფასოების, მარკირების შესახებ მონაცემები. კონტეინერებით გადაზიდულ საქონელზე მიეთითება კონტეინე­რების რაოდენობა და წილადის ხაზის შემდეგ – მათი ნომრები. თუ საქონელს არ უკავია მთელი კონტეინერი, მისი ნომრის შემდეგ ჩაიწერება – ,,ნაწილი“, აღინიშნება მარკირებულ აქციზურ საქონელზე აქციზური მარკების სერია და რაოდენობა; აღინიშნება საქონლის ზუსტი აღწერილობა: დასახელება, მისი ტექნიკური და ძირითადი კომერციული მახასიათებლები (სტანდარტი, ხარისხი, მარკა, მოდელი, არტიკული, საფირმო დასახელება და ა. შ), რომლებიც იძლევიან საქონელთა საბაჟო იდენტიფიცირებისა და საგარეო ეკონომიკური საქმიანობის სასაქონლო ნომენკლატურის შესაბამისად თერთმეტნიშნა ქვეპო­ზიციით კლასიფიცირების შესაძლებლობას. იმ შემთხვევაში, თუ აღნიშნულ გრაფაში ვერ ხერხდება ყველა მონაცემის შეტანა, მაშინ ჩაიწერება ძირითადი ინფორმაცია, ხოლო გრაფის ბოლოს მიეთითება ,,იხ. დანართი“. დაუშვებელია დეკლარირებული საქონლის მითითება სასაქონლო პოზიციის საერთო დასახელებით, რომელიც მოცემულია საგარეო ეკონომიკური საქმიანობის სასაქონლო ნომენკლატურაში. იმ შემთხვევაში, თუ საქონელი გაიშვება მიზნობრივი დანიშნულებით, მაშინ გრაფაში ჩაიწერება სიტყვები ,,მიზნობრივი დანიშნულებით.“;

მ) მე-8 მუხლის 37-ე პუნქტი ჩამოყალიბდეს შემდეგი რედაქციით:

,,37. გრაფა 37. ,,საბაჟო რეჟიმი (პროცედურა)“ – გრაფაში აღინიშნება ოთხთანრიგიანი და სამთანრიგიანი კოდი. ოთხთანრიგიანი კოდის პირველი ორი ციფრი აღნიშნავს ძირითად საბაჟო რეჟიმს და ჩაიწერება – ,,40“, მეორე ორი ციფრი – წინმსწრებ საბაჟო რეჟიმს და ჩაიწერება ამ რეჟიმის კოდი კლასიფიკატორის პირველი ნაწილის შესაბამისად. თუ წინმსწრები საბაჟო რეჟიმი არ არსებობდა, მაშინ იწერება – ,,00“. სამთანრიგიან კოდში ჩაიწერება გადასახადების გაანგარიშების დამხმარე კოდი ,,გადასახადების გაანგარიშების დამხმარე კოდის კლასიფიკატორის“ მე-6 ნაწილის შესაბამისად.“;

ნ) მე-9 მუხლს დაემატოს შემდეგი შინაარსის მე-5 პუნქტი:

,,5. საბაჟო ორგანოს პასუხისმგებელ მოხელეს შეუძლია კორექტირება შეიტანოს იმ გრაფებში, რომლის შეცვლაც არ იწვევს საბაჟო სამართალ­დარღვევისათვის გათვალისწინებულ პასუხისმგებლობას მოქმედი კანონმდებლობის მიხედვით.“;

ო) მე-10 მუხლი ჩამოყალიბდეს შემდეგი რედაქციით:

,,მუხლი 10.

გრაფები 3, 5, 6, 7, 9, 11, 13, 16, 19, 20, 22, 23, 24, 25, 26, 28, 30, 31, 32, 33, 34, 35, 36, 38, 39, 40, 41, 44, 46, 47, 48, 49, 54, A, B, C ივსება საქონლის თავისუფალ მიმოქცევაში გაშვების (იმპორტის) საბაჟო რეჟიმში დეკლარირებისას სატვირთო-საბაჟო დეკლა­რაციის შევსების წესის შესაბამისად. იმ შემთხვევაში, როდესაც საქონელი ექცევა ექსპორტის საბაჟო რეჟიმში უკან დაბრუნების პირობით, მაშინ 31-ე გრაფაში ჩაიწერება სიტყვები: ,,დაბრუნების პირობით.“;

პ) მე-11 მუხლის მე-2 პუნქტი ჩამოყალიბდეს შემდეგი რედაქციით:

,,9. გრაფა 8. ,,იმპორტიორი“ – გრაფაში აღინიშ-ნება საქონლის გამგზავნის შესახებ მონაცემები. თუ საქონლის გამგზავნი იურიდიული პირია, გრაფაში აღინიშნება მისი სრული სახელწოდება, მისამართი, ტელეფონის ან ფაქსის (ტელეფაქსის) ნომერი, ხოლო გრაფის ზედა ნაწილში ,,N“ ნიშნის შემდეგ აღინიშნება საქონლის გამგზავნის ცხრანიშნა საიდენტიფიკაციო ნომერი, რომელიც მინიჭებული აქვს საგადასახადო ინსპექციის მიერ. თუ საქონლის გამგზავნი ფიზიკური პირია, გრაფაში აღინიშნება მისი სახელი, გვარი, მისამართი, ხოლო გრაფის ზედა ნაწილში ,,N“ ნიშნის შემდეგ აღინიშნება ამავე პირის მოქალაქის პირადობის მოწმობაში აღნიშნული პირადი ნომერი (გარდა ინდივიდუალური საწარმოსი და ,,მეწარმეთა შესახებ“ საქართველოს კანონის პირველი მუხლის მე-2 პუნქტით განსაზღვრული ფიზიკური პირისა). არარეზიდენტი ფიზიკური პირის შემთხვევაში, აგრეთვე გრაფის ზედა ნაწილში ,,N“ ნიშნის შემდეგ აღინიშნება საქონლის გამგზავნი არარეზიდენტი ფიზიკური პირის ცხრანიშნა საიდენტიფიკაციო ნომერი, რომელიც მინიჭებული აქვს საგადასახადო ინსპექციის მიერ.“;

ჟ) მე-11 მუხლის მე-4 პუნქტი ჩამოყალიბდეს შემდეგი რედაქციით:

,,4. გრაფა 14. ,,დეკლარანტი/წარმომადგენელი“ – გრაფაში აღინიშნება დეკლარანტის სრული სახელწოდება და მისამართი. გრაფის ზედა ნაწილში N ნიშნის შემდეგ აღინიშნება დეკლარანტის ცხრანიშნა საიდენტიფიკაციო ნომერი (კოდი), რომელიც მინიჭებული აქვს საგადასახადო ორგანოს მიერ. იმ შემთხვევაში, თუ დეკლარანტი არის საქონლის მფლობელი, მაშინ შესაძლე­ბელია გრაფაში მიეთითოს ,,იხ. გრაფა 2.“;

რ) მე-11 მუხლის მე-10 პუნქტი ჩამოყალიბდეს შემდეგი რედაქციით:

,,10. გრაფა 37. ,,საბაჟო რეჟიმი (პროცედურა)“ – გრაფაში აღინიშნება ოთხთანრიგიანი და სამთანრიგიანი კოდი. ოთხთანრიგიანი კოდის პირველი ორი ციფრი აღნიშნავს ძირითად საბაჟო რეჟიმს და ჩაიწერება – ,,10“, მეორე ორი ციფრი – წინმსწრებ საბაჟო რეჟიმს და ჩაიწერება ამ რეჟიმის კოდი, კლასიფიკატორის პირველი ნაწილის შესაბამისად. თუ წინმსწრები საბაჟო რეჟიმი არ არსებობდა, მაშინ იწერება – ,,00“. სამთანრიგიან კოდში ჩაიწერება გადასახადების გაანგარიშების დამხმარე კოდი ,,გადასახადების გაანგარიშების დამხმარე კოდის კლასიფიკატორის“ მე-6 ნაწილის შესაბამისად.“;

ს) მე-13 მუხლი ჩამოყალიბდეს შემდეგი რედაქციით:

,,მუხლი 13.

 1. გრაფა 1. ,,დეკლარაცია“ – გრაფის პირველ განყოფილებაში ჩაიწერება ოპერაციის დასახელება – რეექსპორტი – ,,რექ“, მეორეში – ციფრული კოდი ,,1“.

 2. გრაფა 37. ,,საბაჟო რეჟიმი (პროცედურა)“ – გრაფაში აღინიშნება ოთხ­თანრიგიანი და სამთანრიგიანი კოდი. ოთხთანრიგიანი კოდის პირველ ორ ციფრში ჩაიწერება – ,,11“. მეორე ორი ციფრი აღნიშნავს წინმსწრებ საბაჟო რეჟიმს (ასეთის არსებობის შემთხვევაში) და ჩაიწერება ამ რეჟიმის კოდი, კლასიფიკატორის ნაწილი 1-ის შესაბამისად. სამთანრიგიან კოდში ჩაიწერება გადასახადების გაანგარიშების დამ-ხმარე კოდი ,,გადასახადების გაანგარიშების დამხმარე კოდის კლასიფიკატორის“ მე-6 ნაწილის შესაბამისად.“;

ტ) მე-16 მუხლის მე-2 პუნქტი ჩამოყალიბდეს შემდეგი რედაქციით:

,,2. გრაფა 37. ,,საბაჟო რეჟიმი (პროცედურა)“ – გრაფაში აღინიშნება ოთხთანრიგიანი და სამთანრიგიანი კოდი. ოთხთანრიგიანი კოდის პირველი ორი ციფრი აღნიშნავს ძირითად საბაჟო რეჟიმს და ჩაიწერება – ,,74“. მეორე ორი ციფრი – წინმსწრებ საბაჟო რეჟიმს და ჩაიწერება ამ რეჟიმის კოდი, კლასიფიკატორის ნაწილი 1-ის შესაბამისად. თუ წინმსწრები საბაჟო რეჟიმი არ არსებობდა, მაშინ იწერება – ,,00“. სამთანრიგიან კოდში ჩაიწერება გადასახადების გაანგარიშების დამხმარე კოდი ,,გადა-სახადების გაანგარიშების დამხმარე კოდის კლასიფიკა-ტორის“ მე-6 ნაწილის შესაბამისად.“;

უ) მე-18 მუხლის პირველი პუნქტი ჩამოყალიბდეს შემდეგი რედაქციით:

,,1. გრაფა 1. ,,დეკლარაცია“ – საქონლის დროებითი შემოტანისას გრაფის პირველ განყოფილებაში ჩაიწერება ოპერაციის დასახელება – ,,დრი“, მეორეში – ციფრული კოდი ,,3“.“;

ფ) მე-18 მუხლის მე-3 პუნქტი ჩამოყალიბდეს შემდეგი რედაქციით:

,,3. გრაფა 37. ,,საბაჟო რეჟიმი (პროცედურა)“ – გრაფაში აღინიშნება ოთხთანრიგიანი და სამთანრიგიანი კოდი. საქონლის დროებითი შემოტანისას ოთხთანრიგიანი კოდის პირველ ორ ციფრად ჩაიწერება – ,,34“, მეორე ორ ციფრად – წინმსწრები საბაჟო რეჟიმის კოდი, კლასიფიკატორის ნაწილი 1-ის შესაბამისად. თუ წინმსწრები საბაჟო რეჟიმი არ არსებობდა, მაშინ იწერება – ,,00“. სამთანრიგიან კოდში ჩაიწერება გადასახადების გაანგარიშების დამხმარე კოდი ,,გადასახადების გაანგარიშების დამხმარე კოდის კლასიფიკატორის“ მე-6 ნაწილის შესაბამისად.“;

ქ) მე-20 მუხლის მე-2 პუნქტი ჩამოყალიბდეს შემდეგი რედაქციით:

,,2. გრაფა 37. ,,საბაჟო რეჟიმი (პროცედურა)“ – გრაფაში აღინიშნება ოთხთანრიგიანი და სამთანრიგიანი კოდი. ოთხთანრი­გიანი კოდის პირველი ორი ციფრი აღნიშნავს ძირითად საბაჟო რეჟიმს და ჩაიწერება – ,,51“, მეორე ორი ციფრი – წინმსწრებ საბაჟო რეჟიმს და ჩაიწერება ამ რეჟიმის კოდი, კლასიფიკატორის ნაწილი 1-ის შესაბამისად. თუ წინმსწრები საბაჟო რეჟიმი არ არსებობდა, მაშინ იწერება – ,,00“; გადამუშავების შედეგად მიღებული საქონლის ექსპორტის შემთხვევაში პირველი ორი ციფრი ჩაიწერება ,,10“, ხოლო მეორე ორი ციფრი ,,51“. თუ აღნიშნული საქონელი გაცხადდება სხვა საბაჟო რეჟიმში, პირველ ორ ციფრად იწერება გაცხადებული საბაჟო რეჟიმის კოდი, კლასიფიკატორის ნაწილი 1-ის შესაბამისად, ხოლო მეორე ორ ციფრად – ,,51“. სამთანრიგიან კოდში ჩაიწერება გადასახადების გაანგარიშების დამხმარე კოდი ,,გადასახადების გაანგარიშების დამხმარე კოდის კლასიფი­კა­ტორის“ ნაწილი 6-ის შესაბამისად.“;

ღ) 22-ე მუხლის მე-2 პუნქტი ჩამოყალიბდეს შემდეგი რედაქციით:

,,2. გრაფა 37. ,,საბაჟო რეჟიმი (პროცედურა)“ – გრაფაში აღინიშნება ოთხთანრიგიანი და სამთანრიგიანი კოდი. ოთხთანრიგიანი კოდის პირველი ორი ციფრი აღნიშნავს ძირითად საბაჟო რეჟიმს და ჩაიწერება – ,,61“. მეორე ორი ციფრი – წინმსწრებ საბაჟო რეჟიმს და ჩაიწერება ამ რეჟიმის კოდი, კლასი-ფიკატორის ნაწილი 1-ის შესაბამისად. თუ წინმსწრები საბაჟო რეჟიმი არ არსებობდა, მაშინ იწერება – ,,00“. სამთანრიგიან კოდში ჩაიწერება გადასახადების გაანგარიშების დამხმარე კოდი ,,გადასახადების გაანგარიშების დამხმარე კოდის კლასიფიკატორის“ ნაწილი 6-ის შესაბამისად.“.

2. ,,ტრანზიტის საბაჟო რეჟიმის შესაბამისად გაცხადებულ საქონელზე სატვირთო საბაჟო დეკლარაციის ფორმის, შევსების, წარდგენის, დაბრუნების, შეცვლის და რეგისტრაციის წესების შესახებ ინსტრუქციაში“(დანართი №4) შეტანილ იქნეს შემდეგი ცვლილებები:

ა) მე-6 მუხლის მე-5 პუნქტი ჩამოყალიბდეს შემდეგი რედაქციით:

,,5. სასაქონლო პარტიის ერთ დეკლარაციაში დეკლარირებისას მის ძირითად ფურცელს შეიძლება დაერთოს არა უმეტეს 33 დამატებითი ფურცლისა და ერთი დეკლარაციით შეიძლება გაცხადდეს არა უმეტეს 100 დასახელების საქონელი. იმ შემთხვევაში, თუ სასაქონლო პარტია შედგება 100-ზე მეტი დასახელების საქონლისაგან, მაშინ 100-ის შემდეგ პარტიაში შემავალ ყოველ მომდევნო 100 დასახელებამდე საქონელზე ივსება ახალი დეკლარაცია.“;

ბ) მე-10 მუხლის მე-10 პუნქტი ჩამოყალიბდეს შემდეგი რედაქციით:

,,10. გრაფა 14. ,,დეკლარანტი/წარმომადგენელი“ – გრაფაში აღინიშნება დეკლარანტის სრული სახეწოდება და მისამართი. გრაფის ზედა ნაწილში N ნიშნის შემდეგ აღინიშნება დეკლარანტის ცხრანიშნა საიდენტიფიკაციო ნომერი (კოდი), რომელიც მინიჭებული აქვს საგადასახადო ორგანოს მიერ. იმ შემთხვევაში, თუ დეკლარანტი არის საქონლის მფლობელი, მაშინ შესაძლებელია გრაფაში მიეთითოს ,,იხ. გრაფა 8.“;

გ) მე-10 მუხლის 26-ე პუნქტი ჩამოყალიბდეს შემდეგი რედაქციით:

,,26. გრაფა 50. ,,გადამზიდველი“ – აღინიშნება გადამზიდველის რეკვიზიტები (ასეთის არსებობის შემთხვევაში). ,,წარმომადგენლის“ გასწვრივ აღინიშნება გადაზიდვაზე პასუხისმგებელი პირის (მძღოლის) სახელი და გვარი და პასპორტის ნომერი (მხოლოდ ავტოსატრანსპორტო საშუალებით გადაზიდვის შემთხვევაში).“. 

3. ფიზიკური პირის საბაჟო დეკლარაციაში (დანართი №6) შეტანილ იქნეს შემდეგი ცვლილებები:

ა) მე-5 ნაწილი ,,5. მოგესალმებათ საქართველოს საბაჟო!!!“ ჩამოყალიბდეს შემდეგი რედაქციით:

,,მოგესალმებათ საქართველოს საბაჟო!!!“;

ბ) მე-6 ნაწილის სათაური ,,6. მნიშვნელოვანი ინფორმაცია“ ჩამოყალიბდეს შემდეგი რედაქციით:

,,5. მნიშვნელოვანი ინფორმაცია“.

4. საბაჟო ორგანოსათვის წარდგენილი დოკუმენტე-ბის შესახებ განაცხადი (დანართი №3) ჩამოყალიბდეს შემდეგი რედაქციით:

,,საქართველოს ფინანსთა სამინისტრო

საბაჟო დეპარტამენტი

საბაჟო ორგანოსათვის წარდგენილი დოკუმენტების შესახებ განაცხადი

     1. დოკუმენტაციის წარმომდგენი პირი -------------------------------------------------

     2. იურიდიული ან ფიზიკური პირის საიდენტიფიკაციო ნომერი -------------------

     3. საბაჟო ორგანოს მიერ დოკუმენტაციის მიღების თარიღი და დრო - 200 წ. - სთ. წთ.

     4. დოკუმენტის მიღებაზე პასუხისმგებელი პირი -------------------------------------

     5. საბაჟო დამუშავების ოპერაციის განყოფილების თანამშრომელი -----------------

     6. თარიღი და დრო --------------------- 200 წ. -------სთ. -----წთ.“.

5. ,,საბაჟო დეკლარირების კლასიფიკატორებში“ (დანართი №18) შეტანილ იქნეს შემდეგი ცვლილებები:

ა) მე-2 ნაწილი ჩამოყალიბდეს შემდეგი რედაქ­ციით:

,, ნაწილი 2. საბაჟო ორგანოებისა და საბაჟო დამუშავების ოპერაციების

ადგილების კლასიფიკატორი

  კოდი                      

69001              საბაჟო საგუშაგო ,,თბილისის აეროპორტი”

69002              საბაჟო გამშვები პუნქტი ,,წითელი ხიდი”

69003              საბაჟო გამშვები პუნქტი ,,სადახლო”

69005              საბაჟო გამშვები პუნქტი ,,გუგუთი”

69006              საბაჟო გამშვები პუნქტი ,,ახკერპი”

69007              საბაჟო გამშვები პუნქტი ,,სამთაწყარო”

69009              საბაჟო გამშვები პუნქტი ,,გარდაბანი”

69010              საბაჟო გამშვები პუნქტი ,,ლაგოდეხი”

69021              საბაჟო გამშვები პუნქტი ,,მტკვარი”

69101              საბაჟო გამშვები პუნქტი ,,ყაზბეგი”

69301              საბაჟო გამშვები პუნქტი ,,ვალე”

69302              საბაჟო გამშვები პუნქტი ,,ნინოწმინდა”

69401              საბაჟო გამშვები პუნქტი ,,ქუთაისის აეროპორტი”

69501              საბაჟო საგუშაგო ,,ფოთის პორტი”

69504              საბაჟო გამშვები პუნქტი ,,სენაკის აეროპორტი”

69601              საბაჟო გამშვები პუნქტი ,,სარფი”

69602              საბაჟო საგუშაგო ,,ბათუმის პორტი”

69603              საბაჟო გამშვები პუნქტი ,,ბათუმის აეროპორტი”

               რეგიონალური საბაჟო ,,აღმოსავლეთი”:

69040              - ქ. თბილისი, ჭირნახულის I შესახვევი N 7;

69000              - ქ. თბილისი, ცოტნე დადიანის ქ. N 30;

69042              - რუსთავი - ,,წითელი ხიდის” ავტომაგისტრალის 56-ე კმ (შპს ,,რედ

                    ბრიჯის“ ღია საბაჟო საწყობის ტერიტორია);

  69014       - ქ. რუსთავი, ფიროსმანის ქ. N 38;

  69017       - ქ. თელავი, ერეკლე II-ის გამზ. N 1;

  69026       - ქ. თბილისი, აეროპორტის მიმდებარე ტერიტორია;

  69200       - ქ. მცხეთა, ნარეკვავის დასახლება, ნატახტარის ქ. N1;

  69027       - მცხეთის რ-ნი, ზაჰესის დასახლება, მშვიდობის ქ. N 105ა;

  69300       - ბორჯომის რ-ნი, სოფელი ჩითახევი;

  69050       - ქ. თბილისი, დავით აღმაშენებლის ხეივანი, მე-13 კილომეტრი (ქ. თბილისის საპატრულო პოლიციის მთავარი სამმართველოს შენობა);

  69043       - საქართველოს საბაჟო საზღვრიდან ქ. თბილისის რკინიგზის  

                   სამგზავრო სადგურის ტერიტორიის ჩათვლით და

                 უკუმიმართულებით მოძრავი

                ერევანი-ბათუმი-ერევანი, ბათუმი-ერევანი-ბათუმის საერთაშორისო  

               სარკინიგზო მიმოსვლის ძირითადი მარშრუტის მსვლელობის სწრაფი  

               სამგზავრო მატარებელი. იმ შემთხვევაში, თუ ვერ ხერხდება აღნიშნული

               პროცედურის მატარებელში წარმართვა, საქონლის საბაჟო რეჟიმში

              მოქცევის ოპერაცია განხორციელდება უახლოეს ან დეკლარანტის მიერ

              შერჩეულ საბაჟო პროცედურის ჩატარების  ადგილზე.

  69001       - ქ. თბილისის აეროპორტი.

                         რეგიონალური საბაჟო ,,დასავლეთი”:

  69600       - ხელვაჩაურის რ-ნი, სოფელი ადლია, შპს ,,ტერმინალის” საწყობის

                          ტერიტორია;

   69605    - ქ. ბათუმი, ტბელ-აბუსერიძის ქ. N11.

69400           - წყალტუბოს რაიონი, სოფ. ქვიტირი”, საბაჟო-კემპინგი”.

69602           - საბაჟო საგუშაგო „ბათუმის პორტი ქ. ბათუმი, გოგებაშვილის ქ. N60;

   69500 - საბაჟო საგუშაგო „ფოთის პორტი” – ქ. ფოთი, ხობის ქ. N7 ;

   69510 - ქ. ფოთი, საქართველოს შინაგან საქმეთა სამინისტროს საპატრულო

                   ­პოლიციის დეპარტამენტის სამეგრელოსა და ზემო სვანეთის

                   სამმართველოს  მე-3 სახაზო განყოფილება.”;

   ბ) ნაწილი 4 ჩამოყალიბდეს შემდეგი რედაქციით:

,, ნაწილი 4. საბაჟო გადასახდელების სახეობების კლასიფიკატორი

კოდი     დასახელება

10      საბაჟო მოსაკრებელი

20      საბაჟო გადასახადი

27      აქციზი

28      დღგ ”;

გ) მე-5 ნაწილი ჩამოყალიბდეს შემდეგი რედაქციით:

,, ნაწილი 5. საბაჟო მოსაკრებლების გაანგარიშების დამხმარე კოდების

კლასიფიკატორი

                                        ”; 

დ) მე-6 ნაწილი ჩამოყალიბდეს შემდეგი რედაქციით:    

,, ნაწილი 6. გადასახადების გაანგარიშების დამხმარე კოდების კლასიფიკატორი

                                                         “;    

     ე) მე-11 ნაწილი ჩამოყალიბდეს შემდეგი რედაქციით:

,,ნაწილი 11. საქონლის მიმართ საბაჟო დამუშავების ოპერაციების განხორციელებისათვის საბაჟო ორგანოში წარსადგენი დოკუმენტებისა და საქონელთან დაკავშირებით სხვა საჭირო ინფორმაციის კლასიფიკატორი

                                                                  “.

 მუხლი 2

 ბრძანება ამოქმედდეს გამოქვეყნებისთანავე.

ა. ალექსიშვილი