ტექნიკური რეგლამენტის − ზედაპირული წყლის ობიექტებში ურბანული და სამრეწველო ჩამდინარე წყლების ჩაშვების პირობების დამტკიცების თაობაზე

„წყლის რესურსების მართვის შესახებ“ საქართველოს კანონის 37-ე მუხლის პირველი პუნქტის „კ“ ქვეპუნქტის საფუძველზე, დამტკიცდეს თანდართული „ტექნიკური რეგლამენტი  −  ზედაპირული წყლის ობიექტებში ურბანული და სამრეწველო ჩამდინარე წყლების ჩაშვების პირობები“.

. ზედაპირული წყლის ობიექტებში დამაბინძურებელ ნივთიერებათა ზღვრულად დასაშვები ჩაშვების ნორმების დადგენა აუცილებელია საქმიანობის სუბიექტებისათვის (საკუთრებისა და ორგანიზაციულ-სამართლებრივი ფორმის მიუხედავად).

დადგენილება იმ საქმიანობის სუბიექტებისთვის, რომლებიც გარემოსდაცვითი შეფასების კოდექსის შესაბამისად ახორციელებენ გარემოზე ზემოქმედების შეფასებას დაქვემდებარებულ საქმიანობას და, ამასთან, აწარმოებენ ზედაპირული წყლის ობიექტებში საწარმოო, სამეურნეო და სანიაღვრე  წყლების ჩაშვებას, ამოქმედდეს გამოქვეყნებისთანავე.

დადგენილება იმ საქმიანობის  სუბიექტებისათვის, რომლებიც არ ექვემდებარებიან გარემოზე ზემოქმედების შეფასებას, მაგრამ აწარმოებენ ზედაპირული წყლის ობიექტებში საწარმოო, სამეურნეო და სანიაღვრე წყლების ჩაშვებას და „წყლის რესურსების მართვის შესახებ“ საქართველოს კანონის შესაბამისად საჭიროებენ ზედაპირული წყლის ობიექტში წყალჩაშვების ნებართვას, ამოქმედდეს 2027 წლის 1 სექტემბრიდან.

იმ ჩამდინარე წყლების გამწმენდი ნაგებობების შემთხვევაში, რომელთა ექსპლუატაციაში გაშვება განხორციელდა ამ დადგენილების ამოქმედებამდე, ამავე დადგენილებით დამტკიცებული ტექნიკური რეგლამენტის  მე-5 მუხლის პირველი პუნქტი ამოქმედდეს 2036 წლის 1 დეკემბრიდან.

„ნორმატიული აქტების შესახებ“ საქართველოს ორგანული კანონის 25-ე მუხლის შესაბამისად, ძალადაკარგულად გამოცხადდეს „ზედაპირული წყლის ობიექტებში ჩამდინარე წყლებთან ერთად ჩაშვებულ დამაბინძურებელ ნივთიერებათა ზღვრულად დასაშვები ჩაშვების (ზდჩ) ნორმების გაანგარიშების შესახებ ტექნიკური რეგლამენტის დამტკიცების თაობაზე“ საქართველოს მთავრობის 2013 წლის 31 დეკემბრის №414 დადგენილება.

1. დადგენილება, გარდა ამ დადგენილებით დამტკიცებული ტექნიკური რეგლამენტის მე-3 მუხლის პირველი პუნქტისა და მე-5 მუხლის მე-3 პუნქტისა, ამოქმედდეს გამოქვეყნებისთანავე.