ჭიათურის მუნიციპალიტეტის მერიის ადმინისტრაციული სამსახურის დებულების დამტკიცების შესახებ

2. სამსახურს აქვს მრგვალი ბეჭედი სახელმწიფო გერბის გამოსახულებით და წარწერით „ჭიათურის მუნიციპალიტეტის მერია – ადმინისტრაცია“, შესაბამისი თარგმანით ინგლისურ ენაზე და საიდენტიფიკაციო აღნიშვნით.

3. სამსახური თავის საქმიანობას წარმართავს მოქმედი კანონმდებლობის, მერიის დებულების, ამ დებულებისა და მუნიციპალიტეტის სხვა სამართლებრივი აქტების შესაბამისად.

4. სამსახურის საშტატო განრიგი განისაზღვრება მერიის საშტატო ნუსხით მოქმედი კანონმდებლობის შესაბამისად.

ა) მერიის სამუშაო  თათბირების  ორგანიზაციულ-ტექნიკურად უზრუნველყოფა, აგრეთვე, მერიის სტრუქტურული ერთეულების და მერიის თანამდებობის პირების მიერ სხვა ღონისძიებების ჩატარების უზრუნველყოფა;

ბ) სამსახურებრივი დოკუმენტების, მოქალაქეთა, ორგანიზაციების, დაწესებულების მიერ გამოგზავნილი წერილების და მომართვების  აღრიცხვა, სისტემატიზაცია, მათი გადაგზავნა ადრესატებისათვის. დოკუმენტაციის შენახვა და საარქივო მასალის დამუშავება;

გ) მაღალმთიან დასახლებებში მუდმივად მცხოვრები პირის სტატუსის მინიჭების საკითხების განხილვა და მაღალმთიანობის სტატუსის მინიჭების, შეწყვეტის, შეჩერებისა და აღდგენის საკითხთა განმხილველი საბჭოსთვის წარდგენა;

დ) მერიის მოსამსახურეთა პირადი საქმეების წარმოება;

ე) ადმინისტრაციული ერთეულების საქმიანობის კოორდინაციის უზრუნველყოფა;

ვ) მერიის მოსამსახურეთა ვაკანტურ თანამდებობაზე კონკურსის ჩატარების ორგანიზება;

ზ) მოქალაქეთა  მიღების ორგანიზება, შესაბამისი მასალების მომზადება, დავალებათა აღრიცხვა და კონტროლი მათ შესრულებაზე;

თ) მუნიციპალიტეტის მერიის საქმიანობის საინფორმაციო, ანალიტიკური, საცნობარო და ტექნოლოგიურ-პროგრამული უზრუნველყოფა. მუნიციპალიტეტის მერიის ოფიციალური ინფორმაციის გავრცელება, თვითმმართველი ერთეულის საინფორმაციო-ტელეკომუნიკაციური სისტემების ორგანიზება და განვითარება, მასობრივი ინფორმაციის ორგანოებთან მუშაობის ორგანიზება;

ი) მოქმედი კანონმდებლობით, მერიის დებულებით და მუნიციპალიტეტის სამართლებრივი აქტებით განსაზღვრული სხვა ფუნქციების განხორციელება;

კ) სახელმწიფო შესყიდვების გეგმით განსაზღვრული მუნიციპალური შესყიდვების განხორციელება მუნიციპალიტეტის სატენდერო კომისიის გადაწყვეტილების შესაბამისად;

ლ) მუნიციპალური შესყიდვების გეგმის შემუშავება;

მ) მუნიციპალური შესყიდვების შესახებ შესაბამისი ადმინისტრაციული დოკუმენტაციისა და სამართლებრივი გარემოებების მომზადება;

ნ) ჭიათურის მუნიციპალიტეტის მერიის სარგებლობაში არსებული მატერიალურ-ტექნიკური ფასეულობების, საინვენტარო ქონებისა და სატრანსპორტო საშუალებების მართვა, მოვლა-პატრონობა და ლოჯისტიკური უზრუნველყოფა.

2. სამსახურის სტრუქტურული ქვედანაყოფებია:

ა) მერის წარმომადგენელთა კოორდინაციის განყოფილება.

ბ) საქმისწარმოების განყოფილება.

გ) ადამიანური რესურსების მართვისა და საზოგადოებასთან ურთიერთობის განყოფილება.

დ) იურიდიული განყოფილება.

ე) სახელმწიფო შესყიდვებისა და ლოჯისტიკის განყოფილება.

3. სამსახურის საქმიანობას წარმართავს სამსახურის ხელმძღვანელი. სამსახურის ხელმძღვანელის არყოფნის შემთხვევაში, მერის დავალებით, სამსახურის ხელმძღვანელის უფლება-მოვალეობებს ახორციელებს ერთ-ერთი განყოფილების უფროსი.

4. განყოფილების უფროსის არყოფნის შემთხვევაში, მერის დავალებით, განყოფილების უფროსის უფლება-მოვალეობებს ახორციელებს განყოფილების იერარქიულად უფრო მაღალი რანგის პროფესიული საჯარო მოხელე.

5. ადმინისტრაციული სამსახურის საქმიანობაზე სამსახურებრივ ზედამხედველობას ახორციელებს მერი.

2. სამსახურის ხელმძღვანელი:

ა) წარმართავს ადმინისტრაციული სამსახურის საქმიანობას და პასუხისმგებელია სამსახურზე დაკისრებული ამოცანებისა და ფუნქციების შესრულებაზე;

ბ) უნაწილებს ფუნქციებს სტრუქტურული ერთეულის მოხელეებს;

გ) მერს წარუდგენს წინადადებებს სტრუქტურული ერთეულის საკადრო საკითხებთან დაკავშირებით, სტრუქტურული ერთეულის მოხელეთა წახალისების, საჯარო მოსამსახურეთათვის დისციპლინური პასუხისმგებლობის ზომების შეფარდების, შვებულების, სამსახურებრივი მივლინების, პროფესიული განვითარების შესახებ „საჯარო სამსახურის შესახებ“ საქართველოს კანონით დადგენილი წესით;

დ) განსაზღვრავს სტრუქტურული ერთეულის საქმიანობის ორგანიზებისა და დაგეგმვის წესებს, ფორმებსა  და მეთოდებს, სტრუქტურული ერთეულის მოხელეთა თანამდებობრივ მოვალეობებს;

ე)  ახორციელებს სტრუქტურულ ქვედანაყოფების საქმიანობაზე ზედამხედველობას;

ვ) მერს წარუდგენს სტრუქტურული ერთეულის მიერ მომზადებულ საკითხებს, წინადადებებს, დასკვნებსა და რეკომენდაციებს;

ზ) მერს პერიოდულად წარუდგენს ანგარიშს სტრუქტურული ერთეულის მიერ გაწეული სამუშაოს შესახებ;

თ) მერიის დებულების შესაბამისად, თავისი უფლებამოსილების ფარგლებში გამოსცემს ინდივიდუალურ ადმინისტრაციულ-სამართლებრივ აქტებს;

ი) ანგარიშვალდებულია მერის წინაშე.

2. მერის წარმომადგენელთა კოორდინაციის განყოფილება დადგენილი წესით უზრუნველყოფს:

ა) მერისა და სამსახურის ხელმძღვანელისთვის ინფორმაციის მიწოდებას ადმინისტრაციული ერთეულების ტერიტორიაზე ადგილობრივი თვითმმართველობის ორგანოების მიერ მიღებულ გადაწყვეტილებათა შესრულების მიმდინარეობის შესახებ;

ბ) მერისა და სამსახურის ხელმძღვანელისთვის წინადადებების წარდგენას ადმინისტრაციულ ერთეულებში არსებული პრობლემების და მათი შესაძლო გადაწყვეტის გზების შესახებ;

გ) მერისა და სამსახურის ხელმძღვანელის დავალებით ადმინისტრაციულ ერთეულებში სტატისტიკური და სხვა მონაცემების შეგროვებას;

დ) წინადადებების შემუშავებას სოფლის მეურნეობის საკითხებთან დაკავშირებით;

ე) მოქმედი კანონმდებლობით, მერიის დებულებით და მუნიციპალიტეტის სხვა სამართლებრივი აქტებით განსაზღვრული სხვა ფუნქციების განხორციელებას;

ვ) მოქმედი კანონმდებლობით, მერიის დებულებით და მუნიციპალიტეტის სხვა სამართლებრივი აქტებით განსაზღვრული ფუნქციების განხორციელებას.

ა) მერიაში შემოსული და ადგილზე შექმნილი დოკუმენტების აღრიცხვას და დოკუმენტების გადაცემას შემსრულებლისათვის.

ბ) გასული დოკუმენტების გაგზავნას ადრესატებისთვის.

გ) საქმეთა მომზადებას არქივისათვის ჩასაბარებლად.

დ) სამსახურებრივი დოკუმენტების, მოქალაქეთა, ორგანიზაციების და დაწესებულების მიერ გამოგზავნილი წერილების, მომართვების აღრიცხვას, სისტემატიზაციას და მათ გადაგზავნას ადესატებისათვის. დოკუმენტაციის შენახვას და საარქივო მასალის დამუშავებას.

ე) მაღალმთიან დასახლებაში მუდმივად  მცხოვრები მოქალაქეების საქმის მასალების შესწავლას, მაღალმთიანობის სტატუსის მინიჭების, შეწყვეტის, შეჩერებისა და აღდგენის საკითხთა განმხილველი საბჭოზე გატანას და შესაბამისი სამართლებრივი აქტების მომზადება.

ვ) სერვისების განვითარების სააგენტოდან მაღალმთიანობის საკითხებთან დაკავშირებით შემოსული ინფორმაციის საფუძველზე სამრთლებრივი აქტების მომზადებას.

ზ) ცნობების გაცემას მაღალმთიან დასახლებაში მუდმივად მცხოვრებ მოქალაქეებზე მაღალმთიანობის სტატუსთან დაკავშირებით.

თ) მოქმედი კანონმდებლობით, მერიის დებულებით და მუნიციპალიტეტის სხვა სამართლებრივი აქტებით განსაზღვრული ფუნქციების განხორციელებას.

ა) ადამიანური რესურსების მართვასთან დაკავშირებით სამართლებრივი აქტების პროექტების მომზადებას, მოსამსახურეთა პირადი საქმეების წარმოებას, შრომითი ხელშეკრულებით დასაქმებულ პირებთან შრომითი ხელშეკრულებების გაფორმებას;

ბ) მოსამსახურეთა სამუშაო გეგმების და სამუშაოთა აღწერილობების მომზადებაში მეთოდურ დახმარებას;

გ) საჯარო მოსამსახურეთა მიერ სამსახურის გავლის პირობების, წახალისების და დისციპლინური ზომების გამოყენების წესების განსაზღვრის შესახებ წინადადებების მომზადებას;

დ) მოსამსახურეთა ვაკანტურ თანამდებობაზე კონკურსის ჩატარების ორგანიზებას;

ე) მოსამსახურეთა პროფესიული დონის ანალიზს, კადრების საჭიროებათა შესწავლას და საკადრო რესურსების გამოყენების პროცესის ოპტიმიზაციის მიზნით შესაბამისი წინადადებების მომზადებას; მათი მომზადების, გადამზადებისა და კვალიფიკაციის ამაღლების ორგანიზებას;

ვ) მუნიციპალიტეტის მერიის ოფიციალური ინფორმაციის გავრცელებას, თვითმმართველი ერთეულის საინფორმაციო-ტელეკომუნიკაციური სისტემების ორგანიზებასა და განვითარებას. მასობრივი ინფორმაციის ორგანოებთან მუშაობის ორგანიზებას;

ზ) საზოგადოებასთან და საზღვარგარეთის ქვენებთან ურთიერთობის საკითხების ორგანიზებას;

თ) მოქმედი კანონმდებლობით, მერიის დებულებით და მუნიციპალიტეტის სხვა სამართლებრივი აქტებით განსაზღვრული ფუნქციების განხორციელებას.

ა) მერის, მერიის სტრუქტურული ერთეულების – სამსახურებისა და ადმინისტრაციული ერთეულების იურიდიულ კონსულტირებას, სამართლებრივი დასკვნების მომზადებას;

ბ) მერიაში შემუშავებული სამართლებრივი აქტების პროექტების, ადმინისტრაციული გარიგებების, ადმინისტრაციული სამართალდარღვევის ოქმების და სხვა დოკუმენტების სამართლებრივ გამართულობას, მათ შესაბამისობას მოქმედ კანონმდებლობასთან და მუნიციპალიტეტის ნორმატიულ აქტებთან;

გ) მუნიციპალიტეტის კანონიერი ინტერესების დაცვას სასამართლოში;

დ) მუნიციპალიტეტის კანონიერი ინტერესების დაცვას სამართლებრივ ურთიერთობებში სახელმწიფო ორგანოებთან, ფიზიკურ და იურიდიულ პირებთან;

ე) კონსულტაციის გაწევას მუნიციპალიტეტის საჯარო მოსამსახურეთათვის მათი სამართლებრივი მდგომარეობის, შეზღუდვების და სამსახურის გავლასთან დაკავშირებულ სხვა საკითხებზე.

ა) მუნიციპალიტეტის ბიუჯეტის სახსრებით განსახორციელებელი სახელმწიფო შესყიდვების გეგმის მომზადებას;

 ბ) სახელმწიფო შესყიდვების პროცედურების განხორციელებას მოქმედი კანონმდებლობის შესაბამისად, სატენდერო დოკუმენტაციისა და ხელშეკრულებების პროექტების მომზადებას;

გ) ელექტრონული ტენდერის  შესახებ  განცხადების მომზადებასა და გამოქვეყნებას;

დ) მუნიციპალიტეტის სატენდერო კომისიის გადაწყვეტილების შესაბამისად ხელშეკრულების შემუშავებას;

ე) მუნიციპალური შესყიდვების შესახებ ხელშეკრულებების პირობების შესრულებას;

ვ) მუნიციპალიტეტის შესყიდვების შესახებ ანგარიშების მომზადებას;

ზ) მოქმედი კანონმდებლობით, მერიის დებულებითა და მუნიციპალიტეტის სხვა სამართლებრივი აქტებით განსაზღვრული ფუნქციების შესრულებას;

თ) მერიის სტრუქტურული ერთეულებისა და მერის წარმომადგენლების მატერიალურ-ტექნიკურ უზრუნველყოფას, მუნიციპალიტეტის ადმინისტრაციული შენობის, მატერიალური ფასეულობებისა და ავტოსატრანსპორტო საშუალებების მოვლა-პატრონობას, დაცვას და ექსპლუატაციას, მუნიციპალიტეტის ქონების ინვენტარიზაციის პროცესში მონაწილეობას და მატერიალურ ფასეულობათა აღრიცხვას.

2. სამსახურის დებულებაში ცვლილება შეიძლება შეტანილ იქნეს კანონმდებლობით დადგენილი წესით.