,,ტექნიკური რეგლამენტის ,,გაფრენისწინა შემოწმების წესის“ დამტკიცების შესახებ“

სახელმწიფო სარეგისტრაციო კოდი 300.160.070.47.052.012.380

საქართველოს ეკონომიკური განვითარების სამინისტროს ერთიანი სატრანსპორტო ადმინისტრაციის

უფროსის ბრძანება №168

2008 წლის 13 ნოემბერი

ქ. თბილისი

ტექნიკური რეგლამენტის „გაფრენისწინა შემოწმების წესის“ დამტკიცების შესახებ

საქართველოს კანონების „ნორმატიული აქტების შესახებ“ 15¹⁷ მუხლის, „ტრანსპორტის სფეროს მართვისა და რეგულირების შესახებ“ მე-7 მუხლის მე-4 პუნქტის „გ“ ქვეპუნქტის და „ტრანსპორტის სფეროში ტექნიკური რეგლამენტების ნუსხის განსაზღვრის შესახებ“ საქართველოს მთავრობის 2007 წლის 27 ივნისის №128 დადგენილების პირველი პუნქტით დამტკიცებული ნუსხის მე-2 მუხლის „კ“ ქვეპუნქტის შესაბამისად, ვბრძანებ:

მუხლი 1. დამტკიცდეს „ტექნიკური რეგლამენტი „გაფრენისწინა შემოწმების წესი“, თანდართულ დანართებთან №1–14 ერთად.

მუხლი 2. ბრძანება ამოქმედდეს გამოქვეყნებიდან ერთ თვეში.

ი. თაქთაქიშვილი

ტექნიკური რეგლამენტი „გაფრენისწინა შემოწმების წესი“

    მუხლი 1. ზოგადი დებულებები

1. ტექნიკური რეგლამენტის „გაფრენისწინა შემოწმების წესის“ (შემდგომში – წესი) შემუშავების საფუძვლად გამოყენებულია საქართველოს საჰაერო კოდექსის კარი V-ის („სამოქალაქო ავიაციის უშიშროება“), „მართლსაწინააღმდეგო ქმედობისაგან სამოქალაქო ავიაციის უშიშროების დაცვის უზრუნველყოფის სახელმწიფო პროგრამის დამტკიცების შესახებ“ საქართველოს პრეზიდენტის 2008 წლის 30 მაისის №283 ბრძანებულების, „უკანონო ჩარევის აქტებისაგან სამოქალაქო ავიაციის საქმიანობის დაცვის უზრუნველყოფის სახელმწიფო სისტემის დებულების შესახებ“ საქართველოს პრეზიდენტის 1997 წლის 7 მაისის №14-ს ბრძანებულების, „საერთაშორისო სამოქალაქო ავიაციის შესახებ“ ჩიკაგოს 1944 წლის კონვენციის მე-17 დანართის („საავიაციო უშიშროება. საერთაშორისო სამოქალაქო ავიაციის დაცვა მართლსაწინააღმდეგო ქმედობებისაგან“), იკაო-ს ოფიციალური გამოცემის DOC 8973 („მართლსაწინააღმდეგო ქმედობებისაგან სამოქალაქო ავიაციის დაცვის სახელმძღვანელო“) მოთხოვნები.

2. წესი, საავიაციო უშიშროების უზრუნველყოფის მიზნით, ადგენს სამოქალაქო აეროპორტში საჰაერო ხომალდების, მგზავრების, მათი თანმქონი ნივთების, ხელბარგის, ბარგის, საჰაერო ხომალდის ეკიპაჟის წევრების, საავიაციო პერსონალის, საჰაერო ხომალდის საბორტო მარაგის, ბორტკვებისა და თანამდევი საშუალებების, ტვირთის და ფოსტის სამოქალაქო საჰაერო ხომალდით გაფრენისწინა შემოწმების განხორციელების სამართლებრივ საფუძვლებს როგორც საერთაშორისო, ასევე ადგილობრივ რეისებზე.

3. წესით გათვალისწინებული მოთხოვნების შესრულება სავალდებულოა აეროპორტის, საჰაერო გადამყვან-გადამზიდველის (შემდგომში – ავიაგადამზიდველი), სატვირთო ტერმინალის და სხვა ავია-საწარმოთა თანამშრომლებისათვის, მგზავრებისთვის და სხვა ნებისმიერი პირისათვის, რომლებიც თავის უფლებამოსილებას ახორციელებენ აეროპორტის ტერიტორიაზე.

4. გაფრენისწინა შემოწმება ხორციელდება საავიაციო უშიშროების უზრუნველყოფის, მგზავრების, საჰაერო ხომალდის ეკიპაჟის წევრების და საავიაციო პერსონალის სიცოცხლის და ჯანმრთელობის დაცვის, აგრეთვე საჰაერო ხომალდის შესაძლო ხელში ჩაგდების (გატაცების) და/ან სამოქალაქო ავიაციის საქმიანობაში მართლსაწინააღმდეგო ქმედობის სხვა აქტების აღკვეთის, იარაღის, საბრძოლო მასალების, ფეთქებადი ნივთიერებების, მომწამლავი, სწრაფაალებადი, რადიოაქტიური და საჰაერო ხომალდით გადასატანად აკრძალული სხვა სახიფათო საგნებისა და ნივთიერებების უკანონოდ გატანის არდაშვების მიზნით.

5. სამოქალაქო საჰაერო ხომალდით რეგისტრირებული ბარგის, ხელბარგის ან თანმქონი ნივთების სახით, სითხეების, აეროზოლების და გელიების გაფრენისწინა შემოწმება და გადაზიდვისას საავიაციო უშიშროების უზრუნველყოფა ხორციელდება ამ წესის დანართი №13-ის შესაბამისად.

6. სამოქალაქო საჰაერო ხომალდის ბორტზე მგზავრებისათვის და ეკიპაჟის წევრებისათვის გადასატანად აკრძალული, აგრეთვე გარკვეულ მოთხოვნათა დაცვით ნებადართული, სახიფათო ნივთიერებების და საგნების ძირითადი ნუსხა განსაზღვრულია ამ წესის დანართი №1-ით.

7. ამ წესით განსაზღვრული მოთხოვნების დაცვაზე ზედამხედველობას, საქართველოს კანონმდებლობის, „საერთაშორისო სამოქალაქო ავიაციის შესახებ“ ჩიკაგოს 1944 წლის კონვენციის (შემდგომში – ჩიკაგოს კონვენცია) მე-17 დანართის („საავიაციო უშიშროება. სამოქალაქო ავიაციის დაცვა მართლსაწინააღმდეგო ქმედობებისაგან“) და „საავიაციო საქმიანობის საინსპექციო შემოწმებისა და ზედამხედველობის სახელმძღვანელოს დამტკიცების შესახებ“ სამოქალაქო ავიაციის ადმინისტრაციის თავმჯდომარის 2004 წლის 13 დეკემბრის №8 ბრძანების მოთხოვნების შესაბამისად, ახორციელებს საქართველოს ეკონომიკური განვითარების სამინისტროს, სახელმწიფო საქვეუწყებო დაწესებულება – ერთიანი სატრანსპორტო ადმინისტრაცია (შემდგომში – ადმინისტრაცია).

    მუხლი 2. ტერმინები და განმარტებები

1. ამ წესში გამოყენებულ ტერმინებს და შემოკლებებს აქვთ შემდეგი მნიშვნელობა:

ა) სითხეები, აეროზოლები და გელიები (საგ) – მათ განეკუთვნება წყალი და სხვა სასმელები, წვნიანები, ჯემები, ჩაშუშული ხორცი, სოუსები და პასტები; საკვები პროდუქტები სოუსის სახით ან დიდი რაოდენობის სითხის (100გრ-ზე მეტი) შემადგენლობით; კრემები, ლოსიონები, კოსმეტიკური საშუალებები და ზეთები; სუნამოები; სპრელები; გელები, საშხაპე და თმების გელების ჩათვლით, წნევის ქვეშ მყოფი ტარის შიგთავსი, საპარსი ქაფის ჩათვლით, სხვა სახის ქაფები და დეზადორანტები; პასტები, კბილების პასტის ჩათვლით; სითხეების და მყარი ნივთიერებების ნარევები; წამწამების საღებავი ტუშები; ტუჩის პომადები და ოთახის ტემპერატურაზე ანალოგიური კონსისტენციის ნებისმიერი პროდუქტები;

ბ) არასანქცირებული გახსნისგან დაცული პაკეტების (აგდპ) მარაგი – არასანქცირებული გახსნისგან დაცული პაკეტები, რომლებიც განკუთვნილია მხოლოდ აეროპორტში ვაჭრობის ობიექტზე ან საჰაერო ხომალდის ბორტზე გაყიდული საგ-ების შესაფუთად;

გ) საგ-ს მარაგი – ეს არის სითხეები, აეროზოლები და გელები ნებისმიერი მოცულობით, რომლებიც განკუთვნილია აეროპორტების ვაჭრობის ობიექტებში (კვების პროდუქტებისა და სასმელების გარდა, რომლებიც მოიხმარება აეროპორტის სათავსებში და არ არის განკუთვნილი საჰაერო ხომალდის ბორტზე გადასატანად) ან საჰაერო ხომალდის ბორტზე, მგზავრობის დღეს გასაყიდად;

დ) საგ-ის და/ან აგდპ-ის ცნობილი მიმწოდებელი – იურიდიული პირი, რომელიც აეროპორტის კონტროლირებად ზონაში საგ-ის და აგდპ-ის შემოტანის მომენტიდან მგზავრებისადმი მიწოდებამდე, უშიშროების უზრუნველსაყოფად ახორციელებს კონტროლს და საგ-ის და აგდპ-ის მარაგში არასანქცირებული ჩარევისაგან დაცვას;

ე) აეროპორტის ვაჭრობის ობიექტი – აეროპორტის კონტროლირებად ზონაში, სასაზღვრო კონტროლის ზონასა და საავიაციო უშიშროებაზე კონტროლის ზონას შორის განთავსებული სავაჭრო ობიექტ(ებ)ი, მათ შორის, უბაჟო ვაჭრობის (DUTY FREE) ობიექტ(ებ)ი;

ვ) თანმქონი ნივთები – მგზავრებისა და ეკიპაჟის წევრების ის ნივთები (ხელბარგის გარდა), რომლებიც მათ თან აქვთ (სხეულზე, ტანსაცმელში) და რომელთა გადატანასაც ისინი გეგმავენ საჰაერო ხომალდით.

2. ამ წესში გამოყენებულ სხვა ტერმინებს აქვთ საქართველოს საჰაერო კოდექსით და „მართლსაწინააღმდეგო ქმედობისაგან სამოქალაქო ავიაციის უშიშროების დაცვის უზრუნველყოფის სახელმწიფო პროგრამის დამტკიცების შესახებ“ საქართველოს პრეზიდენტის 2008 წლის 30 მაისის №283 ბრძანებულებით განსაზღვრული მნიშვნელობა.

    მუხლი 3. გაფრენისწინა შემოწმების ჩატარების ორგანიზება

1. აეროპორტში საჰაერო ხომალდის, მგზავრების, მათი თანმქონი ნივთების, ხელბარგის, ბარგის, საჰაერო ხომალდის ეკიპაჟის წევრების, საავიაციო პერსონალის, საჰაერო ხომალდის საბორტო მარაგის, ბორტკვებისა და თანამდევი საშუალებების, ტვირთების და ფოსტის გაფრენისწინა შემოწმება (შემდგომში – შემოწმება) ხორციელდება აეროპორტის საავიაციო უშიშროების სამსახურის მიერ, გარდა იმ შემთხვევისა, როდესაც ავიასაწარმოს (ავიაგადამზიდველი, სატვირთო ტერმინალი) გაფორმებული აქვს აეროპორტთან ხელშეკრულება გაფრენისწინა შემოწმების საკუთარი ძალებით უზრუნველყოფაზე და ეს ხელშეკრულება შეთანხმებულია ადმინისტრაციასთან.

2. ავიაგადამზიდველი, ადმინისტრაციასთან და აეროპორტთან შეთანხმებით, უზრუნველყოფს გაფრენისწინა შემოწმებას ამ წესით განსაზღვრული მოთხოვნების დაცვით, გარდა ამ მუხლის პირველი და მე-3 პუნქტით განსაზღვრული შემთხვევებისა.

3. იმ აეროდრომებზე ან დასაჯდომ მოედნებზე, სადაც არ ფუნქციონირებს საავიაციო უშიშროების სამსახურები, შემოწმებას ახორციელებს საჰაერო ხომალდის მეთაური ან მის მიერ დანიშნული ეკიპაჟის რომელიმე წევრი.

4. აეროპორტებში შემოწმების ჩატარება ხორციელდება სპეციალურ შენობაში (შემოწმების პუნქტ(ებ)ში), რომელიც აღჭურვილი უნდა იყოს შემოწმების სტაციონარული საშუალებებით და დაკვირვების ვიდეოსისტემებით, ამასთანავე, სათავსებით/კაბინებით პირადი (ინდივიდუალური) შემოწმების ჩატარებისთვის.

5. შემოწმების დროს გამოიყენება ტექნიკური და სპეციალური საშუალებები: სტაციონარული რენტგენოსატელევიზიო ინტროსკოპები და მეტალმძებნები, პორტატული (ხელის) მეტალმძებნები და სხვა საშუალებები (შემდგომში – ტექნიკური და სპეციალური საშუალებები). შემოწმებისას გამოიყენება აგრეთვე სამართალდამცავი ორგანოების ან აეროპორტის კინოლოგიური ქვედანაყოფების სამსახურებრივი ძაღლები.

6. შემოწმების ჩატარების ინსტრუქციებს შეიმუშავებენ შემოწმების განმახორციელებელი ავიასაწარმოს საავიაციო უშიშროების სამსახურები. ინსტრუქციები, მომსახურე აეროპორტის საავიაციო უშიშროების უზრუნველყოფის სააეროპორტო კომიტეტთან (შემდგომში – სააეროპორტო კომიტეტი) და ადმინისტრაციასთან შეთანხმების შემდეგ მტკიცდება ავიასაწარმოს ხელმძღვანელის მიერ.

7. შემოწმება ხორციელდება ყველა ადგილობრივ და საერთაშორისო რეისებზე.

8. ადგილობრივ რეისებზე მგზავრების შემოწმება ტარდება მათი რეგისტრაციის შემდეგ, საერთაშორისო რეისებზე კი რეგისტრაციის, სასაზღვრო და საბაჟო კონტროლის გავლის შემდეგ.

9. მგზავრის ხელბარგისა და თანმქონი ნივთების შემოწმება ხორციელდება მგზავრის თანდასწრებით. ბარგის ხელით შემოწმება შეიძლება განხორციელდეს როგორც მგზავრის თანდასწრებით, ასევე მის დაუსწრებლად. მგზავრის დასწრებას მისი ბარგის ხელით შემოწმებაზე, შემმოწმებლის მოთხოვნით უზრუნველყოფს ავიაგადამზიდველის წარმომადგენელი.

10. საავიაციო უშიშროების, სასაზღვრო და საბაჟო (საერთაშორისო რეისის შემთხვევაში) ორგანოების ხელმძღვანელების და ავიაგადამზიდველის წარმომადგენლის საერთო გადაწყვეტილებით, მგზავრის დაუსწრებლად ბარგის ხელით შემოწმება, რაც დაკავშირებულია ბარგის გახსნასთან, ხორციელდება საავიაციო უშიშროების სამსახურის წარმომადგენლის თავმჯდომარეობით შექმნილი კომისიის მიერ, რომლის შემადგენლობაშიც შედიან საავიაციო უშიშროების სამსახურის, სასაზღვრო, საბაჟო ორგანოების და ავიაგადამზიდველის თანამშრომლები/წარმომადგენლები, ორი მოწმის, ხოლო აუცილებლობის შემთხვევაში – სამართალდამცავი ორგანოების წარმომადგენლის თანდასწრებით. ამ პუნქტით გათვალისწინებულ შემთხვევას – მგზავრის დაუსწრებლად ბარგის ხელით შემოწმებას მისი გახსნით, წარმოადგენს შემთხვევა, როდესაც მგზავრმა დაარეგისტრირა ბარგი, მიიღო რეგისტრირებული ბარგის საჭდე და შემდგომ, მიუხედავად ავიაგადამზიდველის წარმომადგენლის მიერ მგზავრის უშედეგო ძებნისა და აეროპორტის შიდა რადიოქსელით არაერთჯერადი (არანაკლებ სამი) გამოცხადებისა, არ გამოცხადდა საკუთარი ბარგის შემოწმებაზე მგზავრთა რეგისტრაციის დამთავრებამდე. ბარგში ასაფეთქებელი მოწყობილობის არსებობის აშკარა ნიშნებისას, ამ პუნქტით განსაზღვრული წესით დაუყოვნებლივ მიიღება გადაწყვეტილება მგზავრის დაუსწრებლად ბარგის შემოწმების თაობაზე. იმ მგზავრის ბარგის გადაზიდვა, რომელიც არ გამოცხადდა ჩასხდომაზე, აკრძალულია.

11. გასაფრენად მომზადებული საჰაერო ხომალდის მიმართ მართლსაწინააღმდეგო ქმედობის საფრთხის შესახებ ინფორმაციის არსებობის შემთხვევაში, ხორციელდება საჰაერო ხომალდის, მგზავრების, მათი თანმქონი ნივთების, ხელბარგის, ბარგის, ეკიპაჟის წევრების, საბორტო მარაგის, ბორტკვებისა და თანამდევი საშუალებების, ტვირთებისა და ფოსტის განმეორებითი შემოწმება.

12. მგზავრის, მისი თანმქონი ნივთების, ხელბარგის ან რეისზე შემოწმების ჩატარებასთან დაკავშირებული მიზეზით, ამ მგზავრის რეისზე დაგვიანების შემთხვევაში, აეროპორტის ან ავიაგადამზიდველის ადმინისტრაცია (რომელიც ახორციელებს შემოწმებას), უზრუნველყოფს მგზავრის შემდგომი რეისით გამგზავრებას.

13. ავიაგადამზიდველი უფლებამოსილია გააუქმოს მგზავრთან დადებული გადაყვანა-გადაზიდვის ხელშეკრულება, თუ მგზავრმა განაცხადა უარი შემოწმებაზე.

14. საფოსტო გზავნილების შემოწმება ხორციელდება მათი გახსნის გარეშე. შეფუთვადარღვეული საფოსტო გზავნილები საჰაერო ხომალდის ბორტზე გადასაზიდად არ დაიშვება.

15. საბორტო მარაგის შემოწმება ტარდება შესაბამისად აღჭურვილ შემოწმების პუნქტებში.

16. შემოწმებული ბარგი, საბორტო კვება, ტვირთი და ფოსტა ექვემდებარება საავიაციო უშიშროების სამსახურის უფლებამოსილი პირების მიერ დანომრილი სტიკერებით მარკირებას. სტიკერის ფორმა განისაზღვრება ამ მუხლის მე-6 პუნქტით გათვალისწინებულ ინსტრუქციებში.

    მუხლი 4. შემოწმების ორგანიზაციულ-ტექნიკური ღონისძიებები

1. შემოწმების ორგანიზაციულ-ტექნიკურ ღონისძიებებს განეკუთვნება:

ა) საჰაერო ხომალდის ბორტზე იარაღის, საბრძოლო მარაგის, ასაფეთქებელი მოწყობილობების, ფეთქებადი, მომწამლავი, ადვილად აალებადი და იმ სხვა სახიფათო ნივთიერებების და საგნების უკანონო შეტანის დროული გამოვლენა და აღკვეთა, რომლებიც გათვალისწინებულია „საჰაერო ხომალდის ბორტზე ეკიპაჟის წევრების და მგზავრების მიერ, თანმქონი ნივთების, ხელბარგის და ბარგის სახით გადასატანად აკრძალული, აგრეთვე, გარკვეულ მოთხოვნათა დაცვით ნებადართული, სახიფათო ნივთიერებების და საგნების ძირითადი ნუსხით“ (ამ წესის დანართი №1);

ბ) სამოქალაქო ავიაციის საქმიანობაში, მართლსაწინააღმდეგო ქმედობის აღკვეთის უფლებამოსილების მქონე თანამდებობის პირ(ებ)ისათვის, საჰაერო ხომალდის ხელში ჩაგდების მუქარის ან სამოქალაქო ავიაციის საქმიანობაში მართლსაწინააღმდეგო ქმედობის სხვა აქტების შესახებ ინფორმაციის დროული მიწოდება;

გ) მგზავრთა მომსახურების ყველა ეტაპზე მათი ინფორმირება შემოწმების მიზნებისა და გავლის წესის, მგზავრთა უფლებებისა და მოვალეობების, საჰაერო ხომალდის ბორტზე გადასატანად აკრძალული საგნებისა და ნივთიერებების ნუსხის და საჰაერო ხომალდის ბორტზე მათი უკანონოდ შეტანის შემთხვევაში მგზავრთა პასუხისმგებლობის შესახებ;

დ) კონკრეტული რეისის შემოწმებაგავლილი და ჩასასხდომად დაშვებული მგზავრების შერევის გამორიცხვა შემოწმებაგაუვლელ მგზავრებთან, გამცილებლებთან და/ან იმ საავიაციო პერსონალთან, რომლებსაც არ აქვთ უფლებამოსილება ამ კონკრეტული რეისის მგზავრების მომსახურებასთან.

2. მგზავრების შესამოწმებლად აეროპორტში ეწყობა კონტროლის იზოლირებული ზონები. კონტროლის ზონა შედგება შემოწმების ერთი ან რამდენიმე პუნქტისაგან, შემოწმების პუნქტ(ებ)ის და საჰაერო ხომალდს შორის მგზავრების მოსაცდელი იმ ზონის ჩათვლით, რომელში შესვლაც მკაცრად კონტროლდება (შემდგომში – სტერილური ზონა). კონტროლის ზონის და შემოწმების პუნქტ(ებ)ის შესასვლელების წინ უნდა გამოიკრას მაჩვენებელი წარწერით: „კონტროლის ზონა“; „შემოწმების პუნქტი“. წარწერა უნდა იყოს მინიმუმ ორ ენაზე: ქართული და ინგლისური.

3. შემოწმების პუნქტში გათვალისწინებული უნდა იქნეს ტექნიკური და სპეციალური საშუალებებით აღჭურვილი სათავსი და კაბინა პირადი (ინდივიდუალური) შემოწმებისათვის.

4. აეროპორტებში კონტროლის ზონების და შემოწმების პუნქტების რაოდენობა და მათი აღჭურვა ტექნიკური და სპეციალური საშუალებებით განისაზღვრება გადაზიდვების მოცულობის მიხედვით და ისინი აისახება აეროპორტის „საავიაციო უშიშროების უზრუნველყოფის პროგრამაში“.

5. შემოწმების საიმედობის უზრუნველყოფა და მგზავრთა მომსახურება ხორციელდება:

ა) აეროპორტის სამგზავრო ტერმინალებში (აეროვაგზალში), კონტროლის ზონების და შემოწმების პუნქტების, აგრეთვე, ამ ზონებში და პუნქტებში ტექნიკური და სპეციალური საშუალებების ოპტიმალური განლაგებით;

ბ) მგზავრების კომფორტულად განთავსების, საავიაციო პერსონალისათვის მუშაობის და შემოწმების პროცედურების მოხერხებულად ჩატარებისთვის შესაბამისი პირობების შექმნით;

გ) ტექნიკური და სპეციალური საშუალებების ექსპლუატაციის პირობებისა და მომსახურების წესების დაცვით.

6. კონტროლის ზონების და შემოწმების პუნქტების აღჭურვა უნდა შეესაბამებოდეს „აეროდრომების სერტიფიცირების წესის დამტკიცების შესახებ“ ერთიანი სატრანსპორტო ადმინისტრაციის უფროსის 2007 წლის 1 ნოემბრის №128 ბრძანებით დამტკიცებული „აეროდრომების სერტიფიცირების წესის“ 34-ე მუხლის მოთხოვნებს.

7. კონტროლის ზონებსა და შემოწმების პუნქტებში, შემოწმების გასავლელად დაიშვებიან კონკრეტული რეისის შემდგომი რეისის მგზავრებიც, თუ მათ გააჩნიათ დადგენილი წესით გაფორმებული ბილეთი და პირადობის დამადასტურებელი საბუთი.

8. კონტროლის ზონებსა და შემოწმების პუნქტებში აკრძალულია იმ პირების ყოფნა, რომლებსაც არ გააჩნიათ შესაბამისი უფლებამოსილება.

9. კონტროლის ზონების და შემოწმების პუნქტების ამ მუხლით განსაზღვრული მოთხოვნების დაცვას უზრუნველყოფს აეროპორტის ადმინისტრაცია.

    მუხლი 5. გაფრენისწინა შემოწმების ჯგუფის სტრუქტურა

1. შემოწმების ჩამტარებელ საავიაციო უშიშროების სამსახურის თანამშრომლების ჯგუფის წევრთა (შემდგომში – შემოწმების ჯგუფი) რაოდენობა, ისევე როგორც აღნიშნული სამსახურის თანამშრომლების საშტატო რაოდენობა, განისაზღვრება აეროპორტის მუშაობის რეჟიმის, მგზავრთა გადაყვანა-გადაზიდვების მოცულობის, აეროპორტის მიერ მომსახურე საჰაერო ხომალდების და შემოწმების პუნქტების აღჭურვილობის გათვალისწინებით. ამ პუნქტით განსაზღვრულ თანამშრომელთა რაოდენობას ამტკიცებს ავიასაწარმოს ხელმძღვანელი.

2. მგზავრთა შემოწმების ჯგუფი შედგება საავიაციო უშიშროების სამსახურის ხუთი თანამშრომლისაგან, რომელთა შორის ფუნქციები ნაწილდება ამ წესის მე-6 მუხლის მე-2 პუნქტის შესაბამისად.

3. აეროპორტის მუშაობის რეჟიმიდან გამომდინარე, საავიაციო უშიშროების სამსახურის თანამშრომლები ნაწილდებიან ცვლების სახით. თითოეულ ცვლაში თანამშრომელთა რაოდენობა განისაზღვრება მოქმედი შემოწმების პუნქტების რაოდენობის მიხედვით. შემოწმების პუნქტის თანამშრომელთა მიმდინარე საქმიანობას ხელმძღვანელობს რანგით უფროსი ან შემოწმების ცვლის უფროსი.

4. შემოწმების ჩატარების პერიოდში შემოწმების ჩამტარებელ, საავიაციო უშიშროების სამსახურის თანამშრომლებს, უნდა ეცვათ ავიასაწარმოს მიერ დადგენილი ნიმუშის ფორმა, სახელოზე ან მკერდზე განმასხვავებელი ნიშნით. ფორმის ნიმუში თანხმდება სააეროპორტო კომიტეტთან.

5. ამ მუხლით განსაზღვრული მოთხოვნები ასახული უნდა იყოს აეროპორტის „საავიაციო უშიშროების უზრუნველყოფის პროგრამაში“.

    მუხლი 6. შემოწმების ჩატარებისას საავიაციო უშიშროების სამსახურის თანამშრომლების უფლება-მოვალეობანი

1. შემოწმების განმახორციელებელი საავიაციო უშიშროების სამსახურის თანამშრომლები უფლება-მოვალენი არიან:

ა) მოითხოვონ მგზავრებისაგან საავიაციო უშიშროების უზრუნველყოფის სფეროში საქართველოს კანონმდებლობით დადგენილ მოთხოვნათა შესრულება;

ბ) შემოწმების პუნქტში მგზავრის შესვლისას, შეუმოწმონ მას სამგზავრო ბილეთი, პირადობის დამადასტურებელი საბუთ(ებ)ი და ამ საბუთების მონაცემების ერთმანეთთან შესაბამისობა;

გ)  ჩაატარონ გამოკითხვა პოტენციურად საშიში მგზავრებისა და მგზავრების თანმქონი, საჰაერო ტრანსპორტით გადასატანად აკრძალული საგნების და ნივთიერებების გამოვლენის მიზნით;

დ)     განახორციელონ მგზავრების, მათი თანმქონი ნივთების, ხელბარგის, ბარგის, საჰაერო ხომალდის ეკიპაჟის წევრების, საავიაციო პერსონალის, საჰერო ხომალდის საბორტო მარაგის, ბორტკვებისა და თანამდევი საშუალებების, ტვირთების და ფოსტის შემოწმება;

ე) პოტენციურად საშიში მგზავრების გამოვლენის მიზნით დააკვირდნენ მგზავრის საქციელს შემოწმების პუნქტში;

ვ) ჩამოართვან მგზავრს აღმოჩენილი, საჰაერო ტრანსპორტით გადასატანად აკრძალული, საგნები და ნივთიერებები;

ზ) შეამოწმონ მგზავრების მიერ შემნახველ საკანში (ასეთის არსებობის შემთხვევაში) ჩასაბარებელი ბარგი;

თ) შემოწმების ეფექტურობის მიზნით, შემოწმების ტექნოლოგიისა და ტექნიკური და სპეციალური საშუალებების გამოყენების სრულყოფის კუთხით, მოახსენონ საკუთარი მოსაზრებები უშუალო ხელმძღვანელს;

ი) გადასაზიდად აკრძალული საგნებისა და ნივთიერებების გამოვლენის ან მათი არსებობის აშკარა ეჭვის შემთხვევაში, მიიღონ გადაწყვეტილება მგზავრის პირადი შემოწმების ჩატარების შესახებ;

კ) განახორციელონ კონტროლი მგზავრის მიერ მოქმედი კანონმდებლობის შესაბამისად, ფრენის პერიოდში, დროებით შესანახად ჩაბარებული იარაღის, ვაზნების და საბრძოლო მარაგის გადაზიდვის წესების დაცვაზე;

ლ) ჩამოართვან მგზავრს, საქართველოს კანონმდებლობის შესაბამისად, შემოწმების პროცესში აღმოჩენილი იარაღი და საბრძოლო მასალები (გარდა იმ პირებისა, რომლებსაც საქართველოს კანონმდებლობის შესაბამისად, უფლება აქვთ იყვნენ შეიარაღებულნი საჰაერო ხომალდის ბორტზე), აგრეთვე ამ წესით განსაზღვრული, საჰაერო ხომალდით გადასაზიდად აკრძალული სხვა სახიფათო საგნები და ნივთიერებები;

მ) დააკავონ საავიაციო უშიშროების, ამ წესით და მოქმედი კანონმდებლობით დადგენილ მოთხოვნათა დამრღვევი პირები;

ნ) ადმინისტრაციული სამართალდარღვევის გამოვლენის შემთხვევაში, კანონმდებლობით დადგენილი წესითა და ფარგლებში, შეადგინონ ადმინისტრაციულ სამართალდარღვევათა ოქმები;

ო) მგზავრების მიმართ იყვნენ ყურადღებიანნი და თავაზიანნი;

პ) კანონმდებლობით დადგენილი წესითა და შემთხვევებში, გააფორმონ სათანადო საბუთები შემოწმების დროს საჰაერო ხომალდის ბორტზე გადასაზიდად აკრძალული საგნების და ნივთიერებების ამოღების შემთხვევაში;

ჟ) ჰქონდეთ სათანადო უნარ-ჩვევები მგზავრების თანმქონი ნივთების, აგრეთვე ხელბარგის, ბარგის, ბორტკვებისა და თანამდევი საშუალებების, ტვირთისა და/ან ფოსტის სახით, საჰაერო ხომალდის ბორტზე გადასატანად აკრძალული საგნებისა და ნივთიერებების გამოსავლენად;

რ) საავიაციო უშიშროების კანონმდებლობით დადგენილი მოთხოვნების დამრღვევი პირის მიმართ გათვალისწინებული ზომების მიღების მიზნით, დადგენილი წესით წარუდგინონ მასალები თავის ხელმძღვანელობას;

ს) არ დაუშვან გასაფრენად მგზავრები, რომლებიც უარს აცხადებენ შემოწმებაზე;

ტ) არ დაუშვან შემოწმების პუნქტის გავლით სტერილურ ზონაში შეუმოწმებელი მგზავრები, ეკიპაჟის წევრები, სხვა საავიაციო პერსონალი და შემოწმებაგავლილი და შემოწმებაგაუვლელი ბორტკვებისა და თანამდევი საშუალებების, ტვირთების, ფოსტის, საჰაერო ხომალდის საბორტო მარაგის და ბარგის ერთმანეთში არევა;

უ) იცოდნენ ტექნიკური და სპეციალური საშუალებების ტექნიკური მახასიათებლები და ექსპლუატაციის წესები;

ფ) ტექნიკურ და სპეციალურ საშუალებებთან მუშაობისას დაიცვან ტექნიკური და სახანძრო უსაფრთხოების წესები;

ქ) განახორციელონ საქართველოს კანონმდებლობით განსაზღვრული სხვა უფლება-მოვალეობანი.

2. აეროპორტებში, სადაც არის ტექნიკური და სპეციალური საშუალებების კომპლექსი (რენტგენოსატელევიზიო ინტროსკოპი, სტაციონარული მეტალმძებნი, ხელის მეტალმძებნი) მგზავრთა შემოწმების ჯგუფის თანამშრომლებს შორის მოვალეობები ნაწილდება შემდეგნაირად:

ა) შემოწმების პირველი სპეციალისტი:

ა.ა) შემოწმების პუნქტში მგზავრის შესვლისას ამოწმებს მგზავრის ბილეთს, ჩასხდომის ტალონს, პირადობის დამადასტურებელ საბუთს და ადარებს მათ მონაცემებს მგზავრის პიროვნებას. დოკუმენტების უფრო დეტალურად შემოწმების აუცილებლობის შემთხვევაში აცნობებს ამის შესახებ შემოწმების პუნქტის უფროსს. იღებს გადაწყვეტილებას მგზავრის შესამოწმებლად დაშვებაზე;

ა.ბ)    ატარებს მგზავრს შემოწმების გასავლელად რიგის მიხედვით და უზრუნველყოფს მგზავრების დაგროვების არდაშვებას;

ა.გ) აუცილებლობის შემთხვევაში, საკუთარი გადაწყვეტილებით, ატარებს გამოკითხვას (პროფაილინგს) პოტენციურად საშიში მგზავრების გამოვლენის მიზნით და საჭიროების შემთხვევაში მონაწილეობს მგზავრის პირად (ინდივიდუალურ) შემოწმებაში;

ბ) შემოწმების მეორე სპეციალისტი:

ბ.ა) სთავაზობს მგზავრებს ამოალაგონ თანმქონი ლითონის საგნები, მობილური ტელეფონები, ზედა ტანსაცმელი, თავსაბურავი, მოიხსნან ქამრები და წარმოადგინონ ეს საგნები შესამოწმებლად ტექნიკური და სპეციალური საშუალებებით;

ბ.ბ)   თვალყურს ადევნებს რენტგენოსატელევიზიო ინტროსკოპის ტრანსპორტიორზე, ამ პუნქტის „ბ.ა“ ქვეპუნქტით განსაზღვრული ნივთების სწორად განლაგებას, არეგულირებს ტრანსპორტიორის დატვირთვას, აცნობებს შემოწმების მესამე სპეციალისტს ტრანსპორტიორის გაჩერების საჭიროების შესახებ;

ბ.გ) სთავაზობს მგზავრებს გაიარონ სტაციონარული მეტალმძებნის თაღში;

ბ.დ) აწარმოებს მგზავრების იმ ნივთების ხელით (კონტაქტური მეთოდით) შემოწმებას, რომელთა გაბარიტები აღემატება ინტროსკოპის გვირაბის გაბარიტებს;

ბ.ე)    აუცილებლობის შემთხვევაში, მონაწილეობს მგზავრების პირად (ინდივიდუალურ) შემოწმებაში;

გ) შემოწმების მესამე სპეციალისტი:

გ.ა)    რენტგენოსატელევიზიო ინტროსკოპის ეკრანზე გამოსახულების მეშვეობით განსაზღვრავს ნივთების შიგთავსს;

გ.ბ) შესამოწმებელ ნივთებში გადასატანად აკრძალული, მაღალი საფრთხის (იარაღი, ტყვია-წამალი, ასაფეთქებელი მოწყობილობა) საგნების და ნივთიერებების აღმოჩენის შემთხვევაში აჩერებს ინტროსკოპის ტრანსპორტიორს და ამის შესახებ აცნობებს შემოწმების პუნქტის უფროსს;

გ.გ)   აუცილებლობის შემთხვევაში ხელით (კონტაქტური მეთოდით) ამოწმებს მგზავრების ნივთებს, ვიდრე სრულიად არ დარწმუნდება, რომ ამ ნივთებში არ არის გადასატანად აკრძალული საგნები და ნივთიერებები;

გ.დ)  იღებს გადაწყვეტილებას შემოწმების დროს აღმოჩენილი აკრძალული საგნებისა და ნივთიერებების ამოღებაზე და/ან სტერილურ ზონაში მგზავრების ნივთების დაშვებაზე;

გ.ე)    აუცილებლობის შემთხვევაში მონაწილეობს მგზავრის პირად (ინდივიდუალურ) შემოწმებაში;

დ) შემოწმების მეოთხე სპეციალისტი:

დ.ა) თვალყურს ადევნებს სტაციონარული მეტალმძებნის სასიგნალო მოწყობილობის მაჩვენებლებს, არ უშვებს მგზავრების მიერ მეტალმძებნის გვერდის ავლას;

დ.ბ)  სტაციონარული მეტალმძებნის სიგნალის ამუშავებისას:

დ.ბ.ა) სთავაზობს მგზავრს ამოიღოს ტანსაცმლიდან და მოიხსნას სხეულიდან ლითონის საგნები და ხელმეორედ გაიაროს მეტალმძებნის თაღში;

დ.ბ.ბ) ხელის მეტალმძებნის მეშვეობით განსაზღვრავს, თუ რა ადგილზე აქვს ლითონის საგანი;

დ.გ)  აუცილებლობის შემთხვევაში აწარმოებს მგზავრების ნივთების შემოწმებას ხელით (კონტაქტური მეთოდით) და მონაწილეობს მგზავრების პირად (ინდივიდუალურ) შემოწმებაში;

დ.დ) მგზავრის უფრო გულდასმით შემოწმების აუცილებლობის შესახებ აცნობებს შემოწმების პუნქტის უფროსს;

დ.ე) იღებს გადაწყვეტილებას შემოწმების პროცესში გამოვლენილი აკრძალული საგნების და ნივთიერებების ამოღებაზე და/ან მგზავრის დაშვებაზე სტერილურ ზონაში;

ე) შემოწმების მეხუთე სპეციალისტი (შემოწმების პუნქტის უფროსი):

ე.ა) აკონტროლებს შემოწმების ჯგუფის საქმიანობას შემოწმების ტექნოლოგიური პროცესის დაცვის კუთხით;

ე.ბ)    დოკუმენტურად აფორმებს გადასატანად აკრძალული ნივთების და ნივთიერებების ამოღებას;

ე.გ)    ორგანიზებას უკეთებს მგზავრების ნივთების ხელით (კონტაქტური მეთოდით) და მგზავრების პირად (ინდივიდუალურ) შემოწმებას და აუცილებლობის შემთხვევაში მონაწილეობს მასში;

ე.დ) ორგანიზებას უკეთებს მგზავრების იმ ნივთების ხელით (კონტაქტური მეთოდით) შემოწმებას, რომელთა გაბარიტები აღემატება ინსტროსკოპის გვირაბის გაბარიტებს;

ე.ე)    არ უშვებს სტერილურ ზონაში შემოწმებაგაუვლელ მგზავრებს, ეკიპაჟის წევრებს, ავიასაწარმოების მომსახურე პერსონალს;

ე.ვ)    აუცილებლობის შემთხვევაში ასრულებს ამ მუხლის მე-2 პუნქტის „ა – დ“ ქვეპუნქტებით განსაზღვრულ ფუნქციებს;

ე.ზ)   ორგანიზებას უკეთებს და ატარებს ინსტრუქტაჟს შემოწმების ჩატარების დროს ზომების გაძლიერების შესახებ;

ე.თ)   აკონტროლებს, საჰაერო ხომალდში ჩატვირთვამდე, მგზავრების მიერ ფრენის პერიოდში დროებით შესანახად ჩაბარებული იარაღის გადაზიდვის წესების დაცვას.

3. შემოწმებაში მონაწილე საავიაციო უშიშროების თანამშრომლები, ოპერატიული ინფორმაციის მიღების შემთხვევაში, ახორციელებენ მგზავრების ფსიქოლოგიურ გამოკითხვას (პროფილინგს).

4. შემოწმების პუნქტში, ცვლის მუშაობის მთელი პერიოდის განმავლობაში, რეგულარულად ხორციელდება სამუშაო ადგილებზე შემოწმების ჯგუფის სპეციალისტების როტაცია. თანამშრომლის მიერ რენტგენული დანადგარის მონიტორის ეკრანზე უწყვეტი დაკვირვების ხანგრძლივობა არ უნდა აღემატებოდეს 20 წუთს, ხოლო შესვენება არ უნდა იყოს 40 წუთზე ნაკლები.

5. მცირე მგზავრთნაკადის შემთხვევაში აეროპორტის ადმინისტრაციას შეუძლია შეამციროს შემოწმების ჯგუფის რაოდენობა 3 თანამშრომლამდე. ამასთან, დაცული უნდა იყოს რენტგენული დანადგარის მონიტორთან უწყვეტი მუშაობის ამ მუხლის მე-4 პუნქტის მოთხოვნები.

6. ბარგის, ბორტკვებისა და თანამდევი საშუალებების, ტვირთების, ფოსტის და საჰაერო ხომალდის საბორტო მარაგის შემოწმებისას, შემოწმების ჯგუფის შემადგენლობა განისაზღვრება აეროპორტის ადმინისტრაციის მიერ, მაგრამ ნებისმიერ შემთხვევაში მათი რაოდენობა არ უნდა იყოს 3 თანამშრომელზე ნაკლები თითოეულ შემოწმების პუნქტში.

7. შემოწმების ჯგუფის თანამშრომლებმა, რომლებიც თავისუფალნი არიან სამსახურებრივი მოვალეობის შესრულებისაგან, მგზავრის შემოწმების დროს, აუცილებლობის შემთხვევაში, ცვლის უფროსთან შეთანხმებით შეიძლება მონაწილეობა მიიღონ როგორც მოწმეებმა.

8. შემოწმების გავლის შესახებ სამგზავრო ბილეთში ან ჩასხდომის ბარათში შესაბამისი შტამპური აღნიშვნის გაკეთების ან ამ აღნიშვნის ანულირების, აგრეთვე ამ შტამპ(ებ)ის დამზადების, აღრიცხვის და გამოყენების საკითხები რეგულირდება ამ წესის მე-3 მუხლის მე-6 პუნქტით განსაზღვრული ინსტრუქციებით.

    მუხლი 7. საჰაერო ტრანსპორტის მგზავრებისათვის სპეციალური ინფორმაცია

აეროპორტის და ავიაგადამზიდველის ადმინისტრაციები მოვალენი არიან მგზავრებს მიაწოდონ ინფორმაცია საქართველოს კანონმდებლობით დადგენილი იმ მოთხოვნების შესახებ, რომლებითაც რეგულირდება მგზავრების, მათი თანმქონი ნივთების, ხელბარგის და ბარგის გადაზიდვა. სამგზავრო ბილეთების სარეალიზაციო სააგენტოებში, აეროპორტების მგზავრთა რეგისტრაციის ზონებში, აგრეთვე კონტროლის ზონებისა და შემოწმების პუნქტების წინ, საავიაციო უშიშროების უზრუნველყოფის მიზნით, ეწყობა განათებული ტაბლოები და/ან იკვრება ფირნიშები/პლაკატები, რომელთა შინაარსი განსაზღვრულია „აეროდრომების სერტიფიცირების წესის დამტკიცების შესახებ“ ერთიანი სატრანსპორტო ადმინისტრაციის უფროსის 2007 წლის 1 ნოემბრის №128 ბრძანებით დამტკიცებული „აეროდრომების სერტიფიცირების წესის“ 34-ე მუხლის მე-4 პუნქტით. აეროპორტის შიდა რადიოქსელით პერიოდულად უნდა გადაიცეს ინფორმაცია:

ა) საჰაერო ხომალდის ბორტით ფეთქებადი, მომწამლავი, ადვილადაალებადი, რადიოაქტიური და სხვა სახიფათო საგნების და ნივთიერებების გადატანის აკრძალვის შესახებ;

ბ) მგზავრების, მათი თანმქონი ნივთების, ხელბარგისა და ბარგის გაფრენისწინა აუცილებელი შემოწმების ჩატარების აუცილებლობის შესახებ;

გ)  მგზავრის მიერ გადასატანად აკრძალული საგნების და ნივთიერებების საჰაერო ხომალდის ბორტზე შეტანისათვის, საქართველოს კანონმდებლობით გათვალისწინებული მგზავრის პასუხისმგებლობის შესახებ;

დ) საჰაერო ხომალდის ბორტზე გადასატანად უცხო პირებისაგან ჩანთების, ხელჩანთების, ჩემოდნების, ამანათების და სხვა საგნების მიღების და თავისი ხელბარგის/ბარგის უცხო პირებისათვის დროებით დატოვების აკრძალვის შესახებ;

ე)  საჰაერო ხომალდის ბორტზე ფრენის დროს ელექტრონული სათამაშოებით, პორტატული ვიდეოკამერებით, ვიდეომაგნიტოფონებით, გადასატანი ტელეფონებით და სხვა ელექტრონული აპარატებით სარგებლობის აკრძალვის შესახებ, თუ ავიაგადამზიდველის ფრენის წესები სხვა რამეს არ ითვალისწინებს.

    მუხლი 8. შემოწმების ჩატარების თანმიმდევრობა

1. მგზავრების, მათი თანმქონი ნივთების, ხელბარგისა და ბარგის შემოწმება ხორციელდება ტექნიკური და სპეციალური საშუალებების გამოყენებით და/ან ხელით (კონტაქტური მეთოდით), ხოლო იმ აეროპორტებში ან დასაჯდომ მოედნებზე, სადაც არ არის შემოწმების პუნქტები და ტექნიკური და სტაციონარული საშუალებები, მგზავრი მოწმდება ხელის მეტალმძებნით და/ან ხელით (კონტაქტური მეთოდით).

2. საჰაერო ხომალდის ეკიპაჟის წევრების და სხვა საავიაციო პერსონალის შემოწმება ხორციელდება მგზავრთა შემოწმების ანალოგიურად, აეროვაგზლის შემოწმების პუნქტებში ან აეროპორტის/აეროდრომის საკონტროლო გამშვებ პუნქტებში მოწყობილ შემოწმების პუნქტებში.

3. ტექნიკური და სპეციალური საშუალებების გამოყენებით მგზავრის შემოწმება ხორციელდება შემდეგი თანმიმდევრობით:

ა) I ეტაპი – შემოწმების პუნქტში შესვლის წინ მოწმდება სამგზავრო ბილეთი, ჩასხდომის ტალონი, პირადობის დამადასტურებელი დოკუმენტი და მათი შესაბამისობა ერთმანეთთან და მგზავრის პიროვნებასთან;

ბ) II ეტაპი – მგზავრს შეეთავაზება განაცხადოს აქვს თუ არა გადასატანად აკრძალული საგნები და ნივთიერებები, ამასთანავე, უცხო პირებისაგან გადაცემული ნივთები (ამანათები, ფუთები და სხვა). მგზავრს ასევე შეეთავაზება ამოალაგოს ტანსაცმლიდან ლითონის შემცველი საგნები (პორტსიგარები, გასაღებები, სიგარეტის კოლოფები, ავტოკალმები, სათვალეები და ა.შ), გაიხადოს ზედა ტანსაცმელი (პალტო, ქურთუკი, ლაბადა, პიჯაკი, სვიტერი, ჯემპრი, პულოვერი, კოფტა და ა.შ), თავსაბურავი, ფეხსაცმელები (ადმინისტრაციის მიერ განსაზღვრულ შემთხვევებში), მოიხსნას ქამარი და ეს ყველაფერი ჩაალაგოს კალათში და დადგას კალათა ინტროსკოპის ტრანსპორტიორზე;

გ) III ეტაპი – მგზავრს შეეთავაზება გაიაროს სტაციონარული მეტალმძებნის თაღში;

დ) IV ეტაპი – ხორციელდება ხელბარგის და მგზავრის თანმქონი ნივთების შიგთავსის და კალათში ჩალაგებული ნივთებისა და საგნების შემოწმება;

ე) V ეტაპი – სიგნალიზაციის ამოქმედების შემთხვევაში:

ე.ა) ხელის მეტალმძებნის საშუალებით ზუსტდება მგზავრის ტანსაცმლის ადგილი, სადაც მოთავსებულია ლითონის შემცველი საგანი;

ე.ბ) მგზავრს შეეთავაზება ამოიღოს ტანსაცმლის მითითებული ადგილიდან ლითონის საგნები და ხელმეორედ გაიაროს თაღში;

ვ) VI ეტაპი – სიგნალიზაციის განმეორებით ამოქმედების შემთხვევაში ხორციელდება მგზავრის შემოწმება ხელის მეტალმძებნით და ხელით (კონტაქტური მეთოდით).

4. შემოწმების მიმდინარეობისას, პოტენციური საფრთხის ნიშნების გამოვლენის მიზნით, განსაკუთრებული ყურადღება ექცევა მგზავრის ქცევის ისეთ თავისებურებებს, როგორიცაა გადამეტებული ნერვიულობა, შეშფოთება, მოუსვენრობა. ასეთი ნიშნების გამოვლენის შემთხვევაში აუცილებელია ჩატარდეს მგზავრის ფსიქოლოგიური გამოკითხვა (პროფილინგი) მისი პოტენციური საფრთხის ხარისხის განსაზღვრის მიზნით.

5. პოტენციურად საშიში მგზავრის ბარგი, ხელბარგი და თანმქონი ნივთები ექვემდებარება ხელით (კონტაქტური მეთოდით) შემოწმებას.

6. მგზავრების პირადი (ინდივიდუალური) შემოწმება ტარდება, თუ:

ა) მიღებულ იქნა ინფორმაცია კონკრეტული რეისის შემსრულებელი საჰაერო ხომალდის მოსალოდნელი ხელში ჩაგდების ან გატაცების შესახებ;

ბ) მიღებულ იქნა ინფორმაცია, რომ მგზავრს თან აქვს იარაღი, საბრძოლო მასალა, ასაფეთქებელი მოწყობილობა ან სხვა სახიფათო საგანი და/ან ნივთიერება, რომლებიც შეიძლება გამოყენებულ იქნეს საჰაერო ხომალდის ეკიპაჟზე თავდასხმის იარაღად;

გ) მგზავრის ნივთებში აღმოჩენილ იქნა იარაღი, საბრძოლო მასალა, ასაფეთქებელი მოწყობილობა, ფეთქებადი ნივთიერება ან სხვა, გადასაზიდად აკრძალული საგნები და ნივთიერებები;

დ) საავიაციო უშიშროების სამსახურის თანამშრომლის მიერ პირადი დაკვირვების შედეგად მგზავრის ქცევებში გამოვლენილია საეჭვო ნიშნები, რომლებიც მიუთითებენ მის შესაძლო დანაშაულებრივ ზრახვებზე ან/და იწვევს ეჭვს, რომ მას აქვს იარაღი, საბრძოლო მასალა ან სხვა, გადასაზიდად აკრძალული საგნები ან ნივთიერებები.

7. პირადი (ინდივიდუალური) შემოწმება ხორციელდება ორი მოწმის დასწრებით. შემმოწმებელი და მოწმეები უნდა იყვნენ იმავე სქესის, რომელი სქესისაცაა მგზავრი. აკრძალულია ერთ სათავსში (კაბინაში) ერთდროულად რამდენიმე მგზავრის პირადი შემოწმება. გადასაზიდად აკრძალული სახიფათო საგნების და ნივთიერებების აღმოჩენის შემთხვევაში დგება აქტი, რომლის ფორმაც განსაზღვრულია ამ წესის დანართი №2-ით.

8. მგზავრების, საჰაერო ხომალდის ეკიპაჟის წევრების, საავიაციო პერსონალის შემოწმებისას, ტექნიკური და სპეციალური საშუალებებით პირად (ინდივიდუალური) შემოწმებასთან ერთად შეიძლება გამოყენებულ იქნეს ხელით (კონტაქტური მეთოდით) შემოწმება.

9. ხელით შემოწმების (კონტაქტური) მეთოდი გამოიყენება, თუ მიღებულია შეტყობინება საჰაერო ხომალდის შესაძლო ხელში ჩაგდების/ გატაცების შესახებ, ან, თუ შემოწმების პუნქტში არ არის ტექნიკური და სპეციალური საშუალებები. ხელით (კონტაქტური) შემოწმების მეთოდი გამოიყენება აგრეთვე, თუ:

ა) მგზავრები არიან ისეთი ფართო ტანსაცმლით, რომელიც ფარავს ტანის მოხაზულობას;

ბ) ტექნიკური და სპეციალური საშუალებებით შეუძლებელია ნივთების შიგთავსის განსაზღვრა;

გ) მგზავრს აღმოაჩნდა ამ წესის დანართი №1-ით განსაზღვრული სახიფათო საგნები და/ან ნივთიერებები;

დ) არსებობს მუქარა კონკრეტული რეისის საჰაერო ხომალდის მიმართ მართლსაწინააღმდეგო ქმედობის აქტის ჩადენაზე. ამ ქვეპუნქტით განსაზღვრულ შემთხვევაში მოწმდება ყველა მგზავრი.

10. თუ მგზავრის თანმქონ ნივთებში, ხელბარგსა და/ან ბარგში აღმოჩენილ იქნა ასაფეთქებელი მოწყობილობის ელემენტები ან ნიშნები, გამოძახებულ უნდა იქნენ ასაფეთქებელი მოწყობილობის სპეციალისტები – პიროტექნიკოსები.

11. ტექნიკური და სპეციალური საშუალებებით შემოწმების ჩატარებისას აუცილებელია:

ა) შემოწმდეს რადიო და ტელეაპარატურა, ფოტო და კინოაპარატურა, აუდიო და ვიდეოტექნიკა, მობილური ტელეფონები, პერსონალური კომპიუტერები, სათამაშოები;

ბ) ეჭვის წარმოქმნის შემთხვევაში ელექტრონული და ელექტროხელსაწყოების ჩართვა და მათი მუშაობის უნარის შემოწმება;

გ) დათვალიერდეს ფუტლიარები (ჩიხოლები), გაიხსნას და შემოწმდეს კვების ბლოკი, საკასეტო ღრმულები და ფირის კამერები (აპარატურის ჩართვას, კვების ბლოკის თავსახურის და საკასეტო ღრმულების გახსნას ახორციელებს მგზავრი);

დ) ვიზუალურად დამატებით შემოწმდეს სითხიანი ჭურჭლები და თერმოსები.

12. მუსიკალურ ინსტრუმენტებს, რომელთა შემოწმება ტექნიკური და სპეციალური საშუალებებით ვერ ხერხდება მათი გაბარიტების და/ან სპეციფიკის გამო, უნდა მოეხსნას შალითები, გაიხსნას ფუტლიარები, შეირხეს ისინი, ხოლო ღიობები, ხვრელები და ფოსოები უნდა შემოწმდეს სატრიალებელი სპეციალური სარკეების საშუალებით.

13. საჰაერო ხომალდის ბორტზე, ამ წესით დადგენილი მოთხოვნების დაცვით, ნებადართულია ისეთი ნივთებისა და საგნების გადაზიდვა, რომლებიც მოპყრობისას ითხოვენ სიფრთხილის განსაკუთრებულ ზომებს: კინოფოტოაპარატურა, ელექტროხელსაწყოები, მუსიკალური ინსტრუმენტები, მინის, ფაიფურის, კერამიკის ნაწარმი.

14. ცხოველები, ფრინველები, რეპტილიები და ფაუნის სხვა წარმომადგენლები, რომლებსაც გააჩნიათ შესაბამისი ვეტერინარული ცნობები და დაშვებულნი არიან საჰაერო ხომალდის ბორტზე გადასაზიდად, ამასთანავე, მათი გალიები, მოწმდება ვიზუალურად, ეჭვის წარმოშობისას კი ხელით (კონტაქტური მეთოდით).

15. საგნები, რომლებიც შეიძლება გამოყენებულ იქნეს როგორც თავდასხმის იარაღი, (ცული, ხერხი, ყინულსაჭრელი, არბალეტი, პნევმატური იარაღი, წყალქვეშა სანადირო იარაღი და მისთ.) გადაიზიდება მხოლოდ ბარგში.

16. საჰაერო ხომალდის ეკიპაჟი, აეროპორტის პერსონალი და სხვა, მგზავრის სტატუსის არმქონე პირები, რომლებიც შემოწმების პუნქტის გავლით შედიან სტერილურ ზონაში, საავიაციო უშიშროებაზე შემოწმებას გადიან იმავე წესებით, როგორც მგზავრები. ყველა საგანი, რომელიც თან აქვთ ამ პირებს, მოწმდება ისევე, როგორც მგზავრის ხელბარგი და/ან თანმქონი ნივთები.

17. მგზავრები, რომელთაც ვენის 1961 წლის კონვენციის „ვენის კონვენცია დიპლომატიური ურთიერთობის შესახებ“ შესაბამისად გააჩნიათ/მინიჭებული აქვთ დიპლომატიური იმუნიტეტი ან საქართველოს კანონმდებლობის შესაბამისად მათთან გათანაბრებული პირები, შემოწმებას გადიან აღნიშნული კონვენციით და აეროპორტის „საავიაციო უშიშროების უზრუნველყოფის პროგრამის“ მოთხოვნების შესაბამისად.

18. დიპლომატიური კურიერები და მათი პირადი ბარგი არ თავისუფლდება საავიაციო უშიშროების შემოწმებისგან და უნდა გაიარონ შემოწმება სხვა მგზავრების ანალოგიურად.

19. სახელმწიფოს ამოსაცნობი ნიშნების მქონე დიპლომატიური ვალიზები (დიპლომატიური ფოსტა) არ მოწმდება, თუ ისინი დალუქულია და პირი, რომელსაც ეს ვალიზები გადააქვს წარმოადგენს პირადობის დამადასტურებელ მოწმობას და ამ ვალიზების გადატანის უფლების დამადასტურებელ შესაბამის საბუთს. ეს პირი და მისი ხელბარგის ყველა სხვა ნივთი მოწმდება დადგენილი წესით საავიაციო უშიშროებაზე. დიპლომატიური ფოსტის გახსნა ან შეყოვნება დაუშვებელია.

20. საგნები, რომელთაც გააჩნიათ შესაბამისი სახელმწიფო დაწესებულებ(ებ)ის საიდუმლოობის გრიფი, მოწმდება გახსნის გარეშე. თუ წარმოიქმნება რაიმე ეჭვი საავიაციო უშიშროებასთან დაკავშირებით, ასეთი საგნები გადაზიდვას არ ექვემდებარება.

21. შემოწმებას არ ექვემდებარება საქართველოში ოფიციალურ ვიზიტად მყოფი სახელმწიფოების, პარლამენტების და მთავრობების მეთაურები და ოფიციალური დელეგაციის წევრები.

22. ბადრაგირებული პირების გადაყვანისას საჰაერო ხომალდზე ბადრაგის პირადმა შემადგენლობამ შეიძლება იქონიოს თან ცეცხლსასროლი იარაღი, საბრძოლო მასალა და სპეცსაშუალებები, გარდა ცრემლსადენი გაზის ბალონისა და გაზის იარაღისა.

23. ბადრაგი ვალდებულია წარუდგეს ეკიპაჟის მეთაურს და აცნობოს მათ ხელთ არსებული იარაღისა და ბადრაგირებულ პირთა მიერ დაკავებული ადგილების ნომრების შესახებ.

24. ჩასხდომამდე აეროპორტის ან ავიაგადამზიდველის საავიაციო უშიშროების სამსახურის თანამშრომლები ამოწმებენ (ათვალიერებენ) საჰაერო ხომალდის სალონს, რათა განათავსონ ბადრაგირებულნი, ხოლო საქართველოს შინაგან საქმეთა სამინისტროს შესაბამისი სამსახურის თანამშრომელი, ბადრაგის პირად შემადგენლობასთან ერთად, აეროპორტის ან ავიაგადამზიდველის საავიაციო უშიშროების სამსახურის თანამშრომლების თანდასწრებით ახორციელებენ ბადრაგირებულთა პირად ჩხრეკას.

25. ბადრაგირებულთა ბარგი და პირადი ნივთები (მათ შორის, თამბაქოს მოსაწევი ნივთები) გადაიზიდება საჰაერო ხომალდის საბარგო ნაკვეთურით.

26. პოტენციურად საშიში ბადრაგირებულის გადაყვანისას ავიაგადამზიდველი ვალდებულია უზრუნველყოს უშიშროების შემდეგი დამატებითი ზომების მიღება:

ა) პოტენციურად საშიში ბადრაგირებულის პირადი ნივთების, ხელბარგისა და ბარგის შემოწმების ორგანიზება;

ბ) სხვა მგზავრების ჩასხდომამდე პოტენციურად საშიში ბადრაგირებულის ჩასხდომა საჰაერო ხომალდში;

გ) არ დაუშვას პოტენციურად საშიში ბადრაგირებულის განთავსება გასასვლელთან ან სხვა მგზავრების გვერდით მდებარე სავარძელში;

დ) არ დაუშვას პოტენციურად საშიში ბადრაგირებულის, მგზავრების და მათი თანმხლები პირების მიერ სპირტიანი სასმელების მიღება;

ე) რეალური მდგომარეობის გათვალისწინებით, მიიღოს შემზღუდავი ხასიათის სხვა ზომები.

27. ბადრაგირებული პირ(ებ)ის საჰაერო ხომალდში ჩასხდომამდე დროებით განსათავსებლად, ოთახის გამოყოფას უზრუნველყოფს აეროპორტის ადმინისტრაცია.

28. მგზავრი, რომელსაც აქვს იმპლანტირებული აპარატ(ებ)ი, გულის მოქმედების სტიმულატორ(ებ)ი, ექვემდებარება ხელით (კონტაქტური მეთოდით) და/ან პირად (ინდივიდუალურ) შემოწმებას ტექნიკური და სპეციალური საშუალებების გამოყენების გარეშე.

29. მგზავრების ბარგი, იმ საჰაერო ხომალდის ბორტზე, რომელსაც კონსტრუქციული თავისებურების გამო, არ გააჩნია იზოლირებული საბარგო ნაკვეთური, უნდა განთავსდეს ისე, რომ ფრენის პერიოდში მგზავრს არ ჰქონდეს ბარგთან შეხების საშუალება.

30. საჰაერო ხომალდით მგზავრების თანმქონი ნივთების, ხელბარგის და ბარგის სახით სახიფათო ნივთიერებების და საგნების გადაზიდვის პირობები განსაზღვრულია ამ წესის დანართი №1-ით.

31. მგზავრის შემოწმების დროს აღმოჩენილი სახიფათო საგნები და ნივთიერებები, რომლებიც შეიძლება გამოყენებულ იქნეს თავდასხმის იარაღად, მაგრამ მათი გადაზიდვა საჰაერო ხომალდის ბორტზე არ არის აკრძალული, მგზავრის მიერ იფუთება და გადაიზიდება ბარგის სახით.

32. შემოწმების პუნქტში ფეთქებადსაშიში, მომწამლავი და რადიოაქტიური ნივთიერებების აღმოჩენის შემთხვევაში დაუყოვნებლივ უნდა იქნეს გამოძახებული შესაბამისი სპეციალისტები (პიროტექნიკოსები, სამაშველო რაზმის თანამშრომლები და სხვ.). სპეციალისტების მოსვლამდე, აღმოჩენილი ნივთიერებების გაუვნებელყოფის მიზნით, ნებისმიერი თვითნებური მოქმედება აკრძალულია.

33. მგზავრების და ეკიპაჟის წევრების შემოწმებისას აღმოჩენილი სახიფათო საგნები და ნივთიერებები, რომლებიც არის თავისუფალ გაყიდვაში, მაგრამ მათი გადაზიდვა საჰაერო ხომალდის ბორტზე აკრძალულია, ამოიღება შესაბამისი აქტის (ამ წესის დანართი №2) გაფორმებით, აქტი რეგისტრირდება მგზავრების და საჰაერო ხომალდის ეკიპაჟის წევრების შემოწმების დროს გადასაზიდად აკრძალული სახიფათო საგნების და/ან ნივთიერებების აღმოჩენის და ამოღების აქტების და პირადი (ინდივიდუალური) შემოწმებაგავლილი მგზავრების რეგისტრაციის ჟურნალში (ამ წესის დანართი №3) და გადაეცემა შესანახად აეროპორტის სპეციალურად მოწყობილ საწყობში.

34. თუ მგზავრს ან ეკიპაჟის წევრს ჩამოერთვა შემოწმებაზე წარუდგენელი იარაღი, საბრძოლო მასალა, გადასატანად აკრძალული სხვა სახიფათო საგნები და/ან ნივთიერებები, ცვლის უფროსი უფლებამოსილია გადასცეს იგი საქართველოს შინაგან საქმეთა სამინისტროს შესაბამის სამსახურს სათანადო ზომების მისაღებად. ასეთი მგზავრის ან ეკიპაჟის წევრის საჰაერო ხომალდის ბორტზე დაშვების შემთხვევაში მისი ბარგი ექვემდებარება დამატებით შემოწმებას.

35. ამ წესის მოთხოვნათა შესაბამისად, მგზავრის დაუსწრებლად მისი კუთვნილი ბარგის შემოწმების შემთხვევაში, ფორმდება მგზავრის დაუსწრებლად ბარგის შემოწმების აქტი (ამ წესის დანართი №4), რომელიც რეგისტრირდება მგზავრის დაუსწრებლად ბარგის შემოწმების აქტების რეგისტრაციის ჟურნალში (ამ წესის დანართი №5). შემოწმებული ბარგის შეკვრას და პირვანდელი სახის დაბრუნებას, საჭიროების შემთხვევაში, უზრუნველყოფს ავიაგადამზიდველის წარმომადგენელი.

36. მგზავრის და მისი კუთვნილი ნივთების შემოწმების გავლის შესახებ სამგზავრო ბილეთში და/ან ჩასასხდომ ტალონში კეთდება აღნიშვნა და მგზავრს უფლება ეძლევა შევიდეს სტერილურ ზონაში.

37. სტერილურ ზონაში მგზავრების კონტროლს და საჰაერო ხომალდის ტრაპთან სამგზავრო ბილეთებზე და/ან ჩასხდომის ტალონზე მგზავრის (მათ შორის, ტრანზიტული) მიერ შემოწმების გავლის აღნიშვნის კონტროლს ახორციელებენ აეროპორტის ან ავიაგადამზიდველის შესაბამისი (როგორც წესი – გადაზიდვების ორგანიზების) სამსახურის თანამშრომლები.

    მუხლი 9. ტრანზიტული და ტრანსფერული მგზავრების შემოწმება

1. ტრანზიტული და ტრანსფერული მგზავრების და მათი თანმქონი ნივთების და ხელბარგის შემოწმება აეროპორტში ხორციელდება მგზავრთა შემოწმების ანალოგიურად სტერილურ ზონაში შესვლამდე და მათ შერევამდე სტერილურ ზონაში მყოფ შემოწმებაგავლილ იმ მგზავრებში, რომელთათვისაც ეს პუნქტი წარმოადგენს გაფრენის საწყის პუნქტს.

2. შემოწმებაგაუვლელ მგზავრებთან კონტაქტის გამორიცხვის მიზნით, აეროპორტში შეიძლება მოეწყოს ჩამოფრენის/გაფრენის დარბაზები ტრანზიტული და ტრანსფერული მგზავრების განსათავსებლად.

3. ტრანზიტული და ტრანსფერული მგზავრები არ დაიშვებიან თავიანთ ტრანზიტულ/ტრანსფერულ ბარგთან.

4. ამ მუხლის მე-2 და მე-3 პუნქტების მოთხოვნათა შეუსრულებლობის შემთხვევაში ტრანზიტული და ტრანსფერული მგზავრები, მათ თანმქონ ნივთებთან და ხელბარგთან ერთად, ექვემდებარებიან განმეორებით შემოწმებას.

5. ტრანზიტული და ტრანსფერული მგზავრების ბარგი ექვემდებარება შემოწმებას იმ შემთხვევაში, თუ მასთან მოხდა არასანქცირებული შეხება. ტრანზიტული და ტრანსფერული მგზავრების ბარგი, მგზავრის მიერ ფრენის მარშრუტის შეცვლის შემთხვევაში, ექვემდებარება დამატებით შემოწმებას.

6. კორესპონდენციის გამცილებელ, საჯარო სამართლის იურიდიული პირის, საქართველოს შინაგან საქმეთა სამინისტროს მომსახურების სააგენტოს სანებართვო და საფელდეგერო მომსახურების სამმართველოს (შემდგომში – ფელდკავშირი) თანამშრომლებს, უფლება აქვთ დარჩნენ საჰაერო ხომალდის ბორტზე შუალედური დაფრენის პუნქტებში და მოახდინონ კორესპონდენციის გაცვლა საჰაერო ხომალდის სალონში, პირადად დაესწრონ კორესპონდენციის ჩატვირთვას/ჩამოტვირთვას საბარგო ნაკვეთურებში/ნაკვეთურებიდან.

7. ამ მუხლით და „საჰაერო მიმოსვლის შესახებ“ საქართველოს საერთაშორისო ხელშეკრულებებით განსაზღვრული მოთხოვნების შეუსაბამობის შემთხვევაში, ტრანზიტული და ტრანსფერული მგზავრების შემოწმება ხორციელდება საერთაშორისო ხელშეკრულებებით განსაზღვრული მოთხოვნების შესაბამისად.

    მუხლი 10. ტვირთების, ბორტკვებისა და თანამდევი საშუალებების, ფოსტის და საჰაერო ხომალდის საბორტო მარაგის შემოწმება

1. საჰაერო ხომალდის ბორტზე ჩატვირთვამდე ტვირთი, ბორტკვება და თანამდევი საშუალებები, ფოსტა და საჰაერო ხომალდის საბორტო მარაგი ექვემდებარება ტექნიკურ და სპეციალური საშუალებებით შემოწმებას და საკონტროლო აწონვას. სახიფათო ტვირთების შემოწმება და საჰაერო ხომალდით გადაზიდვა ხორციელდება ჩიკაგოს კონვენციის მე-18 დანართის („საჰაერო ტრანსპორტით სახიფათო ტვირთების უსაფრთხო გადაზიდვა“) და „სახიფათო ტვირთების საჰაერო ტრანსპორტით გადაზიდვის წესის“ დამტკიცების შესახებ“ სამოქალაქო ავიაციის ადმინისტრაციის თავმჯდომარის 2004 წლის 1 მარტის №1 ბრძანების მოთხოვნათა შესაბამისად.

2. ტვირთების შემოწმება ხორციელდება სატვირთო ტერმინალში შემოწმების ჯგუფის მიერ, ტერმინალის შესაბამისი უფლებამოსილებით აღჭურვილი თანამშრომლ(ებ)ის თანდასწრებით.

3. ტვირთის შემოწმების საშუალების არარსებობის შემთხვევაში, სატვირთო ტერმინალის საავიაციო უშიშროების უზრუნველყოფაზე პასუხისმგებელი პირი ვალდებულია, საჰაერო ხომალდის ბორტზე ჩატვირთვამდე დააყოვნოს შეუმოწმებელი ტვირთი უსაფრთხო პირობებში ამ საჰაერო ხომალდის მიერ დაგეგმილი რეისის შესრულებისთვის საჭირო დროზე ორი საათით მეტი პერიოდის განმავლობაში.

4. საეჭვო ტვირთი ექვემდებარება განმეორებით შემოწმებას მათში გადასატანად აკრძალული საგნებისა და ნივთიერებების აღმოჩენის მიზნით.

5. ტვირთის გარე შეფუთვა ექვემდებარება შემოწმებას. გარე შეფუთვის დაზიანების (მთლიანობის დარღვევის) შემთხვევაში ტვირთი გადასაზიდად არ დაიშვება.

6. შემოწმების შემდეგ ტვირთი მარკირდება ნომრიანი სტიკერებით, შემოწმების შესახებ კეთდება აღნიშვნა საავიაციო სატვირთო ზედნადების და უწყისის ყველა ეგზემპლარში. შემოწმების შედეგების შესახებ კეთდება ჩანაწერი შემოწმებული ტვირთების, ბორტკვებისა და თანამდევი საშუალებების, ფოსტის და საჰაერო ხომალდის საბორტო მარაგის აღრიცხვის ჟურნალში (ამ წესის დანართი №6).

7. ტვირთში ასაფეთქებელი მოწყობილობის არსებობის ნიშნების აღმოჩენისას, ტვირთი არ იხსნება, არ გადაადგილდება და ხორციელდება ასაფეთქებელი მოწყობილობების სპეციალისტის (პიროტექნიკოსის) გამოძახება.

8. საფოსტო გზავნილების (კორესპონდენციის) შემოწმება ხორციელდება შემოწმების პუნქტში აეროპორტის საფოსტო განყოფილებაში მიღებისას/გაგზავნისას ან ასეთი განყოფილების არარსებობის შემთხვევაში, სატვირთო ტერმინალის შემოწმების პუნქტებში, მათი გახსნის გარეშე.

9. ტვირთი და ფოსტა, რომლებიც გადაიზიდება სატვირთო საჰაერო ხომალდით უფლებამოსილი შეიარაღებული თანამშრომლების (საქართველოს შინაგან საქმეთა სამინისტროს, საქართველოს თავდაცვის სამინისტროს) თანხლებით, აგრეთვე, ფელდკავშირის თანამშრომლების თანხლებით სამგზავრო საჰაერო ხომალდის ბორტზე გადაზიდვისას კორესპონდენცია, დიპლომატიური ფოსტა, საკონსულო ვალიზები და საქართველოს საერთაშორისო ხელშეკრულებების საფუძველზე საერთაშორისო ორგანიზაციების და დაწესებულებების სხვა ოფიციალური კორესპონდენცია (შემდგომში – სპეციალური ბარგი), ხელით შემოწმებას და დაკავებას არ ექვემდებარება.

10. სპეციალური ბარგი, რომელსაც აცილებენ ამ მუხლის მე-9 პუნქტში ჩამოთვლილი თანამშრომლები, უნდა იყოს შეფუთული და დალუქული. ადგილების რაოდენობა, წონა და ლუქის რეკვიზიტები შეიტანება სპეციალური ბარგის თანმხლებ ფურცელში, რომელიც დამოწმებული უნდა იყოს შესაბამისი ორგანოს (ორგანიზაციის) პასუხისმგებელი პირის ხელმოწერით.

11. დიპლომატიურ ფოსტას, საკონსულო ვალიზებს და მათთან გათანაბრებულ სხვა ოფიციალურ კორესპონდენციას უნდა გააჩნდეს თვალსაჩინო გარე ნიშნები (საკეტები, ე.წ. სურგუჩის ბეჭედი, დალუქული საჭდეები, დანიშნულების და გამგზავნი პუნქტების ჩვენებით), ხოლო დიპლომატიურ კურიერებს თან უნდა ჰქონდეთ საკურიერო ფურცლები.

12. დიპლომატიურ გზავნილში (კორესპონდენციაში), გადასატანად აკრძალული სახიფათო საგნების ან ნივთიერებების არსებობაზე ეჭვის შემთხვევაში, დიპლომატიური გზავნილი (კორესპონდენცია) ექვემდებარება გახსნის გარეშე ტექნიკური და სპეციალური საშუალებებით შემოწმებას უფლებამოსილი დიპლომატიური კურიერის თანდასწრებით. ამ პუნქტით განსაზღვრულ შემთხვევაში დიპლომატიური გზავნილი (კორესპონდენცია) ექვემდებარება მისი გამგზავნისათვის დაბრუნებას, გახსნის გარეშე.

13. შემოწმების დამთავრების შემდეგ დიპლომატიური გზავნილი (კორესპონდენცია), აგრეთვე სპეციალური ბარგის სხვა სახეობები, მარკირდება ნომრიანი სტიკერებით და საავიაციო სატვირთო ზედნადებში და უწყისში კეთდება აღნიშვნა შემოწმების ჩატარების შესახებ. შემოწმების შედეგების შესახებ კეთდება ჩანაწერი შემოწმებული ტვირთის, ბორტკვებისა და თანამდევი საშუალებების, ფოსტის და საჰაერო ხომალდის საბორტო მარაგის აღრიცხვის ჟურნალში (ამ წესის დანართი №6).

14. ტვირთების, ბორტკვებისა და თანამდევი საშუალებების, ფოსტის და საჰაერო ხომალდის საბორტო მარაგის შემოწმებისას აღმოჩენილი გადასაზიდად აკრძალული საგნები და ნივთიერებები (მათ შორის, ისინი, რომლებიც თავისუფალ გაყიდვაშია), ამოიღება შესაბამისი აქტის (ამ წესის დანართი №7) გაფორმებით, ორ ან მეტ (საჭიროების შემთხვევაში) ეგზემპლარად. ის ამოღებული საგნები და ნივთიერებები, რომლებიც თავისუფალ გაყიდვაშია, გადაეცემა ამ საგნების/ნივთიერებების გამგზავნს.

15. ტვირთი (საფოსტო გზავნილი), ბორტკვება და თანამდევი საშუალებები კავდება და საჰაერო ხომალდის გადასაზიდად (გასაცემად) არ დაიშვება, თუ მათში აღმოჩენილ იქნა გადასაზიდად აკრძალული საგნები და ნივთიერებები.

16. საჰაერო ხომალდის საბორტო მარაგის, საავარიო-სამაშველო საშუალებების, ბორტკვებისა და თანამდევი საშუალებების, აგრეთვე, საბორტო კვების მოსამზადებელი მოწყობილობების შემოწმება ხორციელდება მათი კომპლექტაციის ადგილებში მოწყობილ შემოწმების პუნქტებში შემოწმების ჯგუფის მიერ ტექნიკური და სპეციალური საშუალებების გამოყენებით. ამ პუნქტით განსაზღვრული საკითხი აისახება ავიასაწარმოს „საავიაციო უშიშროების უზრუნველყოფის პროგრამაში“.

17. ბორტკვებისა და თანამდევი საშუალებების შემოწმება ხორციელდება საბორტო კვების დამამზადებლის წარმომადგენლის თანდასწრებით.

18. აუცილებლობის შემთხვევაში, ბორტკვებისა და თანამდევი საშუალებების კონტროლის განხორციელების მიზნით, საავიაციო უშიშროების სამსახურის ხელმძღვანელს უფლება აქვს ჩაატაროს ბორტკვებისა და თანამდევი საშუალებების შერჩევითი შემოწმება უშუალოდ საჰაერო ხომალდის ბორტზე დატვირთვის წინ, რაზედაც დგება შემოწმების აქტი ორ ეგზემპლარად. ერთი პირი გადაეცემა საბორტო კვების დამამზადებლის წარმომადგენელს, მეორე რჩება საავიაციო უშიშროების სამსახურს.

19. ბორტკვებისა და თანამდევი საშუალებების შემოწმების დამთავრების შემდეგ, საბორტო კვების თითოეული კონტეინერი მარკირდება ნომრიანი სტიკერებით, შემოწმების შესახებ კეთდება აღნიშვნა საავიაციო სატვირთო ზედნადებში.

20. საჰაერო ხომალდის ბორტზე ტვირთის, ბორტკვებისა და თანამდევი საშუალებების, ფოსტის, საბორტო მარაგის და საავარიო-სამაშველო საშუალებების ჩატვირთვის კონტროლს ახორციელებენ საავიაციო უშიშროების სამსახურის თანამშრომლები.

21. ტვირთი, ბორტკვება და თანამდევი საშუალებები, ფოსტა, საბორტო მარაგი და საავარიო-სამაშველო საშუალებები არ უნდა შეიცავდნენ გადასატანად აკრძალულ საგნებსა და ნივთიერებებს. ბორტკვებისა და თანამდევი საშუალებების მიმართ ამ პუნქტით განსაზღვრული მოთხოვნიდან გამონაკლისი დაიშვება მხოლოდ ავიაგადამზიდველის დასაბუთებული მოთხოვნის არსებობისა და ადმინისტრაციის წერილობითი თანხმობის შემთხვევაში და ისიც, მხოლოდ საერთაშორისო რეისების ბიზნეს და პირველი კლასით მოსარგებლეთათვის.

22. ადმინისტრაცია, ტვირთის, ბორტკვებისა და თანამდევი საშუალებების, აგრეთვე, საბორტო მარაგის გაფრენისწინა შემოწმებით დადგენილი ფორმალობების გამარტივების და მათი გადაზიდვისას საავიაციო უშიშროების უზრუნველყოფის ღონისძიებების ეფექტურობის ამაღლების მიზნით, იკაო-ს ოფიციალური გამოცემის DOC 8973 („მართლსაწინააღმდეგო ქმედობებისაგან სამოქალაქო ავიაციის დაცვის სახელმძღვანელო“) 25-ე („ავიატვირთის უშიშროების უზრუნველყოფის ზომები“) და 26-ე დამატებების („საბორტო კვებისა და საბორტო მარაგის უშიშროების უზრუნველყოფა“) შესაბამისად, შეიმუშავებს სათანადო რეკომენდაციებს სატვირთო ტერმინალებისათვის, აგრეთვე აეროპორტებისათვის და ავიაგადამზიდველებისათვის.

    მუხლი 11. შემოწმების ჩატარების ვადები

1. შემოწმების პროცესმა არ უნდა გაზარდოს გამფრენი მგზავრების მომსახურების ხანგრძლივობა და არ უნდა იმოქმედოს შესრულებული რეისების რეგულარობაზე, რის უზრუნველსაყოფადაც საავიაციო უშიშროების სამსახური პერიოდულად აცნობებს ავიაგადამზიდველის წარმომადგენელს და/ან საჰაერო ხომალდის მეთაურს შემოწმების მიმდინარეობაზე. შემოწმების მიზნით/მიზეზით საჰაერო ხომალდის გაფრენის დაყოვნება თანხმდება ავიაგადამზიდველის წარმომადგენელთან და საჰაერო ხომალდის მეთაურთან. შეუთანხმებლობის შემთხვევაში, საჰაერო ხომალდის მეთაურის გადაწყვეტილების შესაბამისად, რეისი სრულდება და ფრენის შესრულების მოქმედი ნორმების მოთხოვნების დაცვით გადაიყვანება/გადაიზიდება მხოლოდ შემოწმებაგავლილი მგზავრი, ბარგი, ტვირთი, ბორტკვება და თანამდევი საშუალებები, ფოსტა, საბორტო მარაგი.

2. რეისის დაყოვნების გამორიცხვის მიზნით, შემოწმების დაწყება და დამთავრება განისაზღვრება საავიაციო უშიშროების უზრუნველყოფის ტექნოლოგიური გრაფიკით, რომელიც მტკიცდება სააეროპორტო კომიტეტის მიერ.

3. აეროპორტის და/ან ავიაგადამზიდველის შესაბამისი სამსახურის ცვლის უფროსი, რეისის დაყოვნების შესახებ (ასეთის არსებობის შემთხვევაში) დროულად ატყობინებს საავიაციო უშიშროების სამსახურის შემოწმების ცვლის უფროსს.

    მუხლი 12. დაფრენისშემდგომი შემოწმება

1. დაფრენისშემდგომი შემოწმება ხორციელდება იმ შემთხვევაში, როცა მიღებულია ინფორმაცია:

ა) ჰაერში მყოფი საჰაერო ხომალდის ბორტზე, საჰაერო ხომალდის ხელში ჩაგდების ან გატაცების ზრახვების მქონე პირების არსებობის შესახებ;

ბ) ბორტზე ასაფეთქებელი მოწყობილობის, ფეთქებადი ნივთიერებების ან სხვა საგნებისა და ნივთიერებების არსებობის შესახებ, რომლებიც საფრთხეს უქმნიან ფრენას და მგზავრებს;

გ) გამოფრენის აეროპორტში, ამ რეისის გაფრენისწინა შემოწმების ტექნოლოგიის და/ან შემოწმების ტექნიკური საშუალებ(ებ)ის დარღვევის/გაუმართაობის გამოფრენის შემდეგ აღმოჩენის შესახებ.

2. აეროპორტის ბარგის გაცემის ზონა უნდა ითვალისწინებდეს დაფრენისშემდგომი შემოწმების პუნქტის არსებობას.

3. დაფრენისშემდგომი შემოწმება შეიძლება განხორციელდეს სრული მოცულობით ან შერჩევით. დაფრენისშემდგომი შემოწმება ხორციელდება გაფრენისწინა შემოწმების ანალოგიურად.

4. საჰაერო ხომალდის აეროპორტში დაფრენის შემდეგ მგზავრები, მათი თანმქონი ნივთები, ხელბარგი, ბარგი, საბორტო მარაგი, ბორტკვება და თანამდევი საშუალებები, ტვირთი და ფოსტა ექვემდებარება ამ მუხლის მე-3 პუნქტით გათვალისწინებულ შემოწმებას.

    მუხლი 13. შემოწმებისას გამოყენებული დოკუმენტები. შემოწმების ჯგუფის მუშაობის აღრიცხვა და ანგარიშგება

1. შემოწმებასთან დაკავშირებული დოკუმენტები უნდა შეესაბამებოდეს:

ა) ამ წესის დანართ №2-ს – მგზავრების და საჰაერო ხომალდის ეკიპაჟის წევრების შემოწმების დროს გადასაზიდად აკრძალული სახიფათო საგნების და/ან ნივთიერებების აღმოჩენის და ამოღების აქტი;

ბ) ამ წესის დანართ №3-ს – მგზავრების და ეკიპაჟის წევრების შემოწმების დროს გადასაზიდად აკრძალული სახიფათო საგნების და/ან ნივთიერებების აღმოჩენის და ამოღების აქტების და პირადი (ინდივიდუალური) შემოწმებაგავლილი მგზავრების აღრიცხვის ჟურნალი;

გ) ამ წესის დანართ №4-ს – მგზავრის დაუსწრებლად ბარგის შემოწმების აქტი;

დ) ამ წესის დანართ №5-ს – მგზავრის დაუსწრებლად ბარგის შემოწმების აქტების აღრიცხვის ჟურნალი;

ე) ამ წესის დანართ №6-ს – შემოწმებული ტვირთების, ბორტკვებისა და თანამდევი საშუალებების, ფოსტის და საჰაერო ხომალდის საბორტო მარაგის აღრიცხვის ჟურნალი;

ვ) ამ წესის დანართ №7-ს – შემოწმების დროს ტვირთში, ბორტკვებასა და თანამდევ საშუალებებში, ფოსტაში და საჰაერო ხომალდის საბორტო მარაგში გადასაზიდად აკრძალული საგნების და ნივთიერებების აღმოჩენის და ამოღების აქტი;

ზ) ამ წესის დანართ №8-ს – საჰაერო ხომალდის ფრენის პერიოდში იარაღის დროებით შესანახად მიღების აქტი;

თ) ამ წესის დანართ №9-ს – მგზავრების და საჰაერო ხომალდის ეკიპაჟის წევრებისაგან გადასაზიდად აკრძალული სახიფათო საგნების და ნივთიერებების ამოღების და დროებით შესანახ საწყობში გადაცემის აქტების აღრიცხვის ჟურნალი;

ი) ამ წესის დანართ №10-ს – ფრენის დროს მგზავრის მიერ დროებით შესანახად გადაცემული იარაღის მიღების აქტების აღრიცხვის ჟურნალი;

კ) ამ წესის დანართ №11-ს – შემოწმებული რეისების და მგზავრების აღრიცხვის ჟურნალი (კონტროლის ზონაში რამდენიმე შემოწმების პუნქტის არსებობის შემთხვევაში წარმოებაშია ერთი ჟურნალი);

ლ) ამ წესის დანართ №12-ს – შემოწმების პუნქტში მორიგეობის მიღება-ჩაბარების ჟურნალი.

2. აქტები, რომელთა ნიმუშებიც მოცემულია ამ წესის №2 და №4 დანართებში, დგება ორ ეგზემპლარად. აქტის ერთი ეგზემპლარი გადაეცემა მგზავრს (დანართი №2) ან თან ერთვის მგზავრის დაუსწრებლად შემოწმებულ ბარგს (დანართი №4), მეორე ეგზემპლარი რჩება საავიაციო უშიშროების სამსახურში. აქტები, რომელთა ნიმუშიც მოცემულია ამ წესის დანართ №2, №7 და №8-ში, დგება ქართულ და ინგლისურ ენებზე.

3. ამ მუხლით განსაზღვრული ჟურნალების წარმოების ორგანიზებას უზრუნველყოფენ საავიაციო უშიშროების სამსახურის ცვლის ან შემოწმების ჯგუფის უფროსები.

4. საავიაციო უშიშროების სამსახურის ხელმძღვანელი ყოველთვიურად ამოწმებს ამ წესით განსაზღვრული აქტების/ჟურნალების წარმოების სისწორეს.

5. საავიაციო უშიშროების სამსახურის ხელმძღვანელი ადმინისტრაციაში წარადგენს კვარტალურ და წლიურ ანგარიშებს საავიაციო უშიშროების მდგომარეობის შესახებ არა უგვიანეს საანგარიშო პერიოდის მომდევნო თვის 10 რიცხვისა. მონაცემები აეროპორტის შემოწმების ტექნიკური საშუალებებით აღჭურვის შესახებ წარდგენილ უნდა იქნეს საავიაციო უშიშროების მდგომარეობის შესახებ წლიურ ანგარიშთან ერთად.

6. ინფორმაცია შემოწმების დროს ამოღებული ან აეროპორტის ტერიტორიაზე აღმოჩენილი ასაფეთქებელი მოწყობილობის ან ფეთქებადი ნივთიერების შესახებ საავიაციო უშიშროების სააეროპორტო კომიტეტის თავმჯდომარის მიერ დაუყოვნებლივ გადაეცემა ადმინისტრაციას.

 

დანართი №1

საჰაერო ხომალდის ბორტზე ეკიპაჟის წევრების და მგზავრების მიერ თანმქონი ნივთების, ხელბარგის და ბარგის სახით გადასატანად აკრძალული, აგრეთვე, გარკვეულ მოთხოვნათა დაცვით ნებადართული, სახიფათო ნივთიერებების და საგნების ძირითადი

ნ უ ს ხ ა

    მუხლი 1

 საჰაერო ხომალდის ბორტზე ეკიპაჟის წევრების და მგზავრების მიერ თანმქონი ნივთების, ხელბარგის და ბარგის სახით გადასატანად აკრძალულია:

1. ფეთქებადი ნივთიერებები, ასაფეთქებელი საშუალებები და მათი შემცველი საგნები:

ა) ყველანაირი დენთი ნებისმიერი შეფუთვით და ნებისმიერი რაოდენობით;

ბ) საბრძოლო ვაზნები (მათ შორის, მცირეკალიბრიანი);

გ) გაზის იარაღის ვაზნები;

დ) სანადირო კაფსულები (ფისტონები);

ე) პიროტექნიკური საშუალებები: სასიგნალო და გამანათებელი რაკეტები, სასიგნალო ვაზნები, კვამლმდენი ვაზნები, მენაღმეთა ასანთები, ბენგალური სანთლები, სარკინიგზო პეტარდები;

ვ) ტროტილი, დინამიტი, ტოლი, ამონალი, ამონიტი და სხვა ფეთქებადი ნივთიერებები;

ზ) კაფსულდეტონატორები, ელექტროდეტონატორები, ელექტროამნთები, მადეტონირებელი და ცეცხლგამტარი ზონარები და მათი მსგავსნი;

თ) ნებისმიერი სახის ნაღმები და ყუმბარები;

ი) სამხედრო დანიშნულების და სხვა სახის ასაფეთქებელი მოწყობილობები;

კ) ასაფეთქებელი ნივთიერებების ან ხელსაწყოების ასლები და იმიტაციები.

2. შეკუმშული და გათხევადებული აირები:

ა) საყოფაცხოვრებო დანიშნულების აირები: ბუტანი, პროპანი, ჟანგბადი (სამედიცინო დანიშნულების გარდა), აცეტილენი;

ბ) ნერვულ-პარალიტიკური და ცრემლმდენი აირებით დატუმბული ბალონები და მათი მსგავსნი;

3. ადვილად აალებადი სითხეები:

ა) აცეტონი;

ბ) ბენზინი;

გ) ადვილად აალებადი ნავთობპროდუქტების ნიმუშები;

დ) მეთანოლი;

ე) მეთილაცეტატი (მეთილის ეთერი);

ვ) ნახშირწყალბადი;

ზ) ეთერები;

თ) ეთილცელოზოლები;

ი) დიზელის საწვავი;

კ) სპირტი;

ლ) სკიპიდარი და განზავებული საღებავები.

4. მყარი აალებადი ნივთიერებები:

ა) თვითნებურად აალებადი ნივთიერებები;

ბ) ნივთიერებები, რომლებიც წყალთან, კალასთან, ნატრიუმთან, ლითონის კალციუმთან და მათ მსგავსთან ურთიერთქმედებისას გამოყოფენ ადვილად აალებად აირებს;

გ) თეთრი, ყვითელი და წითელი ფოსფორები და ყველა სხვა ნივთიერება, რომლებიც მიეკუთვნება აალებად მყარ ნივთიერებებს.

5. მჟანგავი ნივთიერებები და ორგანული ზეჟანგები:

ა) კოლოიდური ნიტროცელულოზა გრალებში ან ფანტელებში, მშრალი ან ნოტიო, რომელიც შეიცავს 25%-ზე ნაკლებ წყალს ან გამხსნელს;

ბ) კოლოიდური ნიტროცელულოზა ნატეხებით, ნოტიო, რომელიც შეიცავს 25%-ზე ნაკლებ სპირტს;

გ) ნიტროცელულოზა მშრალი ან ნოტიო, რომელიც შეიცავს 30%-ზე ნაკლებ გამხსნელს ან 20%-ზე ნაკლებ წყალს და მათი მსგავსნი.

6. ტოქსიკური ნივთიერებები.

7. რადიოაქტიური ნივთიერებები.

8. მწვავე და მაკოროზირებელი ნივთიერებები:

ა) ძლიერი არაორგანული მჟავები: მარილმჟავა, გოგირდმჟავა, აზოტმჟავა, ქლორი და სხვა;

ბ) ფორისტულ-წყალბადური და სხვა ძლიერი მჟავები და მაკოროზირებელი ნივთიერებები.

9. შხამი და მომწამვლელი ნივთიერებები:

ა) ნებისმიერი ძლიერმოქმედი შხამი და მომწამლავი ნივთიერებები თხევად ან მყარ მდგომარეობაში, ნებისმიერი სახის შეფუთვით;

ბ) ბრუცინები;

გ) ნიკოტინი;

დ) თეთრაგიდროფურფურილური სპირტი;

ე) ანტიფრიზი;

ვ) სამუხრუჭე სითხე;

ზ) ეთილენგლიკოლი;

თ) ვერცხლისწყალი;

ი) წყალბადციანმჟავას ყველა მარილები და ციანიდური პრეპარატები;

კ) ციკლონი, ციანდნობი, დარიშხანული ანჰიდრიდი და სხვა.

10. ყველა სახის იარაღი და საბრძოლო მასალა (გარდა საქართველოს კანონმდებლობით დადგენილი იარაღის ნებადართულ გადატანასთან დაკავშირებული შემთხვევებისა და პირობებისა.)

11. სხვა სახიფათო საგნები და/ან ნივთიერებები: ნებისმიერი სახიფათო საგანი და/ან ნივთიერება, რომელიც შეიძლება გამოყენებულ იქნეს როგორც მგზავრებზე, ეკიპაჟის წევრებზე თავდასხმის იარაღი ან შეუქმნას საფრთხე საჰაერო ხომალდის ფრენას.

    მუხლი 2

საჰაერო ხომალდის ბორტზე ეკიპაჟის წევრების და მგზავრების მიერ თანმქონი ნივთების და ხელბარგის სახით, გარდა ამ დანართის პირველი მუხლით გათვალისწინებულისა, გადასატანად აკრძალულია:

1. ასაფეთქებელი ნივთიერებების ან ხელსაწყოების ასლები და იმიტაციები.

2. იარაღი: გაზის, პნევმატური და სანადირო გლუვლულიანი სანადირო ცეცხლსასროლი იარაღი, ელექტროშოკური მოწყობილობები, ქორდიკები, სტილეტები, დესანტური ხიშტდანები.

3. მჩხვლეტი, მჭრელი და წამახვილებული საგნები:

ა) ცულები და ტესაკები;

ბ) ისრები და ისრისმაგვარი დამზიანებელი ელემენტები;

გ) წრიაპები, ჭანგები;

დ) წყალქვეშ სანადირო ჰარპუნები და ისრები;

ე) ყინულსაჭრელები და ყინულმტეხები;

ვ) ციგურები;

ზ) ფიქსატორიანი და/ან ავტომატურად (ღილაკით) გამხსნელი დანები ნებისმიერი სიგრძის პირით;

თ) დანები (ჩვეულებრივი და სარიტუალო), რომლის პირის სიგრძე აღემატება 6 სმ-ს და რომელიც დამზადებულია ლითონის ან ნებისმიერი სხვა მტკიცე მასალისგან, პოტენციურ იარაღად გამოსაყენებლად;

ი) საყასბო და უნივერსალური დანები;

კ) მაჩეტეები;

ლ) ნებისმიერი სახის სამართებელი;

მ) ხმალი, დაშნა და მახვილი;

ნ) სკალპელი;

ო) მაკრატელი 6 სმ-ზე მეტი პირით (მაკრატლები ბლაგვი ან მომრგვალებულპირიანი ბოლოებით, პირის სიგრძით არა უმეტეს 6 სმ-ისა გადასაზიდად ნებადართულია);

პ) სათხილამურო ჯოხები და ფეხოსანი ტურისტებისათვის განკუთვნილი ჯოხები;

ჟ) სატყორცნი „ვარსკვლავები“;

რ) სამუშაო ხელსაწყოები, რომლებიც შეიძლება გამოყენებულ იქნენ მჩხვლეტი ან მჭრელი იარაღის სახით, მაგ., დრელი, ბურღი, ყველა სახის ხერხი, სახრახნისი, ქანჩის გასაღები, სარჩილავი ხელსაწყოები, ლითონის საქსოვი ჩხირები.

4. ბლაგვბოლოიანი საგნები:

ა) ბეისბოლის საცემელა, სოფტბოლის საცემელა;

ბ) ბილიარდის და სხვა თამაშების კიები;

გ) პოლიციის სხვადასხვა სახის ხელკეტები (მყარი და დრეკადი), მაგ., მოკლე, ღამის და გრძელი ხელკეტები;

დ) ჩაქუჩები, ბრტყელტუჩები;

ე) კრიკეტის საცემელა;

ვ) ანკესის ჯოხები;

ზ) გოლფის, ჰოკეისა და სხვა მსგავსი თამაშების ყვანჭები;

თ) ბაიდარისა და კანოეს ნიჩბები;

ი) ხელჩართული ბრძოლის საშუალებები, მაგ., კასტეტი, ხელკეტები, მძიმე ხელკეტები, ჯაჭვები, ნუნჩაკოები და ა.შ;

კ) სკეიტბორდები.

    მუხლი 3

საჰაერო ხომალდის ბორტზე ეკიპაჟის წევრების ან მგზავრების მიერ თანმქონი ნივთების, ხელბარგის ან ბარგის სახით, ამ მუხლის მოთხოვნათა დაცვით, ნებადართულია სახიფათო ნივთიერებების და საგნების გადატანა:

1. ბარგით:

ა) არბალეტები, წყალქვეშა სანადირო თოფები, შაშკები, ხმლები, ხანჯლები, იატაგანები, ორპირა მახვილები, ხიშტები, დანები: სანადირო, ღილაკიანი, ფიქსატორიანი და/ან ნებისმიერი სახის იარაღის იმიტაციები;

ბ) 60 მმ-ზე გრძელი პირის მქონე სამეურნეო-საოჯახო დანები (მაკრატლები);

გ) ალკოჰოლური სასმელები, ალკოჰოლის 24%-დან 70%-დე შემადგენლობით, არა უმეტეს 5 (ხუთი) ლიტრის მოცულობის ჭურჭლით, საცალო ვაჭრობისთვის განკუთვნილი ტარით – ერთ მგზავრზე არა უმეტეს 5 ლიტრისა.

დ) სითხეები და ალკოჰოლური სასმელები, ალკოჰოლის არა უმეტეს 24%-ის შემადგენლობით;

ე) სპორტული ან საყოფაცხოვრებო დანიშნულების აეროზოლები, რომლის ბალონის კლაპნები დაცულია თავსახურით შიგთავსის თვითნებურად გამოშვებისაგან, 500 მმ-იანი მოცულობის ჭურჭლით (ბალონებით), ერთ მგზავრზე არა უმეტეს 2 ლიტრისა.

2. თანმქონი ნივთებით ან ხელბარგით:

ა) სამედიცინო თერმომეტრი – 1 ცალი;

ბ) ვერცხლისწყლიანი ტონომეტრი სტანდარტული შეფუთვით – 1 ცალი;

გ) ვერცხლისწყლიანი ბარომეტრი ან მანომეტრი ჰერმეტული კონტეინერით შეფუთული და გამგზავნის მიერ დალუქული;

დ) სანთებელა – 1 ცალი მგზავრზე;

ე) მშრალი ყინული მალფუჭადი პროდუქტების გასაციებლად – არა უმეტეს 2კგ-ისა;

ვ) 3%-იანი წყალბადის ზეჟანგი – არა უმეტეს 100 მლ-ისა;

ზ) უსაფრთხო კატეგორიას მიკუთვნებული სითხეები, აეროზოლები და გელები – საქართველოს კანონმდებლობის შესაბამისად.

    მუხლი 4

სამოქალაქო ავიაციის საქმიანობაში მართლსაწინააღმდეგო ქმედობის აქტის შესაძლო განხორციელების თაობაზე შესაბამისი ინფორმაციის არსებობის შემთხვევაში სააეროპორტო კომიტეტს და/ან ავიაგადამზიდველის ადმინისტრაციას უფლება აქვს მიიღოს გადაწყვეტილება და, საავიაციო უშიშროების უზრუნველყოფის მიზნით, შემოიღოს დამატებითი ზომები, რომლის თანახმადაც, თანმქონი ნივთების და ხელბარგის სახით დროის გარკვეული პერიოდით და გარკვეულ მარშრუტებზე, იკრძალება ქვემოთ ჩამოთვლილი საგნების გადატანა:

ა) შტოპორები (კორპსაძრობები);

ბ) საინიექციოდ განკუთვნილი ნემსები (თუ არ იქნება წარმოდგენილი სამედიცინო დასაბუთება);

გ) არალითონის საქსოვი ჩხირები;

დ) მაკრატლები 60-მმ-ზე ნაკლები სიგრძის პირით;

ე) სამგზავრო დასაკეცი (ფიქსატორის გარეშე) და ფანქრის სათლელი დანები 60 მმ-ზე ნაკლები სიგრძის პირით.

    მუხლი 5. ამ დანართის მე-4 მუხლით განსაზღვრული აკრძალვების შემოღებამდე სააეროპორტო კომიტეტი და/ან ავიაგადამზიდველის ადმინისტრაცია ვალდებულია წარუდგინოს ადმინისტრაციას, საავიაციო უშიშროების უზრუნველყოფის მიზნით, დამატებითი აკრძალვების შემოღების მოტივირებული წერილობითი ინფორმაცია.

 

დანართი №2

მგზავრებისა და საჰაერო ხომალდის ეკიპაჟის წევრების შემოწმების დროს გადასაზიდად აკრძალული სახიფათო საგნების და/ან ნივთიერებების აღმოჩენის და ამოღების

ა ქ ტ ი №

 

 

1. აეროპორტი _{____________________________________}  200 წლის  _{__________               _____________________________________________}

                            ^{(აეროპორტის დასახელება)}

მე, _{__________________________________________________________________________________________________________________________________________} 

                                                                                                        ^{(თანამდებობა. გვარი,  ინიციალები)}

შევადგინე აქტი მასზედ, რომ მგზავრს_{_________________________________________________________________________________________}

                                                                                                                                                                                             ^{(გვარი, სახელი, პასპორტის №)}

რომელიც მიემგზავრებოდა რეისით №_{______________________________________________}

                                                                                    ^{(დანიშნულების პუნქტი)}

აეროპორტამდე, შეეთავაზა, რომ წარმოადგინოს, შესაძლო თანმქონი, საჰაერო ხომალდით გადასატანად აკრძალული საგნები და ნივთიერებები. მგზავრმა  _{______________________________________________________}

                                                                                                                                                                                                                                       ^{(სახელი,   გვარი)}

 

განაცხადა, რომ გადასაზიდად აკრძალული სახიფათო საგნები და

ნივთიერებები მას აქვს/არა აქვს (საჭიროს გაესვას ხაზი).

მგზავრის თანმქონი ნივთების, ხელბარგის, ბარგის და მგზავრის

პირადი შემოწმების შედეგად აღმოჩენილი და ამოღებულია საჰაერო ხომალდის ბორტზე გადასაზიდად აკრძალული _{_______________________________________________________________________________________________________________} 

                                                                                                              ^{დაწვრილებითი აღწერა, თუ რა იქნა ამოღებული, რა რაოდენობით, შეფუთვის მდგომარეობა,}

_{___________________________________________________________________________________________________________________________________________________________}  

                                                                                     ^{განმასხვავებელი ნიშნები, იარაღის №, კალიბრი, ცივი იარაღის ზომები და ა.შ.)}

_{_________________________________________________________________________________________________________________________________________________________} ,

რომელთა გადატანასაც ცდილობდა მგზავრი, რითაც მან დაარღვია საქართველოს კანონმდებლობით დადგენილი საავიაციო უშიშროების უზრუნველყოფის მოთხოვნები.

 

ამოღების ფაქტს ადასტურებენ მოწმეები:

 

1. _{__________________________________________________________________________________________________________________________________________________}

                                                                                                                              ^{(სახელი, გვარი, მისამართი, პირადი ნომერი)}

2. _{___________________________________________________________________________________________________________________________________________________}

                                                                                                                   ^{(სახელი, გვარი, მისამართი, პირადი ნომერი)}

 

 

მოწმეების ხელმოწერა:            1. _{____________________________________________________}

                            

                                                   2. _{____________________________________________________}

 

_{_______________________________________________________         ____________________________________________________}

                                  ^{(მგზავრის ხელმოწერა)                                                                (აქტის შემდგენის ხელმოწერა)}

 

მონაცემები მგზავრის (ეკიპაჟის წევრის) შესახებ

 

1. სახელი, გვარი   _{______________________________________________________________________________________________________________________}

 

2. დაბადების წელი და ადგილი   _{________________________________________________________________________________________________}

 

3. სამუშაო, სწავლების ან

მსახურის ადგილი        _{_________________________________________________________________________________________________________}

                                                                                                                                      ^{(წარმოების, ორგანიზაციის}

_{___________________________________________________________________________________________________________________________________________________________ _}

                                                                                                                                       ^{დასახელება და მისამართი)}

4. საცხოვრებელი მისამართი  _{_ _________________________________________________________________________________________________________}

 

5. პირადობის დამადასტურებელი დოკუმენტი _{_________________________________________________________________________}

                                                                                                                                                                                    ^{(დოკუმენტის დასახელება,}

_{________________________________________________________________________ _____________________________________________________________________________ ___}

                              ^{ნომერი, ვინ და როდის გასცა)}

 

მგზავრის ახსნა-განმარტება  _{______________________________________________________________________________________________________________     ____________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________}

 

მოცემული ინფორმაცია და განმარტებები ჩაწერილია ჩემი სიტყვებით, სწორია. ასლი მივიღე.

 

_{______________________________________         ___________________________________________}

      ^{(მგზავრის ხელმოწერა)                                              (აქტის შემდგენის ხელმოწერა)}

 

აქტში ნაჩვენები ამოღებული საგნები და ნივთიერებები გადაეცა დროებითი შენახვის საწყობს.

_{_________________________________________________________________________________________________________________________________________________________}

                                                                              ^{(ამოღებულის მიმღები პირის თანამდებობა, ინიციალები, გვარი, ხელმოწერა)}

_{____________________________________________________________________________________________________________________________________________________________}

                                                                                     ^{(ჩამბარებელი პირის თანამდებობა, ინიციალები, გვარი, ხელმოწერა)}

 

 

 

 

 

 

 

დანართი №3

მგზავრების და ეკიპაჟის წევრების შემოწმების დროს გადასაზიდად აკრძალული  სახიფათო საგნების და/ან ნივთიერებების აღმოჩენის და ამოღების აქტების და  პირადი (ინდივიდუალური) შემოწმებაგავლილი მგზავრების აღრიცხვის

ჟურნალი

რ/ნ №	აქტის № და თარიღი	მგზავრის (ეკიპაჟის წევრის) გვარი, სახელი, რეისის №	შემოწმების სახეობა (პირადი, მგზავრის თანმქონი ნივთების, ხელბარგის, ბარგის)	შემოწმების შედეგი (რა იქნა აღმოჩენილი)	შემმოწმებლის სახელი, გვარი
1	2	3	4	5	6

                                            

 

    დანართი №4

 

მგზავრის დაუსწრებლად ბარგის შემოწმების

 

ა ქ ტ ი №

 

 

1. აეროპორტი _{__________________________________________________}  200 წლის _{______                   _____________________________________________}

                                          ^{(აეროპორტის დასახელება)}

მე, _{_______________________________________________________________________________________________________________________________________} 

                                                                                         ^{(აქტის შემდგენის თანამდებობა, სახელი,  გვარი)}

შევადგინე აქტი მასზედ, რომ მგზავრს_{________________________________________________________________________________________________}

                                                                                                                                                                                               ^{(სახელი, გვარი, რეისის ნომერი)}

_{____________________________________________________________________________________________________________________________________________________________}

                                                                                                 ^{(შემოწმებაზე განკარგულების გამცემი პირის თანამდებობა, სახელი, გვარი)}

 

წერილობითი განკარგულების საფუძველზე, საბაჟოს, ავიაგადამზიდველის წარმომადგენლების და მოწმეების თანდასწრებით

1. _{____________________________________________________________________________________________________________________________________________________}

                                                                             ^{(სახელი, გვარი, საცხოვრებელი ადგილი, პირადი ნომერი, ტელ.№)}

2. _{____________________________________________________________________________________________________________________________________________________}

                                                                         ^{(სახელი, გვარი, საცხოვრებელი ადგლი, პირადი ნომერი, ტელ.№)}

 

მგზავრის დაუსწრებლად _{________________________________________________________________________________}სათავსში

                                                                                                                             ^{(მივუთითოთ რომელ სათავსში)}

ჩავატარე _{__________________ ________________________________________________________________} ბარგის შემოწმება,

                                                                                      ^{(მგზავრის სახელი, გვარი)}

რომელიც გადაიზიდებოდა საბარგო საჭდით № _------------ , რეისით № _------------

_{__________________ ___________________________________________ _________}  აეროპორტიდან.

                 ^{(აეროპორტის დასახელება)}

შემოწმების დროს აღმოჩენილია _{_______________________________________________________________________________________________________}

                                                                                                                                                                          ^{(მიეთითება გადასატანად აკრძალული}

_{________________________________ ______________________________________________________________________________________________________________________}

                                                      ^{რომელი საგნები და ნივთიერებები აღმოჩნდა, ან ასეთი საგნები და ნივთიერებები არ აღმოჩნდა)}

_{_____________________________________ _________________________________________ ______________________________________________________________________________} 

           

საბაჟოს წარმომადგენელი  _________________________________

ავიაგადამზიდველის წარმომადგენელი ____________________________

მოწმეთა ხელმოწერები:                     1. ____________________________

                                                                  2. _____________________________{_____________-}

__________________________________________________________________________________________

                                                        ^{(შემოწმების ჩამტარებელი პირის თანამდებობა, სახელი, გვარი, ხელმოწერა)}

 

ბარგის შემოწმების დროს ამოღებული სახიფათო საგნები და ნივთიერებები გადაეცა:

_{__________________________________ _________________________________________ ____________________________________________________________________________}

                                                                                                                                    ^{(ვის, როდის, რა მიზნით )}

_{__________________________________ _________________________________________ ___________________________________________________________________________}

 

_{__________________________________ _________________________________________ ____________________________________________________________________________}

                                                                                ^{(ამოღებულის მიმღები პირის თანამდებობა, სახელი, გვარი, ხელმოწერა)}

_{__________________________________ _________________________________________ ____________________________________________________________________________}

                                                                                   ^{(ამოღებულის ჩამბარებელი პირის თანამდებობა, სახელი, გვარი, ხელმოწერა)}

 

დანართი №5

 

მგზავრის დაუსწრებლად ბარგის შემოწმების აქტების აღრიცხვის

 

ჟურნალი

 

აეროპორტი _{__________________________}

 

 

№	აქტის № თარიღი	მგზავრის სახელი,  გვარი	რეისის ნომერი	ბარგის შემმოწმებლის გვარი, სახელი, თანამდებობა	შემოწმების შედეგი (რა აღმოჩნდა)
1	2	3	4	5	6

 

 

 

 

 

 

დანართი №6

 

შემოწმებული ტვირთების, ბორტკვებისა და თანამდევი საშუალებების, ფოსტის და საჰაერო ხომალდის საბორტო მარაგის აღრიცხვის

 

ჟურნალი

 

აეროპორტი _{__________________________}

 

№	თარიღი	გამგ-ზავნი	შემოწმებული ადგილების რაოდენობა	არდაშვებული ადგილების რაოდენობა	გაიხარჯა საჭდეები		შემმოწმებლის შტამპი ან ბეჭედი
					№-დან	№-მდე
1	2	3	4	5	6	7	8

 

                                                                                        დანართი №7

შემოწმების დროს ტვირთში, ბორტკვებასა და თანამდევ საშუალებებში, ფოსტაში და საჰაერო ხომალდის საბორტო მარაგში გადასაზიდად აკრძალული საგნების და ნივთიერებების აღმოჩენის და ამოღების

ა ქ ტ ი №

 

1. აეროპორტი _{___________________________________}  200 წლის _{_­_______                             _____________________________________________________}

                             ^{(აეროპორტის დასახელება)}

მე, _{__________________________________________________________________________________________________________________________________________} 

                      ^{(თანამდებობა, სახელი, გვარი)}

შევადგინე აქტი მასზედ, რომ № _{_______} რეისით ______________ აეროპორტამდე გადასაზიდ ტვირთში (ფოსტაში, საჰაერო ხომალდის საბორტო მარაგში) _{___________________________________________________________________________________}

_{_________________________________________________________________________________________________________________________________________________________}  

                                                                                                                               ^{(დასახელება, რეკვიზიტები)}

შემოწმების შედეგად აღმოჩნდა და ამოღებულ იქნა სხ-ის ბორტზე გადასატანად აკრძალული საგნები და ნივთიერებები _{________________________________________________________________________________________________________} 

                                                                                                          ^{(რა იქნა ამოღებული, რა რაოდენობით, შეფუთვის მდგომარეობა,}

_{________________________________________________________________________________________________________________________________________________________}  

                                                                           ^{განმასხვავებელი ნიშნები, იარაღის №, კალიბრი, ცივი იარაღის ზომები და ა.შ.)}

_{_____________________________________________________________________________________________________________________________________________________} ,

რომლის (რომელთა) გადატანასაც ცდილობდა _{______________________________________________}

                                                                                                                                                                   ^{(გამგზავნის რეკვიზიტები )}

  _{_____________________________________________________________________} , რითაც დაირღვა საქართველოს კანონმდებლობით დადგენილი საავიაციო უშიშროების

უზრუნველყოფის მოთხოვნები.

 

ამოღების ფაქტს ადასტურებენ მოწმეები:

 

1. _{_______________ ____________________________________________________________________________________________________________ _}

                     ^{(სახელი, მამის სახელი, გვარი, მისამართი)}

2. _{________________ ____________________________________________________________________________________________________________ _}

                     ^{(სახელი, მამის სახელი, გვარი, მისამართი)}

 

მოწმეების ხელმოწერა:            1. _{____________________________________________________________}

                                                        2. _{____________________________________________________________ _}

 

_{______________________ ____________ _______         ______________________ ____________ __}

                     ^{(გამგზავნის ხელმოწერა)                               (აქტის შემდგენის ხელმოწერა)}                                                                  

             

დანართი №8

 

საჰაერო ხომალდის ფრენის პერიოდში იარაღის დროებით შესანახად

 

მიღების  ა ქ ტ ი №

 

1. აეროპორტი _{____________ ________________________ _________}   200 წლის _{___________                              ___________________________________________}

                                 ^{(აეროპორტის დასახელება)}

საავიაციო უშიშროების სამსახურის თანამშრომელმა _{__________________________________________________________________________}

                                                                                                                                                                                                              ^{(თანამდებობა, სახელი,  გვარი)}

 

საქართველოს კანონმდებლობით  დადგენილი იარაღის შეძენის (შენახვის უფლებით ან შენახვისა და ტარების უფლებით) ნებართვის ან იარაღის ერთი სახეობის ცალკეული ეგზემპლარების  საქართველოში შემოტანისა და საქართველოდან გატანის (გარდა ექსპორტ-იმპორტისა, ტრანზიტისა და რეექს-პორტისა) ნებართვის

_{_____________________________________________________ ________________________ _______________ _________________________________________________________ _______}

                                                                                                   ^{(საჭირო ნებართვას გაესვას ხაზი, ნებართვის №, ვინ და როდის გასცა)}

_{__________________________________________________________________ ________________________________________________________________________________ _________}

 

საფუძველზე, მგზავრისგან_{___________________ ________________________ __________________________}

                                                                                                                                 ^{(სახელი, გვარი,}

_{_______________________________________________________________ ____________________________________________________________________________________ _________}

                                                                              ^{პირადობის დამადასტურებელი დოკუმენტის №, როდის და ვის მიერ გაიცა)}

 

რომელიც მიფრინავს რეისით № _{_______} მარშრუტით _{___________________________________________________________________________}

სხ-ის საბორტო № _{_________} , მივიღე იარაღი _{______________________________________ ____________ _____________________________________}

                                                                                                                                                                                                          ^{(იარაღის ტიპი, მოდელი}

_{________________________________________________________ _________________________________________________________________________________ ___________________}

           ^{სარეგისტრაციო №, მახასიათებელი ნიშნები, საბრძოლო მარაგის რაოდენობა)}

 

იარაღი და საბუთები შევამოწმე: _{_________________ ____________ _______________________}

                                                                                                                    ^{(შსს-ს თანამშრომლის თანამდებობა)}

_{____________________________________________ _________________________________________________________________________________ _______________________________}

^{(სახელი, გვარი და ხელმოწერა)}

_{________________________ _________________________________________________________________________________________________________ __________________________}

^{(საავიაციო უშიშროების სამსახურის თანამშრომლის ხელმოწერა)}

_{______________________________ ______________________________________________________________}

                                                    ^{(მგზავრის სახელი,  გვარი)}

იარაღი (მოთავსდა ლითონის ყუთში, დაიბეჭდა ბეჭდით და ____ _{____________} ____)  გადაეცა ეკიპაჟის წევრს _{_____ ________________________ ________       _______ ________________________ ____}

                      _{(სახელი, გვარი)                                                                (ხელმოწერა)}

 

2. დანიშნულების აეროპორტის _{_____________ ________________________ ___________________________}  

                                                                                 ^{(აეროპორტის დასახელება)}

 

საავიაციო უშიშროების სამსახურის  თანამშრომელმა

_{___________________________________________________________________________________________________________________________________________________}

^{(თანამდებობა, გვარი, სახელი,)}

ეკიპაჟის წევრისგან _{_______________________________________________________________________} 

                                                                                                                              ^{(სახელი, გვარი)}

მივიღე იარაღი _{_____________________________________________________________________________}

                                                                                                          ^{(იარაღის ტიპი, მოდელი}

_{________________________________________________________________________________________________________________________}

                        ^{სარეგისტრაციო ნომერი, მახასიათებელი ნიშნები, საბრძოლო მარაგის რაოდენობა)}

_{___________________________________________________________________________________________________________________________________________________________}

^{(საავიაციო უშიშროების სამსახურის თანამშრომლის ხელმოწერა)}

 

№ _{______} რეისის მგზავრზე _{_______________________________ ______________________________________________________ ________________}  

                                                                                                                                                                 ^{(სახელი, გვარი)}

გაიცა იარაღი _{_______________________________________ __________________ _______ ____________________________________ ______________}

                                                                                                                                               ^{(იარაღის ტიპი, მოდელი}

_{________________________________________________ ________________________________________________________________________ ___________________________}

^{სარეგისტრაციო ნომერი, მახასიათებელი ნიშნები, საბრძოლო მარაგის რაოდენობა)}

_{_________________________________ ___________________________________________________________________________________}

                                   ^{(საავიაციო უშიშროების სამსახურის თანამშრომლის ხელმოწერა)}

_{__________ _____ ________ _______________________________________________________________________________________________ _}

                                                                            ^{(მგზავრის სახელი,  გვარი)}

მგზავრის სამუშაო, სწავლების, სამსახურის ადგილი _{__________________________________________________________________________}

                                                                                                                                                                                                                                  

მგზავრის საცხოვრებელი მისამართი

_{______________________ ______ _________________ ________________ _______________________________ ________________ ______________________ __________ _______________}

^{(დასახელება, მისამართი)}

პირადობის დამადასტურებელი დოკუმენტი _{____________ ____________ ___________________}

                                                                                                                                                                ^{(დოკუმენტის დასახელება,}

_{_______________________________________________________ ________________________________________________________________________________________________}

                                                                                                                                    ^{ნომერი, ვინ და როდის გასცა)}

მგზავრის განმარტება:

_{__________ _____ ________ _______________________________________________________________________________________________________ ______________________________ __________ _____ ________ _______________________________________________________________________________________________________ ________________________________________ _____ ________ _______________________________________________________________________________________________________ ______________________________}

_{____________________________________________}

    ^{(მგზავრის ხელმოწერა)}

_{____________________________________________}

    ^{(აქტის შემდგენის ხელმოწერა)}

                                        დანართი №9

 

აეროპორტი _{__________________________}

 

მგზავრების და საჰაერო ხომალდის ეკიპაჟის წევრებისაგან გადასაზიდად

აკრძალული სახიფათო საგნების და ნივთიერებების ამოღების და დროებით შესანახ საწყობში გადაცემის აქტების აღრიცხვის

 

ჟურნალი

რ/ნ №	თარიღი და აქტის №	მგზავრის სახელი, მამის სახელი, გვარი	რეისის №	დროებითი შენახვის საწყობში გადაცემული საგნები და ნივთიერებები	თარიღი	ამოღებულის მიღებაზე ხელმოწერა
1	2	3	4	5	6	7

                                                                                 

 

 

 

დანართი №10

 

აეროპორტი _{__________________________}

 

ფრენის დროს მგზავრის მიერ დროებით შესანახად გადაცემული იარაღის

მიღების აქტების აღრიცხვის

 

ჟურნალი

 

რ/ნ №	თარიღი და აქტის №	მგზავრის სახელი, მამის სახელი, გვარი	რეისის №	ფრენის დროს დროებით შესანახად გადაცემული საგნები	შსს-ს თანამშრომლის სახელი, მამის სახელი, გვარი	საავიაციო უშიშროების სამსახურის თანამშრომლის სახელი, მამის სახელი, გვარი
1	2	3	4	5	6	7

 

              

 

 

 

 

 

 დანართი №11

 

აეროპორტი _{__________________________}

 

შემოწმებული რეისების და მგზავრების აღრიცხვის

 

ჟურნალი

 

რ/ნ №	თარიღი და აქტის №	მგზავრის სახელი, მამის სახელი, გვარი	რეისის №	ფრენის დროს დროებით შესანახად გადაცემული საგნები	შსს-ს თანამშრომლის სახელი, მამის სახელი, გვარი	საავიაციო უშიშროების სამსახურის თანამშრომლის სახელი, მამის სახელი, გვარი
1	2	3	4	5	6	7

    

დანართი №12

 

აეროპორტი _{__________________________}

 

შემოწმების პუნქტში მორიგეობის მიღება-ჩაბარების

 

ჟურნალი

 

მორიგეობის მიღების		მორიგეობის ჩაბარების		ცვლის რაო-დენობ-რივი შემად-გენლობა	არგამოც-ხადებული თანამშრომ-ლის სახელი, მამის სახელი, გვარი, გამოუცხა-დებლობის მიზეზი	სახიფათო საგნების და ნივთიე-რებების გატანის მცდელო-ბების გამოვ-ლენის რაოდენობა	ტექ. საშუა-ლებების მდგომა-რეობა	სხვა ინფორ-მაცია	მონაცე-მები პირად შემად-გენლო-ბაზე
თარი-ღი	დრო	თარი-ღი	დრო
1	2	3	4	5	6	7	8	9	10

 

 

 

 

 

დანართი №13

სამოქალაქო საჰაერო ხომალდით, რეგისტრირებული ბარგის, ხელბარგის ან თანმქონი ნივთების სახით, სითხეების, აეროზოლების და გელების გაფრენისწინა შემოწმება და გადაზიდვისას საავიაციო უშიშროების უზრუნველყოფა

    მუხლი 1. ხელბარგის და/ან თანმქონი ნივთების სახით გადასაზიდი სითხის, აეროზოლის და გელის შემოწმება და საავიაციო უშიშროების უზრუნველყოფის სხვა ზომები

1. ხელბარგი და/ან თანმქონი ნივთები მოწმდება საავიაციო უშიშროების უზრუნველსაყოფად, მათ შორის, სითხის, აეროზოლის და გელის (შემდგომში – საგ) გამოსავლენად.

2. ნებისმიერი სახის საგ დაიშვება გადასაზიდად არა უმეტეს 100 მლ-ის მოცულობის ჭურჭლით.

3. 100 (ასი) მლ-ზე მეტი მოცულობის ჭურჭლით საგ-ები არ გადაიზიდება, თუნდაც ჭურჭელი არ იყოს ბოლომდე გავსებული.

4. საგ-ის შემცველი ჭურჭელი მგზავრმა უნდა მოათავსოს არა უმეტეს 1 (ერთი)ლ მოცულობის გამჭვირვალე პლასტიკურ პაკეტში, რომელიც უნდა იკეტებოდეს. ჭურჭელი თავისუფლად უნდა იყოს მოთავსებული გამჭვირვალე პაკეტში. გამჭვირვალე პაკეტი მჭიდროდ უნდა იყოს დაკეტილი.

5. აეროპორტის საკონტროლო პუნქტში გამჭვირვალე პაკეტი წარდგენილ უნდა იქნეს ვიზუალური დათვალიერებისა და შემოწმებისათვის. თითოეულ მგზავრს უფლება აქვს იქონიოს მხოლოდ ერთი გამჭვირვალე პაკეტი.

6. აეროპორტის საკონტროლო პუნქტში ხელბარგისა და თანმქონი ნივთების (მათ შორის, საგ-ის) შემოწმებისათვის გამოიყენება საავიაციო უშიშროების უზრუნველყოფის მიზნით კონტროლის ყველა ჩვეულებრივი ზომა, მგზავრებისა და ხელბარგის შერჩევით ხელით შემოწმების ჩათვლით.

7. ამ მუხლის მე-2–მე-4 პუნქტებით განსაზღვრული შეზღუდვებიდან გამონაკლისი დაიშვება მხოლოდ წამლებზე, ბავშვთა კვებაზე და სპეციალური დიეტური ან სხვა სამედიცინო მოთხოვნების დამაკმაყოფილებელ საგნებზე, ამ დანართის მე-8 მუხლის შესაბამისად.

8. როგორც გამფრენი, ასევე ტრანსფერული მგზავრებისათვის ნებადართულია ნებისმიერი მოცულობის საგ-ის გადაზიდვა, თუ ისინი შეძენილ იქნა აეროპორტის ვაჭრობის ობიექტში და/ან საჰაერო ხომალდის ბორტზე იმ პირობით, რომ ეს საგ-ები შეფუთული იქნება საიმედოდ დაბეჭდილ არასანქცირებული გახსნისაგან დაცულ პლასტიკურ პაკეტში (შემდგომში – აგდპ), რომელზეც იქნება წარწერა, რომ იგი შეძენილია აეროპორტის ვაჭრობის ობიექტში და/ან საჰაერო ხომალდის ბორტზე გაფრენის დღეს.

9. შემოწმებისა და შესამოწმებელი (გასაშუქებელი) აპარატურის ეფექტურობის მიზნით, აგდპ წარდგენილ უნდა იქნეს გასაშუქებლად ხელბარგიდან, ტანსაცმლიდან და პორტატული კომპიუტერებიდან განცალკევებით.

10. საფრენოსნო ეკიპაჟის წევრები, რომლებიც გაფრენის დღეს ასრულებენ სამსახურებრივ მოვალეობას, თავისუფლდებიან ამ მუხლის მე-2–მე4 პუნქტებით განსაზღვრული შეზღუდვებისაგან.

    მუხლი 2. არასანქცირებული გახსნისაგან დაცული პლასტიკური პაკეტი

1. აგდპ-ის დასამზადებლად გამოიყენება:

ა) გამჭვირვალე მასალა (დაბალი სიმკვრივისა და მაღალი სიმტკიცის ხაზური პოლიეთილენი (LDPE) ან მისი ეკვივალენტი);

ბ) უტილიზირებული და ეკოლოგიურად სუფთა მასალა (შეძლებისდაგვარად);

2. აგდპ-ის დასამზადებელი მასალის ზომები და სისქე (მინიმუმ 50 მიკრონი) განისაზღვრება მოთხოვნის გათვალისწინებით.

3. აგდპ-ის ატრიბუტები:

ა) წინა პირზე დაიტანება:

ა.ა) წითელი ფერის, არასანქცირებული გახსნისაგან დამცავი აპკი (აპკი სიგანით არანაკლებ 30 მმ-ისა, წებოდამცავი ლენტით სიგანით 40 მმ);

ა.ბ) წნევაზე მგძნობიარე თვითწებვადი მასალა;

ა.გ) არასანქცირებული გახსნის აღმოსაჩენად: დაცვის შიგჩასმული ელემენტი/დაფარული გრაფიკული სიმბოლოები;

 ბ) ნაწიბურები:

ბ.ა) გვერდითი და ქვედა შედუღებული ნაწიბურები, წითელი ფერის, სიგანით არანაკლებ 15 მმ;

ბ.ბ) ყველა ნაწიბურზე – განმეორებადი წარწერა: „არ გახსნათ“, აეროპორტის დასახელება ან ნებისმიერი სხვა განმეორებადი წარწერა ან ნახატი, რომელიც შეიძლება გავიდეს ნაწიბურს გარეთ, მთელ სიგრძეზე, სიგანით არანაკლებ 5 მმ;

გ) წარწერები:

გ.ა) მწვანე ფერის დამცავი ნიშანი პაკეტის ცენტრში;

გ.ბ) პაკეტის ქვედა ნაწილში, წითელ ჩარჩოში, წარწერა: „არ გახსნათ დანიშნულების ბოლო პუნქტში ჩასვლამდე. გახსნის შემთხვევაში შეიძლება მოხდეს შიგთავსის კონფისკაცია“.

დ) დადასტურების/იდენტიფიკაციის ელემენტები:

დ.ა) საგ-ის შეძენის ქვითრისთვის სივრცე (შეხედულებისამებრ – ჯიბე), პაკეტის შიგნით გამოსაჩენ ადგილზე – მარცხენა ზედა კუთხეში;

დ.ბ) ქვითარში ნაჩვენები უნდა იყოს შემდეგი ინფორმაცია:

დ.ბ.ა) შეძენის თარიღი (რიცხვი, თვე, წელი);

დ.ბ.ბ) შეძენის ადგილი (ქვეყანა, აეროპორტი, ავიაგადამზიდველი) საერთაშორისო კოდების ჩვენებით;

დ.ბ.გ) რეის(ებ)ის ნომერი/ნომრები;

დ.ბ.დ) ნაყიდი და აგდპ-ში მოთავსებული საგ-ების ნუსხა და რაოდენობა;

ე) აღნიშვნები პაკეტის წარმოშობაზე:

ე.ა) ქვეყნის სამასოიანი კოდი (საქართველოსთვის – GEO), გამგზავნი ქვეყნის განსაზღვრისათვის, სადაც მგზავრს მიეცა აგდპ ან ბორტზე გაყიდვის შემთხვევაში ავიაგადამზიდველის საერთაშორისო კოდი, აგდპ-ის წარმოშობის განსაზღვრისათვის;

ე.ბ) პაკეტის დამამზადებლის დასახელება (მთლიანად, იკაო-ს სარეგისტრაციო ნომრის მინიჭებამდე);

ე.გ) საინვენტარო და დამცავი კოდები ან აგდპ-ის დაცვის ელემენტი ვაჭრობის ობიექტისთვის;

ვ) უკანა პირზე დაიტანება კონკრეტული აეროპორტის/ვაჭრობის ობიექტის ემბლემა ან ლოგოტიპი.

 

(შენიშვნა: სხვადასხვა ფორმატის დამცავი ნიშნის მიღება შესაძლებელია უფასოდ, მოთხოვნის მიხედვით, იკაო-ს საავიაციო უშიშროების და ფორმალობების გამარტივების განყოფილებაში (S&F) მისამართზე: http://www.icao.int/oth/sfbranch.)

    მუხლი 3. აგდპ-ის გამოყენებასთან დაკავშირებული საექსპლუატაციო მოთხოვნები

1. ვიზუალური შემოწმების გამარტივების მიზნით, აგდპ-ში უნდა მოთავსდეს მხოლოდ საგ-ები, რომლებიც შეძენილ იქნა აეროპორტების ვაჭრობის ობიექტებში და შეიძლება დაექვემდებაროს შემოწმებას უშიშროების მიზნებისათვის მგზავრობის უფრო გვიან ეტაპზე. სხვა საქონელი, რომელიც არ ექვემდებარება კონფისკაციას, უნდა მოთავსდეს სხვა, ჩვეულებრივ პაკეტში. არანაირი სხვა საქონელი, გარდა აეროპორტის ვაჭრობის ობიექტებში შეძენილისა, აგდპ-ში არ უნდა მოთავსდეს. ამ მუხლით განსაზღვრული ტერმინი – შემოწმება უშიშროების მიზნებისათვის მოიცავს ვიზუალურ შემოწმებას ან უშიშროების მიზნებისთვის კონტროლს, რომელიც ხორციელდება საავიაციო უშიშროების უზრუნველყოფის სამსახურის თანამშრომლების მიერ უცხო პირების შეხების ისეთი ნიშნების გამოვლენის მიზნით, როგორიცაა: შეფუთვის მთლიანობის დარღვევა, ქურდობა ან პოტენციურად სახიფათო მოწყობილობების, საგნების და ნივთიერებების ჩადება. შემოწმებას ექვემდებარება საგ-ის და აგდპ-ის მთელი მარაგი.

2. საგ-ის შეძენის ქვითრები უნდა მოთავსდეს აგდპ-ის შიგნით ისეთნაირად, რომ მათი წინა მხარე ჩანდეს გარედან და დამაგრდეს პაკეტის ზედა მარცხენა კუთხეში (ანდა პაკეტის შიდა ჯიბეში ან შესაბამისი ფიქსაციით). თუ ქვითარი გადაადგილდა და უშიშროების მიზნით შემოწმების დროს არ ჩანს, პაკეტი უნდა გაიხსნას, ხოლო შიგთავსი შეიძლება იქნეს ამოღებული (ან საავიაციო უშიშროების თანამშრომლის მიერ იქნეს მოთავსებული სხვა აგდპ-ში, შემოწმების პუნქტში).

3. ქვეყნის ან ავიაგადამზიდველისა და დამამზადებლის კოდები აგდპ-ზე დაიტანება დამამზადებლის მიერ. საინვენტარო და დამცავი კოდების დატანას უზრუნველყოფს ვაჭრობის ობიექტი.

    მუხლი 4. საავიაციო უშიშროების უზრუნველყოფის პრინციპები, რომლებიც გამოიყენება აგდპ-ის მიმართ

1. აეროპორტში მდებარე ვაჭრობის ობიექტ(ებ)მა და ავიაგადამზიდველ(ებ)მა უნდა მიიღონ გარანტიები აგდპ-ის დამამზადებლისაგან აგდპ-ის ხარისხისა და უშიშროების იმ აუცილებელი ზომების გატარების შესახებ, რომლებიც გამორიცხავს აგდპ-თან არასანქცირებულ შეხებას მათი დამზადების, შეფუთვის, შენახვის და ტრანსპორტირების პროცესში.

2. აეროპორტის ვაჭრობის ობიექტ(ებ)მა და ავიაგადამზიდველ(ებ)მა უნდა უზრუნველყონ უშიშროების ისეთი ზომების გატარება, რომლებიც გამორიცხავს აგდპ-ის არამიზნობრივად, ბოროტი განზრახვით ან რაიმე სხვა მიზნით გამოყენებას, რამაც შეიძლება ხელი შეუწყოს მართლსაწინააღმდეგო ქმედობის აქტის განხორციელებას.

    მუხლი 5. საავიაციო უშიშროების ზომები აეროპორტის ვაჭრობის ობიექტებში და საჰაერო ხომალდის ბორტზე გაყიდული საგ-ების მიმართ

აეროპორტის კონტროლირებად ზონაში საგ-ის შეტანის მომენტიდან მგზავრამდე მიწოდების მომენტამდე საავიაციო უშიშროების უზრუნველყოფის ზომებია:

ა) სათავსოს უშიშროება, რომელიც მოიცავს:

ა.ა) აეროპორტის საკონტროლო გამშვებ პუნქტზე უზრუნველყოფილი უნდა იყოს კონტროლი კონტროლირებად ზონებში დაშვებაზე, რომელთა გავლითაც გადაიტანება საგ-ები კონტროლირებად ზონებში განლაგებულ სავაჭრო ობიექტებამდე და/ან საჰაერო ხომალდის ბორტზე;

ა.ბ) კონტროლირებად ზონაში მდებარე ვაჭრობის ობიექტებზე და/ან საჰაერო ხომალდის ბორტზე უზრუნველყოფილ უნდა იყოს საგ-თან არასანქცირებული შეხებისა და აგდპ-ის არამიზნობრივად გამოყენების აღსაკვეთი ზომები;

ბ) კადრებთან მუშაობა, რომელიც ითვალისწინებს, რომ ყველა თანამშრომელმა, რომელსაც თავისი სამსახურებრივი უფლებამოსილებიდან გამომდინარე, შეხება აქვს საგ-თან და აგდპ-თან, უნდა გაიაროს:

ბ.ა) ანკეტური მონაცემების საქართველოს კანონმდებლობით დადგენილი შემოწმების პროცედურები;

ბ.ბ) სწავლება და მომზადება საავიაციო უშიშროების სფეროში პოლიტიკის გაცნობისა და იმ ზომების შესწავლის მიზნით, რომელთა გამოყენებაც აუცილებელია საავიაციო უშიშროების უზრუნველყოფის ნორმების დარღვევის შემთხვევაში;

გ) უშიშროების მიზნით შემოწმება, რომელიც მოიცავს კონტროლირებად ზონაში შესასვლელ პირველსავე პუნქტში საავიაციო უშიშროების თანამშრომლების მიერ:

გ.ა) საავიაციო უშიშროების კუთხით შემოწმებას და ვიზუალურ დათვალიერებას ისეთი ნიშნების აღმოჩენის მიზნით, როგორიცაა: შეფუთვის მთლიანობის დარღვევა, პოტენციურად სახიფათო მოწყობილობის, საგნების ან ნივთიერებების განთავსება და სხვა;

გ.ბ) კონტროლს საგ-ის მთელი მარაგის დაცვაზე და არასანქცირებული გახსნის ნიშნების არქონაზე, ამასთანავე, საჭირო დოკუმენტაციის სწორად გაფორმებაზე.

    მუხლი 6. უშიშროების ზომები. ინფორმაციის დაცვა

1. საგ-ის პარტიების მიწოდებასთან დაკავშირებით საავიაციო უშიშროების უზრუნველყოფის მიზნით შესაბამისი ზომების განსახორციელებლად, აეროპორტის ვაჭრობის ობიექტებმა და/ან ავიაგადამზიდველებმა უნდა გააფორმონ ხელშეკრულებები საგ-ის მიმწოდებლებთან. ხელშეკრულება უნდა ითვალისწინებდეს წერილობით დამოწმებას, რომ საგ-ები და შესაბამისი ინფორმაცია დაცულია, ხოლო საავიაციო უშიშროების ზომები ამოქმედებულია. ხელშეკრულების სხვა მოთხოვნები განსაზღვრულია ამ დანართის მე-9 მუხლით.

2. აეროპორტის ვაჭრობის ობიექტებმა და ავიაგადამზიდველებმა უნდა აამოქმედონ ადმინისტრაციასთან შეთანხმებული საავიაციო უშიშროების პროცედურები იმ მონაცემების, ინფორმაციის დაცვის და კონფიდენციალურობის უზრუნველყოფის მიზნით, რომელიც გამოიყენება საგ-ის მიწოდების მთელ ჯაჭვში, მათ შორის, არასანქცირებული შეხებისაგან და არამიზნობრივი გამოყენებისაგან დაცვის კუთხით.

    მუხლი 7. საგ-ის და აგდპ- ის ცნობილი მიმწოდებლები

1. საგ-ის და/ან აგდპ-ის ცნობილი მიმწოდებლების მიმართ დასაშვებია ისეთი განსაკუთრებული პროცედურების ამოქმედება, რომელთა შესაბამისად, აეროპორტების ვაჭრობის ობიექტები და ავიაგადამზიდველები, რომლებიც ცნობილნი არიან აეროპორტისათვის და ადმინისტრაციისათვის, უზრუნველყოფენ საგ-ის და/ან აგდპ-ის პარტიების მიწოდების ჯაჭვის უშიშროებას აეროპორტის კონტროლირებად ზონაში მათი მოხვედრის მომენტიდან მგზავრებისადმი მიწოდებამდე.

2. საგ-ის და/ან აგდპ-ის ცნობილი მიმწოდებლები კონტროლირებადი ზონის ფარგლებში მიწოდების ჯაჭვის უშიშროებისათვის მიღებული ზომების დეკლარაციას წარუდგენენ აეროპორტს. დეკლარაცია იხილება საავიაციო უშიშროების სააეროპორტო კომიტეტის სხდომაზე და მტკიცდება ამ კომიტეტის თავმჯდომარის მიერ. დეკლარაციის ფორმა და შინაარსი განსაზღვრულია ამ წესის დანართით №14-ით. დეკლარაციის მოქმედების ვადა დგინდება საავიაციო უშიშროების სააეროპორტო კომიტეტის მიერ.

3. დეკლარაციაში ყალბი/არასწორო ინფორმაციის ასახვის ან დეკლარაციით გათვალისწინებული უშიშროების ღონისძიებების შეუსრულებლობის ან არასათანადოდ შესრულების შემთხვევაში აეროპორტი უფლებამოსილია აკრძალოს საგ-ის/აგდპ-ის შეტანა აეროპორტის კონტროლირებად ზონაში აკრძალვის გამომწვევი მიზეზ(ებ)ის აღმოფხვრამდე.

    მუხლი 8. შეზღუდვებისაგან გათავისუფლება წამლებზე, ბავშვთა კვებაზე და სპეციალური დიეტური ან სხვა სამედიცინო მოთხოვნების დამაკმაყოფილებელ საგ-ებზე

1. მგზავრობის დროს აუცილებელი, სასიცოცხლო მნიშვნელობის სამედიცინო მიზნებისათვის ან სპეციალური და სასიცოცხლო მნიშვნელობის დიეტური სარგებლობისათვის განკუთვნილი საგ-ები, ამ დანართის პირველი მუხლით განსაზღვრული შეზღუდვისაგან თავისუფლდება, თუ დაცული იქნება ამ მუხლით დადგენილი პროცედურები.

2. თუ აღნიშნული პროცედურების შესრულების შემდეგ დარჩება ეჭვი საგ-ის წარმოშობასთან მიმართებაში, შესამოწმებელ პირს უნდა ეცნობოს საჰაერო ხომალდის ბორტზე მათი გატანის აკრძალვის შესახებ. შესაბამისად, რამდენადაც ამ პუნქტით განსაზღვრული განსხვავებული საგ-ები ითვლება სასიცოცხლო მნიშვნელობის ნივთიერებებად, მგზავრს უნდა მიეცეს რეკომენდაცია, რომ თავი შეიკავოს გაფრენისაგან.

3. ამ მუხლის პირველი პუნქტით განსაზღვრული საგ-ები, რომლებიც გამოყენებულ უნდა იქნენ მგზავრობის დროს, განიხილება კონკრეტული პირის მგზავრობის გათვალისწინებით და, როგორც წესი, არ უკავშირდება მგზავრობის ხანგრძლივობას. მგზავრობის ხანგრძლივობა შეიძლება შეადგენდეს მხოლოდ 1 საათს, ხოლო მგზავრის მიერ გამოსაყენებელი წამლების მოცულობა შეიძლება აღემატებოდეს 100 მლ-ს. თუ წამალი გადაიზიდება 100 მლ-ზე მეტი მოცულობის ჭურჭლით, არა აქვს მნიშვნელობა, თავსდება თუ არა იგი 1 ლ პაკეტში. მგზავრის მიმართ დასმული უნდა იქნეს კითხვა – სჭირდება თუ არა ამ რაოდენობის წამლები და შეიძლება თუ არა ისინი გადატანილ იქნეს საბარგო ნაკვეთურით. მხოლოდ საჭირო დადასტურების შემდეგ შეიძლება მიეცეს ნება საგ-ის სამგზავრო სალონით გადასაზიდად.

4. ამ მუხლთან მიმართებაში, სამედიცინო მიზნებისთვის საჭირო სითხეებს მიეკუთვნება თხევადი წამლები, რომლებიც გამოწერილია ექიმის მიერ ან შეძენილია რეცეპტის გარეშე. იმაში დასარწმუნებლად, რომ 100 მლ-ზე მეტი საერთო მოცულობის წამალი არის სასიცოცხლო მნიშვნელობის, გადატანილ უნდა იქნეს სამგზავრო სალონით და რომ მისი მოცულობა არ აღემატება მგზავრობის დროს საჭირო რაოდენობას, მგზავრის მიმართ დასმული უნდა იქნეს კითხვა კონკრეტული მედიკამენტის მახასიათებლების შესახებ, თუ რატომ ითვლება იგი სასიცოცხლო მნიშვნელობისად, დოზირების და მგზავრობის დროს მიღების პერიოდულობის შესახებ.

5. ურეცეპტოთ შეძენილი ზოგიერთი წამლის მიმართ (მაგ.: ცხვირში სასხურებელი, ხველების საწინააღმდეგო წამალი, სითხეები კონტაქტური ლინზებისათვის) მოთხოვნათა შერბილებას უნდა ჰქონდეს შედარებით შეზღუდული ხასიათი მათ ნებადართულ რაოდენობასთან დაკავშირებით, ვინაიდან ისინი არ წარმოადგენდეს სასიცოცხლო მნიშვნელობის წამლებს.

6. ნებადართულია იმ სითხეების გადატანა, რომლებიც არ წარმოადგენს წამლებს, მაგრამ გამოიყენება სამედიცინო მიზნებისთვის, მაგალითად ყინული (ტრანსპლანტაციისთვის განკუთვნილი ორგანოს ტემპერატურის შესანარჩუნებლად), სისხლი ან სისხლის პროდუქტები და „ჩვეულებრივი“ სითხეებიც კი, თუ მათი გამოყენება დასაბუთებულია სამედიცინო მიზეზებით (მაგ., აუტისტიკური აშლილობის მქონე მგზავრს „ესაჭიროება“ განსაკუთრებული სასმელები).

7. სპეციალური დიეტური სარგებლობის სითხეები კვების ის პროდუქტებია, რომელთა გარეშეც ადამიანების ჯანმრთელობას ექმნება საფრთხე მაგ., საბავშვო კვება (ბავშვის მგზავრობის შემთხვევაში) ან კვების პროდუქტები, როგორიცაა სპეციალური დიეტები მგზავრებისთვის, რომლებიც ვერ იღებენ ლაქტოზას და გლიუტენს. თუ საბავშვო კვების მოცულობა მგზავრობის ხანგრძლივობასთან შედარებით შესამჩნევად დიდია, მისი გატანა საკონტროლო გამშვებ პუნქტზე აკრძალულია. საბავშვო პროდუქტები შეიძლება იყოს: საბავშვო რძე, სტერილური წყალი, საბავშვო კვება სითხის, გელის ან პასტის სახით და სველი ხელსაწმენდები.

8. მგზავრი ვალდებულია წარმოადგინოს შეზღუდვისაგან გათავისუფლებული სითხეების ნამდვილობის მტკიცებულება. გამოწერილ წამალზე მინიშნებული გვარი უნდა ემთხვეოდეს მგზავრის ჩასასხდომ ტალონზე ნაჩვენებ გვარს. იმ შემთხვევაში, როდესაც წამალი არ მიეკუთვნება რეცეპტით შეძენილ მედიკამენტებს, საჭიროა განისაზღვროს დასაბუთებული რაოდენობა. დასაბუთებულად ითვლება რაოდენობა, რომელიც აუცილებელია ფრენის ხანგრძლივობის, შესაძლო დაგვიანების და ფრენის მარშრუტის შეცვლის გათვალისწინებით.

9. თუ წარმოიშობა ეჭვი მგზავრის მიერ გადასაზიდი სითხის რაოდენობის ან იმის მიმართ, რომ ეს სითხეები მართლა საჭიროა სამედიცინო მიზნებისათვის ან სპეციალური სამედიცინო მოთხოვნების დასაკმაყოფილებლად, საჭიროა ჩატარდეს შემოწმება ნამდვილობაზე. მგზავრს შეიძლება შევთავაზოთ გასინჯოს შიგთავსი ან წაისვას კანზე, რათა დაამტკიცოს მისი უვნებლობა (ფეთქებადი ნივთიერებები წყალბადის ზეჟანგის ფუძეზე წარმოადგენს მაკოროზირებელს და ამიტომ არ შეიძლება მათი უსაფრთხოდ გასინჯვა ან კანზე წასმა). ექიმის მიერ გამოწერილი წამლის მიმართ მგზავრმა უნდა დაამტკიცოს, რომ ეს წამალი გამოწერილია პირადად მისთვის (მაგ., წამალზე ნაჩვენებია მისი გვარი ან აქვს ცნობა ექიმისგან).

10. ნამდვილობის მტკიცებულებების შემოწმების დროს საჭიროა გათვალისწინებულ იქნეს, რომ:

ა) მგზავრს არ უნდა ეთხოვოს გასინჯოს წამალი, თუ დოზირების ინსტრუქცია ან ექიმის მიწერილობა გვიჩვენებს, რომ ეს შეიძლება იყოს სახიფათო;

ბ) მგზავრს არ უნდა დაეძალოს თავისი ან ბავშვის წამლის გასინჯვა, თუ ეს მას არ სურს;

გ) ბავშვის თანმხლებ მგზავრზე არ უნდა იქნეს შეთავაზებული ბავშვის რეცეპტით შეძენილი წამლის გასინჯვა; ამის მაგივრად შემოწმება უნდა ჩატარდეს გამოკითხვით;

დ) თუ საგ-ის მოცულობა მარკირებულია გრამებში, უნდა ჩავთვალოთ, რომ 100 გრ ტოლია 100 მლ-ისა;

ე) თუ მგზავრზე შეთავაზებულ იქნა საგ-ის კანზე წასმა შესაძლო რეაქციის გამოსავლენად, კანზე დაკვირვება უნდა განხორციელდეს სულ ცოტა 2 წუთი მაინც.

11. შეზღუდული დაშვების დაცულ ზონასა და საჰაერო ხომალდის ბორტზე დაშვების უფლების მქონე აეროპორტის/ავიასაწარმოს თანამშრომლების პირადი მოხმარების საგნების (მაგ., წვენები, სუნამოები, კოსმეტიკა, წამლები და სხვა ანალოგიური საგნები) მიმართ გამოყენებული უნდა იქნეს იგივე შეზღუდვები და შეღავათები, როგორც მგზავრებისათვის. საგ-ების მიმართ შეზღუდვები არ ვრცელდება იმ საგნებზე, რომლებიც აუცილებელია აეროპორტის/ავიასაწარმოს თანამშრომლებისათვის სამუშაოს შესასრულებლად. სამუშაოს შესასრულებელ საგნებში იგულისხმება თანამშრომლის ის საგნები, რომლებიც აუცილებელია მისთვის იმ უფლებამოსილი მიზნის მისაღწევად, რომელთან დაკავშირებითაც იგი იმყოფება შეზღუდული დაშვების დაცულ ზონაში (საწმენდი საშუალებები, ჰერმეტიკები, ცხიმების მოსაცილებელი საშუალებები, წებო, საღებავები და ზეთები).

12. შეზღუდული დაშვების დაცულ ზონაში, ამ დანართით განსაზღვრული საგ-ის შეტანის შეზღუდვისაგან თავისუფლდებიან, სამართალდამცავი ორგანოებისა და საავარიო სამსახურის თანამშრომლები, კრიზისული სიტუაციის ლიკვიდაციაში მონაწილეობისას.

    მუხლი 9. ცნობილი მიმწოდებლის და დამამზადებლის ხელშეკრულება

ხელშეკრულებაში, საქართველოს კანონმდებლობით განსაზღვრულის გარდა, ასახული უნდა იყოს:

ა) დამამზადებლის ვალდებულებანი – ცნობილი მიმწოდებლის მიერ შეკვეთილი საგ/აგდპ- ის დამზადების, შენახვის და აეროპორტის კონტროლირებად ზონაში ტრანსპორტირების პროცესში, საავიაციო უშიშროების უზრუნველმყოფი შემდეგი ღონისძიებების გატარების თაობაზე:

ა.ა) საგ/აგდპ- ის დამზადების, შენახვის და ტრანსპორტირების პროცესში ჩართული თანამშრომლები გაივლიან წინასწარ მომზადებას საგ/აგდპ- ის საავიაციო უშიშროების საკითხებში;

ა.ბ) დამზადებული საგ-ი და/ან აგდპ ტრანსპორტირებამდე შენახული იქნება ფიზიკურად დაცულ/სიგნალიზაციით აღჭურვილ სასაწყობო სათავსში და უზრუნველყოფილი იქნება მასთან არასანქცირებული შეხებისაგან დაცვა;

ა.გ) საგ-ის და/ან აგდპ- ის მიწოდების ყველა პარტია შეიფუთება საიმედოდ, არასანქცირებული დაშვებისაგან დაცულ უსაფრთხო ზონაში;

ა.დ) ტრანსპორტირების პროცესში, სატრანსპორტო საშუალება ან კონტეინერი, რომელშიც მოთავსებულია საგ -ის და/ან აგდპ -ის პარტია, იქნება დალუქული და, საჭიროების შემთხვევაში, განხორციელდება მისი გაცილება დამამზადებლის თანამშრომლის მიერ დანიშნულების ადგილამდე;

ა.ე) საგ/აგდპ- ის მიწოდებულ პარტიაში არ იქნება სხვა საგნები და/ან ნივთები;

ბ) ცნობილი მიმწოდებლის ვალდებულებანი – დამამზადებლის მხრიდან თხოვნის შემთხვევაში დაესწროს მისაწოდებელი პარტიის დატვირთვას, მოახდინოს დატვირთული სატრანსპორტო საშუალების ან კონტეინერის (რომელშიც მოთავსებულია საგ-ის და/ან აგდპ-ის პარტია), საკუთარი ბეჭდით დალუქვა და გააცილოს იგი დანიშნულების ადგილამდე;

გ) ცნობილი მიმწოდებლის უფლება – დამამზადებლის მიერ ამ მუხლის „ა“ ქვეპუნქტით განსაზღვრული მოთხოვნების დარღვევის შემთხვევაში ცნობილი მიმწოდებელი უფლებამოსილია უარი თქვას მიწოდებული პარტიის მიღებაზე.

 

                                                                                                                   

 

 

 

 

 

 

დანართი №14

  „ვამტკიცებ“

  ________________

 (საავიაციო უშიშროების სააეროპორტო

კომიტეტის  თავმჯდომარე)

   _____  _________ 200 წ.

                                                      

 

ცნობილი მიმწოდებლის მიერ ____________ აეროპორტის

კონტროლირებად ზონაში საგ/აგდპ-ის მიწოდების ჯაჭვის უშიშროების

 

დ ე კ ლ ა რ ა ც ი ა

 

(სამსახურებრივი სარგებლობისათვის)

 

 

1. საგ/აგდპ-ის ცნობილი მიმწოდებელი _______________________________________

____________________________________________________________________________________________

                         (აეროპორტის და ავიაგადამზიდველის/სავაჭრო ობიექტის დასახელება)

 

2. საგ/აგდპ-ის მიწოდების ჯაჭვის უშიშროებაზე, ცნობილი მიმწოდებლის მიერ, დანიშნული პასუხისმგებელი პირი:

____________________________________________________________________________________________

     (სახელი, გვარი, თანამდებობა, დანიშვნის ბრძანების ნომერი, თარიღი)

 

3. სავაჭრო ობიექტში/ავიაგადამზიდველის სტრუქტურაში მომუშავე თანამშრომელთა რაოდენობა, რომლებსაც შეხება აქვთ საგ/აგდპ-ის მიწოდებასთან:

____________________________________________________________________________________________

                                                                       (ციფრებით და სიტყვიერად)

 

 4. მათ შორის საგ/აგდპ-ის უშიშროების სფეროში მომზადება/სწავლება გაიარა

 

_____________________________________________________________________________ თანამშრომელმა

                                                      (ციფრებით და სიტყვიერად)

 

5. აეროპორტის კონტროლირებად ზონაში მიწოდების ჯაჭვის უშიშროების უზრუნველყოფის შემოწმების ღონისძიებები:

 

___________________________________________________________________________________________

             (ჩამოითვალოს კონკრეტული ღონისძიებები)

 

_________________________________________________________

                

 6. სათავსების უშიშროება: ________________________________________________________________

                                                                    (კონკრეტული ღონისძიებები სასაწყობო და სავაჭრო      

 

_____________________________________________________________________________________

                                                    სათავსების უშიშროების უზრუნველსაყოფად)

 

 

 

 7. უშიშროების ზომები საკადრო მუშაობაში: __________________________________

                                                                                        (ღონისძიებები, რომელიც ტარდება      

 

________________________________________________________________________________________

                                         მომუშავე თანამშრომლების შესამოწმებლად, პერიოდულობა)

 

8. საგ/აგდპ-ის მიწოდების ჯაჭვის უშიშროების უზრუნველყოფის ღონისძიებების შესახებ ინფორმაციის კონფიდენციალობის დაცვის ზომები:

 

__________________________________________________________________________________________

                                              (ინფორმაციის დაცვისათვის გატარებული ღონისძიებები)      

 

  9. საგ/აგდპ-ის კონტროლირებად ზონაში მიწოდების ჯაჭვთან შეხებაში მყოფი                                

  თანამშრომლების სია

 

 

№	სახელი, გვარი	საცხოვრებელი მისამართი	თანამდებობა	როდის გაიარა ბოლო სწავლება/მომზადება საგ/აგდპ-ის უშიშროებაზე
1	2	3	4	5

 

10. დეკლარაციაში შეტანილი ინფორმაციის სიზუსტეს და სისრულეს ვადასტურებ. დეკლარაციაში შეტანილი ინფორმაციის ნებისმიერი ცვლილების შესახებ აეროპორტის ხელმძღვანელობას ეცნობება დაუყოვნებლივ.

 

დეკლარაციას თან ერთვის და მის განუყოფელ ნაწილს წარმოადგენს

_______________________       და  _______________________________    შორის

    (ცნობილი მიმწოდებელი)                                       (დამამზადებელი)

 

საგ/აგდპ-ის დამზადების, შენახვის და ტრანსპორტირების პროცესში საგ/აგდპ-ის უშიშროების უზრუნველმყოფი ზომების გატარებისა და პასუხისმგებლობის შესახებ ხელშეკრულება (ასლი).

 

_______________________________________________________________________ ___________________

                         (ცნობილი მიმწოდებლის უფლებამოსილი პირის თანამდებობა, სახელი, გვარი)

 

 

___________________________________

                                   ხელმოწერა

 

          ბ. ა.                                                                                         თარიღი

 

დეკლარაცია, საავიაციო უშიშროების სააეროპორტო   კომიტეტის გადაწყვეტილების შესაბამისად, ძალაშია 200 წლის _  ______ მდე 

                                                         _____________________________________________

          ბ. ა.                                                                (სააეროპორტო  კომიტეტის თავმჯდომარე )