,,ფიზიკური და იურიდიული პირების, მათი ფილიალების (წარმომადგენლობების) და გადასახადის სხვა გადამხდელების სახელმწიფო ან/და საგადასახადო რეგისტრაციის წესის შესახებ“ ინსტრუქციის დამტკიცების თაობაზე“ საქართველოს ფინანსთა მინისტრის 2007 წლის 20 მარტის №233 ბრძანებაში ცვლილებების შეტანის თაობაზე“

სახელმწიფო სარეგისტრაციო კოდი

 200.250.000.22.033.010.835

საქართველოს ფინანსთა მინისტრის

ბრძანება №1055

2007 წლის 13 სექტემბერი

ქ. თბილისი

,,ფიზიკური და იურიდიული პირების, მათი ფილიალების (წარმომადგენლობების) და გადასახადის სხვა გადამხდელების სახელმწიფო ან/და საგადასახადო რეგისტრაციის წესის შესახებ“ ინსტრუქციის დამტკიცების თაობაზე“ საქართველოს ფინანსთა მინისტრის 2007 წლის 20 მარტის №233 ბრძანებაში ცვლილებების შეტანის თაობაზე

,,ნორმატიული აქტების შესახებ“ საქართველოს კანონის 36-ე მუხლის საფუძველზე ვბრძანებ:

    მუხლი 1

 ,,ფიზიკური და იურიდიული პირების, მათი ფილიალების (წარმომადგენლობების) და გადასახადის სხვა გადამხდელების სახელმწიფო ან/და საგადასახადო რეგისტრაციის წესის შესახებ“ ინსტრუქციის დამტკიცების თაობაზე“ საქართველოს ფინანსთა მინისტრის 2007 წლის 20 მარტის №233 ბრძანებაში (სსმ III, 27.03.07 წ., №41, მუხ. 473) შეტანილ იქნეს შემდეგი ცვლილებები:

1. ბრძანებით დამტკიცებული დანართები №8, №9, №10 და №25 ჩამოყალიბდეს თანდართული რედაციით;

2. ,,ფიზიკური და იურიდიული პირების, მათი ფილიალების (წარმომადგენლობების) და გადასახადის სხვა გადამხდელების სახელმწიფო ან/და საგადასახადო რეგისტრაციის წესის შესახებ“ ინსტრუქციის მე-16 მუხლის პირველი პუნქტი ჩამოყალიბდეს შემდეგი რედაქციით:

,,1. ,,მეწარმეთა შესახებ“ საქართველოს კანონით განსაზღვრულ საწარმოს (ინდივიდუალური საწარმოს გარდა) სახელმწიფო რეგისტრაციაზე (ცვლილების რეგისტრაციაზე) უარი შეიძლება ეთქვას იმ შემთხვევაში, თუ:

ა) განცხადება საწარმოს სახელმწიფო და საგადასახადო რეგისტრაციის თაობაზე არ შეიცავს ამ ინსტრუქციის მე-5 მუხლის მე-2, მე-3 და მე-4 პუნქტებში მითითებულ მონაცემებს;

ბ) განცხადება საწარმოს სახელმწიფო და საგადასახადო რეგისტრაციის თაობაზე წარმოდგენილია ხელმძღვანელობითი უფლებამოსილების პირის ხელმოწერის გარეშე;

გ) არ არის წარმოდგენილი ხელმოწერის ის ნიმუშები, რომლებსაც საწარმოს წარმომადგენლები გამოიყენებენ საქმიან ურთიერთობებში;

დ) სარეგისტრაციოდ წარმოდგენილი დოკუმენტები არ არის დამოწმებული სანოტარო წესით;

ე) საწარმოს სახელმწიფო და საგადასახადო რეგისტრაციის თაობაზე განცხადებას არ ერთვის საზოგადოების წესდება;

ვ) არ არის გადახდილი სარეგისტრაციო მოსაკრებელი;

ზ) განმცხადებელმა საგადასახადო ორგანოს მიერ განსაზღვრულ ვადაში არ შეავსო ხარვეზი;

თ) კომანდიტურ საზოგადოებას სახელმწიფო და საგადასახადო რეგისტრაციაზე უარი (ამ მუხლის პირველი პუნქტის ,,ა” – ,,ზ” ქვეპუნქტებით გათვალისწინებული საფუძვლების გარდა) შეიძლება ეთქვას, თუ:

თ.ა) საწარმოს სახელმწიფო და საგადასახადო რეგისტრაციის თაობაზე განცხადებაში არ არის მითითებული ყოველი კომანდიტის მიერ შესრულებული შესატანის ოდენობა;

თ.ბ) არ არის წარმოდგენილი ყოველი კომანდიტის მიერ შესრულებული შესატანის დამადასტურებელი საბუთი;

ი) შეზღუდული პასუხისმგებლობის საზოგადოებას, სააქციო საზოგადოებასა და კოოპერატივს სახელმწიფო და საგადასახადო რეგისტრაციაზე უარი (ამ მუხლის პირველი პუნქტის ,,ა“ – ,,ზ“ ქვეპუნქტებით გათვალისწინებული საფუძვლების გარდა) შეიძლება ეთქვათ, თუ:

ი.ა) არ არის განსაზღვრული ყოველი დამფუძნებელი პარტნიორის შესატანის ოდენობა და შესაბამისი წილი;

ი.ბ) არ არის მითითებული ყოველი დირექტორის ამ ინსტრუქციაში მოცემული მონაცემები და არ არის წარმოდგენილი მათი დანიშვნის დამადასტურებელი დოკუმენტაცია.“.

    მუხლი 2

ბრძანება ამოქმედდეს გამოქვეყნებისთანავე.

ნ. გილაური

დანართი №8

სამეწარმეო რეესტრის ფორმულარი (სამეწარმეო რეესტრი)

უცხოური საწარმოს ფილიალისათვის (წარმომადგენლობისათვის)

  დანართი №9

სახელმწიფო რეესტრის სარეგისტრაციო ბარათი (ფორმულარი) არასამეწარმეო (არაკომერციული) იურიდიული პირებისათვის და

მათი ფილიალებისათვის (წარმომადგენლობებისათვის)

(მათ შორის უცხო ქვეყნის არასამეწარმეო (არაკომერციული)

იურიდიული პირის ფილიალებისათვის (წარმომადგენლობებისათვის))

დანართი №25

გადასახადის გადამხდელის, ასევე ფილიალის (წარმომადგენლობის) სამართლებრივი ფორმების აღმნიშვნელი შესაბამისი კოდები

1. ინდივიდუალური მეწარმე – 01

2. სოლიდარული პასუხისმგებლობის საზოგადოება – 02

3. კოოპერატივი – 03

4. შეზღუდული პასუხისმგებლობის საზოგადოება   – 04

5. სააქციო საზოგადოება – 05

6. კომანდიტური საზოგადოება – 06

7. არასამეწარმეო (არაკომერციული) იურიდიული პირი – 07

8. არასამეწარმეო (არაკომერციული) იურიდიული პირის ფილიალი (წარმომადგენლობა) – 08

9. სახელმწიფო ორგანოები – 09

10. საჯარო სამართლის იურიდიული პირი – 10

11. სოლიდარული პასუხისმგებლობის საზოგადოების ფილიალი (წარმომადგენლობა) – 11

12. უცხოური საწარმოს მუდმივი დაწესებულება (გარდა ფილიალისა (წარმომადგენლობისა)) – 12

13. ამხანაგობა (რომელიც საგადასახადო კოდექსის შესაბამისად განიხილება ,,საწარმოდ”) – 13

14. უცხოური, დიპლომატიური სტატუსის მქონე ორგანიზაციები – 14

15. პოლიტიკური ორგანიზაციები – 15

16. ფიზიკური პირები – 16

17. უცხოური საწარმო – 18

18. არარეზიდენტი ფიზიკური პირის მუდმივი დაწესებულება – 19

19. უცხოური ორგანიზაცია – 20

20. უცხოური არასამეწარმეო (არაკომერციული) იურიდიული პირის მუდმივი დაწესებულება (გარდა ფილიალისა (წარმომადგენლობისა)) – 21

21. კოოპერატივის ფილიალი (წარმომადგენლობა) – 22

22. შეზღუდული პასუხისმგებლობის საზოგადოების ფილიალი (წარმომადგენლობა) – 23

23. სააქციო საზოგადოების ფილიალი (წარმომადგენლობა) – 24

24. კომანდიტური საზოგადოების ფილიალი (წარმომადგენლობა) – 25

25. უცხოური საწარმოს ფილიალი (წარმომადგენლობა) – 26

26. უცხოური არასამეწარმეო (არაკომერციული) იურიდიული პირის ფილიალი (წარმომადგენლობა) – 27

27. სხვა ფორმები, რომლებიც არ არიან მითითებულები 1-26 პუნქტებში – 17