„გადასახადის გადამხდელთა სახელმწიფო ან/და საგადასახადო რეგისტრაციის/აღრიცხვის, იურიდიულ პირთა ფილიალების სახელმწიფო ან/და საგადასახადო რეგისტრაციის/აღრიცხვის წესის შესახებ“ ინსტრუქციის დამტკიცების თაობაზე“ საქართველოს ფინანსთა მინისტრის 2008 წლის 8 მაისის №419 ბრძანებაში ცვლილებების და დამატების შეტანის თაობაზე“

სახელმწიფო სარეგისტრაციო კოდი 200.090.000.22.033.012.533

საქართველოს ფინანსთა მინისტრის

ბრძანება №952

2008 წლის 29 დეკემბერი

ქ. თბილისი

„გადასახადის გადამხდელთა სახელმწიფო ან/და საგადასახადო რეგისტრაციის/აღრიცხვის, იურიდიულ პირთა ფილიალების სახელმწიფო ან/და საგადასახადო რეგისტრაციის/აღრიცხვის წესის შესახებ“ ინსტრუქციის დამტკიცების თაობაზე“ საქართველოს ფინანსთა მინისტრის 2008 წლის 8 მაისის №419 ბრძანებაში ცვლილებების და დამატების შეტანის თაობაზე

„ნორმატიული აქტების შესახებ“ საქართველოს კანონის 36-ე მუხლის საფუძველზე, ვბრძანებ:

მუხლი 1. „გადასახადის გადამხდელთა სახელმწიფო ან/და საგადასახადო რეგისტრაციის/აღრიცხვის, იური­დიულ პირთა ფილიალების სახელმწიფო ან/და საგადა­სახადო რეგისტრაციის/აღრიცხვის წესის შესახებ“ ინ­სტრუქ­ციის დამტკიცების თაობაზე“ საქართველოს ფინანსთა მინისტრის 2008 წლის 8 მაისის №419 ბრძანებაში (სსმ III, 08.05.2008 წ., №70, მუხ. 757) შეტანილ იქნეს შემდეგი ცვლილებები და დამატება:

1. ბრძანებით დამტკიცებული „გადასახადის გადამ­ხდელთა სახელმწიფო ან/და საგადასახადო რეგისტრა­ციის/აღრიცხვის, იურიდიულ პირთა ფილიალების სახელმწიფო ან/და საგადასახადო რეგისტრაციის/აღ­რიც­ხვის წესის შესახებ“ ინსტრუქციის (დანართი №1):

ა) მე-10 მუხლის პირველი პუნქტი ჩამოყალიბდეს შემდეგი რედაქციით:

„1. „მეწარმეთა შესახებ“ საქართველოს კანონის მე-4 და მე-7 მუხლისა და საქართველოს სამოქალაქო კოდექსის 34-ე მუხლის თანახმად, სამეწარმეო და სახელმწიფო რეესტრის მონაცემები საჯაროა და ნებისმიერ დაინტერესებულ პირს უფლება აქვს საწარმოს და არასამეწარმეო (არაკომერციული) იური­დიული პირის ან მათი ფილიალების (მუდმივი დაწესე­ბუ­ლებების, წარმომადგენლობების), სამეწარმეო ამხანა­გობის, ინდივიდუალური მეწარმის შესახებ სამეწარმეო და სახელმწიფო რეესტრების ამონაწერის მიღების მიზნით განცხადებით მიმართოს მეწარმე სუბიექტის და არასამეწარმეო (არაკომერციული) იურიდიული პი­რის საგადასახადო აღრიცხვის ადგილის მიხედვით რეგიონალურ ცენტრს (საგადასახადო ინსპექციას)/საგა­დასახადო ინსპექციას (გარდა რეგიონალური ცენტრის (საგადასახადო ინსპექციის)/საგადასახადო ინსპექციის რეესტრის ამონაწერის ელექტრონული სახით მიღების შემთხვევისა).“;

ბ) მე-10 მუხლის მე-3 პუნქტი ჩამოყალიბდეს შემდეგი რედაქციით:

„3. რეგისტრაციაზე პასუხისმგებელი პირი ვალდებუ­ლია დაუყოვნებლივ, უფლებამოსილების ფარგლებში, მოთხოვნისთანავე გასცეს რეესტრის ამონაწერი (გარდა ელექტრონული სახით მიღების შემთხვევისა).“;

გ) მე-10 მუხლის მე-5 პუნქტი ჩამოყალიბდეს შემდეგი რედაქციით:

„5. რეესტრის ამონაწერზე ხელს აწერს უფლება­მოსილი პირი, რომელიც მოწმდება შესაბამისი ბეჭდით (გარდა ელექტრონული სახით მიღებული რეესტრის ამონაწერისა).“;

დ) მე-10 მუხლს დაემატოს შემდეგი შინაარსის მე-6-მე-10 პუნქტები:

„6. სახელმწიფო და სამეწარმეო რეესტრის ამონაწერის მიღება შეიძლება განხორციელდეს როგორც ხელნაწერი, ასევე ელექტრონული სახით.

7. სახელმწიფო (სამეწარმეო) რეესტრის ამონაწერი შეიცავს მონაცემებს (ცვლილებების გათვალისწინებით) მისი გაცემის დღისათვის არსებული მდგომარეობით.

8. სახელმწიფო (სამეწარმეო) რეესტრის ამონაწერის ელექტრონული სახით მიღება შესაძლებელია, თუ სახელმწიფო და საგადასახადო რეგისტრაცია განხორ­ციელდა 2006 წლის 1 ივლისს ან/და შემდგომ პერიოდ­ში. ამასთან, 2006 წლის 1 ივლისამდე რეგისტრაციის შემთხვევაში, სახელმწიფო (სამეწარმეო) რეესტრის ამონაწერის ელექტრონული სახით მიღება შესაძლებე­ლია მხოლოდ იმ შემთხვევაში, თუ 2006 წლის 1 ივ­ლი­სის შემდგომ პერიოდში განხორციელდა ცვლილების რეგისტრაცია.

9. შესაბამის პირს სახელმწიფო (სამეწარმეო) რეეს­ტრის ამონაწერში ასახული მონაცემების დაზუსტების მიზნით, უფლება აქვს რეგისტრაციაზე პასუხისმგებელ პირს წარუდგინოს ის ინფორმაცია, რომელიც აუცილე­ბელია ამონაწერში ასახული მონაცემების სრულყო­ფისთვის.

10. ამ მუხლის მე-6 პუნქტით გათვალისწინებულ ელექტრონული სახით მიღებულ რეესტრის ამონაწერს აქვს იგივე იურიდიული ძალა, როგორიც წერილო­ბითს.“.

2. ბრძანებით დამტკიცებული №22, №23, №24 და №25 დანართები ჩამოყალიბდეს თანდართული რედაქციით.

მუხლი 2. ეს ბრძანება ამოქმედდეს გამოქვეყნების­თანავე.

ნ. გილაური

დანართი №22

სამეწარმეო რეესტრის ამონაწერი შეზღუდული პასუხისმგებლობის, სოლიდარული პასუხისმგებლობის, სააქციო, კომანდიტური საზოგადოებებისათვის, კოოპერატივისათვის და უცხოური საწარმოს ფილიალისათვის (მუდმივი დაწესებულებისათვის)

დანართი №23

სამეწარმეო რეესტრის ამონაწერი ინდივიდუალური მეწარმისათვის

დანართი №24

სამეწარმეო რეესტრის ამონაწერი სამეწარმეო ამხანაგობისათვის

დანართი №25

სახელმწიფო რეესტრის ამონაწერი არასამეწარმეო (არაკომერციული) იურიდიული პირისათვის და მათი ფილიალებისათვის (წარმომადგენლობისათვის) (მათ შორის, უცხო ქვეყნის არასამეწარმეო (არაკომერციული) იურიდიული პირის ფილიალისათვის (წარმომადგენლობისათვის))