,,საქართველოს ენერგეტიკისა და წყალმომარაგების მარეგულირებელი ეროვნული კომისიის დებულების დამტკიცების შესახებ“ საქართველოს ენერგეტიკისა და წყალმომარაგების მარეგულირებელი ეროვნული კომისიის 2008 წლის 4 თებერვლის №4 დადგენილებაში ცვლილებების და დამატებების შეტანის შესახებ“

                                                                                                          სახელმწიფო სარეგისტრაციო კოდი                                                                                                               

                                                                                                                          010.220.020.16.009.013.058

საქართველოს ენერგეტიკისა და წყალმომარაგების მარეგულირებელი ეროვნული კომისიის დადგენილება №5

2009 წლის 23 აპრილი ქ. თბილისი

,,საქართველოს ენერგეტიკისა და წყალმომარაგების მარეგულირებელი ეროვნული კომისიის დებულების დამტკიცების შესახებ“ საქართველოს ენერგეტიკისა და წყალმომარაგების მარეგულირებელი ეროვნული კომისიის 2008 წლის 4 თებერვლის №4 დადგენილებაში ცვლილებების და დამატებების შეტანის შესახებ

,,ნორმატიული აქტების შესახებ“ საქართველოს კანონის 36-ე მუხლის საფუძველზე, ვადგენთ:

მუხლი 1. ,,საქართველოს ენერგეტიკისა და წყალმომარაგების მარეგულირებელი ეროვნული კომისიის დებულების დამტკიცების შესახებ“ საქართველოს ენერგეტიკისა და წყალმომარაგების მარეგულირებელი ეროვნული კომისიის 2008 წლის 4 თებერვლის №4 დადგენილებით დამტკიცებულ დებულებაში (სსმ III, 08.02.2008, №20, მუხლი 232) შეტანილ იქნეს შემდეგი ცვლილებები და დამატებები:

1. დებულების მე-4 მუხლის მე-10 პუნქტის:

ა)  „ა.ე“ ქვეპუნქტი ჩამოყალიბდეს შემდეგი რედაქციით:

„ა.ე) საერთო ხელმძღვანელობას უწევს საქმისწარმოებისა და საკადრო საქმეთა დეპარტამენტის და საფინანსო-საბიუჯეტო დეპარტამენტის მატერიალურ-ტექნიკური უზრუნველყოფის სამმართველოსა და ფინანსური ანალიზის სამმართველოს საქმიანობას;“;

ბ)„ბ.ა“ ქვეპუნქტი ჩამოყალიბდეს შემდეგი რედაქციით:

„ბ.ა) წარმართავს კომისიის საფინანსო-საბიუჯეტი დეპარტამენტის მატერიალურ-ტექნიკური უზრუნველყოფის სამმართველოს საქმიანობას;“.

2. დებულების მე-7 მუხლის:

ა) პირველ პუნქტს დაემატოს შემდეგი შინაარსის „ბ2“ ქვეპუნქტი:

,,ბ2. საფინანსო-საბიუჯეტო დეპარტამენტი“;

ბ) პირველი პუნქტის ,,თ“ და ,,კ“ ქვეპუნქტები ამოღებულ იქნეს.

გ) მე-4 პუნქტი ჩამოყალიბდეს შემდეგი რედაქციით:

,,4. დეპარტამენტს ხელმძღვანელობს უფროსი, რომელსაც შეიძლება ჰყავდეს მოადგილე, სამმართველოს და სამსახურს კი ხელმძღვანელობს უფროსი.’’.

3. დებულების მე-10 მუხლი ჩამოყალიბდეს შემდეგი რედაქციით:

„მუხლი 10.

1. ბუნებრივი გაზის დეპარტამენტის ძირითადი ფუნქციებია:

ა) ბუნებრივი გაზის სექტორში ლიცენზიების მაძიე-ბელთა დოკუმენტაციის ტექნიკური ექსპერტიზა, დას-კვნის მომზადება და კომისიის აპარატის სხვა დეპარ-ტამენტებისაგან ამ საკითხებზე შესაბამისი საექსპერტო დასკვნების მოპოვება;

ბ) ბუნებრივი გაზის შესაბამისი ლიცენზიის გაცემაზე, ლიცენზიაში ცვლილებების შეტანაზე ან/და გაუქმებაზე საკითხების მომზადება კომისიის სხდომაზე განსახილ-ველად;

გ) ბუნებრივი გაზის სექტორის ლიცენზიატების მიერ ლიცენზიების პირობების, მათ შორის, ბუნებრი-ვი გაზის სექტორში მოქმედი სუბიექტების მიერ, კომისიის დადგენილი ნორმების შესრულების კონ-ტროლი და შემოწმების განხორციელება. აგრეთვე, დადგენილი მოთხოვნების დარღვევისათვის შესაბამი-სი ოქმების შედგენა და კანონმდებლობით გათვალის-წინებული ღონისძიებების გასატარებლად კომისიის სხდომისათვის წინადადებების შემუშავება და საკითხის მომზადება;

დ) ყოველწლიური რეგულირების საფასურის გა-დახდაზე ბუნებრივი გაზის სექტორის ლიცენზიატებთან და მიმწოდებლებთან შესათანხმებელი გრაფიკის შემუ-შავებაში მონაწილეობის მიღება;

ე) ბუნებრივი გაზის სექტორის ლიცენზიატების მიერ ან კომისიის ინიციატივით ნორმატიული დანაკარგების დადგენაზე წარმოდგენილი მოთხოვნების და შესაბამისი დოკუმენტაციის ექსპერტიზა და დასკვნის მომზადება;

ვ) მის კომპეტენციაში შემავალ საკითხებზე აპარატის შესაბამის სტრუქტურულ ერთეულებთან ერთად, კომისიის სამართლებრივი აქტების პროექტების მომზადება;

ზ) ბუნებრივი გაზის სექტორის ლიცენზიატებს, მიმწოდებლებს ან/და მომხმარებლებს შორის წარმო-შობილი სადავო საკითხების კომისიის სხდომაზე განსახილველად მომზადება;

თ)  ბუნებრივი გაზის სექტორის ნორმატიულ-ტექნიკური დოკუმენტაციის შემუშავება და სრულყოფა;

ი) ბუნებრივი გაზის სექტორში მოქმედი ლიცენზია-ტების მიერ, დადგენილი წესით წარმოდგენილი ტექნიკური ანგარიშების ანალიზის საფუძველზე, კომისიისთვის შესაბამისი დასკვნების მომზადება.

2. ბუნებრივი გაზის დეპარტამენტის სტრუქტუ-რული ქვედანაყოფია მონიტორინგის სამმართველო, რომელიც უზრუნველყოფს ბუნებრივი გაზის ლიცენზიატებზე მონიტორინგის განხორციელებას.“.

4. დებულების მე-11 მუხლის:

ა) მე-2  და მე-3 პუნქტები ჩამოყალიბდეს შემდეგი რედაქციით:

,,2. ტარიფებისა და ფასწარმოქმნის დეპარატმენტის სტრუქტურული ქვედანაყოფებია: ელექტროენერგეტიკის სამმართველო, ბუნებრივი გაზის სამმართველო და წყალმომარაგების სამმართველო.

3. ელექტროენერგეტიკის სამმართველო უზრუნველყოფს ელექტროენერგეტიკის სექტორში ამ მუხლის პირველი პუნქტის „ა“ – „თ“ ქვეპუნქტებით განსაზღვრული ფუნქციების შესრულებას.“.

ბ) მე-4 პუნქტის შემდგომ დაემატოს მე-5 პუნქტი შემდეგი რედაქციით:

,,5. წყალმომარაგების სამმართველო უზრუნველყოფს წყალმომარაგების სექტროში ამ მუხლის პირველი პუნქტის ,,ა“–,,ვ“ და ,,თ“ ქვეპუნქტებით გათვალისწინებული ფუნქციების განხორციელებას“.

5.  დებულების თავი XIII, თავი XIV, მე-18 და მე-19 მუხლები ამოღებულ იქნეს.  

6. დებულებას დაემატოს თავი X2  შემდეგი რე-დაქციით:

,,თავი X². საფინანსო-საბიუჯეტო დეპარტამენტი

მუხლი 15².

1. საფინანსო-საბიუჯეტო დეპარტამენტის ძირითადი ფუნქციებია:

ა) კომისიისა და მისი აპარატის მატერიალურ-ტექნიკური მომარაგების უზრუნველყოფა;

ბ) კომისიისა და მისი აპარატის მატერიალურ-ტექნიკური ინვენტარის და შენობის მოვლა-პატრონობა;

გ) სახანძრო უსაფრთხოების უზრუნველყოფა;

დ) კომისიისათვის შესყიდვებთან დაკავშირებული ყველა ინფორმაციის მომზადება და დამუშავებული დოკუმენტების საჭიროების მიხედვით გადაცემა;

ე) ფასთა კვოტირებისა და ერთ პირთან მოლაპარაკების საშუალებით საქონლის, სამუშაოსა და მომსახურების შესყიდვის განხორციელება;

ვ) ტენდერის ჩასატარებელი სატენდერო დოკუმენტაციის მომზადება და დამუშავება;

ზ) სახელმწიფო შესყიდვების გეგმის დამუშავება და კომისიისათვის და სახელმწიფო შესყიდვების სააგენტოსათვის მათი წარდგენა;

თ) მიმწოდებელთან ხელშეკრულების გაფორმების უზრუნველყოფა;

ი) ტენდერში გამარჯვებულ კომპანიებთან განხორციელებული შესყიდვების ყოველთვიური ანგარიშის კომისიისათვის წარდგენა;

კ) სახელმწიფო შესყიდვების სააგენტოსთვის სახელმწიფო შესყიდვის შესახებ კანონმდებლობით გათვალისწინებული ინფორმაციის მიწოდება;

ლ) საბუღალტრო აღრიცხვის წარმართვა და ხარჯთა ნუსხის შედგენა;

მ) შემოსული ფულადი საშუალებების, სასაქონლო მატერიალური ფასეულობების და ძირითადი საშუალებების აღრიცხვა-ინვენტარიზაცია;

ნ) თანამშრომელთა ხელფასების, მივლინებების და სხვა გასაცემლების ანგარიში და გაცემა;

ო) ანგარიშსწორება ანგარიშვალდებულ პირებთან, მიმწოდებელთან და დამკვეთთან;

პ) სახსრების დარიცხვა და დროულად გადარიცხვა;

ჟ)კომისიის მიერ განხორციელებული ყველა სამე-ურნეო ოპერაციის საბუღალტრო ანგარიშებში ასახვის სისრულის უზრუნველყოფა და კონტროლი;

რ) ოპერატიული ინფორმაციის და ბუღალტრული ანგარიშების შედგენა და წარდგენა;

ს) ურთიერთობები ბანკებთან და საგადასახადო ორგანოებთან;

ტ) დებიტორ-კრედიტორების აღრიცხვა;

უ) კომპეტენციის ფარგლებში ლიცენზიატების ფინანსური მდგომარეობის ანალიზი;

ფ) კომისიის აპარატის საქმიანობის მატერიალურ-ტექნიკური პირობებით უზრუნველყოფა.

 2. საფინანსო-საბიუჯეტო დეპარტამენტის სტრუქტურული ქვედანაყოფებია: ფინანსური ანალიზის სამმართველო, რომელიც უზრუნველყოფს ამ მუხლის პირველი პუნქტის ,,ლ - უ“ ქვეპუნქტებით განსაზღვრული ფუნქციების შესრულებას, მატერიალურ-ტექნიკური უზრუნველყოფის სამმართველო, რომელიც უზრუნველყოფს ამ მუხლის პირველი პუნქტის ,,ა - კ“ ქვეპუნქტებით განსაზღვრული ფუნქციების შესრულებას  და სამეურნეო სამმართველო, რომელიც უზრუნველყოფს ამ მუხლის პირველი პუნქტის ,,ფ“ ქვეპუნქტით  განსაზღვრული ფუნქციების შესრულებას.     

 მუხლი 2. ეს დადგენილება ძალაში შედის გამოქვეყნებისთანავე.

თავმჯდომარე           გ. ჩალაგაშვილი