დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
კონსოლიდირებული პუბლიკაციები
ბუნების ძეგლების შექმნისა და მართვის შესახებ | |
---|---|
დოკუმენტის ნომერი | 1582-რს |
დოკუმენტის მიმღები | საქართველოს პარლამენტი |
მიღების თარიღი | 20/11/2013 |
დოკუმენტის ტიპი | საქართველოს კანონი |
გამოქვეყნების წყარო, თარიღი | ვებგვერდი, 03/12/2013 |
სარეგისტრაციო კოდი | 360010000.05.001.017203 |
კონსოლიდირებული პუბლიკაციები |
კონსოლიდირებული ვერსია (საბოლოო)
|
მუხლი 1. კანონის რეგულირების სფერო
1. ეს კანონი არეგულირებს სამართლებრივ ურთიერთობებს ამ კანონით განსაზღვრული ბუნების ძეგლების სისტემის შექმნისა და მართვის სფეროში. 2. ამ კანონით განსაზღვრული ბუნების ძეგლებისათვის მიკუთვნებული მიწის, ტყის, წყლისა და სხვა ბუნებრივი რესურსების, აგრეთვე ბუნების ძეგლების დაცვასა და გამოყენებასთან დაკავშირებული ურთიერთობები რეგულირდება ამ კანონითა და საქართველოს სხვა საკანონმდებლო და კანონქვემდებარე ნორმატიული აქტებით. 3. ამ კანონით განსაზღვრული ბუნების ძეგლების დაცვასა და გამოყენებასთან დაკავშირებული ქონებრივი ურთიერთობები რეგულირდება საქართველოს კანონმდებლობით. მუხლი 2. კანონში გამოყენებული ტერმინები ამ კანონში გამოყენებულ ტერმინებს აქვს იგივე მნიშვნელობა, რაც „დაცული ტერიტორიების სისტემის შესახებ“ საქართველოს კანონით გათვალისწინებულ ტერმინებს. მუხლი 3. კანონის მიზნები და ამოცანები 1. ამ კანონის მიზნებია: ა) ამ კანონით განსაზღვრული ბუნების ძეგლების შექმნის უზრუნველყოფა; ბ) ამ კანონით განსაზღვრული ბუნების ძეგლების მართვის მექანიზმის დარეგულირება. 2. ამ კანონის ამოცანებია: ა) თვითმყოფადი ბუნებრივი კულტურული გარემოსა და მისი ცალკეული კომპონენტების, უნიკალური და იშვიათი ორგანული თუ არაორგანული ბუნებრივი წარმონაქმნების, არქეოლოგიური კომპლექსების, ბუნების იშვიათი ძეგლების დაცვის, აღდგენისა და შენარჩუნების ხელშეწყობა; ბ) ამ კანონით განსაზღვრული ბუნების ძეგლების ბუნებრივ და ისტორიულ-კულტურულ გარემოში რეკრეაციისა და ტურიზმის განვითარების ხელშეწყობა; გ) ამ კანონით განსაზღვრული ბუნების ძეგლების ფარგლებში მიწის, წყლის, ცხოველთა და მცენარეთა სამყაროს, მათ შორის, ტყეებისა და სხვა ბუნებრივი რესურსების, მოვლის, დაცვისა და აღდგენის უზრუნველყოფა; დ) ბუნების ძეგლების დაცვისა და აღდგენისათვის, განათლებისა და მეცნიერული კვლევა-ძიებისათვის ხელსაყრელი პირობების შექმნისა და მონიტორინგის განხორციელების ხელშეწყობა. მუხლი 4. ბუნების ძეგლები ამ კანონით განსაზღვრული ბუნების ძეგლები საქართველოს დაცული ტერიტორიების სისტემის ნაწილია და იქმნება ამ კანონით დადგენილი საზღვრების ფარგლებში. ეს ბუნების ძეგლებია: ა) სამეგრელოს ბუნების ძეგლების კომპლექსი, რომელიც მოიცავს: ა.ა) ბალდის კანიონის ბუნების ძეგლს; ა.ბ) ონიორის ჩანჩქერისა და ტობის პირველი მღვიმის ბუნების ძეგლებს; ა.გ) ტობის ჩანჩქერისა და არსენ ოქროჯანაშვილის მღვიმის ბუნების ძეგლებს; ა.დ) (ამოღებულია - 23.03.2018, №2081); ა.ე) ჯორწყუს მღვიმის ბუნების ძეგლს; ა.ვ) ოჩხომურის ჩანჩქერის ბუნების ძეგლს; ა.ზ) ნაზოდელავოს მღვიმის ბუნების ძეგლს; ა.თ) მდინარე აბაშის ჩანჩქერის ბუნების ძეგლს; ა.ი) მარტვილის კანიონის ბუნების ძეგლს; ბ) გოდერძის ნამარხი ტყის ბუნების ძეგლი; გ) დაშბაშის კანიონის ბუნების ძეგლი; დ) სამშვილდის კანიონის ბუნების ძეგლი; ე) მუხურის ჩანჩქერის ბუნების ძეგლი; ვ) ბოდორნის კლდის სვეტების ბუნების ძეგლი; ზ) ჯვრის უღელტეხილის ტრავერტინის ბუნების ძეგლი; თ) ქეთერისის მინერალური ვოკლუზის ბუნების ძეგლი; ი) ბირთვისის ბუნების ძეგლი. მუხლი 5. ბალდის კანიონის ბუნების ძეგლის მდებარეობა და ფართობი ბალდის კანიონის ბუნების ძეგლი მდებარეობს მარტვილის მუნიციპალიტეტის ტერიტორიაზე, მისი ფართობია 8,4 ჰექტარი და მოიცავს შემდეგ გეოგრაფიულ კოორდინატებს:
მუხლი 6. ონიორის ჩანჩქერისა და ტობის პირველი მღვიმის ბუნების ძეგლების მდებარეობა და ფართობი ონიორის ჩანჩქერისა და ტობის პირველი მღვიმის ბუნების ძეგლები მდებარეობს მარტვილის მუნიციპალიტეტის ტერიტორიაზე, მათი ფართობია 96,8 ჰექტარი და მოიცავს შემდეგ გეოგრაფიულ კოორდინატებს:
მუხლი 7. ტობის ჩანჩქერისა და არსენ ოქროჯანაშვილის მღვიმის ბუნების ძეგლების მდებარეობა და ფართობი ტობის ჩანჩქერისა და არსენ ოქროჯანაშვილის მღვიმის ბუნების ძეგლები მდებარეობს მარტვილის მუნიციპალიტეტის ტერიტორიაზე, მათი ფართობია 67,6 ჰექტარი და მოიცავს შემდეგ გეოგრაფიულ კოორდინატებს:
საქართველოს 2018 წლის 23 მარტის კანონი №2081 – ვებგვერდი, 05.04.2018წ. მუხლი 8. (ამოღებულია) მუხლი 9. ჯორწყუს მღვიმის ბუნების ძეგლის მდებარეობა და ფართობი ჯორწყუს მღვიმის ბუნების ძეგლი მდებარეობს მარტვილის მუნიციპალიტეტის ტერიტორიაზე, მისი ფართობია 0,08 ჰექტარი და მოიცავს შემდეგ გეოგრაფიულ კოორდინატებს:
მუხლი 10. ოჩხომურის ჩანჩქერის ბუნების ძეგლის მდებარეობა და ფართობი ოჩხომურის ჩანჩქერის ბუნების ძეგლი მდებარეობს მარტვილის მუნიციპალიტეტის ტერიტორიაზე, მისი ფართობია 0,5 ჰექტარი და მოიცავს შემდეგ გეოგრაფიულ კოორდინატებს:
მუხლი 11. ნაზოდელავოს მღვიმის ბუნების ძეგლის მდებარეობა და ფართობი ნაზოდელავოს მღვიმის ბუნების ძეგლი მდებარეობს ჩხოროწყუს მუნიციპალიტეტის ტერიტორიაზე, მისი ფართობია 7,4 ჰექტარი და მოიცავს შემდეგ გეოგრაფიულ კოორდინატებს:
მუხლი 12. მდინარე აბაშის ჩანჩქერის ბუნების ძეგლის მდებარეობა და ფართობი მდინარე აბაშის ჩანჩქერის ბუნების ძეგლი მდებარეობს მარტვილის მუნიციპალიტეტის ტერიტორიაზე, მისი ფართობია 91 ჰექტარი და მოიცავს შემდეგ გეოგრაფიულ კოორდინატებს:
მუხლი 13. მარტვილის კანიონის ბუნების ძეგლის მდებარეობა, ფართობი და საზღვრები მარტვილის კანიონის ბუნების ძეგლი მდებარეობს მარტვილის მუნიციპალიტეტის ტერიტორიაზე, მისი ფართობია 13,49 ჰექტარი და იგი მოიცავს შემდეგ გეოგრაფიულ კოორდინატებს:
საქართველოს 2016 წლის 17 თებერვლის კანონი №4735 - ვებგვერდი, 25.02.2016წ. მუხლი 14. გოდერძის ნამარხი ტყის ბუნების ძეგლის მდებარეობა და ფართობი გოდერძის ნამარხი ტყის ბუნების ძეგლი მდებარეობს ადიგენისა და ხულოს მუნიციპალიტეტების ტერიტორიებზე, მისი ფართობია 36 ჰექტარი და მოიცავს შემდეგ გეოგრაფიულ კოორდინატებს:
მუხლი 15. დაშბაშის კანიონის ბუნების ძეგლის მდებარეობა და ფართობი დაშბაშის კანიონის ბუნების ძეგლი მდებარეობს წალკის მუნიციპალიტეტის ტერიტორიაზე, მისი ფართობია 538 ჰექტარი და მოიცავს შემდეგ გეოგრაფიულ კოორდინატებს:
მუხლი 16. სამშვილდის კანიონის ბუნების ძეგლის მდებარეობა და ფართობი სამშვილდის კანიონის ბუნების ძეგლი მდებარეობს თეთრი წყაროს მუნიციპალიტეტის ტერიტორიაზე, მისი ფართობია 405 ჰექტარი და მოიცავს შემდეგ გეოგრაფიულ კოორდინატებს:
მუხლი 17. მუხურის ჩანჩქერის ბუნების ძეგლის მდებარეობა და ფართობი მუხურის ჩანჩქერის ბუნების ძეგლი მდებარეობს ტყიბულის მუნიციპალიტეტის ტერიტორიაზე, მისი ფართობია 4,3 ჰექტარი და მოიცავს შემდეგ გეოგრაფიულ კოორდინატებს:
მუხლი 18. ბოდორნის კლდის სვეტების ბუნების ძეგლის მდებარეობა და ფართობი ბოდორნის კლდის სვეტების ძეგლი მდებარეობს დუშეთის მუნიციპალიტეტის ტერიტორიაზე, მისი ფართობია 19,6 ჰექტარი და მოიცავს შემდეგ გეოგრაფიულ კოორდინატებს:
მუხლი 19. ჯვრის უღელტეხილის ტრავერტინის ბუნების ძეგლის მდებარეობა და ფართობი ჯვრის უღელტეხილის ტრავერტინის ბუნების ძეგლი მდებარეობს ყაზბეგის მუნიციპალიტეტის ტერიტორიაზე, მისი ფართობია 2,7 ჰექტარი და მოიცავს შემდეგ გეოგრაფიულ კოორდინატებს:
მუხლი 20. ქეთერისის მინერალური ვოკლუზის ბუნების ძეგლის მდებარეობა და ფართობი ქეთერისის მინერალური ვოკლუზის ბუნების ძეგლი მდებარეობს ყაზბეგის მუნიციპალიტეტის ტერიტორიაზე, მისი ფართობია 1 ჰექტარი და მოიცავს შემდეგ გეოგრაფიულ კოორდინატებს:
მუხლი 201. ბირთვისის ბუნების ძეგლის მდებარეობა, ფართობი და საზღვრები ბირთვისის ბუნების ძეგლი მდებარეობს თეთრი წყაროს მუნიციპალიტეტის ტერიტორიაზე, მისი ფართობია 514,8 ჰექტარი და მოიცავს შემდეგ გეოგრაფიულ კოორდინატებს:
საქართველოს 2016 წლის 17 თებერვლის კანონი №4735 - ვებგვერდი, 25.02.2016წ. საქართველოს 2018 წლის 23 მარტის კანონი №2081 – ვებგვერდი, 05.04.2018წ. მუხლი 21. ბუნების ძეგლების მართვა 1. ამ კანონით განსაზღვრული ბუნების ძეგლების სახელმწიფო მართვა ხორციელდება „დაცული ტერიტორიების სისტემის შესახებ“ საქართველოს კანონის შესაბამისად. 2. სხვა სახელმწიფო უწყებები ამ კანონით განსაზღვრული ბუნების ძეგლების მართვაში მონაწილეობენ საქართველოს კანონმდებლობით დადგენილი წესით, თავიანთი კომპეტენციის ფარგლებში, საქართველოს გარემოს დაცვისა და სოფლის მეურნეობის სამინისტროსთან კოორდინირებული მოქმედების საფუძველზე. საქართველოს 2017 წლის 7 დეკემბრის კანონი №1652 – ვებგვერდი, 14.12.2017წ. საქართველოს 2020 წლის 15 ივლისის კანონი №6923 - ვებგვერდი, 28 .07 .2020წ. მუხლი 22. ქონებრივი ურთიერთობები, სასარგებლო წიაღისეულითა და სხვა ბუნებრივი რესურსებით სარგებლობასთან დაკავშირებული ურთიერთობები ამ კანონით განსაზღვრული ბუნების ძეგლების ტერიტორიაზე ეს კანონი არ ვრცელდება ამ კანონით დადგენილი საზღვრების ფარგლებში ამ კანონის ამოქმედებამდე არსებულ: ა) ქონებრივ ურთიერთობებზე (მიწის ნაკვეთების ყიდვა-გაყიდვის, უზუფრუქტის, აღნაგობის, ქირავნობის, გაცვლის, გაჩუქების, მემკვიდრეობით გადაცემის, იპოთეკისა და იჯარით გაცემის შემთხვევაში არსებულ ურთიერთობათა ჩათვლით); ბ) სასარგებლო წიაღისეულით სარგებლობასთან დაკავშირებულ ურთიერთობებზე; გ) „ნავთობისა და გაზის შესახებ“ საქართველოს კანონის შესაბამისად დადებული ხელშეკრულებებით ან/და გაცემული ლიცენზიებით განსაზღვრულ ურთიერთობებზე. მუხლი 23. კანონის ამოქმედება ეს კანონი ამოქმედდეს გამოქვეყნებისთანავე. |
ქუთაისი, 20 ნოემბერი 2013 წ. N1582-რს |
დოკუმენტის კომენტარები