დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | ,,გადასახადის გადამხდელთა სახელმწიფო ან/და საგადასახადო რეგისტრაციის/აღრიცხვის, იურიდიულ პირთა ფილიალების სახელმწიფო ან/და საგადასახადო რეგისტრაციის/აღრიცხვის წესის შესახებ“ ინსტრუქციის დამტკიცების თაობაზე“ საქართველოს ფინანსთა მინისტრის 2008 წლის 8 მაისის №419 ბრძანებაში ცვლილების შეტანის შესახებ“ | |
|---|---|
| დოკუმენტის ნომერი | 918 |
| დოკუმენტის მიმღები | საქართველოს ფინანსთა მინისტრი |
| მიღების თარიღი | 17/12/2008 |
| დოკუმენტის ტიპი | საქართველოს მინისტრის ბრძანება |
| გამოქვეყნების წყარო, თარიღი | სსმ, 181, 22/12/2008 |
| ძალის დაკარგვის თარიღი | 01/01/2010 |
| სარეგისტრაციო კოდი | 200.090.000.22.033.012.480 |
სახელმწიფო სარეგისტრაციო კოდი 200.090.000.22.033.012.480
საქართველოს ფინანსთა მინისტრის
ბრძანება №918
2008 წლის 17 დეკემბერი
ქ. თბილისი
,,გადასახადის გადამხდელთა სახელმწიფო ან/და საგადასახადო რეგისტრაციის/აღრიცხვის, იურიდიულ პირთა ფილიალების სახელმწიფო ან/და საგადასახადო რეგისტრაციის/აღრიცხვის წესის შესახებ“ ინსტრუქციის დამტკიცების თაობაზე“ საქართველოს ფინანსთა მინისტრის 2008 წლის 8 მაისის №419 ბრძანებაში ცვლილების შეტანის შესახებ
,,ნორმატიული აქტების შესახებ“ საქართველოს კანონის 36-ე მუხლის შესაბამისად, ვბრძანებ:
მუხლი 1. ,,გადასახადის გადამხდელთა სახელმწიფო ან/და საგადასახადო რეგისტრაციის/აღრიცხვის, იურიდიულ პირთა ფილიალების სახელმწიფო ან/და საგადასახადო რეგისტრაციის/აღრიცხვის წესის შესახებ“ ინსტრუქციის დამტკიცების თაობაზე“ საქართველოს ფინანსთა მინისტრის 2008 წლის 8 მაისის №419 ბრძანების (სსმ III, 08.05.08 წ., №70, მუხლი 757) მე-4 პუნქტი ჩამოყალიბდეს შემდეგი რედაქციით:
,,4. 2006 წლის 1 ივლისამდე საგადასახადო აღრიცხვაზე მყოფი გადასახადის გადამხდელი საქართველოს მოქალაქე ფიზიკური პირებისთვის მინიჭებული ცხრანიშნა საიდენტიფიკაციო ნომრის შეცვლა პირადობის დამადასტურებელი დოკუმენტის პირადი ნომრის მიხედვით განხორციელდეს 2010 წლის 1 იანვრამდე. 2008 წლის 1 ივლისამდე სახელმწიფო და საგადასახადო რეგისტრაციაზე/აღრიცხვაზე მყოფი საქართველოს მოქალაქე მეწარმე ფიზიკური პირებისთვის მინიჭებული ცხრანიშნა საიდენტიფიკაციო ნომრის შეცვლა პირადობის დამადასტურებელი დოკუმენტის პირადი ნომრის მიხედვით განხორციელდეს 2010 წლის 1 იანვრამდე, ხოლო შემოსავლების სამსახურმა 2009 წლის 1 აპრილიდან უზრუნველყოს საქართველოს მოქალაქე ფიზიკური პირის საიდენტიფიკაციო ნომრის პირადი ნომრით შეცვლის პროცედურებისა და წესის შესახებ შესაბამისი სამართლებრივი აქტების მომზადება.“.
მუხლი 2. ეს ბრძანება ამოქმედდეს გამოქვეყნებისთანავე.
ნ. გილაური
დოკუმენტის კომენტარები