დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | „რეზერვის უმცროსი ოფიცრის ნებაყოფლობითი სამხედრო მომზადების პროგრამის განხორციელების წესის დამტკიცების შესახებ“ საქართველოს თავდაცვის მინისტრის 2024 წლის 19 აგვისტოს №69 ბრძანებაში ცვლილების შეტანის თაობაზე | |
|---|---|
| დოკუმენტის ნომერი | 63 |
| დოკუმენტის მიმღები | საქართველოს თავდაცვის მინისტრი |
| მიღების თარიღი | 13/08/2026 |
| დოკუმენტის ტიპი | საქართველოს მინისტრის ბრძანება |
| გამოქვეყნების წყარო, თარიღი | ვებგვერდი, 14/08/2026 |
| სარეგისტრაციო კოდი | 120000000.22.026.017497 |
|
„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის საფუძველზე, ვბრძანებ: |
| მუხლი 1 |
„რეზერვის უმცროსი ოფიცრის ნებაყოფლობითი სამხედრო მომზადების პროგრამის განხორციელების წესის დამტკიცების შესახებ“ საქართველოს თავდაცვის მინისტრის 2024 წლის 19 აგვისტოს №69 ბრძანებით (ვებგვერდი, 20/08/2024, სარეგისტრაციო კოდი: 120000000.22.026.017246) დამტკიცებულ წესში შეტანილ იქნეს ცვლილება და 191 მუხლს დაემატოს შემდეგი შინაარსის მე-3 პუნქტი:
„3. პროგრამაზე სამხედრო მოსამსახურის სტატუსის მინიჭების გარეშე ჩარიცხულ პირს პროგრამის შესაბამისად უტარდება: ა) „საქართველოს თავდაცვის სამინისტროს სისტემის სამხედრო მოსამსახურეების ფიზიკური ნორმატივებისა და მათი ჩაბარების წესის შესახებ“ საქართველოს თავდაცვის მინისტრის 2017 წლის 9 იანვრის №02 ბრძანებით განსაზღვრული ფიზიკური მომზადების დონის დასადგენი ტესტირება და დადებით შეფასებად ჩაითვლება, თუ იგი თითოეულ ნორმატივში მიიღებს არანაკლებ 40 ქულას. ფიზიკური ნორმატივების ტესტირების შედეგებს აქვს მხოლოდ ინფორმაციული მნიშვნელობა პირის ფიზიკურ მდგომარეობასთან დაკავშირებით; ბ) საცეცხლე მომზადება, „იარაღიდან სროლისა და იარაღიდან სროლის ჩაბარების წესის დამტკიცების შესახებ“ საქართველოს თავდაცვის მინისტრის 2026 წლის 22 ივნისის №48 ბრძანებითა და საქართველოს თავდაცვის ძალების მეთაურის ბრძანებით განსაზღვრული სროლის სავარჯიშოების, მათი შესრულების თავისებურებებისა და სტანდარტების შესაბამისად.“. |
| მუხლი 2 |
ეს ბრძანება ამოქმედდეს გამოქვეყნებისთანავე. |
|
დოკუმენტის კომენტარები