„სამედიცინო საქმიანობის ლიცენზიისა და სტაციონარული დაწესებულების ნებართვის გაცემის წესისა და პირობების შესახებ დებულებების დამტკიცების თაობაზე“ საქართველოს მთავრობის 2010 წლის 17 დეკემბრის №385 დადგენილებაში ცვლილების შეტანის შესახებ

დოკუმენტის სტრუქტურა

განმარტებების დათვალიერება

დაკავშირებული დოკუმენტები

დოკუმენტის მონიშვნები

„სამედიცინო საქმიანობის ლიცენზიისა და სტაციონარული დაწესებულების ნებართვის გაცემის წესისა და პირობების შესახებ დებულებების დამტკიცების თაობაზე“ საქართველოს მთავრობის 2010 წლის 17 დეკემბრის №385 დადგენილებაში ცვლილების შეტანის შესახებ
დოკუმენტის ნომერი	456
დოკუმენტის მიმღები	საქართველოს მთავრობა
მიღების თარიღი	18/09/2026
დოკუმენტის ტიპი	საქართველოს მთავრობის დადგენილება
გამოქვეყნების წყარო, თარიღი	ვებგვერდი, 21/09/2026
ძალაში შესვლის თარიღი	01/11/2026
სარეგისტრაციო კოდი	470230000.10.003.026006

PDF გადმოწერა

„სამედიცინო საქმიანობის ლიცენზიისა და სტაციონარული დაწესებულების ნებართვის გაცემის წესისა და პირობების შესახებ დებულებების დამტკიცების თაობაზე“ საქართველოს მთავრობის 2010 წლის 17 დეკემბრის №385 დადგენილებაში ცვლილების შეტანის შესახებ

მუხლი 1

„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად, „სამედიცინო საქმიანობის ლიცენზიისა და სტაციონარული დაწესებულების ნებართვის გაცემის წესისა და პირობების შესახებ დებულებების დამტკიცების თაობაზე“ საქართველოს მთავრობის 2010 წლის 17 დეკემბრის №385 დადგენილებაში (სსმ, №168, 24/12/2010) შეტანილ იქნეს ცვლილება და დადგენილებით დამტკიცებული №2¹დანართით („სტაციონარული დაწესებულების სანებართვო პირობები“) განსაზღვრულ ცხრილს („საერთო სანებართვო პირობები“) 20² პუნქტის შემდეგ დაემატოს შემდეგი შინაარსის 20³ პუნქტი:

„20³

სტაციონარში (მ/შ, გადაუდებელი სამედიცინო დახმარებისა (EMERGENCY) და მიმღებ ერთეულში) მოხვედრილი ყველა პაციენტისათვის, მიუხედავად მათი დაყოვნებისა, პაციენტის ინფორმირებული თანხმობის საფუძველზე, უზრუნველყოფილია,

B ჰეპატიტის ანტიგენის განსაზღვრის მიზნით, სწრაფი მარტივი ტესტირება

(B ჰეპატიტის ზედაპირული ანტიგენის (HbsAg) განმსაზღვრელი

სწრაფი-მარტივი ტესტი) და ანგარიშგება

შენიშვნა: გამონაკლისს წარმოადგენენ:

ა) ქრონიკული HBV ინფექციით პაციენტები, რომლებსაც აქვთ HBsAg (+) ორი დადებითი შედეგი (სწრაფი/მარტივი, იმუნოფერმენტული, ქემილუმინესცენციის ან სხვა სეროლოგიური მეთოდით და/ან პოლიმერაზული ჯაჭვური რეაქციის (PCR) მეთოდით) მინიმუმ 6-თვიანი შუალედით;

ბ) პირები, რომლებსაც დადგენილი აქვთ ქრონიკული B ჰეპატიტის დიაგნოზი და იმყოფებიან ანტივირუსულ მკურნალობაზე;

გ) პირები, რომლებსაც ბოლო 6 თვის განმავლობაში ჩატარებული აქვთ დიაგნოსტიკური კვლევა

B ჰეპატიტზე, რაც დასტურდება სკრინინგის ერთიან ელექტრონულ სისტემაში რეგისტრირებული მონაცემებით;

დ) 2002 წელსა და შემდგომ დაბადებული პირები.“.

მუხლი 2

დადგენილება ამოქმედდეს 2026 წლის 1 ნოემბრიდან.

პრემიერ-მინისტრი ირაკლი კობახიძე