საჯარო სამართლის იურიდიული პირის – ლევან სამხარაულის სახელობის სასამართლო ექსპერტიზის ეროვნული ბიუროს დებულების დამტკიცების შესახებ

საქართველოს მთავრობის

დადგენილება №255

2010 წლის 20 აგვისტო

ქ. თბილისი

საჯარო სამართლის იურიდიული პირის – ლევან სამხარაულის სახელობის სასამართლო ექსპერტიზის ეროვნული ბიუროს დებულების დამტკიცების შესახებ

    მუხლი 1.

„საქართველოს მთავრობის სტრუქტურის, უფ­ლე­­­ბა­მო­სილებისა და საქმიანობის წესის შესახებ“ საქართ­ვე­ლოს კანონის მე-6 მუხლის, „ნორმატიული აქტების შესახებ“ სა­ქა­რთველოს კანონის მე-12 და 25-ე მუხლების, „საჯარო სა­მა­რთ­ლის იურიდიული პირის შესახებ“ საქართველოს კანონის მე-6 მუხლის მე-2 პუნქტისა და „საჯარო სამართლის იური­დიუ­ლი პირის – ლევან სამხარაულის სახელობის სასა­მართლო ექ­ს­­პერტიზის ეროვნული ბიუროს შექმნის შესახებ“ საქართ­ვე­ლოს კანონის მე-2 მუხლის მე-3 პუნქტის შესაბამი­სად დამტკიცდეს თანდართული საჯარო სამართლის იურიდი­ული პირის – ლევან სამხარაულის სახელობის სასამართლო ექსპერტიზის ეროვნული ბიუროს დებულება.

    მუხლი 2.

ძალადაკარგულად გამოცხადდეს საქართველოს მთავრობის 2009 წლის 16 მარტის №46 დადგენილება „საჯარო სა­­მართ­ლის იურიდიული პირის – ლევან სამხარაულის სა­ხე­ლო­­ბის სასამართლო ექსპერტიზის ეროვნული ბიუროს დებუ­ლების დამტკიცების შესახებ“.

    მუხლი 3.

დადგენილება ამოქმედდეს 2010 წლის 1 სექ­ტემ­ბ­რიდან.

პრემიერ-მინისტრი  ნ. გილაური

საჯარო სამართლის იურიდიული პირის – ლევან სამხარაულის სახელობის სასამართლო ექსპერტიზის ეროვნული ბიუროს დებულება

თავი I

ზოგადი დებულებანი

    მუხლი 1

1. საჯარო სამართლის იურიდიული პირი – ლევან სამხა­რა­ულის სახელობის სასამართლო ექსპერტიზის ეროვნული ბი­უ­რო (შემდგომში – ბიურო) არის „საჯარო სამართლის იური­დი­­­ული პირის – ლევან სამხარაულის სახელობის სასამართ­ლო ექსპერტიზის ეროვნული ბიუროს შექმნის შესახებ“ სა­ქართ­ველოს კანონისა და „საჯარო სამართლის იურიდიული პირის შესახებ“ საქართველოს კანონის შესაბამისად სახელმ­წიფო ქონების განკერძოების გზით შექმნილი დაწესებულება, რომ­­ლის მიზანია კანონმდებლობით დადგენილი წესით და კვა­ლიფიციური ექსპერტების მეშვეობით ამ დებულებით განსა­ზღვრული ექსპერტიზებისა და გამოკვლევების ჩატარება, შესა­ბა­მისი დასკვნის, დასკვნის შედგენის შეუძლებლობის შესა­ხებ აქტის ან სპეციალისტის ცნობის მომზადება და გაცემა სა­ქა­რ­თ­ველოს მთელ ტერიტორიაზე.

2. ბიუროს სრული სახელწოდებაა – „საჯარო სამართლის იურიდიული პირი – ლევან სამხარაულის სახელობის სასა­მართ­ლო ექსპერტიზის ეროვნული ბიურო“.

3. ბიურო თავის საქმიანობაში ხელმძღვანელობს საქართ­ველოს კონსტიტუციით, საერთაშორისო ხელშეკრულებებითა და შეთანხმებებით, სხვა საკანონმდებლო აქტებით, ამ დე­ბუ­ლებით და იგი ანგარიშვალდებულია საქართველოს პრე­ზი­დენტისა და საქართველოს მთავრობის წინაშე.

4. ბიურო საკუთარი სახელით იძენს უფლებებსა და მო­ვალეობებს, დებს გარიგებებს, საკუთარი სახელით გამოდის სასამართლოში მოსარჩელედ ან/და მოპასუხედ.

5. ბიუროს აქვს დამოუკიდებელი ბალანსი, საბანკო ანგა­რი­ში, ემბლემა, ბეჭედი სახელმწიფო გერბის გამოსახულებით, ასევე სხვადასხვა სახის ბეჭდები (მათ შორის, ემბლემის გა­მოსახულებით), შტამპები და იურიდიული პირის სხვა რეკვი­ზი­ტები.

6. ბიუროს ბეჭდების და შტამპების აღწერილობას, ნი­მუ­შებსა და გამოყენების წესს ამტკიცებს ბიუროს უფროსი.

7. ბიუროს ემბლემა გამოიყენება ბიუროს ბლანკებსა და ბიუროს შესასვლელის აბრაზე, აგრეთვე ბიუროს ტერიტო­რი­ული ორგანოების, სამედიცინო ექსპერტიზისა და ფსიქიატ­რი­ული ექსპერტიზის დეპარტამენტების შენობების შესასვლე­ლე­ბის აბრებზე, ასევე ბიუროს თანამშრომელთა სავიზიტო ბა­რათებზე, ბეჭდვით გამოცემებსა და სუვენირებზე.

8. ბიუროს იურიდიული მისამართია: ქ. თბილისი, ჭავჭავა­ძის გამზირი №84.

თავი II

ბიუროს ფუნქციები და უფლებამოსილებები

    მუხლი 2

ბიუროს ფუნქციებია:

ა) სამოქალაქო, ადმინისტრაციული და სისხლის სამართ­ლის საქმეზე სასამართლო ექსპერტიზის ჩატარება და შესა­ბამისი დასკვნის, დასკვნის შედგენის შეუძლებლობის შესახებ აქტის და სპეციალისტის ცნობის გაცემა;

ბ) სასამართლო-საექსპერტო მომსახურების განხორცი­ელე­ბა ფიზიკურ და იურიდიულ პირებთან დადებული ხელშეკ­რუ­ლე­ბის საფუძველზე;

გ) სამეცნიერო და მეთოდური მუშაობის განხორციელება, ახალი მეთოდების დანერგვა და გამოკვლევათა მეთოდიკების სრულყოფა;

დ) საქართველოს და საერთაშორისო სასამართლო-სა­ექს­პერტო დაწესებულებებსა და სხვადასხვა ორგანიზაციებ­თან თანამშრომლობა;

ე) დაქტილოსკოპიური, ცეცხლსასროლი იარაღისა და ნარ­­კოლოგიური აღრიცხვის მონაცემთა საინფორმაციო ბაზე­ბის წარმოება;

ვ) ბეჭდვითი პროდუქციის გამოცემა სასამართლო ექს­პერ­ტიზის საკითხების შესახებ;

ზ) მოქმედი კანონმდებლობით და ამ დებულებით დაკის­რებული სხვა ფუნქციების განხორციელება.

    მუხლი 3

1. ბიურო უფლებამოსილია კანონმდებლობით დადგენილი წე­­­სით აწარმოოს:

ა) ვიდეო, ფონოსკოპიური და ჰაბიტოსკოპიური ექსპერ­ტი­ზა;

ბ) ბალისტიკური, ტრასოლოგიური და დაქტილოსკოპიური ექსპერტიზა;

გ) სატრანსპორტო ტექნიკურ-ტრასოლოგიური ექსპერტიზა;

დ) რადიაციული და სახანძრო-ტექნიკური ექსპერტიზა;

ე) დოკუმენტების ტექნიკური და ხელწე­რის ექსპერტიზა;

ვ) სასაქონლო ექსპერტიზა;

ზ) ფინანსური და ბუღალტრული ექსპერტიზა;

თ) საინჟინრო ექსპერტიზა;

ი) ნავთობპროდუქტების ექსპერტიზა;

კ) კვების პროდუქტების, თამბაქოს ნაწარმის, ალკოჰოლია­ნი და უალკოჰოლო სასმელების ექსპერტიზა;

ლ) ქიმიურ-ნარკოლოგიური ექსპერტიზა;

მ) ქიმიურ-ტოქსიკოლოგიური ექსპერტიზა;

ნ) ნარკოლოგიური შემოწმება და ექსპერტიზა;

ო) ნივთიერებათა, მასალათა და ნაკეთობათა, მცენა­რე­თა ექსპერტიზა;

პ) სამედიცინო ექსპერტიზა (ცოცხალი პირებისა და გვამე­ბის, სამედიცინო-კრიმინალისტიკური);

ჟ) ჰისტოლოგიური ექსპერტიზა;

რ) ბიოლოგიური ექსპერტიზა (გენეტიკური, სეროლო­გიუ­რი);

ს) ფსიქიატრიული შემოწმება და ექსპერტიზა (ამბულა­ტო­რიული, სტაციონარული);

ტ) კომპიუტერული ექსპერტიზა.

2. ბიურო უფლებამოსილია კომპეტენციის ფარგლებში აწ­არ­­მოოს სხვა სახის ექსპერტიზებიც.

თავი III

ბიუროს მართვა და წარმომადგენლობა

    მუხლი 4

1. ბიუროს მართავს ბიუროს უფროსი, რომელსაც თანა­მდებო­ბაზე ნიშნავს და თანამდებობიდან ათავისუფლებს საქა­რ­თ­ველოს პრეზიდენტი.

2. ბიუროს უფროსი საქმიანობას წარმართავს ერთპიროვ­ნუ­ლად. მასვე ეკისრება ბიუროს წარმომადგენ-ლობა. იგი პერ­სონა­ლურად აგებს პასუხს ბიუროს საქმიანობის სწორად წარ­მართ­ვისათვის, ფუ­ლადი სახსრების მიზნობრივად და სწორად ხარჯვისათვის, ბიუროს საკუთრებაში არსებული ქონებისა და იმ ქონებისათვის, რო­მელიც ბიუროს გადმოცემული აქვს კა­ნონმდებლობით დადგე­ნი­ლი წესით.

3. ბიუროს უფროსი:

ა) ხელმძღვანელობს ბიუროს, წარმართავს მის საქმიანო­ბას და წყვეტს ბიუროს გამგებლობის სფეროს მიკუთვნებულ საკითხებს;

ბ) წარმოადგენს ბიუროს და ანიჭებს უფლებამოსილ პირს ბიუროს წარმომად­გენ­ლობას;

გ) თვალყურს ადევნებს ბიუროს სტრუქტურული დანაყო­ფების/ტერიტორიული ორგანოების მიერ მოვალეობათა შესრუ­ლების მიმდინარეობას და ახორციელებს ბიუროს თანამშრო­მელთა საქმიანობის სამსახურებრივ ზე­დამხედველობას;

დ) საქართველოს შრომის კოდექსისა და ამ დებულების შე­საბამისად ნიშნავს და ათა­ვი­სუფლებს ბიუროს თანამშრომ­ლებს, აფორმებს ბიუროს თანა­მშრომლებთან შრომით ხელშეკ­რულებებს;

ე) კანონით განსაზღვრული წესით, გარკვეული სამუშაოს შესრულების ვადით, იწვევს სპეციალისტებს ერთჯერადი ხელ­შეკ­რულების საფუძველზე;

ვ) კანონმდებლობისა და ამ დებულების საფუძველზე გა­მოს­ცემს ად­მი­ნისტრაციულ-სამართლებრივ აქტებს;

ზ) ბიუროს სახელით დებს ხელშეკრულებებსა და შეთა­ნ­ხ­­მებებს;

თ) წელიწადში ერთხელ ბიუროს საქმიანობის შესახებ ან­გარიშს აბარებს საქართველოს პრეზიდენტსა და საქართვე­ლოს მთავრობას;

ი) უზრუნველყოფს სასამართლო-საექსპერტო საქმიანობის კონტროლსა და მეთოდურ ხელმძღვანელობას;

კ) „სახელმწიფო ბიუჯეტის შესახებ“ საქართველოს კანო­ნის შესაბამისად, კანონმდებლობით დადგენილი წესით, ამტკი­ცებს ხარჯთა ნუსხებს, აკონტროლებს მათ შესრულებას და, აუცილებლობის შემთხვევაში, იძლევა მითითებებს საბიუჯეტო სახსრების გამოყენების შესახებ;

ლ) ამტკიცებს ბიუროს საშტატო განრიგს, თანამშრო­მელ­თა შრომითი ანაზღაურების ოდენობასა და სახელფასო ფონდს;

მ) ამტკიცებს ბიუროს სტრუქტურული დანაყოფების/ტე­რიტორიული ორგანოების დებულებებს და განსაზღვრავს მათ სამოქმედო ტერიტორიებს;

ნ) პასუხს აგებს შესაბამისი სახელმწიფო ქონების დაც­ვი­სა და მიზნობრივი გამოყენებისათვის და ორგანიზებას უწევს ამ საქმიანობას კანონმდებლობით დადგენილი წესით;

ო) უფლებამოსილია კომპეტენციას მიკუთვნებული საკით­ხის მოსამზადებლად შექმნას კომისიები;

პ) ამტკიცებს ბიუროს შრომის შინაგანაწესს, განსაზღვ­რავს თანამშრომელთა ფუნქციებს;

ჟ) ამტკიცებს ბიუროში სტაჟირების გავლის წესს;

რ) ამტკიცებს კონკურსის ჩატარების წესს;

ს) ამტკიცებს ბიუროს ექსპერტების ტანსაცმლის ფორმის ნიმუშს;

ტ) თანამშრომლების მიმართ იყენებს წახალისებისა და დის­ციპლინური პასუხისმგებლობის ღონისძიებებს;

უ) ახორციელებს კანონმდებლობით გათვალისწინებულ სხვა უფლებამოსილებებს.

    მუხლი 5

1. ბიუროს უფროსს ჰყავს მოადგილეები, მათ შორის, ერთი – პირველი, რომლებსაც თანამდებობაზე ნიშნავს და თანამდე­ბო­ბიდან ათავისუფლებს ბიუროს უფროსი.

2. ბიუროს უფროსის პირველი მოადგილისა და მოადგი­ლეების უფლებამოსილებები განისაზღვრება ბიუროს უფროსის ბრძანებით.

3. ბიუროს უფროსის არყოფნის ან სამსახურებრივი უფ­ლებამოსილების განხორციელების შეუძლებლობის შემთხვევა­ში მის მოვალეობას ასრულებს ბიუროს უფროსის პირველი მო­ადგილე.

თავი IV

ბიუროს სტრუქტურა

    მუხლი 6

ბიუროს შემადგენლობაში შედის:

ა) სტრუქტურული დანაყოფები;

ბ) ტერიტორიული ორგანოები.

    მუხლი 7

ბიუროს სტრუქტურული დანაყოფებია:

ა) ადმინისტრაცია (დეპარტამენტი);

ბ) შიდა აუდიტისა და ინსპექტირების დეპარტამენტი;

გ) სამედიცინო ექსპერტიზის დეპარტამენტი;

დ) ფსიქიატრიული ექსპერტიზის დეპარტამენტი;

ე) ქიმიურ-ნარკოლოგიური ექსპერტიზის დეპარტამენტი;

ვ) ბიოლოგიური ექსპერტიზის დეპარტამენტი;

ზ) სასაქონლო და ფინანსური ექსპერტიზის დეპარტამენ­ტი;

თ) საინჟინრო ექსპერტიზის დეპარტამენტი;

ი) კრიმინალისტიკური ექსპერტიზის დეპარტამენტი;

კ) საინფორმაციო ტექნოლოგიებისა და კომპიუტერული ექ­ს­პერტიზის დეპარტამენტი.

    მუხლი 8

ბიუროს ტერიტორიული ორგანოებია:

ა) დასავლეთ საქართველოს რეგიონული ექსპერტიზის დე­პარტამენტი;

ბ) აჭარის რეგიონული ექსპერტიზის დეპარტამენტი.

    მუხლი 9

1. ბიუროს სტრუქტურული დანაყოფებისა და ტერიტორი­უ­ლი ორგანოების კომპეტენცია განისაზღვრება ამ დებულებით, ასევე შე­საბამისი სტრუქტურული დანაყოფისა და ტერიტორი­ული ორგანოს დებულებით, რომელსაც ამტკიცებს ბიუროს უფროსი.

2. სტრუქტურული დანაყოფი და ტერიტორიული ორგანო შეიძლება დაიყოს შიდა სტრუქტურულ ერთეულებად, რომელ­თა სახელწოდება და კომპეტენცია განისაზღვრება შესაბამისი სტრუქტურული დანაყოფისა და ტერიტორიული ორგანოს დე­ბულებით.

    მუხლი 10

ადმინისტრაციის (დეპარტამენტის) ამოცანებია:

ა) ბიუროს უფროსისათვის ორგანიზაციულ-ტექნიკური სა­კითხების უზრუნველყოფა;

ბ) ბიუროს ურთიერთობების კოორდინაცია სხვადასხვა სა­ხელმწიფო დაწესებულებებთან, საჯარო და კერძო სამართ­ლის იურიდიულ პირებთან, საერთაშორისო ორგანიზაციებსა და სა­ქართველოში აკრედიტებულ დიპლომატიურ წარმომად­გენ­ლო­ბებთან;

გ) საერთაშორისო ორგანიზაციებსა და საერთაშორისო ექსპერტებთან თანამშრომლობა კომპეტენციის ფარგლებში;

დ) მასობრივი ინფორმაციის საშუალებებთან ურთიერთო­ბა, საზოგადოების ინფორმირება ბიუროს კომპეტენციას მი­კუ­თვ­ნებული საქმიანობის განხორციელების თაობაზე;

ე) ადამიანური რესურსების მართვის ოპტიმიზაციის მიზ­ნით რეკომენდაციების შემუშავება;

ვ) კანონმდებლობით დადგენილი წესის შესაბამისად ბიუ­როს თანამშრომელთა დანიშვნის, გათავისუფლების, წახალისე­ბისა და დისციპლინური პასუხისმგებლობის ღონისძიების გა­მო­ყენების, შვებულების, მივლინების შესახებ, ასევე სხვადა­სხვა სახის ბრძანებების პროექტების მომზადება;

ზ) ბიუროს თანამშრომელთა შრომითი ხელშეკრულებების მომზადება;

თ) ბიუროს თანამშრომელთა პროფესიულ მომზადებასა და გადამზადებასთან დაკავშირებული წინადადებების შემუშა­ვება (სტრუქტურული დანაყოფების/ტერიტორიული ორგანოების ხელმძღვანელების წინადადების საფუძველზე) და ორგანიზა­ციული საკითხების უზრუნველყოფა;

ი) კონკურსის/ატესტაციის ჩატარება და ორგანიზაციული საკითხების უზრუნველყოფა;

კ) ბიუროს საკადრო რეზერვის საინფორმაციო ბაზის შექმნა და რეზერვისტთა მიზნობრივი გამოყენება;

ლ) შინაგანაწესის შემუშავება და მისი შესრულების კონ­ტ­რო­ლის განხორციელება;

მ) ბიუროს თანამშრომელთა შრომის დისციპლინის კონ­ტ­როლი;

ნ) ბიუროში მომზადებული ბრძანებების რეგისტრაცია და რეესტრის წარმოება;

ო) საერთაშორისო სტანდარტების შესაბამისად საექსპერ­ტო ლაბორატორიების მართვის სისტემის დანერგვა (სტრუქ­ტურული დანაყოფების/ტერიტორიული ორგანოების ხელმძღვა­ნე­ლებთან ერთად);

პ) საექსპერტო საქმიანობის სფეროში დანერგილი თა­ნა­მედროვე კვლევითი მეთოდების შესწავლა და ბიუროში მათი დანერგვისათვის საჭირო რესურსების შექმნა;

ჟ) სხვა ქვეყნების საექსპერტო სამსახურებთან ურთიერ­თო­ბების დამყარება და დონორ ორგანიზაციებთან ურთიერ­თო­ბების კოორდინირება;

რ) ბიუროს მუშაობის ეფექტიანობის ამაღლების მიზნით საქმისწარმოების ერთიანი წესების დამკვიდრება;

ს) საქმისწარმოების საკითხების შესახებ ნორმატიული და მეთო­დური დოკუმენტების შემუშავება და დანერგვა;

ტ) ბიუროს ეკონომიკური, ფინანსური და სამეურნეო საქ­მიანობის კოორდინაცია და მართვა, ბიუროს ბიუჯეტის შემუ­შა­ვება;

უ) საფინანსო, სამეურნეო და საბუღალტრო საქმიანობის წარმართვა და ხარჯთა ნუსხის შედგენა, ბიუროს მატერია­ლურ-ტექნიკური უზრუნველყოფა;

ფ) სახელმწიფო შესყიდვების უზრუნველყოფა კანონ­მდებ­ლობით დადგენილი წესით;

ქ) ბიუროს უფლებებისა და ინტერესების დაცვა სასა­მა­რ­თ­­­ლო­სა და კერძო არბიტრაჟში;

ღ) ბიუროს კომპეტენციაში შემავალი საკითხების შესახებ სხვადა­სხვა სახელმწიფო დაწესებულების, აგრეთვე იურიდი­ული და ფიზიკური პირების განცხადებებისა და წერილების დადგენი­ლი წესით განხილვა და მათზე რეაგირება.

    მუხლი 11

შიდა აუდიტისა და ინსპექტირების დეპარტამენტის ამოცა­ნებია:

ა) შიდა აუდიტისა და ინსპექტირების განხორციელება კა­ნონმდებლობით დადგენილი წესით;

ბ) საქართველოს კანონმდებლობის მოთხოვნათა განუხ­რელი შესრულების კონტროლის განხორციელება;

გ) ბიუროში დისციპლინისა და კანონიერების დაცვის სამ­სახურებრივი კონტროლი;

დ) ბიუროს თანამშრომელთა სამსახურებრივი გა­დაც­დო­მის ფაქტებისა და სხვა მართლსაწინააღმდეგო ქმედე­ბა­თა გა­მოვლენა, აღნიშნულ ფაქტებთან დაკავშირებული განცხა­დე­ბე­ბისა და საჩივრების შესწავლა და შესაბამისი რეაგირება;

ე) ბიუროს თანამშრომელთა სამსახურებრივი გადაც­დო­მის ფაქტებზე სამსახურებრივი შემოწმების ჩატარება, შე­მოწმების შედეგების შესახებ დასკვნის შედგენა და ბიუროს უფროსი­სათვის წარდგენა;

ვ) ბიუროს თანამშრომელთა საქმიანობაში აღმოჩენილი ხარ­­ვეზებისა და მათი გამომწვევი მიზეზების აღმოფხვრის მიზ­ნით ბიუროს უფროსისათვის შესაბამისი რეკომენდაციების მი­წოდება;

ზ) შრომის დისციპლინის დარღვევის ფაქტების გამოვ­ლე­ნა, შემოწმება და ბიუროს უფროსისათვის დისციპლინური პა­სუხისმგებლობის თაობაზე წინადადებების წარდგენა;

თ) ბიუროს საფინანსო-სამეურნეო საქმიანობის შემოწმება, საბიუჯეტო და არასაბიუჯეტო სახსრების განაწილებისა და ხარჯვის კანონიერებისა და მიზანშეწონილობის კონტროლის განხორციელება.

    მუხლი 12

სამედიცინო ექსპერტიზის დეპარტამენტის ამოცანებია:

ა) სისხლის, სამოქალაქო ან ადმინისტრაციული სამართ­ლის საქმეზე სასამართლოს, პროკურორის, გამომძიებლის, საქ­მეში მონაწილე მხარის ან უფლებამოსილი პირის მიერ კანო­ნით დადგენილი წესით, აგრეთვე საქართველოს ან უცხო ქვეყ­ნის ფიზიკური და იურიდიული პირების, ადმინისტ­რა­ცი­ული ორგანოს მოთხოვნის საფუძველზე, საჭირო გარემოებების და­სადგენად და საკითხების გადასაწყვეტად სასამართლო სა­მედიცინო ექსპერტიზის ჩატარება და შესაბამისი დასკვნის, დასკვნის შედგენის შეუძლებლობის შესახებ აქტის ან სპეცია­ლისტის ცნობის გაცემა;

ბ) გამომძიებლის ან პროკურორის დადგენილების, მოსა­მართლის განჩინების/დადგენილების, ფიზიკურ და იურიდიულ პირებთან დადებული ხელშეკრულების საფუძველზე ექსპერ­ტი­ზების ჩატარება;

გ) სამეცნიერო და მეთოდური მუშაობა, გამოკვლევათა სრულ­­ყოფა და ახალი მეთოდების დანერგვა;

დ) თანამშრომელთა კვალიფიკაციის ამაღლება სამედი­ცინო ექსპერტიზის დარგში.

    მუხლი 13

ფსიქიატრიული ექსპერტიზის დეპარტამენტის ამოცანებია:

ა) სისხლის, სამოქალაქო ან ადმინისტრაციული სამართ­ლის საქმეზე სასამართლოს, პროკურორის, გამომძიებლის, საქმეში მონაწილე მხარის ან უფლებამოსილი პირის მიერ კა­ნო­ნით დადგენილი წესით, აგრეთვე საქართველოს ან უცხო ქვეყნის ფიზიკური და იურიდიული პირების, ადმინისტ­რა­ცი­ული ორგანოს მოთხოვნის საფუძველზე, საჭირო გარემოე­ბების დასადგენად და საკითხების გადასაწყვეტად სასამართ­ლო-ფსიქიატრიული, სასამართლო-ფსიქოლოგიური და კომპ­ლექ­სუ­რი (სასამართლო-ფსიქიატრიულ-ფსიქოლოგიური) ექს­პერ­ტი­ზე­ბის ჩატარება და შესაბამისი დასკვნის, დასკვნის შედგენის შეუძლებლობის შესახებ აქტის ან სპეციალისტის ცნო­ბის გა­ცემა;

ბ) გამომძიებლის ან პროკურორის დადგენილების, მოსა­მართლის განჩინების/დადგენილების, ფიზიკურ და იურიდიულ პირებთან დადებული ხელშეკრულების საფუძველზე ექსპერტი­ზების ჩატარება;

გ) სამეცნიერო და მეთოდური მუშაობა, გამოკვლევათა სრულყოფა და ახალი მეთოდების დანერგვა;

დ) თანამშრომელთა კვალიფიკაციის ამაღლება სასამართ­ლო-ფსიქიატრიული და სასამართლო-ფსიქოლოგიური ექსპერ­ტი­ზების დარგში.

    მუხლი 14

ქიმიურ-ნარკოლოგიური ექსპერტიზის დეპარტამენტის ამო­ცანებია:

ა) სისხლის, სამოქალაქო ან ადმინისტრაციული სამართ­ლის საქმეზე სასამართლოს, პროკურორის, გამომძიებლის, საქმეში მონაწილე მხარის ან უფლებამოსილი პირის მიერ კა­ნონით დადგენილი წესით, აგრეთვე საქართველოს ან უცხო ქვეყნის ფიზიკური და იურიდიული პირების, ადმინისტ­რა­ცი­ული ორგანოს მოთხოვნის საფუძველზე, მოქმედი კანონ­მდებ­ლობისა და სამედიცინო სტანდარტების ფარგლებში, საჭი­რო გარემოებების დასადგენად და საკითხების გადასა­წყვეტად ქი­მიური და ნარკოლოგიური ექსპერტიზების ჩატარე­ბა და შე­სა­ბამისი დასკვნის, დასკვნის შედგენის შეუძლებლო­ბის შესა­ხებ აქტის ან სპეციალისტის ცნობის გაცემა;

ბ) გამომძიებლის ან პროკურორის დადგენილების, მოსა­მართ­ლის განჩინების/დადგენილების, ფიზიკურ და იურიდიულ პირებთან დადებული ხელშეკრულების საფუძველზე ექსპერტი­ზების ჩატარება;

გ) სამეცნიერო და მეთოდური მუშაობა, გამოკვლევათა სრულ­ყოფა და ახალი მეთოდების დანერგვა;

დ) თანამშრომელთა კვალიფიკაციის ამაღლება ქიმიური და ნარკოლოგიური ექსპერტიზების დარგში.

    მუხლი 15

ბიოლოგიური ექსპერტიზის დეპარტამენტის ამოცანებია:

ა) სისხლის, სამოქალაქო ან ადმინისტრაციული სამართ­ლის საქმეზე სასა­მართლოს, პროკურორის, გამომძიებლის, საქ­მეში მონაწილე მხარის ან უფლებამოსილი პირის მიერ კა­ნო­ნით დადგენილი წესით, აგრეთვე საქართველოს ან უცხო ქვეყ­ნის ფიზიკური და იურიდიული პირის, ადმინისტრაციული ორ­განოს მოთხოვნის საფუძველზე, სასამართლო ბიოლოგიის და­რგში საჭი­რო გარემოებების დასადგენად და სა­კითხების გადასაწყვეტად სპეციალური გამოკვლევების, სასა­მარ­თლო ბი­ო­ლო­გიური (გე­ნეტიკური, სეროლოგიური და სხვ.) ექსპერტი­ზების ჩატარება და შესაბამისი დასკვნის, დასკვნის შედგენის შეუძლებლობის შესახებ აქტის ან სპეციალისტის ცნობის გა­ცემა;

ბ) გამომძიებლის ან პროკურორის დადგენილების, მოსა­მართლის განჩინების/დადგენილების, ფიზიკურ და იურიდიულ პირებთან დადებული ხელშეკრულების საფუძველზე ექსპერტი­ზების ჩატარება;

გ) სამეცნიერო და მეთოდური მუშაობა, გამოკვლევათა სრულ­ყოფა და ახალი მეთოდების დანერგვა;

დ) თანამშრომელთა კვალიფიკაციის ამაღლება ბიოლო­გიური ექსპერტიზის დარგში.

    მუხლი 16

სასაქონლო და ფინანსური ექსპერტიზის დეპარტამენტის ამოცანებია:

ა) სისხლის, სამოქალაქო ან ადმინისტრაციული სამართ­ლის საქმეზე სასამართლოს, პროკურორის, გამომძიებლის, სა­ქ­მეში მონაწილე მხარის ან უფლებამოსილი პირის მიერ კანო­ნით დადგენილი წესით, აგრეთვე საქართველოს ან უცხო ქვეყ­ნის ფიზიკური და იურიდიული პირების, ადმინისტრაციული ორგანოს მოთხოვნის საფუძველზე, საჭირო გარემოებების და­სადგენად და საკითხების გადასაწყვეტად სასაქონლო და ფი­ნანსური ექსპერტიზების ჩატარება და შესაბამისი დასკვნის, და­სკვნის შედგენის შეუძლებლობის შესახებ აქტის ან სპე­ცი­ალისტის ცნობის გაცემა;

ბ) გამომძიებლის ან პროკურორის დადგენილების, მოსა­მართლის განჩინების/დადგენილების, ფიზიკურ და იურიდიულ პირებთან დადებული ხელშეკრულების საფუძველზე ექსპერტი­ზე­ბის ჩატარება;

გ) სამეცნიერო და მეთოდური მუშაობა, გამოკვლევათა სრულყოფა და ახალი მეთოდების დანერგვა;

დ) თანამშრომელთა კვალიფიკაციის ამაღლება სასა­ქონ­ლო და ფინანსური ექსპერტიზების დარგში.

    მუხლი 17

საინჟინრო ექსპერტიზის დეპარტამენტის ამოცანებია:

ა) სისხლის, სამოქალაქო ან ადმინისტრაციული სამართ­ლის საქმეზე სასამართლოს, პროკურორის, გამომძიებლის, საქ­მეში მონაწილე მხარის ან უფლებამოსილი პირის მიერ კანო­ნით დადგენილი წესით, აგრეთვე საქართველოს ან უცხო ქვეყ­ნის ფიზიკური და იურიდიული პირების, ადმინისტრაციული ორგანოს მოთხოვნის საფუძველზე, საჭირო გარემოებების და­სადგენად და საკითხების გადასაწყვეტად საინჟინრო ექს­პერტიზის ჩატარება და შესაბამისი დასკვნის, დასკვნის შედ­გენის შეუძლებლობის შესახებ აქტის ან სპეციალისტის ცნო­ბის გაცემა;

ბ) გამომძიებლის ან პროკურორის დადგენილების, მოსა­მართლის განჩინების/დადგენილების, ფიზიკურ და იურიდიულ პირებთან დადებული ხელშეკრულების საფუძველზე ექსპერტი­ზების ჩატარება;

გ) სამეცნიერო და მეთოდური მუშაობა, გამოკვლევათა სრულყოფა და ახალი მეთოდების დანერგვა;

დ) თანამშრომელთა კვალიფიკაციის ამაღლება საინჟინრო ექს­პერტიზის დარგში.

    მუხლი 18

კრიმინალისტიკური ექსპერტიზის დეპარტამენტის ამოცა­ნებია:

ა) სისხლის, სამოქალაქო ან ადმინისტრაციული სამართ­ლის საქმეზე სასამართლოს, პროკურორის, გამომძიებლის, საქმეში მონაწილე მხარის ან უფლებამოსილი პირის მიერ კანონით დადგენილი წესით, აგრეთვე საქართველოს ან უცხო ქვეყნის ფიზიკური და იურიდიული პირების, ადმინისტრა­ცი­ული ორგანოს მოთხოვნის საფუძველზე, საჭირო გარემოებების დასადგენად და საკითხების გადასაწყვეტად კრიმინალისტი­კური ექსპერტიზის ჩატარება და შესაბამისი დასკვნის, და­სკვნის შედგენის შეუძლებლობის შესახებ აქტის ან სპეცია­ლისტის ცნობის გაცემა;

ბ) გამომძიებლის ან პროკურორის დადგენილების, მოსა­მართლის განჩინების/დადგენილების, ფიზიკურ და იურიდიულ პირებთან დადებული ხელშეკრულების საფუძველზე ექსპერტი­ზების ჩატარება;

გ) სამეცნიერო და მეთოდური მუშაობა, გამოკვლევათა სრულყოფა და ახალი მეთოდების დანერგვა;

დ) თანამშრომელთა კვალიფიკაციის ამაღლება კრიმინა­ლის­ტიკური ექსპერტიზის დარგში.

    მუხლი 19

საინფორმაციო ტექნოლოგიებისა და კომპიუტერული ექს­პერ­ტიზის დეპარტამენტის ამოცანებია:

ა) ბიუროს საქმიანობაში თანამედროვე საკომუნიკაციო და საინფორმაციო ტექნოლოგიების დანერგვა, ინფორმაციული ტექ­­ნო­ლოგიებისა და კომუნიკაციების საშუალებით ბიუროს გა­მართული ფუნქციონირების ხელშეწყობა;

ბ) ბიუროს სტრუქტურული დანაყოფებისა და ტერიტო­რიული ორგანოების საქმიანობის კოორდინაცია და კონტროლი საინფორმაციო-საკომუნიკაციო ტექნოლოგიების დარგში;

გ) ბიუროს კომპიუტერული და ტელესაკომუნიკაციო ქსე­ლე­ბის ფორმირება-სრულყოფა;

დ) ბიუროში ლოკალური კომპიუტერული ქსელის ფუნქ­ცი­ონირების ხელშეწყობა და ბიუროს ინტერნეტკავშირით უზ­­რუნ­ველყოფა;

ე) სისხლის, სამოქალაქო ან ადმინისტრაციული სამართ­ლის საქმეზე სასამართლოს, პროკურორის, გამომძიებლის, საქ­მეში მონაწილე მხარის ან უფლებამოსილი პირის მიერ კანო­ნით დადგენილი წესით, აგრეთვე საქართველოს ან უცხო ქვეყნის ფიზიკური და იურიდიული პირების, ადმინისტრა­ციუ­ლი ორგანოს მოთხოვნის საფუძველზე, საჭირო გარემოე­ბების დასადგენად და საკითხების გადასაწყვეტად კომპიუტე­რული ექსპერტიზების ჩატარება და შესაბამისი დასკვნის, დასკვნის შედგენის შეუძლებლობის შესახებ აქტის ან სპეცია­ლისტის ცნობის გაცემა;

ვ) გამომძიებლის ან პროკურორის დადგენილების, მოსა­მართლის განჩინების/დადგენილების, ფიზიკურ და იურიდიულ პირებთან დადებული ხელშეკრულების საფუძველზე ექსპერტი­ზების ჩატარება;

ზ) სამეცნიერო და მეთოდური მუშაობა, გამოკვლევათა სრულყოფა და ახალი მეთოდების დანერგვა;

თ) თანამშრომელთა კვალიფიკაციის ამაღლება კომპიუტე­რუ­ლი ექსპერტიზისა და კომპიუტერული ტექნოლოგიების და­რ­გ­ში.

    მუხლი 20

დასავლეთ საქართველოს რეგიონული ექსპერტიზის დე­პარ­ტამენტის ამოცანებია:

ა) სისხლის, სამოქალაქო ან ადმინისტრაციული სამართ­ლის საქმეზე სასამართლოს, პროკურორის, გამომძიებლის, საქმეში მონაწილე მხარის ან უფლებამოსილი პირის მიერ კანონით დადგენილი წესით, აგრეთვე საქართველოს ან უცხო ქვეყნის ფიზიკური და იურიდიული პირების, ადმინისტრა­ცი­ული ორგანოს მოთხოვნის საფუძველზე, საჭირო გარემოებების დასადგენად და საკითხების გადასაწყვეტად ნარკოლოგიური, ამ­ბულატორიული სასამართლო-ფსიქიატრიული, სამედიცინო, ჰის­ტოლოგიური, საინჟინრო, სასაქონლო და ფინანსური ექს­პერტიზების ჩატარება და შესაბამისი დასკვნის, დასკვნის შედ­გენის შეუძლებლობის შესახებ აქტის ან სპეციალისტის ცნო­ბის გაცემა;

ბ) გამომძიებლის ან პროკურორის დადგენილების, მოსა­მართლის განჩინების/დადგენილების, ფიზიკურ და იურიდიულ პირებთან დადებული ხელშეკრულების საფუძველზე ექსპერტი­ზების ჩატარება;

გ) სამეცნიერო და მეთოდური მუშაობა, გამოკვლევათა სრულყოფა და ახალი მეთოდების დანერგვა;

დ) თანამშრომელთა კვალიფიკაციის ამაღლება ნარკოლო­გიური, სამედიცინო, ჰისტოლოგიური, საინჟინრო, სასაქონლო, ფინანსური და ამბულატორიული სასამართლო-ფსიქიატრიული ექსპერტიზების დარგში.

    მუხლი 21

აჭარის რეგიონული ექსპერტიზის დეპარტამენტის ამო­ცა­ნებია:

ა) სისხლის, სამოქალაქო ან ადმინისტრაციული სამართ­ლის საქმეზე სასამართლოს, პროკურორის, გამომძიებლის, საქმეში მონაწილე მხარის ან უფლებამოსილი პირის მიერ კანონით დადგენილი წესით, აგრეთვე საქართველოს ან უცხო ქვეყნის ფიზიკური და იურიდიული პირების, ადმინისტრა­ცი­ული ორგანოს მოთხოვნის საფუძველზე, საჭირო გარემოებების დასადგენად და საკითხების გადასაწყვეტად ნარკოლოგიური, სამედიცინო, ჰისტოლოგიური, ამბულატორიული სასამართლო-ფსიქიატრიული, საინჟინრო, სასაქონლო და ფინანსური ექს­პერტიზების ჩატარება და შესაბამისი დასკვნის, დასკვნის შე­დგენის შეუძლებლობის შესახებ აქტის ან სპეციალისტის ცნო­ბის გაცემა;

ბ) გამომძიებლის ან პროკურორის დადგენილების, მოსა­მართლის განჩინების/დადგენილების, ფიზიკურ და იურიდიულ პირებთან დადებული ხელშეკრულების საფუძველზე ექსპერტი­ზების ჩატარება;

გ) სამეცნიერო და მეთოდური მუშაობა, გამოკვლევათა სრულყოფა და ახალი მეთოდების დანერგვა;

დ) თანამშრომელთა კვალიფიკაციის ამაღლება ნარკოლო­გიური, სამედიცინო, ჰისტოლოგიური, ამბულატორიული სასა­მართლო-ფსიქიატრიული, საინჟინრო, სასაქონლო და ფინან­სუ­რი ექსპერტიზების დარგში.

    მუხლი 22

1. ბიუროს სტრუქტურულ დანაყოფსა და ტერიტორიულ ორგანოს ხელმძღვანელობს უფროსი, რომელსაც თანამდებო­ბაზე ნიშნავს და თანამდებობიდან ათავისუფ­ლებს ბიუროს უფროსი.

2. ბიუროს სტრუქტურული დანაყოფის/ტერიტორიული ორ­განოს უფროსი:

ა) ანაწილებს მოვალეობებს მისდამი დაქვემდებარებული დანაყოფის თანამშრომლებს შორის და აძლევს მათ მითი­თებებს;

ბ) თვალყურს ადევნებს მისდამი დაქვემდებარებული თა­ნამ­შრომლების მიერ სამსახურებრივ მოვალეობათა შესრუ­ლე­ბას;

გ) ხელს აწერს ან ვიზას ადებს სტრუქტურულ დანაყოფ­ში/ტერიტორიულ ორგანოში მომზადებულ დოკუმენტებს (გარ­და სტრუქტურულ დანაყოფში გასაგზავნად მომზადებული სა­ექსპერტო დასკვნის მიმართვისა (მიმოწერის ბლანკი);

დ) ანგარიშვალდებულია ბიუროს სტრუქტურული დანაყო­ფის/ტერიტორიული ორგანოს მუშაობისათვის;

ე) წარმოადგენს ბიუროს სტრუქტურულ დანაყოფს/ტე­რი­ტორიულ ორგანოს თავისი მოვალეობის შესრულებისას;

ვ) მონაწილეობს ექსპერტიზის ჩატარებაში;

ზ) ბიუროს უფროსს წარუდგენს წინადადებებს ბიუროს სტრუქტურული დანაყოფის/ტერიტორიული ორგანოს სტრუქ­ტურის, შტატების, მუშაობის ორგანიზების, თანამშრომლების წახალისების ან მათთვის დისციპლინური პასუხისმგებლობის დაკისრების შესახებ;

თ) შუამდგომლობს იმ სახსრების გამოყოფის თაობაზე, რომ­ლებიც საჭიროა ბიუროს სტრუქტურული დანაყოფის/ტე­რი­ტორიული ორგანოს ამოცანათა შესასრულებლად;

ი) შუამდგომლობს ბიუროს სტრუქტურუ­ლი დანაყო­ფის/­ტე­­რიტორი­უ­ლი ორგანოს მოსამსახურეთა კვალიფიკაციის ამაღ­­ლების შესახებ;

კ) კანონმდებლობის შესაბამისად ასრულებს ამ დებულე­ბით, სტრუქტურული დანაყოფის/ტერიტორიული ორგანოს დე­ბუ­ლე­ბით, ბიუროს უფროსის მიერ განსაზღვრულ ამოცანებს.

    მუხლი 23

1. ბიუროს საშტატო შემადგენლობაში არიან:

ა) დეპარტამენტის უფროსები;

ბ) დეპარტამენტის უფროსის მოადგილეები;

გ) სამმართველოს/განყოფილების უფროსები;

დ) ბიუროს უფროსის, ბიუროს უფროსის პირველი მო­ად­გი­ლის/მოადგილეების თანაშემწეები;

ე) ბიუროს უფროსის რეფერენტი;

ვ) ბიუროს ექსპერტები, მთავარი სპეციალისტები, მთავარი ბუღალტერი, იურისტები, სპეციალისტები, პროგრამისტები, ინ­ფორ­მაციული ტექნოლოგიების ადმინისტრატორები;

ზ) ბიუროს ფსიქოლოგები, ლაბორანტები, უფროსი მედ­დები, სანიტრები.

2. ბიუროს უფროსის, პირველი მოადგილის/მოადგილეების თანაშემწეები და ბიუროს უფროსის რეფერენტი ინიშნებიან ბი­უროს უფროსის, პირველი მოადგილისა და მოადგილეების უფ­ლე­ბამოსილების ვადით.

3. ბიუროს თანამშრომლების მოვალეობანი და ქვემდე­ბა­რეობის საკითხი განისაზღვრება ბიუროს სტრუქტურული დანა­ყოფის/ტერიტორიული ორგანოს დებულებით.

 

თავი V

ბიუროს დაფინანსება

    მუხლი 24

1. ბიუროს დაფინანსების წყაროებია:

ა) სახელმწიფო ბიუჯეტიდან გამოყოფილი მიზნობრივი სახ­სრები;

ბ) სახელმწიფო შეკვეთის შესრულებიდან მიღებული შე­მო­სავლები;

გ) ხელშეკრულების საფუძველზე გაწეული მომსახურე­ბი­დან მიღებული შემოსავლები;

დ) გრანტები;

ე) საქართველოს კანონმდებლობით ნებადართული სხვა შე­მოსავლები.

2. ამ მუხლის პირველი პუნქტით გათვალისწინებული სა­ხს­­რები და შემოსავლები მთლიანად ხმარდება ბიუროს მიზ­ნე­ბისა და ფუნქციების განხორციელებას და მათი სხვა მიზ­ნით გამოყენება აკრძალულია.

    მუხლი 25

1. ბიუროს ქონება შედგება ბიუროსათვის უსასყიდლოდ გა­და­ცემული სახელმწიფო ქონებისა და ბიუროს მიერ შე­ძე­ნი­ლი (მათ შორის, უშუალოდ ბიუროსათვის სხვადასხვა სა­ერთა­შორისო ორგანიზაციების, კერძო პირებისა და სხვათა მი­ერ) სხვა ქონებისაგან.

2. ბიუროს მიერ ქონების შეძენა და გასხვისება ხორ­ცი­ელ­დება საქართველოს კანონმდებლობით დადგენილი წესით.

თავი VI

ბიუროს რეორგანიზაცია და ლიკვიდაცია

    მუხლი 26

1. ბიუროს რეორგანიზაცია და ლიკვიდაცია ხორციელ­დე­ბა მოქმედი კანონმდებლობის შესაბამისად.

2. ბიუროს ლიკვიდაციას ახორციელებენ ლიკვიდატორები, რომლებსაც ნიშნავს საქართველოს მთავრობა. ლიკვიდატორი შეიძლება იყოს ბიუროს უფროსიც.

3. ლიკვიდატორები თავიანთ საქმიანობას ახორციელებენ საქართველოს კანონმდებლობის შესაბამისად და მათი საქმია­ნობა შეზღუდულია ლიკვიდაციის მიზნით.

4. ბიუროს ლიკვიდაციის შედეგად დარჩენილი ქონება გა­დადის სახელმწიფო საკუთრებაში.