„პროფილაქტიკური აცრების ეროვნული კალენდრის დამტკიცების შესახებ“ საქართველოს შრომის, ჯანმრთელობისა და სოციალური დაცვის მინისტრის 2003 წლის 4 ივნისის №122/ნ ბრძანებაში ცვლილების შეტანის შესახებ“

სახელმწიფო სარეგისტრაციო კოდი 470.230.000.22.035.013.777

საქართველოს შრომის, ჯანმრთელობისა და სოციალური დაცვის

მინისტრის ბრძანება №378/ნ

2009 წლის 17 ნოემბერი

ქ. თბილისი

„პროფილაქტიკური აცრების ეროვნული კალენდრის დამტკიცების შესახებ“ საქართველოს შრომის, ჯანმრთელობისა და სოციალური დაცვის მინისტრის 2003 წლის 4 ივნისის №122/ნ ბრძანებაში ცვლილების შეტანის შესახებ

„ნორმატიული აქტების შესახებ“ საქართველოს კანონის 36-ე მუხლის საფუძველზე, ვბრძანებ:

მუხლი 1. „პროფილაქტიკური აცრების ეროვნული კალენდრის დამტკიცების შესახებ“ საქართველოს შრომის, ჯანმრთელობისა და სოციალური დაცვის მინისტრის 2003 წლის 4 ივნისის №122/ნ ბრძანების (სსმ III, 2003 წ., №57, მუხ. 493) პირველი პუნქტით დამტკიცებული „პროფილაქტიკური აცრების ეროვნული კალენდრის“ მე-3 მუხლი ჩამოყალიბდეს შემდეგი რედაქციით:

„3. პროფილაქტიკური აცრების ეროვნული კალენდარი

1. ჩატარდეს 2, 3 და 4 თვის ასაკის ბავშვთა ვაქცინაცია დიფთერია + ყივანახველა + ტეტანუსი + ბ ჰეპატიტი + ბ ტიპის ჰემოფილუს ინფლუენცას (DTP+HepB+Hib) – ხუთკომპონენტიანი ვაქცინით სამჯერადად.

2. ჩატარდეს 18 თვის ასაკში დიფთერიის, ყივანახველას და ტეტანუსის საწინააღმდეგო რევაქცინაცია დიფთერია-ტეტანუსი-ყივანახველას (დყტ) ვაქცინით.

3. დაბადებიდან 0-12 სთ-ის განმავლობაში სამშობიარო სახლებში ბ ჰეპატიტის საწინააღმდეგო ვაქცინაცია ჩატარდეს ბ ჰეპატიტის საწინააღმდეგო მონოვაქცინით (ჰეპბ).

მუხლი 2. ბრძანება ამოქმედდეს გამოქვეყნებისთანავე.

ა. კვიტაშვილი