„რეზიდენტურის ალტერნატიულ დიპლომისშემდგომ განათლებაში (პროფესიულ მზადებაში) მონაწილეობის, მისი წარმართვისა და შეფასების წესისა და იმ სამედიცინო დაწესებულებების ან/და სასწავლებლების აკრედიტაციის კრიტერიუმების და წესის დამტკიცების შესახებ, რომლებშიც შესაძლებელია დიპლომისშემდგომი განათლების (პროფესიული მზადების) კურსის გავლა“ საქართველოს შრომის, ჯანმრთელობისა და სოციალური დაცვის მინისტრის 2009 წლის 8 აპრილის №135/ნ ბრძანებაში ცვლილებებისა და დამატებების შეტანის შესახებ“

სახელმწიფო სარეგისტრაციო კოდი 470.230.000.22.035.013.222

საქართველოს შრომის, ჯანმრთელობისა და სოციალური დაცვის

მინისტრის ბრძანება №218/ნ

2009 წლის 25 ივნისი

ქ. თბილისი

„რეზიდენტურის ალტერნატიულ დიპლომისშემდგომ განათლებაში (პროფესიულ მზადებაში) მონაწილეობის, მისი წარმართვისა და შეფასების წესისა და იმ სამედიცინო დაწესებულებების ან/და სასწავლებლების აკრედიტაციის კრიტერიუმების და წესის დამტკიცების შესახებ, რომლებშიც შესაძლებელია დიპლომისშემდგომი განათლების (პროფესიული მზადების) კურსის გავლა“ საქართველოს შრომის, ჯანმრთელობისა და სოციალური დაცვის მინისტრის 2009 წლის 8 აპრილის №135/ნ ბრძანებაში ცვლილებებისა და დამატებების შეტანის შესახებ

„ნორმატიული აქტების შესახებ“ საქართველოს კანონის 36-ე მუხლის შესაბამისად, ვბრძანებ:

მუხლი 1. „რეზიდენტურის ალტერნატიულ დიპლომისშემდგომ განათლებაში (პროფესიულ მზადებაში) მონაწილეობის, მისი წარმართვისა და შეფასების წესისა და იმ სამედიცინო დაწესებულებების ან/და სასწავლებლების აკრედიტაციის კრიტერიუმების და წესის დამტკიცების შესახებ, რომლებშიც შესაძლებელია დიპლომისშემდგომი განათლების (პროფესიული მზადების) კურსის გავლა“ საქართველოს შრომის, ჯანმრთელობისა და სოციალური დაცვის მინისტრის 2009 წლის 8 აპრილის №135/ნ ბრძანებაში (სსმ III, 10.04.2009 წ., №45, მუხ. 509) შეტანილ იქნეს შემდეგი ცვლილებები და დამატებები:

1. ბრძანების პირველი პუნქტის „ა“ ქვეპუნქტით დამტკიცებულ დანართ 1-ში (რეზიდენტურის ალტერნატიულ დიპლომისშემდგომ განათლებაში (პროფესიულ მზადებაში) მონაწილეობის, მისი წარმართვისა და შეფასების წესი) შევიდეს შემდეგი ცვლილებები:

ა) მე-13 პუნქტის „ბ“ ქვეპუნქტი ჩამოყალიბდეს შემდეგი რედაქციით:

„ბ) მონაწილეობდეს სარეზიდენტო პროგრამით გათვალისწინებული სასწავლო პროცესის დაგეგმვასა და შეფასებაში.“;

ბ) მე-14 პუნქტის „გ“ ქვეპუნქტი ჩამოყალიბდეს შემდეგი რედაქციით:

„გ) სპეციალობის მაძიებელი ვალდებულია, ყოველი სასწავლო წლის ბოლოს პროგრამის ხელმძღვანელს წარუდგინოს გაწეული მუშაობის ანგარიში, გაიაროს ეტაპობრივი და შემაჯამებელი გამოცდა.“;

გ) მე-15 პუნქტი ჩამოყალიბდეს შემდეგი რედაქციით:

„15. სპეციალობის მაძიებლის ეტაპობრივი/საბოლოო უარყოფითი შეფასების შემთხვევაში, პროგრამის ხელმძღვანელმა/ხელმძღვანელობამ, სპეციალობის მაძიებელთან შეთანხმებით, შეიძლება განუსაზღვროს მას მოდული/მოდულები, რომლებიც უნდა გაიაროს განმეორებით.“;

დ) მე-17 პუნქტი ჩამოყალიბდეს შემდეგი რედაქციით:

„17. სპეციალობის მაძიებელს უფლება აქვს, გადავიდეს ერთი აკრედიტებული დაწესებულებიდან/სასწავლებლიდან მეორე აკრედიტებულ დაწესებულებაში/სასწავლებელში.“;

2. ბრძანების პირველი პუნქტის „ბ“ ქვეპუნქტით დამტკიცებული დანართ 2-ში (იმ სამედიცინო დაწესებულებების ან/და სასწავლებლების აკრედიტაციის კრიტერიუმები და წესი, რომლებშიც შესაძლებელია დიპლომისშემდგომი განათლების (პროფესიული მზადების) კურსის გავლა) შევიდეს შემდეგი ცვლილებები და დამატებები:

ა) პირველი მუხლის პირველი პუნქტის „გ“ ქვეპუნქტი ჩამოყალიბდეს შემდეგი რედაქციით:

„გ) ლიმიტი (კვოტა) – რეზიდენტთა/მაძიებელთა მაქსიმალური რაოდენობა, რომელთა ერთდროულად მზადების უფლებაც ეძლევა აკრედიტებულ დაწესებულებას/სასწავლებელს ან/და კონკრეტული მოდულის განხორციელებაში მონაწილე აფილირებულ დაწესებულებას.“;

ბ) პირველი მუხლის მე-4 პუნქტი ჩამოყალიბდეს შემდეგი რედაქციით:

„4. აკრედიტაციის მინიჭების შემთხვევაში საბჭო დაწესებულებას/სასწავლებელს განუსაზღვრავს რეზიდენტთა/მაძიებელთა ლიმიტს (კვოტას) კონკრეტული დიპლომისშემდგომი განათლების (პროფესიული მზადების) /სარეზიდენტო პროგრამის ფარგლებში.“;

გ) პირველ მუხლს დაემატოს მე-5 პუნქტი შემდეგი რედაქციით:

„5. კონკრეტული დიპლომისშემდგომი განათლების (პროფესიული მზადების)/სარეზიდენტო პროგრამის ფარგლებში აკრედიტებულ დაწესებულებას/სასწავლებელს უფლება აქვს, განახორციელოს დიპლომისშემდგომი განათლება (პროფესიული მზადება) აღნიშნული პროგრამის როგორც სრული, ასევე შესაბამისი საექიმო სპეციალობის მომიჯნავე სპეციალობებისათვის დადგენილი კურსის ფარგლებში. ამ შემთხვევაში რეზიდენტთა/მაძიებელთა საერთო რაოდენობა განისაზღვრება პროგრამით გათვალისწინებული ვადებისა და აკრედიტაციით მინიჭებული კვოტის შესაბამისად.“;

დ) მე-2 მუხლის პირველი პუნქტი ჩამოყალიბდეს შემდეგი რედაქციით:

„1. დაწესებულებების/სასწავლებლის აკრედიტაცია ხორციელდება კონკრეტული დიპლომისშემდგომი განათლების (პროფესიული მზადების) /სარეზიდენტო პროგრამის (პროგრამების) ფარგლებში.“;

ე) მე-2 მუხლს დაემატოს „1¹“ პუნქტი შემდეგი რედაქციით:

„1¹. დაწესებულებების/სასწავლებლების აკრედიტაცია შესაძლებელია განხორციელდეს კონკრეტული საექიმო სპეციალობის/სპეციალობების დიპლომისშემდგომი განათლების (პროფესიული მზადების) პროგრამის/პროგრამების მომიჯნავე საექიმო სპეციალობებისათვის დადგენილი კურსის ფარგლებშიც.“;

ვ) მე-2 მუხლის მე-2 პუნქტი ჩამოყალიბდეს შემდეგი რედაქციით:

„2. აკრედიტაციის მაძიებელი დაწესებულება/სასწავლებელი უნდა უზრუნველყოფდეს კონკრეტული დიპლომისშემდგომი განათლების (პროფესიული მზადების)/სარეზიდენტო პროგრამით გათვალისწინებული კლინიკური მოდულების სულ მცირე 1/2-ის საკუთარ ბაზებზე გატარებას (აღნიშნული არ ეხება უმაღლეს სასწავლებელსა და მომიჯნავე საექიმო სპეციალობე-ბისათვის დადგენილ პროგრამებს საექიმო სპეციალობაში – „საოჯახო მედიცინა“).“;

ზ) მე-2 მუხლის მე-8 პუნქტი ჩამოყალიბდეს შემდეგი რედაქციით:

„8. კონკრეტული დიპლომისშემდგომი განათლების (პროფესიული მზადების)/სარეზიდენტო პროგრამის ფარგლებში აკრედიტებულ დაწესებულებას/სასწავლებელს არ შეიძლება ჰქონდეს გაფორმებული ხელშეკრულება იგივე პროგრამის ფარგლებში აკრედიტებულ სხვა დაწესებულებასთან/სასწავლებელთან. აღნიშნული არ ეხება თეორიულ მოდულებსა და მომიჯნავე საექიმო სპეციალობებისათვის დადგენილ პროგრამებს საექიმო სპეციალობაში – „საოჯახო მედიცინა“.“;

თ) მე-3 მუხლის მე-2 პუნქტი ჩამოყალიბდეს შემდეგი რედაქციით:

„2. აკრედიტაციის მოთხოვნის შესახებ განაცხადს უნდა დაერთოს შემდეგი დოკუმენტაცია:

ა) დადგენილი ფორმის შესაბამისი თვითშეფასების კითხვარი (დანართი 2.1);

ბ) დაწესებულების/სასწავლებლის წესდების/დებულების დამოწმებული ასლი, ხოლო კერძო სამართლის იურიდიული პირის შემთხვევაში – აგრეთვე სარეგისტრაციო მონაცემები;

გ) აფილირებულ დაწესებულებასთან/დაწესებულებებთან გაფორმებული ხელშეკრულების ასლი/ასლები;

დ) იმ სამედიცინო საქმიანობათა ჩამონათვალი, რომლებსაც ახორციელებს დაწესებულება/სასწავლებელი ან/და მისთან აფილირებული დაწესებულებები/სასწავლებლები, ხოლო ლიცენზირებადი სამედიცინო საქმიანობების განხორციელებისას – შესაბამისი სალიცენზიო მოწმობების ასლები;

ე) უმაღლესი სამედიცინო საგანმანათლებლო პროგრამების, დიპლომისშემდგომი განათლების (პროფესიული მზადების) პროგრამების, უწყვეტი სამედიცინო განათლების პროგრამების დასახელება, რომლებიც ხორციელდება სამედიცინო დაწესებულებაში/სასწავლებელში;

ვ) დოკუმენტაცია დაწესებულების/სასწავლებლის და მასთან აფილირებული დაწესებულების (დაწესებულებების) შენობა-ნაგებობებისა და მატერიალურ-ტექნიკური ბაზის კანონმდებლობით დადგენილი წესით ფლობისა და სარგებლობის უფლების შესახებ;

 ზ) დოკუმენტაცია დაწესებულების/სასწავლებლის და მასთან აფილირებული დაწესებულების (დაწესებულებების) მიერ სამედიცინო აღჭურვილობისა და კომპიუტერული ტექნიკის ფლობის შესახებ.“;

ი) მე-4 მუხლის მე-5 პუნქტი ჩამოყალიბდეს შემდეგი რედაქციით:

„5. სააკრედიტაციო ვიზიტის მიზანია, საშუალება მისცეს სააგენტოს თანამშრომლებს, დადგინდეს თვითშეფასების კითხვართან და აკრედიტაციის კრიტერიუმებთან დაწესებულების/სასწავლებლის და მასთან აფილირებული დაწესებულების (დაწესებულებების) პირობების შესაბამისობა. სააკრედიტაციო ვიზიტის ხანგრძლივობა განისაზღვრება დაწესებულების/სასწავლებლისა და მისი დოკუმენტაციის მოცულობის შესაბამისად.“;

კ) მე-4 მუხლის მე-6 პუნქტი ჩამოყალიბდეს შემდეგი რედაქციით:

„6. სააგენტოს თანამშრომლები ამოწმებენ დაწესებულების/სასწავლებლის აკრედიტაციის მიზნებისათვის საჭირო დოკუმენტაციას, ახორციელებენ მათში დასაქმებული პირების, რეზიდენტების/მაძიებლების და სხვა დაინტერესებული პირების ინტერვიუირებას და შენობა-ნაგებობის და აღჭურვილობის ადგილზე დათვალიერებას. აკრედიტაციის პირობების გადამოწმების მიზნით, სააგენტოს თანამშრომლები უფლებამოსილნი არიან, მოიძიონ და გადაამოწმონ კონკრეტული მონაცემები.“;

ლ) მე-5 მუხლის პირველი პუნქტი ჩამოყალიბდეს შემდეგი რედაქციით:

„1. საბჭო გადაწყვეტილებას იღებს სააკრედიტაციო დოკუმენტაციის წარმოდგენიდან ერთი თვის ვადაში. თუ საქმისათვის არსებითი მნიშვნელობის მქონე გარემოებების გამო აუცილებელია მეტი ვადა, ამ შემთხვევაში გადაწყვეტილების მიღების საერთო ვადა არ უნდა აღემატებოდეს 3 თვეს.“;

მ) მე-6 მუხლი ჩამოყალიბდეს შემდეგი რედაქციით:

     „მუხლი 6. დაწესებულებისათვის რეზიდენტთა/მაძიებელთა რაოდენობის (ლიმიტი/კვოტა) განსაზღვრა

1. რეზიდენტთა/მაძიებელთა რაოდენობის განსაზღვრა გულისხმობს დაწესებულებისათვის/სასწავლებლისათვის რეზიდენტთა/მაძიებელთა მაქსიმალური რაოდენობის – ლიმიტის (კვოტის) განსაზღვრას, რომლის ერთდროულად მზადების უფლება აქვს დაწესებულებას/სასწავლებელს ერთი წლის განმავლობაში იმ პროგრამის ფარგლებში, რომელზედაც უნდა მოიპოვოს აკრედიტაცია ან/და კონკრეტული მოდულის განხორციელებაში მონაწილე აფილირებულ დაწესებულებას მოდულის მიმდინარეობის ვადებში.

2. აკრედიტებული დაწესებულების/სასწავლებლის ლიმიტი/კვოტა განისაზღვრება კომპლექსურად, აკრედიტაციის მაძიებელი დაწესებულების/სასწავლებლის საკუთარი და მასთან აფილირებული დაწესებულებების სიმძლავრეების შესაბამისად. მხედველობაში მიიღება პროგრამის (მოდულის) განხორციელების ვადები.

3. 1 წელზე ნაკლები ხანგრძლივობის დიპლომისშემდგომი მზადების პროგრამის შემთხვევაში, რეზიდენტთა/მაძიებელთა ლიმიტი (კვოტა) განისაზღვრება აღნიშნული დიპლომისშემდგომი მზადების პროგრამის ხანგრძლივობის ვადის შესაბამისად.

4. რეზიდენტთა/მაძიებელთა ლიმიტი (კვოტა) განისაზღვრება დაწესებულებისათვის:

ა) აკრედიტაციის მინიჭებისას;

ბ) რეზიდენტთა/ მაძიებელთა ლიმიტის (კვოტის) ცვლილების შემთხვევაში.

5. ამ მუხლის მე-4 პუნქტის „ბ“ ქვეპუნქტით გათვალისწინებულ რეზიდენტთა/მაძიებელთა ლიმიტი (კვოტა) განისაზღვრება დაწესებულების/სასწავლებლის მიერ წარმოდგენილი დამატებითი ინფორმაციის და სააგენტოს თანამშრომელთა მიერ მონაცემების ადგილზე შესწავლის საფუძველზე.

6. საბჭოს ინიციატივით, დაწესებულების/სასწავლებლის რეზიდენტთა/მაძიებელთა ადგილების რაოდენობა შეიძლება შეიცვალოს მხოლოდ ამ წესის შესაბამისად, დაწესებულების შესაბამისი შემოწმების შედეგად და სააგენტოს ინფორმაციის საფუძველზე.“;

ნ) დანართი 2.1 (სამედიცინო დაწესებულებებისა ან/და სასწავლებლების აკრედიტაციის თვითშეფასების კითხვარი) ჩამოყალიბდეს შემდეგი რედაქციით:

„დანართი 2.1

სამედიცინო დაწესებულებებისა ან/და სასწავლებლების აკრედიტაციის თვითშეფასების კითხვარი

სამედიცინო დაწესებულების ან/და სასწავლებლის დასახელება ––––

I. ზოგადი ინფორმაცია

II. კლინიკური რესურსი

III. მატერიალური რესურსი

IV. ინტელექტუალური რესურსი

ასევე წარმოდგენილ უნდა იქნეს სარეზიდენტო პროგრამის ხელმძღვანელისა და ცალკეული მოდულის განხორციელებაზე პასუხისმგებელი პირების ავტოგრაფიები/CV.

V. სამეცნიერო კვლევა

VI. ხარისხის უზრუნველყოფა

სამედიცინო დაწესებულების ან/და სასწავლებლის ხელმძღვანელის ხელმოწერა

 ––––––––––––––––––––––––

ბეჭედი –––––––––––––––“;

ო) დანართი 2.2-ში (აკრედიტაციის კრიტერიუმები) შეტანილ იქნეს შემდეგი ცვლილებები:

ო.ა) ამოღებულ იქნეს პირველი პუნქტი.

ო.ბ) მე-2 პუნქტი ჩამოყალიბდეს შემდეგი რედაქციით:

„2. ამბულატორიული ვიზიტების რაოდენობა ერთ რეზიდენტზე/მაძიებელზე გაანგარიშებით პროფილის მიხედვით:

ა) საოჯახო მედიცინა – საშუალოდ ერთი რეზიდენტი/მაძიებელი წელიწადში 1 000 ვიზიტზე;

ბ) თერაპიული პროფილი – საშუალოდ ერთი რეზიდენტი/მაძიებელი წელიწადში 1000 ვიზიტზე;

გ) ქირურგიული პროფილი – საშუალოდ ერთი რეზიდენტი/მაძიებელი წელიწადში 800 ვიზიტზე;

დ) პედიატრიული პროფილი – საშუალოდ ერთი რეზიდენტი/მაძიებელი წელიწადში 1000 ვიზიტზე;

ე) სამეანო-გინეკოლოგიური პროფილი – საშუალოდ ერთი რეზიდენტი/მაძიებელი წელიწადში 1000 ვიზიტზე;

ვ) ფტიზიატრიული პროფილი – საშუალოდ ერთი რეზიდენტი/მაძიებელი წელიწადში 800 ვიზიტზე;

ზ) ფსიქიატრიული პროფილი – საშუალოდ ერთი რეზიდენტი/მაძიებელი წელიწადში 800 ვიზიტზე.“;

ო.გ) მე-3 პუნქტი ჩამოყალიბდეს შემდეგი რედაქციით:

„3. სტაციონარული სამედიცინო დაწესებულების საწოლის საშუალო დატვირთვის მაჩვენებლები (შესაბამისი პროფილის ფარგლებში) – საწოლის საშუალო დატვირთვა წელიწადში არანაკლებ 60%-ისა, ფსიქიატრია არანაკლებ 65%-ისა, ფტიზიატრია არანაკლებ 82%-ისა (წელიწადში არანაკლებ 200 საწოლდღისა, ფსიქიატრია – არანაკლებ 240, ფტიზიატრია – არანაკლებ 300 საწოლდღისა).“;

ო.დ) მე-8 პუნქტი ჩამოყალიბდეს შემდეგი რედაქციით:

„8. პროგრამის ხელმძღვანელი: სარეზიდენტო პროგრამის შესაბამის საექიმო სპეციალობაში აკადემიური თანამდებობა (სრული/ასოცირებული პროფესორი) ან დოქტორის აკადემიური ხარისხი (გარდა საექიმო სპეციალობისა – „საოჯახო მედიცინა“ – როგორც სრული, ასევე მომიჯნავე სპეციალობებისათვის დადგენილი პროგრამებისათვის); პედაგოგიური გამოცდილება არანაკლებ 5 წელი. პროგრამის ხელმძღვანელი უნდა მონაწილეობდეს დიპლომამდელ განათლებაში ან/და უწყვეტი პროფესიული განვითარების სისტემაში.“;

ო.ე) მე-9 პუნქტი ჩამოყალიბდეს შემდეგი რედაქციით:

„9. მოდულზე პასუხისმგებელი პირი: 2 წელი პედაგოგიური გამოცდილება, სახელმწიფო სერტიფიკატი სარეზიდენტო პროგრამის/მოდულის შესაბამის საექიმო სპეციალობაში და სახელმწიფო სერტიფიკატით განსაზღვრულ საექიმო სპეციალობაში პრაქტიკული მუშაობის სულ მცირე 3 წლის გამოცდილება, ან დოქტორის აკადემიური ხარისხი, სახელმწიფო სერტიფიკატი სარეზიდენტო პროგრამის/მოდულის შესაბამის საექიმო სპეციალობაში და სახელმწიფო სერტიფიკატით განსაზღვრულ საექიმო სპეციალობაში პრაქტიკული მუშაობის სულ მცირე 4 წლის გამოცდილება, ან სახელმწიფო სერტიფიკატი სარეზიდენტო პროგრამის/მოდულის შესაბამის საექიმო სპეციალობაში, სახელმწიფო სერტიფიკატით განსაზღვრულ საექიმო სპეციალობაში პრაქტიკული მუშაობის სულ მცირე 5 წლის გამოცდილება (საექიმო სპეციალობაში – „საოჯახო მედიცინა“– მომიჯნავე სპეციალობებისათვის დადგენილი პროგრამის შემთხვევაში, „საოჯახო მედიცინაში“/პირველად ჯანდაცვაში პრაქტიკული მუშაობის 2 წლის გამოცდილება) და მასწავლებელთა ტრენინგ-პროგრამის გავლა. მოდულის ხელმძღვანელი უნდა მონაწილეობდეს დიპლომამდელ განათლებაში ან/და უწყვეტი პროფესიული განვითარების სისტემაში.“.

მუხლი 2. ბრძანება ამოქმედდეს გამოქვეყნებისთანავე.

ა. კვიტაშვილი