გელათის მონასტრის ინდივიდუალური დამცავი ზონისა და მისი მიმდებარე ტერიტორიისთვის განსაკუთრებული რეგულირების ტერიტორიის სტატუსის მინიჭების თაობაზე

საქართველოს სივრცის დაგეგმარების, არქიტექტურული და სამშენებლო საქმიანობის კოდექსის 36-ე მუხლის პირველი ნაწილის შესაბამისად, ტყიბულის, წყალტუბოსა და თერჯოლის მუნიციპალიტეტების ტერიტორიების ნაწილს, კერძოდ, ამ დადგენილების დანართი №1-ით განსაზღვრულ, გელათის მონასტრის ვიზუალური დაცვის არეალსა და მის მიმდებარე ტერიტორიას, კულტურული მემკვიდრეობის ფაქტორიდან გამომდინარე, მიენიჭოს განსაკუთრებული რეგულირების ტერიტორიის სტატუსი.

საქართველოს ეკონომიკისა და მდგრადი განვითარების სამინისტროს სისტემაში შემავალ სსიპ − სივრცითი და ქალაქთმშენებლობითი განვითარების სააგენტოს დაევალოს ამ დადგენილებით განსაზღვრული ტერიტორიისთვის, კანონმდებლობით დადგენილი წესის შესაბამისად, განაშენიანების გეგმის ან/და განაშენიანების დეტალური გეგმის შემუშავება და დამტკიცება.

დადგენილება ამოქმედდეს გამოქვეყნებისთანავე.