„საბაჟო დეკლარაციის სახეების, ფორმების, შევსების, წარდგენის, დაბრუნების, შეცვლის, რეგისტრაციის და მონაცემთა ბაზის ელექტრონული დამუშავების სისტემის გამოყენებით, ზეპირი დეკლარირებით ან სხვა მოქმედებების განხორციელებით საბაჟო დეკლარაციის წარდგენის, ფიზიკური პირის საბაჟო დეკლარაციის ფორმისა და შევსების, საფოსტო გზავნილის დეკლარაციის ფორმისა და შევსების წესების შესახებ ინსტრუქციების და საბაჟო დეკლარირების კლასიფიკატორის დამტკიცების თაობაზე“ საქართველოს ფინანსთა მინისტრის 2007 წლის 22 ნოემბრის №1232 ბრძანებაში ცვლილების და დამატებების შეტანის შესახებ

სახელმწიფო სარეგისტრაციო კოდი 190.010.000.22.033.011.734

საქართველოს ფინანსთა მინისტრის

ბრძანება №331

2008 წლის 7 აპრილი

ქ. თბილისი

„საბაჟო დეკლარაციის სახეების, ფორმების, შევსების, წარდგენის, დაბრუნების, შეცვლის, რეგისტრაციის და მონაცემთა ბაზის ელექტრონული დამუშავების სისტემის გამოყენებით, ზეპირი დეკლარირებით ან სხვა მოქმედებების განხორციელებით საბაჟო დეკლარაციის წარდგენის, ფიზიკური პირის საბაჟო დეკლარაციის ფორმისა და შევსების, საფოსტო გზავნილის დეკლარაციის ფორმისა და შევსების წესების შესახებ ინსტრუქციების და საბაჟო დეკლარირების კლასიფიკატორის დამტკიცების თაობაზე“ საქართველოს ფინანსთა მინისტრის 2007 წლის 22 ნოემბრის №1232 ბრძანებაში ცვლილების და დამატებების შეტანის შესახებ

„ნორმატიული აქტების შესახებ“ საქართველოს კანონის 36-ე მუხლის შესაბამისად, ვბრძანებ:

    მუხლი 1

„საბაჟო დეკლარაციის სახეების, ფორმების, შევსების, წარდგენის, დაბრუნების, შეცვლის, რეგისტრაციის და მონაცემთა ბაზის ელექტრონული დამუშავების სისტემის გამოყენებით, ზეპირი დეკლარირებით ან სხვა მოქმედებების განხორციელებით საბაჟო დეკლარაციის წარდგენის, ფიზიკური პირის საბაჟო დეკლარაციის ფორმისა და შევსების, საფოსტო გზავნილის დეკლარაციის ფორმისა და შევსების წესების შესახებ ინსტრუქციების და საბაჟო დეკლარირების კლასიფიკატორის დამტკიცების თაობაზე“ საქართველოს ფინანსთა მინისტრის     2007 წლის 22 ნოემბრის №1232 ბრძანებით (სსმ III, 29.11.07წ., №169, მუხ. 1881) დამტკიცებულ „საბაჟო რეჟიმების (გარდა ტრანზიტის საბაჟო რეჟიმისა და საბაჟო-სავაჭრო თანამშრომლობის მონაწილის მიერ ან მისი დანიშნულებით შემოტანილი საქონლისა, რომლის მიმართაც დადგენილი წესით ხორციელდება გამარტივებული საბაჟო კონტროლი), აგრეთვე რეექსპორტის შესაბამისად გაცხადებულ საქონელზე სატვირთო-საბაჟო დეკლარაციის ფორმის შევსების, წარდგენის, დაბრუნების, შეცვლის და რეგისტრაციის წესების შესახებ“ ინსტრუქციასა (დანართი №1) და „საბაჟო დეკლარირების კლასიფიკატორში“ (დანართი №15) შეტანილ იქნეს შემდეგი ცვლილება და დამატებები:

1. „საბაჟო რეჟიმების (გარდა ტრანზიტის საბაჟო რეჟიმისა და საბაჟო-სავაჭრო თანამშრომლობის მონაწილის მიერ ან მისი დანიშნულებით შემოტანილი საქონლისა, რომლის მიმართაც დადგენილი წესით ხორციელდება გამარტივებული საბაჟო კონტროლი), აგრეთვე რეექსპორტის შესაბამისად გაცხადებულ საქონელზე სატვირთო-საბაჟო დეკლარაციის ფორმის შევსების, წარდგენის, დაბრუნების, შეცვლის და რეგისტრაციის წესების შესახებ“ ინსტრუქციაში (დანართი №1) შეტანილ იქნეს შემდეგი დამატებები:

ა) მე-8 მუხლს დაემატოს 53-ე პუნქტი შემდეგი რედაქციით:

„53. სსიპ საქართველოს შინაგან საქმეთა სამინისტროს მომსახურების სააგენტოს განყოფილებების სარეგისტრაციო სამსახურებში განთავსებული საბაჟო ორგანოების საბაჟო დამუშავების ოპერაციების განმახორციელებელი ჯგუფების განლაგების ადგილებში საქონლის თავისუფალ მიმოქცევაში გაშვების (იმპორტის) საბაჟო რეჟიმში გაცხადებულ მსუბუქ ავტომანქანებზე დეკლარაციის შევსების დროს (გარდა იმ შემთხვევისა, როდესაც თავისუფალ მიმოქცევაში გაშვებამდე საქონელი იმყოფებოდა სხვა საბაჟო რეჟიმში ან/და როდესაც დეკლარაციაში მითითებულია საგადასახადო შეღავათების გამოყენების შესახებ) ქვემოთ ჩამოთვლილი გრაფები ივსება შემდეგნაირად:

ა) გრაფა 14 „დეკლარანტი/წარმომადგენელი“ – გრაფის ზედა ნაწილში „№“ ნიშნის შემდეგ აღინიშნება „000000000“;

ბ) გრაფა 28 „ფინანსური და საბანკო მონაცემები“ – გრაფაში აღინიშნება „000001“;

გ) გრაფა 35 „ბრუტო წონა (კგ)“ – გრაფაში აღინიშნება „1“;

დ) გრაფა 38 „ნეტო წონა (კგ)“ – გრაფაში აღინიშნება „1“;

ე) გრაფა 40 „საერთო დეკლარაცია/წინმსწრები დოკუმენტი“ – „საბაჟო კონტროლის ქვეშ მყოფი საქონლის ან/და სატრანსპორტო საშუალების აღრიცხვის მოწმობის“ არსებობის შემთხვევაში მიეთითება მოწმობის ნომერი;

ვ) გრაფა 44 „დამატებითი ინფორმაცია“ – არ ივსება.“;

ბ) მე-9 მუხლს დაემატოს მე-6 პუნქტი შემდეგი რედაქციით:

„6. სსიპ საქართველოს შინაგან საქმეთა სამინისტროს მომსახურების სააგენტოს განყოფილებების სარეგისტრაციო სამსახურებში განთავსებული საბაჟო ორგანოების საბაჟო დამუშავების ოპერაციების განმახორციელებელი ჯგუფების განლაგების ადგილებში საქონლის თავისუფალ მიმოქცევაში გაშვების (იმპორტის) საბაჟო რეჟიმში გაცხადებულ მსუბუქ ავტომანქანებზე დეკლარაციის შევსების დროს (გარდა იმ შემთხვევისა, როდესაც თავისუფალ მიმოქცევაში გაშვებამდე საქონელი იმყოფებოდა სხვა საბაჟო რეჟიმში ან/და როდესაც დეკლარაციაში მითითებულია საგადასახადო შეღავათების გამოყენების შესახებ):

ა) დეკლარაციას K ნომერი არ ენიჭება. შემოწმების დასრულება დასტურდება A ნომრის მინიჭებით. საქონლის გაშვების შესახებ გადაწყვეტილების მიღებისას საბაჟო მოხელე დეკლარაციაზე დაუსვამს შტამპს „გაშვება ნებადართულია“, დაუსვამს პირადნომრიან ბეჭედს, თარიღს და ხელმოწერას, რითაც საბაჟო დამუშავების ოპერაცია დასრულებულია;

 ბ) გადახდის დამადასტურებელი დოკუმენტი თან ერთვის დეკლარაციის საბაჟოს ეგზემპლარს და ინახება მასთან ერთად.“.

2. „საბაჟო დეკლარირების კლასიფიკატორის“ (დანართი №15) მე-2 ნაწილის მე-2 პუნქტი ჩამოყალიბდეს თანდართული რედაქციით.

    მუხლი 2

ბრძანება ამოქმედდეს გამოქვეყნებისთანავე.

ნ. გილაური

2. საბაჟო დამუშავების ოპერაციების განხორციელების სხვა ადგილები

რეგიონალური ცენტრები (საგადასახადო ინსპექციები)